YEREMIA

1 Aya e mashiwi ya kwa Yeremia* umwana wa kwa Hilkia, umo pali bashimapepo ba mu Anatote+ mu calo ca kwa Benjamini. 2 Yehova alandile nankwe mu nshiku Yoshia+ umwana wa kwa Amone,+ imfumu ya mu Yuda aleteka, mu mwaka walenga 13 ukutula apo atendekeele ukuteka. 3 Alitwalilile ukulanda nankwe na mu nshiku Yehoyakimu+ umwana wa kwa Yoshia imfumu ya mu Yuda aleteka, mpaka na ku mpela ya mwaka uwalenga 11 ukutula apo Sidekia+ umwana wa kwa Yoshia imfumu ya mu Yuda atendekeele ukuteka, ukufika ilyo Yerusalemu bamusendele ku calo cimbi ku kuyaba nkole mu mweshi walenga 5.+

4 Yehova anjebele ati:

Nalengele ube kasesema ku nko.”

 6 Lelo nalandile nati: “Iye mwe Shikulu Mulopwe Yehova!

Nshaishiba ukulanda+ pantu ndi mulumendo fye.”*+

 7 Lyena Yehova anjebele ati:

“Wilanda ati, ‘Ndi mulumendo fye.’

9 Lyena Yehova alifungulwile ukuboko kwakwe no kunjikata pa kanwa.+ Kabili Yehova anjebele ati: “Nabika amashiwi yandi mu kanwa kobe.+ 10 Mona, buno bushiku nakupeela amaka pa nko na pa mabufumu, nakupeela amaka ya kunukula na ya kubongolola, aya konaula na ya kutobaula, aya kukuula na ya kulimba.”+

11 Kabili Yehova anjipwishe ati: “Cinshi ulemona, Yeremia?” E ico namwebele nati: “Ndemona umusambo wa cimuti ca mualmonde.”*

12 Yehova anjebele ati: “Walungika, pantu ndelola pa kuti mfikilishe ifyo nalandile.”

13 Lyena Yehova alinjipwishe pa muku walenga bubili ati: “Cinshi ulemona?” E ico namwebele ati: “Ndemona impoto* ili pa mulilo* kabili akanwa ka iko nakafuma ku kapinda ka ku kuso, kasendamine ku kapinda ka ku kulyo.” 14 Lyena Yehova anjebele ati:

2 Yehova anjebele ati: 2 “Kabiye kebe Yerusalemu auti, ‘Yehova alanda ati:

 3 Yehova alemona Israele ukuti wa mushilo,+ kabili ali e fisabo ifyo abalilepo ukusombola.”’

‘Bonse abalemonaula baleba no mulandu.

Ubucushi bwaleisa pali bena,’ e fyo Yehova alanda.”+

 5 Yehova alanda ati:

 8 Bashimapepo tabaipwishe abati, ‘Ali kwi Yehova?’+

10 “‘Lelo abukileni ku lulamba* umwikala abena Kitimu+ kabili muyemona.

11 Bushe kwalibako uluko ulwasha tulesa lupepa no kutendeka ukupepa tulesa uto lumona ukuti twa fye?

Lelo abantu bandi bena balisha ubukata bwandi baya mu kupepa tulesa utushingabaafwa.+

14 “‘Bushe Israele mubomfi nelyo musha uwafyalilwa mu ng’anda?

Inga cinshi bamupokela ifintu?

Nashilenga icalo cakwe caba ica kutiinya.

Imisumba yakwe nabayoca, pa kuti mwi-ikala umuntu nangu umo.

16 Abena Nofu*+ na bena Tafne+ balelya icilongwe* ku mutwe obe.

Lelo walandile ati: “Nshakamubombele,

23 Kuti walanda shani auti, ‘Nshaikowesha.

Nshipepa baBaali’?

Lolesha inshila yobe iya mu mupokapoka.

Tontonkanya pa fyo wacita.

Nani engaikanya nga ilefwaya ukuba pamo ne ilume?

Ishilume tashakacule pa kuisanga.

Shikaisanga mu nshita ya iko.*

Lelo walandile ati, ‘Te kuti njaluke!+

27 Beba icimuti abati, ‘Niwe tata,’+

Ne libwe balyeba abati, ‘Niwe wamfyele.’

Lelo ine balimfutatila, tabandolesha.+

28 “Nomba balesa abo waipangila bali kwi?+

29 “‘Cinshi mundwishisha?

Cinshi calenga imwe bonse mumpondokele?’+ e fyo Yehova alanda.

30 Nalikanda abana benu, lelo tapali ifyo bacitapo.+

31 Mwe bantu bandi, tontonkanyeni pa mashiwi ya kwa Yehova.

Cinshi aba abantu bandi balelandila abati, ‘Tuyendela fye.

Tatwakese kuli imwe na kabili’?+

Lelo abantu bandi bena balindaba pa nshiku ishishingapendwa.+

33 “Walishiba bwino ifyo ucita we mwanakashi pa kuti bakutemwe!

Wali-isambilisha ifyabipa.+

35 “Lelo mulanda amuti, ‘Ndi wa kaele.

Nangu cibe shani ubukali bwakwe bwalifuma pali ine.’

36 Cinshi umwena ukuti kantu akanono ifi waleka ukuba ne cishinka?

3 Abantu bepusha abati: “Nga ca kuti umulume atamfya umukashi wakwe, e lyo lilya amusha, ayaupwa ku mwaume umbi, bushe ulya mwaume kuti abwelela kuli ulya mwanakashi na kabili?”

Bushe cilya calo tabacikowesha?+

 2 “Inuna amenso uloleshe utupili apashamena nangu fimo.

Ni pesa apo bashaulunganinapo na iwe?

6 Mu nshiku sha mfumu Yoshia,+ Yehova anjebele ati: “Bushe walimona ifyo Israele uushaba na cishinka acita? Alacita bucilende+ pa mpili shonse ishitali na mwi samba lya cimuti conse icalelema. 7 Nangu ca kuti alecita ifi fyonse, lyonse nalemweba ukuti abwelele kuli ine,+ lelo tabwelele kuli ine; kabili Yuda alemona ifyo nkashi inankwe uwa bucenjeshi alecita.+ 8 Ilyo namwene ifi, nalitamfishe Israele uushali ne cishinka kuli ine, nalimupeele icipepala ca kupwishishapo icupo,+ pa mulandu wa kuti alecita ubucende.+ Lelo nkashi inankwe Yuda uwa bucenjeshi tatiinine, na o aile mu kucita bucilende.+ 9 Alemona filya alecita bucilende ukuti mulandu uunono, kabili atwalilile ukukowesha icalo no kucita ubucende na mabwe ne fimuti.+ 10 Nangu cali ifi, Yuda nkashi inankwe uwa bucenjeshi tabwelele kuli ine no mutima wakwe onse, lelo alebepekesha fye ukuti nabwelela kuli ine,’ e fyo Yehova alanda.”

11 Lyena Yehova anjebele ati: “Israele uushaba ne cishinka nailanga* ukuti alilungama ukucila Yuda uwa bucenjeshi.+ 12 Kabiye, kabilishe aya mashiwi ku kapinda ka ku kuso+ auti:

“‘“Bwela we Israele, we wampondokela,” e fyo Yehova alanda.’+ ‘“Nshakakuloleshe bukali bukali,*+ pantu ndi wa cishinka,” e fyo Yehova alanda.’ ‘“Nshakatwalilile ukukufulilwa. 13 Lelo sumina fye icilubo cobe, pantu walipondokela Yehova Lesa obe. Walitwalilila ukusalanganya icikuuku cobe* ku bantu bambi bambi* mwi samba lya fimuti fyonse ifyalelema, nomba tawaleumfwa ifyo nalekweba,” e fyo Yehova alanda.’”

14 “Bweleni imwe mwe bana abampondokela,” e fyo Yehova alanda. “Pantu nine fye shikulu* wenu; kabili nkamusenda, umo nkamufumya mu musumba e lyo babili mu lupwa, nkamuleta ku Sione.+ 15 Kabili nkamupeela bakacema abakalacita ifyo umutima wandi ufwaya.+ Bakalenga mukabe na mano kabili mukaleiluka. 16 Muli shilya nshiku mukafula kabili mukatwala ifisabo mu calo,” e fyo Yehova alanda.+ “Tabakalande na kabili abati, ‘Icipao ca cipangano ica kwa Yehova!’ Tacakese mu mutima, tabakacibukishe nelyo ukucifuluka, kabili tabakacipange na kabili. 17 Pali ilya nshita baketa Yerusalemu ati, icipuna ca bufumu ica kwa Yehova;+ kabili inko shonse shikalongana pamo mu Yerusalemu+ pa kuti shikacindike ishina lya kwa Yehova, kabili bakaleka ukukonka imitima yabo iishumfwa kabili iyabipa.”

18 “Muli shilya nshiku aba mu ng’anda ya kwa Yuda na ba mu ng’anda ya kwa Israele+ bakendela pamo, bakafumina pamo mu calo ca ku kapinda ka ku kuso no kuyaingila mu calo ico napeele ifikolwe fyenu pa kuti cibe ubupyani bwa fiko.+ 19 Kabili natontonkenye nati, ‘Namubikile pa bana abaume kabili namupeele icalo icisuma, ubupyani ubwawamisha mu nko!’*+ Natontonkenye no kuti mwakulanjita ati, ‘Tata!’ kabili tamwakaleke ukunkonka. 20 ‘Nga filya fine umwanakashi wa bucenjeshi asha umulume wakwe,* e fyo na imwe mwe ba mu ng’anda ya kwa Israele mwansha pa mulandu wa bucenjeshi bwenu,’+ e fyo Yehova alanda.”

22 “Bweleni mwe bana abampondokela.

Nkondapa bucipondoka bwenu.”+

23 Twaleicusha fye filya twalepanga icongo pa tupili na pa mpili.+

Ca cine Yehova Lesa wesu e upususha Israele.+

3 Pantu Yehova aeba abaYuda na bekala mu Yerusalemu ati:

 5 Bilisheni ici mu Yuda na mu Yerusalemu.

Sansuleni amashiwi yenu pa kubilisha kabili lisheni intandala mu calo conse.+

 6 Imyeni icishibilo ica kulangilila inshila ya ku Sione.

Kabiyeni umwa kuuba, mwi-iminina fye ukwabula ukucitapo nangu cimo,”

Pantu ndeleta ubucushi ubukalamba ukufuma ku kapinda ka ku kuso,+ ubonaushi ubukalamba.

Afuma mu cifulo umo ekala pa kuti onaule icalo cobe ica kuti abantu nga bacimona bakulapapa.

Imisumba yobe ikaba ifitantaala, takuli umuntu nangu umo uukalaikalamo.+

10 Lyena nalandile nati: “Iye mwe Shikulu Mulopwe Yehova! Namubepa aba bantu+ na bekala mu Yerusalemu, mwalandile ati, ‘Mukekala umutende,’+ e lyo ninshi ulupanga luli pa mikoshi yesu.”*

11 Pali ilya nshita aba bantu na bekala mu Yerusalemu bakabeba abati:

12 Nkeba umwela uwa maka ukafume kuli ifi ififulo.

Nomba nkabapingula.

Bakabalwe bakwe balabutukisha ukucila bakapumpe.+

We bulanda kuli ifwe pantu nabatonaula!

14 Samba umutima obe we Yerusalemu, pa kuti mufume ifyabipa, pantu e lyo walapusuka.+

Ni lilali ukaleka ukutontonkanya pa fyabipa?

18 “Bakakukandila pa mibele yobe na pa fyo ucita.+

19 Naumfwa ububi,* naumfwa ububi!

Umutima wandi ulekalipa nga nshi.*

Umutima wandi ulekulunkunta.

Bana abatumpa kabili abashiiluka.

23 Naloleshe icalo, kabili moneni! tamwali nangu cimo kabili baliconawile.+

Naloleshe na mu muulu, lelo tamwali ulubuuto na kabili.+

30 Nomba apo nabasampa ifintu fyobe fyonse, cinshi walacita?

Natambalika amaboko yakwe kabili alelanda+ ati:

“We bulanda kuli ine, pantu ninaka* pa mulandu wa bepaya!”

5 Pitaneni mu misebo ya mu Yerusalemu.

Muloleshe bwino bwino.

 2 Nangu balanda abati: “Na pali Yehova!”

Ninshi balapa fye ubufi.+

 3 Mwe Yehova, bushe amenso yenu tayalolesha pa baba ne cishinka?+

Mwalibakandile, lelo taba-alwike.*

Mwalibonawile, lelo balikeene ukumfwa ilyo mwabasalapwile.+

 4 Lelo nalandile mu mutima wandi nati: “Kwena aba bantu bafwile ba panshi.

Onse uwafuma mu musumba ilamusantaula.

 7 Kuti nakweleela shani?

 9 “Bushe nshifwile ukubalubulwisha pali ifi bacita?” e fyo Yehova alanda.

“Bushe nshifwile ukulandula ulu luko?”*+

Ifi nafibacitikile!”

14 E ico Yehova Lesa wa mabumba, alanda ati:

15 “Ndemuletela uluko ulwaba ukutali, mwe ba mu ng’anda ya kwa Israele,”+ e fyo Yehova alanda.

“Uluko ulwabako ukutula na kale.

17 Bakalya ifyo mukasombola e lyo no mukate wenu.+

Bakepaya abana benu abaume na bana benu abanakashi.

Bakepaya impaanga shenu ne ng’ombe shenu.

Bakonaula ifimuti fyenu ifya myangashi ne fimuti fyenu ifya mikunyu.

Bakabomfya ifyanso pa konaula imisumba yenu iya malinga iyo mwacetekelamo.”

18 Yehova alanda ati, “Lelo na muli shilya shine nshiku, nshakamonaule bonse.+ 19 Kabili nga bamwipusha abati, ‘Cinshi Yehova Lesa wesu acitila ifi fyonse kuli ifwe?’ mufwile ukubasuka amuti, ‘Nga filya fine mwanshile, mwatendeka ukupepa lesa wa ku calo cimbi mu calo cenu, e fyo mukaya mu kubombela aba ku fyalo fimbi mu calo icishili cenu.’”+

21 “Umfweni ifi mwe bawelewele kabili abashakwata amano:*+

24 Kabili tabalanda mu mitima yabo abati:

26 “Pantu pa bantu bandi pali abacita ifyabipa.

Kabili balabelamina abantu, filya abekata ifyuni bafibelamina.

Balateya iciteyo icipaya.

Abantu e bo bekata.

E co bakwatila sana amaka ne fyuma.

29 “Bushe nshifwile ukubalubulwisha pali ifi bacita?” e fyo Yehova alanda.

“Bushe nshifwile ukulandula ulu luko?*

30 Icintu cabipa kabili ica kupapusha nacicitika mu calo:

Kabili abantu bandi balitemwa ifyo bacita.+

Lelo finshi mukacita impela nga yaisa?”

6 Fulumukeni mu Yerusalemu mwe bana ba kwa Benjamini, muye ku cifulo uko mwingacingililwa.

Pantu ubucushi buleisa nomba line. Bulefuma ku kapinda ka ku kuso, ubonaushi ubukalamba.+

 2 Umwana mwanakashi Sione aba ngo mwanakashi uumoneka bwino uo batumpika.+

 3 Bakacema bakesa ne mpaanga shabo.

 4 “Natuipekanye* tuyelwa nankwe inkondo!

Natwime, tuyemusansa ninshi akasuba kali pa kati!”

 6 Pantu Yehova wa mabumba alanda ati:

“Temeni ifimuti kabili tuulikeni iloba ukushinguluka Yerusalemu.+

 9 Yehova wa mabumba alanda ati:

“Abena Israele abashalapo bakabalonganika nga filya balonganika imyangashi iya kulekelesha.

Pisha ukuboko na kabili ngo muntu ulesaba imyangashi.”

10 “Ni bani mfwile ukulanda nabo kabili abo mfwile ukusoka?

Ni bani abakomfwa?

Moneni! Amatwi yabo yalikoma,* e ico tababikako amano.+

Pantu nkatambalika ukuboko kwandi pa bekala mu calo,” e fyo Yehova alanda.

E lyo ninshi takuli umutende.+

15 Bushe balomfwa insoni pa fya bunani ifyo baacita?

Tabomfwa insoni nangu fye panono!

Tabaishiba ne fyo cipilibula ukuseebana!+

E co bakawila mu bawa kale.

Ilyo nkabakanda bakaipununa,” e fyo Yehova alanda.

16 Yehova alanda ati:

“Iminineni apo inshila shakumanina kabili moneni,

Lelo balanda abati: “Tatwakulaendamo.”+

Lelo balandile abati: “Tatwabikeko amano.”+

18 “E ico umfweni mwe nko!

19 Umfweni mwe sonde!

21 E ico Yehova alanda ati:

22 Yehova alanda ati:

23 Bakekata ubuta ne fumo ilinono.

Bankalwe kabili tabakomfwe uluse.

Bakaipekanya ngo mwaume uulwa inkondo. Bakalwa na iwe we mwana mwanakashi Sione.”

24 Natumfwa ilyashi pali ulu uluko.

29 Imyuba naipya.

Mu mulilo wabo mwafuma fye umutofwe.

7 Yehova aebele Yeremia ati: 2 “Iminina mu mpongolo ya ng’anda ya kwa Yehova, kabili ubilishe auti, ‘Umfweni ifyo Yehova alanda, mwe bantu bonse aba mu Yuda, mwe bengila muli ishi mpongolo pa kuti mukontamine Yehova. 3 Yehova Lesa wa mabumba, Lesa wa kwa Israele alanda ati: “Wamyeni imibele yenu kabili lekeni ifyabipa ifyo mucita, lyena nkamuleka mukekale muli ici cifulo.+ 4 Mwicetekela amashiwi ya bufi kabili mwilanda amuti, ‘Ili e tempele lya kwa Yehova, e tempele lya kwa Yehova,* e tempele lya kwa Yehova!’+ 5 Pantu nga mwawamya imibele yenu kabili mwaleka ukucita ifyabipa, nga mwaba no mulinganya pa kupingula abantu;+ 6 nga tamulecusha abafuma ku calo cimbi, abana ba nshiwa* na bamukamfwilwa;+ nga tamulesuumya umulopa wa kaele muli cino cifulo; kabili nga tamulepepa balesa bambi no kuiletelela;+ 7 lyena nkaleka mukatwalilile ukwikala muli cino cifulo, mu calo ico napeele ifikolwe fyenu pa kuti cibe icalo cabo umuyayaya.”’”*

8 “Lelo mulecetekela amashiwi ya bufi,+ tayakamwafwe kantu nangu panono. 9 Bushe kuti muleiba,+ no kwipaya, no kucita ubucende, no kulapa ubufi,+ no kutuulila Baali amalambo,*+ no kukonka balesa bambi abo mushaishibe, 10 e lyo nomba mwaisaiminina muli iyi ng’anda iyainikwa ishina lyandi, no kulanda amuti, ‘Tukapusuka’ e lyo ninshi mulacita fyonse ifi ifya bunani? 11 Bushe ino ng’anda iyainikwa ishina lyandi naisanguka ulucengo lwa fipondo mu menso yenu?+ Ine ndamona ifyo mucita,” e fyo Yehova alanda.

12 “‘E ico nomba kabiyeni ku cifulo candi mu Shilo,+ umo ishina lyandi lyaikele pa kubala,+ muyemona ifyo nacitile ici cifulo pa mulandu wa fyabipa ifyo abantu bandi abena Israele balecita.+ 13 Lelo mwatwalilile fye ukucita ifi fintu,’ e fyo Yehova alanda, ‘kabili nangu ca kuti nalilandile na imwe pa miku iingi* tamwaumfwile,+ nalitwalilile ukumwita, lelo tamwaleasuka.+ 14 Filya nacitile Shilo+ e fyo nkacita ne ng’anda iyainikwa ishina lyandi+ iyo mwacetekelamo,+ kabili e fyo nkacita ici icifulo ico napeele imwe ne fikolwe fyenu. 15 Nkamupoosa ukufuma pa cinso candi, nga filya napoosele bamunyinenwe bonse, bonse abatuntwike muli Efraimu.’+

16 “Wipepelako aba bantu. Wililila kuli ine nelyo ukupepa ipepo lya kubapaapaatilako,+ pantu nshakumfwe.+ 17 Bushe taumona ifyo bacita mu misumba ya mu Yuda na mu misebo ya mu Yerusalemu? 18 Abana baleteba inkuni, bashibo balekosha umulilo, e lyo abakashi balekasa umufuba pa kuti bapange amakeke ya kutuulila Namfumu wa mu Muulu,*+ kabili baleitulwila tulesa tumbi umutuulo wa mwangashi pa kuti bankalifye.+ 19 ‘Bushe nine balekalifya?’ e fyo Yehova alanda. ‘Bushe tabaleikalifya fye abene no kuiseebanya?’+ 20 E ico Shikulu Mulopwe Yehova alanda ati, ‘Moneni! Ndepongolwela ubukali bwandi pali ici cifulo,+ ndebupongolwela pa bantu na pa nama, pa fimuti fya mu mpanga na pa fisabo fya mu mushili; ubukali bwandi buli ngo mulilo uulebilima uo bashakashimye.’+

21 “Yehova wa mabumba, Lesa wa kwa Israele, alanda ati, ‘Lundenipo imituulo yenu iya koca pa malambo yenu, kabili lyeni iminofu.+ 22 Pantu pa bushiku nafumishe ifikolwe fyenu mu calo ca Egupti, nshalandile na fyo kabili nshafyebelepo pa mituulo ya koca na pa malambo.+ 23 Lelo ifunde napeele ifikolwe fyenu ni li: “Muleng’umfwila, na ine nkaba Lesa wenu kabili mukaba abantu bandi;+ mufwile ukula-enda mu nshila iyo nakulamweba ukuti e mo mule-enda, pa kuti ifintu filemwendela bwino.”’+ 24 Lelo tabaumfwile kabili tababikileko amano,*+ bale-enda mu mapange yabo kabili balekonka umutima wabo uwabipa.+ Balebwelela ku numa, tabaleya ku ntanshi, 25 ukufuma pa bushiku ifikolwe fyenu fyafumine mu calo ca Egupti ukufika buno bushiku.+ E ico nalemutumina ababomfi bandi bonse bakasesema, nalebatuma cila bushiku imiku iingi.*+ 26 Lelo balikeene ukung’umfwila, kabili tabalefwaya ukukutika.+ Bali bacintomfwa,* kabili ifyo bacitile fyalibipile ukucila ifyo ifikolwe fyabo fyacitile!

27 “Ukabeba aya amashiwi yonse,+ lelo tabakomfwe; ukabeta, lelo tabakasuke. 28 Kabili ukabeba ati, ‘Ulu e luko ulushaumfwile ifyo Yehova Lesa wabo alandile, kabili balikeene ukumfwa ilyo abasalapwile. Icishinka calipwa, tabalandapo no kulandapo pa kuba aba cishinka.’*+

29 “Beyeni umushishi wenu uo mushabeyapo* no ku-upoosa, kabili samuneni ulwimbo lwa bulanda* pa tupili apashaba nangu cimo, pantu Yehova nakaana iyi nkulo iyamukalifya kabili akaisha. 30 ‘Pantu abantu ba mu Yuda nabacita ifyabipa mu menso yandi,’ e fyo Yehova alanda. ‘Nababika ifilubi fya bunani mu ng’anda iyainikwa ishina lyandi, pa kuti baikoweshe.+ 31 Balikuula ififulo fya kupepelapo mu Tofete, iyaba mu Mupokapoka wa Mwana wa kwa Hinomu,*+ pa kuti baleocelapo abana babo abaume na bana babo abanakashi mu mulilo,+ icintu ico nshabebele kabili icishatalile acisa mu mutima wandi.’*+

32 “‘E ico moneni! inshiku shileisa,’ e fyo Yehova alanda, ‘ilyo Tofete bakaleka ukuita ati Tofete nelyo Umupokapoka wa Mwana wa kwa Hinomu,* lelo bakalaita ati Umupokapoka wa Kwipailamo. Mu Tofete e mo bakalashiika abantu mpaka incende yonse ikapwe.+ 33 Kabili ifitumbi fya aba bantu fikaba ifya kulya fya fyuni fya mu lwelele ne fya nama sha mu mpanga, kabili takwakabe uukalafitamfya.+ 34 Kabili nkatalalika amashiwi ya kusekelela na ya kusansamuka, ishiwi lya kwa shibwinga ne lya kwa nabwinga+ mu misumba ya mu Yuda na mu misebo ya mu Yerusalemu, pantu icalo cikonaulwa.’”+

8 “Pali ilya nshita,” e fyo Yehova alanda, “amafupa ya mfumu sha mu Yuda, aya ntungulushi sha mu Yuda, aya bashimapepo, aya bakasesema, na ya bekala mu Yerusalemu bakayafumya mu nshiishi shabo. 2 Bakayalosha ku kasuba, ku mweshi na kuli fyonse ifyaba mu muulu ifyo batemenwe, ifyo balebombela, ifyo balekonka, ifyo balefwaya kabili ifyo balekontamina.+ Tabakayalonganike nelyo ukuyashiika. Yakaba ngo mufundo pa mushili.”+

3 “Kabili bonse abashalapo aba muli ulu lupwa ulwabipa mu ncende shonse umo nkabasalanganishisha, bakasalapo ukufwa ukucila ukuba no mweo,” e fyo Yehova wa mabumba alanda.

4 “Kabili ukabebe auti, ‘Yehova alanda ati:

“Bushe tabakawe no kwima na kabili?

Bushe umo nga ayaluka, umbi na o takaaluke?

 5 Cinshi ico aba bantu abekala mu Yerusalemu, batwalilila fye ukukanaba ne cishinka?

 6 Nalibikileko amano kabili nalekutika, lelo ifyo balelanda tafyaweme.

Takwali nangu umo uwalapiile pa fyabipa ifyo alecita nelyo uwayipwishe ati, ‘Cinshi nacita?’+

Cila muntu alebwelela mu kucita ifyo abengi balecita, nga kabalwe uulebutukisha ukuya ku nkondo.

Lelo abantu bandi bena tabaishiba ubupingushi bwa kwa Yehova.”’+

 8 ‘Kuti mwalanda shani amuti: “Tuli ba mano, kabili twalikwata amafunde* ya kwa Yehova”?

Pantu nakuba akalembelo*+ ka bakalemba kalemba fye ifya bufi.

 9 Aba mano nababaseebanya.+

Bali no mwenso kabili bakabekata.

E lyo ninshi takuli umutende.+

12 Bushe balomfwa insoni pa fya bunani ifyo baacita?

Tabomfwa insoni nangu fye panono!

Tabaishiba ne fyo cipilibula ukuseebana!+

“‘E ico bakawila mu bawa kale.

Ilyo nkabakanda bakaipununa,’+ e fyo Yehova alanda.

13 ‘Nga nabalonganika, nkabalofya,’ e fyo Yehova alanda.

‘Ku fimuti fya myangashi takwakabe imyangashi, ku fimuti fya mikunyu takwakabe amakunyu, kabili amabula yakoma.

Kabili ifyo nabapeele bakafilufya.’”

14 “Cinshi twikalile pano?

Natulongane, tuyeingila mu misumba ya malinga ayakosa+ e mo tuyefwila.

16 Iciunda ca kupeema kwa bakabalwe cileumfwika ku Dani.

“Bushe Yehova taaba mu Sione?

Nelyo bushe imfumu yakwe tayaba mu Sione?”

Ning’umfwa umwenso.

22 Bushe tamwaba balsamu* mu Gileadi?+

Nelyo bushe tamwaba uundapa?+

Inga cinshi ico umwana mwanakashi wa bantu bandi bashamundapila?+

 2 Iye, kanshi nga nalikwete mu matololo icifulo ca kutuushishamo abali pa bulendo!

Balisambilisha ululimi lwabo ukubepa.+

Ifyabipa ifyo bacita filabanasha.

 6 “Mwikala mu bucenjeshi.

Balikeene ukunjishiba pa mulandu wa bucenjeshi,” e fyo Yehova alanda.

 7 E ico Yehova wa mabumba alanda ati:

 8 Ululimi lwabo mufwi wa kwipailako, lulabepa.

 9 “Bushe nshifwile ukubalubulwisha pali ifi bacita?” e fyo Yehova alanda.

“Kabili bushe nshifwile ukulandula* ulu uluko?+

Ifyuni fya mu lwelele ne nama fyalifulumuka; fyaliya.+

12 “Nani uwa mano uwingeluke fi,

Nani uo akanwa ka kwa Yehova kaebele, pa kuti abilishe ifi?

Cinshi icalo calobela?

13 Yehova ayaswike ati: “Pantu balikaana amafunde* yandi ayo nabikile pa ntanshi yabo, kabili tabayakonka, tabomfwila ne shiwi lyandi. 14 Lelo bali bacintomfwa, balekonkelela imitima yabo,+ kabili balepepa ifimpashanya fya kwa Baali, nga fintu bashibo babasambilishe.+ 15 E ico Yehova wa mabumba, Lesa wa kwa Israele alanda ati, ‘Moneni, ndelenga aba bantu balye ifyalula sana, kabili nkalenga bakanwe amenshi umuli sumu.+ 16 Nkabasalanganishisha mu nko isho bena na bashibo bashaishibe,+ kabili nkabatumina ulupanga mpaka nkabalofye.’+

19 Pantu ku Sione kuleumfwika amashiwi ya kuloosha:+

“Yangu ifyo batonaula!

Yangu ifyo twaseebana nga nshi!

Pantu natusha icalo, kabili amayanda yesu nabayabongolola.”+

20 Imwe mwe banakashi, umfweni amashiwi ya kwa Yehova,

Amatwi yenu nayomfwe amashiwi ya mu kanwa kakwe.

22 “Landa auti, ‘Yehova alanda ati:

23 Yehova alanda ati:

24 “Lelo uuleitakisha, aitakishishe pali ifi:

25 “Moneni! inshiku shileisa,” e fyo Yehova alanda, “ilyo nkalubulwisha onse uwasembululwa, lelo uwaba kwati tasembululwa.+ 26 Nkalubulwisha Egupti,+ Yuda,+ Edomu,+ abena Amone,+ Moabu+ na bonse ababeya umushishi wa mu nsensematwi abekala mu matololo;+ pantu inko shonse tashasembululwa, na ba mu ng’anda ya kwa Israele bonse tabasembululwa mu mutima.”+

10 Umfweni amashiwi ya kusoka ayo Yehova amwebele, mwe ba mu ng’anda ya kwa Israele. 2 Yehova alanda ati:

 3 Pantu intambi sha bantu tashaba kantu.*

 6 Takwaba uwaba nga imwe mwe Yehova.+

Mwalikulisha, ishina lyenu likalamba kabili lya maka.

 8 Bonse tabakwata amano kabili balitumpa.+

Ifyo icimuti cisambilisha filenga abantu balakonkelela ifishaba kantu.*+

Abantu balafwika ifi ifilubi insalu ya bluu ne yakashikila.

Abacenjela mu fya kupangapanga e bapanga ifi ifilubi fyonse.

10 Lelo cine cine Yehova ni Lesa.

Ni Lesa wa mweo+ kabili ni Mfumu ya muyayaya.+

11* Mwebe inko amuti:

14 Umuntu onse acita ifintu ukwabula ukutontonkanyapo kabili tamuba amano mu fyo acita.

15 Fyena tafyaba kantu,* mulimo wa kusekwa.+

Ilyo ubushiku bwa kufikanda bukesa, fikaloba.

Yehova wa mabumba e shina lyakwe.+

18 Pantu Yehova alanda ati:

19 We bulanda kuli ine pa mulandu wa kuwa kwandi!*+

Ifilonda fyandi tafipola.

Kabili nalandile nati: “Ubu bulwele bwandi, kabili mfwile ukubushipikisha.

20 Itenti lyandi nabalyonaula, ne ntambo sha kwi tenti shonse nabashiputaula.+

Abana bandi balinsha kabili tababapo.+

Tapaba nangu umo uwashalapo uwingantanikila itenti nelyo uwinganjimisha amatenti.

22 Umfweni! Kuli ilyashi ilileisa!

23 Mwe Yehova, nalishiba bwino ukuti umuntu takwata amaka ya kuitungulula.

Te kuti atungulule nangu fye ni ntampulo shakwe.+

11 Yehova aebele Yeremia ati: 2 “Umfweni amashiwi ya muli ici cipangano mwe bantu!

“Webe* abaYuda na bekala mu Yerusalemu aya mashiwi, 3 ubebe auti, ‘Yehova Lesa wa kwa Israele alanda ati: “Abe uwatiipwa umuntu onse uushikonka amashiwi ya muli ici cipangano,+ 4 ayo naebele ifikolwe fyenu pa bushiku nabafumishe mu calo ca Egupti,+ ilyo nabafumishe mwi lungu lya kulopolwelamo ifyela,+ nabebele nati, ‘Muleumfwa ishiwi lyandi kabili mulecita fyonse ifyo nakulamweba; lyena mukaba abantu bandi na ine nkaba Lesa wenu,+ 5 pa kuti mfikilishe umulapo nalapile ku fikolwe fyenu. Nalapile ukuti nkabapeela icalo umwaba umukaka no buci,+ na buno bwine bushiku ncili ndafwaya ukufikilisha uyu mulapo.’”’”

Lyena na-aswike nati: “Ameni,* mwe Yehova.”

6 Lyena Yehova anjebele ati: “Bilisha aya mashiwi yonse mu misumba ya mu Yuda na mu misebo ya mu Yerusalemu, ubilishe auti: ‘Umfweni amashiwi ya muli ici cipangano kabili muleyakonka. 7 Pantu nalisokele ifikolwe fyenu pa bushiku nabafumishe mu calo ca Egupti, nabebele nati: “Muleumfwa ishiwi lyandi.”+ Kabili nalebasoka pa miku iingi* ukufika na lelo. 8 Lelo tabaumfwile kabili tababikileko amano;* bali bacintomfwa kabili balekonkelela umutima wabo uwabipa.+ E ico nalibakandile nga fintu nalandile mu cipangano napangene nabo, nabebele ukuti balekonka ifyaba muli ici cipangano lelo balikeene.’”

9 Lyena Yehova anjebele ati: “AbaYuda na bekala mu Yerusalemu nabapangana ukumpondokela. 10 Nababwelela ku membu isho ifikolwe fyabo fyacitile kale, ifyakeene ukukonka ifyo nalefyeba.+ Nabo balekonka tulesa tumbi kabili baletubombela.+ Aba mu ng’anda ya kwa Israele na ba mu ng’anda ya kwa Yuda nabatoba icipangano candi ico napangene ne fikolwe fyabo.+ 11 E ico Yehova alanda ati, ‘Moneni ndeleta ubucushi pali bena+ ubo bashakafumemo; nga balilila kuli ine ukuti mbafwe, nshakomfwe.+ 12 Lyena aba mu misumba ya mu Yuda na bekala mu Yerusalemu bakaya kuli balesa abo batuulila amalambo* ukuti babafwe,+ lelo aba balesa tabakabapusushe mu nshita ya bucushi. 13 Pantu balesa bobe nabafula nge misumba yobe, we Yuda, naupangila icintu ca nsoni* ifiipailo ifingi nge misebo ya mu Yerusalemu, naupanga ifiipailo fya kutuulilapo Baali amalambo.’+

14 “Lelo iwe,* wipepelako aba bantu, wibapaapaatilako nelyo ukubapepelako+ ukuti mbafwe, pantu nga balilila kuli ine pa mulandu wa bucushi nshakomfwe.

Bushe umunofu wa mushilo* uo batuula kuti walenga ubucushi bwikesa pali iwe?

Bushe ukasekelela pali ilya nshita?

17 “Yehova wa mabumba uwa kulimbile,+ nalanda ukuti ubucushi bukesa pali iwe pa mulandu ne fyabipa ifyo aba mu ng’anda ya kwa Israele na ba mu ng’anda ya kwa Yuda bacitile. Baletuulila Baali+ amalambo pa kuti bankalifye.”

19 Nali nge mpaanga iyana iyanakilila iyo baleya mu kwipaya.

Nshaishibe ukutila balempangila+ abati:

21 E ico Yehova aeba abena Anatote+ abafwaya ukulofya umweo obe kabili abalanda abati: “Wilasesemena mwi shina lya kwa Yehova,+ pantu ukuboko kwesu kukakwipaya”; 22 Yehova wa mabumba alanda ati: “Mona! Ndi no kubakanda. Abalumendo bakafwa ku lupanga.+ Kabili abana babo abaume na bana babo abanakashi bakafwa ku cipowe.+ 23 Takwakabe nangu umo uukashalapo pali bena, pantu nkaleta ubucushi pa bena Anatote+ mu mwaka nkabakanda.

 2 Mwalibalimbile kabili balilimba imishila.

Balikula, batwala ne fisabo.

Mwaba pa milomo yabo, lelo amatontonkanyo yabo+ ayashika* yalitaluka kuli imwe.

Pantu balanda abati: “Tamona ifikatucitikila.”

Taufwile ukubacetekela,

Nangu bakweba ifisuma.

 7 “Nindekelesha ing’anda yandi;+ ninsha ubupyani bwandi.+

Uo natemwa sana* nimupeela mu minwe ya balwani bakwe.+

 8 Ubupyani bwandi buli nge nkalamo mu mpanga.

Alembulumina.

E ico nimupata.

Nabalenga impanga yandi iisuma yaba amatololo, umushaba nangu cimo.

11 Impanga nayonaika.

Takuli nangu umo* uuli no mutende.

13 Babyele ingano, lelo balesombola imyunga.+

Balabombesha kabili balanaka sana, lelo tapaba icisuma nangu cimo icifumamo.

14 Ifi e fyo Yehova asoka abena mupalamano bandi bonse abacita ifyabipa, abasansa ubupyani ubo nalengele abantu bandi abena Israele bakwata,+ atila: “Ndebanukula mu calo cabo,+ kabili nkanukula ne ng’anda ya kwa Yuda muli bena. 15 Lelo pa numa ya kubanukula, nkababelela uluse na kabili, kabili cila muntu nkamubwesesha ku bupyani bwakwe na ku mpanga yakwe.”

16 “Kabili nga bakasambilila ifyo abantu bandi bacita kabili nga bakalalapila mwi shina lyandi abati, ‘Na pali Yehova!’ nga filya fine basambilishe abantu bandi ukulapila mwi shina lya kwa Baali, ninshi nkalenga bakekale pamo na bantu bandi. 17 Lelo nga tabakomfwe, na ine nkanukula lulya uluko, nkalunukula no kulonaula,” e fyo Yehova alanda.+

13 Yehova anjebele ati: “Kabiye, kashite umushipi wa nsalu kabili uukake mu musana, lelo wiubika mu menshi.” 2 E ico nalishitile umushipi nga fintu Yehova anjebele kabili naukakile mu musana. 3 Yehova anjebele na kabili ati: 4 “Ima! Senda umushipi washitile uo uikakile mu musana, kabiye ku Yufrate, uyeufisa mu lucengo.” 5 E ico naileufisa mu mbali ya Yufrate, nga fintu Yehova anjebele.

6 Lelo ilyo papitile inshiku ishingi, Yehova anjebele ati: “Ima, kabiye ku Yufrate uyesenda umushipi uo nakwebele ukuyafisa kulya.” 7 E ico nalile ku Yufrate kabili naimbile apo nafishile umushipi no ku-ufumya. Lyena namwene ukuti umushipi walyonaike onse ica kuti te kuti ubombe.

8 Lyena Yehova anjebele ati: 9 “Yehova alanda ati, ‘Ifi fine e fyo nkapwisha icilumba ca ba Yuda ne cilumba icikalamba ica ba mu Yerusalemu.+ 10 Aba bantu ababipa abashumfwa ifyo nanda,+ abakonkelela imitima yabo+ iya bucipondoka, kabili abakonka balesa bambi, ukubabombela no kubakontamina, bakaba ngo yu mushipi uwaonaika onse ica kuti te kuti ubombe.’ 11 ‘Pantu nga filya fine umushipi ulambata mu musana wa muntu, e fyo nalengele bonse aba mu ng’anda ya kwa Israele na bonse aba mu ng’anda ya kwa Yuda balambatila kuli ine,’ e fyo Yehova alanda, ‘pa kuti babe abantu bandi,+ ubukata bwandi,+ ilumbo lyandi kabili icintu icisuma. Lelo tabang’umfwilile.’+

12 “Ukabebe no kuti, ‘Yehova Lesa wa kwa Israele alanda ati: “Mu mutondo onse uukalamba bafwile ukwisushamo umwangashi.”’ Kabili bakakwasuka abati, ‘Bushe tatwaishiba ukuti mu mutondo onse uukalamba bafwile ukwisushamo umwangashi?’ 13 Lyena ukabebe auti, ‘Yehova alanda ati: “Bonse abekala muli ici calo+ ndebesushamo umwangashi, kumo ne mfumu ishikala pa cipuna ca bufumu ica kwa Davidi na bashimapepo na bakasesema na bonse abekala mu Yerusalemu mpaka bakolwe. 14 Kabili bonse nkabatobanya, bawishi na bana babo abaume,” e fyo Yehova alanda.+ “Nshakabalangulukile nelyo ukubomfwila ubulanda, kabili nshakabomfwile uluse; takuli nangu cimo icikandesha ukubonaula.”’+

15 “Umfweni kabili bikeniko amano.

Mwiba ne cilumba, pantu Yehova nalanda.

19 Imisumba yonse iya ku kapinda ka ku kulyo nabaisala,* takuli nangu umo uwakuisula.

Bonse abekala mu Yuda nababasenda ku calo cimbi ku kuyaba bankole,+ tapali nangu umo uushelepo.

20 “Inuna amenso, mona abalefuma ku kapinda ka ku kuso.+

Shili kwi impaanga isho bakupeele, impaanga ishisuma?+

Tabwakese pali iwe nga filya bwisa pa mwanakashi uulepaapa?+

22 Kabili ilyo ukalanda mu mutima obe auti, ‘Cinshi ico ifi fintu fyaishila pali ine?’+

Pa mulandu wa lubembu lobe ulukalamba, nabalepula+ ica kufwala cobe,

Kabili ututende tobe tulekalipa nga nshi.

23 “Bushe umwina Kushi* kuti ayalula inkanda yakwe, nelyo bushe imbwili kuti ya-alula amabala ya iko?+

24 E ico nkabasalanganya nge mpimbili isha mu ciswebebe isho umwela uleululula.+

We bulanda kuli iwe we Yerusalemu!

Ni lilali ukaleka ukuba uwakowela?”+

14 Ifi e fyo Yehova aebele Yeremia pa cilala:+

 2 Yuda aleloosha,+ kabili impongolo shakwe nashibongoloka.

 3 Kabili bashikulwibo batuma ababomfi babo* mu kutapa amenshi.

Baya ku filindi fya menshi,* lelo tabayasangile.

Babwela ukwabula amenshi,

 6 Impunda sha mu mpanga nashiminina pa tupili apashaba nangu cimo.

Mwitulekelesha.

10 Ifi e fyo Yehova alanda pali aba bantu: “Balitemwa ukwendauka;+ tabalesha amakasa+ yabo ukwendauka. E ico Yehova nabafulilwa.+ Akebukisha ifilubo fyabo kabili akabalubulwisha pa membu isho bacita.”+

11 Lyena Yehova anjebele ati: “Wipepelako aba bantu+ ukuti ifintu fibawamine. 12 Nga bafunga nshumfwa ukupaapaata kwabo,+ kabili nga batuula imituulo ya koca ne mituulo ya ngano, nshipokelela imituulo yabo+ pantu nkabomfya ulupanga, icipowe, ne cikuko* pa kubalofya.”+

13 E lyo nalandile nati: “Iye, mwe Shikulu Mulopwe Yehova! Bakasesema bale-eba abantu abati, ‘Tamwakamone ulupanga kabili icipowe tacakese pali imwe, lelo nkalenga mukabe no mutende wa cine muli cino cifulo.’”+

14 Lyena Yehova anjebele ati: “Bakasesema balesesemena ifya bufi mwi shina lyandi.+ Te ine nabatuma, te ine nabeba ifyo balelanda kabili nshalandapo nabo.+ Balemweba ifimonwa fya bufi ifya fye ifyo babuka+ ne fya bufi ifyaba mu mitima yabo. 15 E ico ifi e fyo Yehova alanda pali bakasesema abalesesemena mwi shina lyandi, nangu ca kuti nshabatumine kabili abalanda ati ulupanga ne cipowe tafyakese muli ici calo; ‘Abo bakasesema nkabalofesha+ ku lupanga na ku cipowe. 16 Kabili abantu abo balesesemena bakabapoosa mu misebo ya mu Yerusalemu pa mulandu wa cipowe no lupanga, kabili takwakabe nangu umo uukabashiika+—bena, abakashi babo, abana babo abaume na bana babo abanakashi. Pantu nkabapongolwela ubucushi ubo balingile ukukwata.’+

Pantu bakasesema na bashimapepo nabaya ku calo ico bashaishiba.’”+

19 Bushe namukaaninina fye Yuda, nelyo bushe namupata* Sione?+

Cinshi mwatukandila ica kutila te kuti batundape?+

Ibukisheni, kabili mwitoba icipangano ico mwapangana na ifwe.+

Bushe te imwe mweka, mwe Yehova Lesa wesu?+

15 Lyena Yehova anjebele ati: “Nangu Mose na Samwele bengeminina pa ntanshi yandi,+ te kuti mbelele aba bantu uluse.* Bafumye pa cinso candi, baleke baye. 2 Kabili nga bakweba abati, ‘Twalaya kwisa?’ ufwile ukubeba auti, ‘Yehova alanda ati:

“Bonse abafwile ukufwa ku cikuko, nabaye ku cikuko icipaya!

Abafwile ukufwa ku lupanga, nabaye ku lupanga!+

Abafwile ukufwa ku cipowe, nabaye ku cipowe!

Kabili abafwile ukuba bankole, nababasende pa kuti bakayeba bankole!”’+

3 “‘Kabili nkabatumina ifintu 4,’*+ e fyo Yehova alanda, ‘nkabatumina ulupanga lwa kubepaya, imbwa sha kukululula ifitumbi fyabo, ifyuni fya mu lwelele ne nama sha pe isonde isha kubalya no kubonaula.+ 4 Kabili nkalenga amabufumu yonse aya pe sonde+ yakalepapa nga yabamona pa mulandu wa fyo Manase umwana wa kwa Hisekia imfumu ya mu Yuda acitile mu Yerusalemu.+

 6 ‘Namunsha,’ e fyo Yehova alanda.+

‘Mwalitwalilila ukumfutatila.+

E ico nkatambalika ukuboko kwandi pali imwe no kumonaula.+

Nintendwa ukumumfwila uluse.*

 7 Kabili nkabelela ku ca kwelelako mu mpongolo sha calo.

Nkalenga bakafwilwe abana.+

 8 Nkalenga bamukamfwilwa babo bakafule ukucila umucanga wa kuli bemba.

Nkabaletela uwa kubonaula ninshi akasuba kali pa kati. Uwa konaula banyina, na balumendo.

Nkalenga bakasakamikwe kabili bakabe no mwenso mu kupumikisha.

Nandwileniko abancusha.+

Mwileka mfwe* pa mulandu wa kuti mulakokola ukukalipa.

Ishibeni ukuti ico nseebanina+ ni pa mulandu wenu.

17 Nshikala pamo na baciwowo kabili nshisekelela+ pamo nabo.

18 Cinshi ukukalipwa kwandi kushipwila kabili cinshi icilonda candi cishipolela?

Califilwa ukupola.

19 E ico Yehova alanda ati:

20 “Nalalenga ube ilinga ilyakosa ilya mukuba kuli aba abantu.+

16 Yehova anjebele na kabili ati: 2 “Wikoopa kabili wikafyala abana abaume na bana abanakashi muli cino calo. 3 Pantu ifi e fyo Yehova alanda pa bana abaume na pa bana abanakashi abafyalilwa muli cino calo, na pali banyina ababafyala, na pali bashibo abalenga ukuti bafyalwe muli cino calo. Alanda ati, 4 ‘Bakafwa ku malwele ayakali,+ lelo takwakabe nangu umo uukabaloosha nelyo ukubashiika. Bakaba ngo mufundo pa mushili,+ bakafwa ku lupanga na ku cipowe,+ kabili ifitumbi fyabo fikaba ifya kulya fya fyuni fya mu lwelele ne fya nama sha pe sonde.’

 6 Bashimucindikwa na bapiina bakafwa muli ici calo.

9 “Pantu Yehova wa mabumba, Lesa wa kwa Israele alanda ati, ‘Mu nshiku shobe muli cino cifulo nkafumyamo ishiwi lya kusansamuka no kusekelela, nkafumyamo ishiwi lya kwa shibwinga ne lya kwa nabwinga+ ninshi ulemonako.’

10 “Nga waeba aba bantu aya mashiwi, bakakwipusha abati, ‘Cinshi Yehova alandila ukuti akaleta ubu bucushi ubukalamba pali ifwe? Cilubo nshi kabili lubembu nshi twabembukila Yehova Lesa wesu?’+ 11 Ukabasuke auti, ‘“Ni pa mulandu wa kuti bashinwe balinshile,”+ e fyo Yehova alanda, “kabili balekonka balesa bambi no kubabombela no kubafukamina.+ Lelo balinshile kabili tabalekonka amafunde+ yandi. 12 Kabili ifyo mucita fyalicila sana pa fyo ifikolwe fyenu+ fyalecita. Imwe bonse mukonkelela imitima yenu iyabipa kabili iya bucipondoka, mu cifulo ca kulang’umfwila.+ 13 E ico nkamufumya muli cino calo no kumupoosa ku calo ico mushaishiba kabili ico ifikolwe fyenu fishaishibe.+ Kulya e ko mukalabombela balesa bambi akasuba no bushiku,+ pantu nshakabe ne cikuuku kuli imwe.”’

14 “‘Nomba inshiku shileisa,’ e fyo Yehova alanda, ‘ilyo tabakalande na kabili abati: “Na pali Yehova uwafumishe abena Israele mu calo ca Egupti!”+ 15 lelo bakalalanda abati: “Na pali Yehova uwafumishe abena Israele ku calo ca ku kapinda ka ku kuso na ku fyalo fyonse uko abasalanganishishe!” kabili nkababwesesha ku calo cabo, ico napeele ifikolwe fyabo.’+

17 Pantu amenso yandi yalamona fyonse ifyo bacita.*

17 “Ulubembu lwa kwa Yuda balulembela ku kalembelo ka cela.

 4 Mukapanya mwe bene ubupyani ubo namupeele.+

Kabili bukatwalilila fye ukubilima.”

 5 Yehova alanda ati:

 6 Akaba nge cimuti icaba ceka mu ciswebebe.

 9 “Umutima wa bucenjeshi* ukucila fyonse kabili walipelelwa,*+ kuti wacita icili conse.

Nani engawishiba?

14 Ng’undapeni mwe Yehova, na ine nkapola.

15 Moneni! Kuli abalenjeba abati:

“Yali kwi amashiwi ya kwa Yehova?+

Nayese!”

17 Mwiba ica kuntiinya.

Nimwe icubo candi mu bushiku bwa bucushi.

19 Yehova anjebele ati: “Kabiye, uyeiminina pa mpongolo ya bana ba bantu apo imfumu sha mu Yuda shingilila no kufumina, na pa mpongolo shonse isha mu Yerusalemu.+ 20 Ufwile ukubeba auti, ‘Umfweni amashiwi ya kwa Yehova mwe mfumu sha mu Yuda, mwe bantu bonse aba mu Yuda, na imwe bonse mwe bekala mu Yerusalemu, mwe bengilila pali ishi mpongolo. 21 Yehova alanda ati: “Cenjeleni* pa kuti mwilasenda ifipe pa bushiku bwe Sabata nelyo ukufipisha pa mpongolo sha Yerusalemu.+ 22 Mwilafumya ifipe mu mayanda yenu pa bushiku bwe Sabata; kabili mwilabomba umulimo nangu umo+ pali ubu bushiku. Mulesunga ubushiku bwe Sabata pantu bwa mushilo, nga filya naebele ifikolwe fyenu.+ 23 Lelo tabaumfwile nelyo ukubikako amano, bali bacintomfwa, balikeene* ukumfwa kabili tabakonkele ifyo babasalapwile.”’+

24 “‘“Lelo nga mwakulang’umfwila,” e fyo Yehova alanda, “kabili nga tamwakulapisha ifipe pa mpongolo ya uyu musumba pa bushiku bwe Sabata, kabili nga tamwakulabomba umulimo nangu umo pali ubu bushiku+ pa kuti bube ubwa mushilo, 25 lyena imfumu na ba ku bufumu abekala pa cipuna ca bufumu ica kwa Davidi+ nabo bakengilila pa mpongolo sha uyu musumba, ninshi bali mu maceleta na pali bakabalwe, bena na ba ku bufumu, abaume ba mu Yuda na bekala mu Yerusalemu;+ kabili inshita yonse muli uyu musumba mukalaikala abantu. 26 Kabili abantu bakafuma mu misumba ya mu Yuda, mu Yerusalemu monse, mu citungu ca kwa Benjamini,+ mu mpanga iyabatama,+ mu citungu ca mpili na mu Negebu.* Bakaleta imituulo ya koca,+ amalambo,+ imituulo ya ngano,+ ububani bwabuuta, na malambo ya kutootela mu ng’anda ya kwa Yehova.+

27 “‘“Lelo nga tamwakulang’umfwila, nga tamwakulasunga ubushiku bwe Sabata ubwa mushilo kabili nga mukalasenda ifipe no kufipisha pa mpongolo sha Yerusalemu pa bushiku bwe Sabata, nkasonteka impongolo shakwe, kabili umulilo ukoca impungu ishakosa isha mu Yerusalemu+ kabili takwakabe nangu umo uukaushimya.”’”+

18 Yehova aebele Yeremia ati: 2 “Ima, kabiye ku ng’anda ya kwa nakabumba,+ kabili kulya e ko nalalanda na iwe.”

3 E ico naile ku ng’anda ya kwa nakabumba, kabili nasangile alebumba fimo pa mipeto yakwe. 4 Lelo icipe iminwe yakwe yalebumba calyonaike. E ico abumbile icipe cimbi, ukulingana ne fyo alefwaya.*

5 Lyena Yehova anjebele ati: 6 “‘Bushe ifyo uyu nakabumba acitile, te fyo na ine ningamucita mwe ba mu ng’anda ya kwa Israele?’ e fyo Yehova alanda. ‘Moneni! Filya iloba liba mu minwe ya kwa nakabumba, e fyo na imwe mwaba mu minwe yandi, mwe ba mu ng’anda ya kwa Israele.+ 7 Lyonse nga nalanda ati ndi no kunukula, ukubongolola no konaula uluko nelyo ubufumu,+ 8 e lyo ulo luko lwaleka ukucita ifyabipa ifyo nalusokeelepo, na ine nshakalete* ubucushi ubo nalefwaya ukuleta pali lwena.+ 9 Lelo lyonse nga nalanda ukuti ndi no kukuula no kulimba uluko nelyo ubufumu, 10 e lyo lwalacita ifyabipa mu menso yandi kabili lwakaana ukulang’umfwila, nshakalucitile* ifisuma ifyo nalefwaya ukulucitila.’

11 “Nomba eba abaYuda na bekala mu Yerusalemu auti, ‘Yehova alanda ati: “Ndemupekanishisha* ubucushi kabili ndetontonkanya pa fyo nkamukanda. Lekeni ukucita ifyabipa kabili wamyeni inshila shenu, mutendeke ukucita ifisuma.”’”+

12 Lelo balandile abati: “Uleicusha fye!+ Pantu twakulacita ifyo tutontonkanya, kabili cila muntu akulakonkelela umutima wakwe uwa bucipondoka+ kabili uwabipa.”

13 E ico Yehova alanda ati:

“Ipusheni mwe bene mu nko.

Nani uwaumfwapo ifya musango yu?

Nacisungu wa mu Israele nacita ica bunani nga nshi.+

14 Bushe imfula ya bungululu iya mu Lebanone iiponena pa mabwe ayaba apasuluka kuti yasunguluka?

Nelyo bushe amenshi ayatalala ayakonkoloka ukufuma ukutali kuti yakama?

15 Lelo abantu bandi balindaba.+

Onse uwa kulekelesha uwapita mupepi na co akalapapa no kupukunya umutwe.+

17 Nkabasalanganya pa ntanshi ya balwani babo nga filya umwela wa ku kabanga ucita.

Ubushiku bakaba no bucushi+ nkabafutatila, nshakabalange icinso candi.”

18 Kabili balandile abati: “Iseni tupangane ifyo twalacita Yeremia,+ pantu bashimapepo besu bakatwalilila ukutusambilisha amafunde,* na ba mano bakatwalilila ukutupanda amano kabili bakasesema bakatwalilila ukubila kuli ifwe amashiwi ya kwa Lesa. Iseni tumwebe amashiwi ayabi,* kabili twibika amano ku fyo alelanda.”

20 Bushe umuntu nga alecita ifisuma, abantu bafwile ukumucitila ifibi?

Pantu nabembila umweo wandi icilindi.+

Abakashi babo nabafwilwe abana kabili nababe bamukamfwilwa.+

19 Yehova anjebele ati: “Kabiye kashite umutondo kuli nakabumba,+ usende intungulushi shimo isha bantu ne ntungulushi shimo isha bashimapepo, 2 muye ku Mupokapoka wa Mwana wa kwa Hinomu,+ uwabela mupepi ne Mpongolo ya Fi-inga. Kabili kulya e ko uyebilisha ifyo nalakweba. 3 Uyebilisha auti, ‘Umfweni ifyo Yehova alanda, mwe mfumu sha mu Yuda na mwe bekala mu Yerusalemu. Yehova wa mabumba, Lesa wa kwa Israele, alanda ati:

“‘“Ndeleta ubucushi pali ici icifulo, kabili ukutwi konse ukukomfwa ifyo nalacita kukapapa. 4 Pantu balimpondokele+ kabili balengele nafilwa ukwishiba cino cifulo.+ Muli cino cifulo e mo batuulila balesa bambi amalambo, balesa abo bena ne fikolwe fyabo ne mfumu sha mu Yuda bashaishibe, kabili nabesusha umulopa wa ba kaele muli cino cifulo.+ 5 Balikuula ififulo fya kupepelapo Baali pa kuti baleoca abana babo mu mulilo ngo mutuulo wa koca uwa kutuulila Baali.+ Icintu ico nshabebele kabili ico nshalandilepo, icishaishile na mu mutima wandi.”’*+

6 “‘“E ico moneni! inshiku shileisa,” e fyo Yehova alanda, “ilyo cino cifulo bakaleka ukuciita ati Tofete nelyo Umupokapoka wa Mwana wa kwa Hinomu, lelo bakalaciita ati Umupokapoka wa Kwipailamo.+ 7 Nkafulunganya amapange ya kwa Yuda na Yerusalemu muli cino cifulo, kabili nkalenga bakafwe ku lupanga pa ntanshi ya balwani babo abafwaya ukulofya umweo wabo. Kabili nkapeela ifyuni fya mu lwelele ne nama sha mu mpanga+ ifitumbi fyabo pa kuti fikabe ifya kulya fya fiko. 8 Kabili nkalenga uyu musumba ukabe ica kupapa kabili ica kulishisha umunsoli. Onse uwa kulekelesha uwapita mupepi na co, akapapa kabili akalisha umunsoli pa mulandu wa fyabipa ifikaucitikila.+ 9 Nkalenga bakalye imibili ya bana babo abaume ne mibili ya bana babo abanakashi, kabili umuntu onse akalya umubili wa munankwe, pantu tabakakwate ifya kulya pa mulandu wa kuti abalwani babo na bafwaya ukulofya umweo wabo bakabashinga.”’+

10 “Lyena utobe umutondo ninshi abaume abo walaya nabo balemonako, 11 kabili ubebe auti, ‘Yehova wa mabumba alanda ati: ‘Ifi fine e fyo nkatoba aba bantu na uno musumba, nga filya umuntu atoba icipe ca kwa nakabumba ica kutila te kuti baciwamye; kabili bakashiika ifitumbi mu Tofete mpaka incende yonse ikapwe.”’+

12 “‘E fyo nkacita cino cifulo,’ e fyo Yehova alanda, ‘kabili e fyo nkacita na bekalamo, pa kuti nkalenge uno musumba ukabe nga Tofete. 13 Kabili amayanda ya mu Yerusalemu na ya mfumu sha mu Yuda yakakowela nga Tofete,+ pantu pa mitenge ya yako e po baletuulila amalambo ku fya mu muulu fyonse+ kabili e po baleitulwila imituulo ya myangashi kuli balesa bambi.’”+

14 Ilyo Yeremia afumine ku Tofete uko Yehova amutumine ukuyasesema, aileiminina mu lubansa lwa ng’anda ya kwa Yehova kabili aebele abantu bonse ati: 15 “Yehova wa mabumba, Lesa wa kwa Israele, alanda ati, ‘Moneni ndeleta ubucushi pali uyu musumba na pa misumba ya uko iinono, ubucushi bonse ubo nalandile ukuti nkaleta pali uyu musumba, pantu ni bacintomfwa, tabakonka ifyo mbeba.’”*+

20 Nomba Pashihuri umwana wa kwa Imere, shimapepo, uwali kangalila mukalamba mu ng’anda ya kwa Yehova, aleumfwa uko Yeremia alesesema ifi fintu. 2 Lyena Pashihuri aumine kasesema Yeremia no kumubika mu makusu+ ayali pa Mpongolo ya pa Muulu iya kwa Benjamini, iyali mupepi ne ng’anda ya kwa Yehova. 3 Lelo ubushiku bwakonkelepo ilyo Pashihuri afumishe Yeremia mu makusu, Yeremia amwebele ati:

“Yehova na-alula ishina lyobe, tabakulakwita ati Pashihuri, lelo bakulakwita ati ica Kutiinya Icili Konse Konse.+ 4 Pantu Yehova alanda ati, ‘Nalalenga uleitiina we mwine, nalalenga na banobe bonse balekutiina, kabili ulupanga lwa balwani babo lukabepaya ninshi ulemonako;+ kabili nkapeela abaYuda bonse mu minwe ya mfumu ya ku Babiloni, na yo ikabasenda ku Babiloni uko bakayaba bankole, kabili ikabepaila ku lupanga.+ 5 Kabili nkapeela abalwani babo+ ifyuma fyonse ifya muli uyu musumba, ifintu fyabo fyonse, ifintu fyabo fyonse ifyawamisha, ne fyuma fyonse ifya mfumu sha mu Yuda kabili bakafipoka, bakafisende na ku Babiloni.+ 6 Na iwe Pashihuri na bonse abekala mu ng’anda yobe, bakamusenda ku Babiloni uko mukayaba bankole kabili uko mukayafwila, kulya e ko bakamushiika pamo na banobe, pantu wa basesemene ifya bufi.’”+

 7 Mwambepa mwe Yehova, mwambepa.

Mwabomfya amaka yenu pali ine kabili mwancimfya.+

Pantu amashiwi ya kwa Yehova yalilenga balansaalula no kunseka akasuba konse.+

Balelanda abati: “Landeni ifyabipa pali ena, natulande ifyabipa pali ena!”

Onse uwalelanda ukuti imbe no mutende alelolela fye ukuti ingwe,+ alelanda ati:

11 Lelo Yehova aali na ine ngo mwaume wa maka uo batiina.+

E mulandu wine abancusha bakaipunwina kabili bakafilwa ukuncimfya.+

Bakaseebana nga nshi, pantu ifyo balepanga ukucita tafyakacitike.

Ukuseebana kwabo ukwa muyayaya takwakalabwe.+

13 Imbileni Yehova! Lumbanyeni Yehova!

Pantu napokolola uushakwata bakumwafwa* mu minwe ya bacita ifyabipa.

14 Bube ubwatiipwa ubushiku nafyelwe!

Ubushiku mayo amfyele bwiba ubwapaalwa!+

15 Abe uwatiipwa uwashimikile tata ilyashi ilisuma ilya kuti:

“Nakufyalwa umwana mwaume!”

Uwalengele asekelele nga nshi.

16 Uyo muntu nabe nge misumba iyo Yehova aonawile ukwabula ukuyumfwila uluse.

Naleumfwa imisowa mu nshita ya lucelo no kulila kwe penga akasuba nga kafika pa kati.

21 Yehova alandile na Yeremia, ilyo Imfumu Sidekia+ yatumine Pashihuri+ umwana wa kwa Malkiya na Sefania+ umwana wa kwa Maaseya, shimapepo, kuli ena ukuyamulomba ati: 2 “Twipushisheko kuli Yehova pa fili no kutucitikila, pantu Imfumu Nebukadnesari* iya ku Babiloni iletulwisha.+ Nalimo Yehova kuti atucitila icipesha amano, pa kuti Nebukadnesari aleke ukutulwisha.”+

3 Yeremia abebele ati: “Muye-eba Sidekia amuti, 4 ‘Yehova Lesa wa kwa Israele alanda ati: “Moneni, ndelenga ifyanso ifili mu minwe yenu fimwalukile,* ifyanso ifyo mulelwishishako imfumu ya ku Babiloni,+ na bena Kaldi abamushingile kunse ye linga, kabili nkafilonganika pa kati ka uyu musumba. 5 Kabili nkamulwishisha+ ku kuboko kwandi ukwatambalikwa kabili ukwa maka, ninshi nimfulwa kabili ninkalipa nga nshi.+ 6 Nkepaya abekala muli uno musumba, abantu ne nama. Bakafwa+ ku cikuko* icabipisha.”’

7 “‘“Pa numa ya ifi,” e fyo Yehova alanda, “Nkapeela Imfumu Sidekia iya mu Yuda na babomfi ba iko na bantu ba muli uno musumba—bonse abakapusuka ku cikuko, ku lupanga, na ku cipowe—mu minwe ya Mfumu Nebukadnesari* iya ku Babiloni, na mu minwe ya balwani babo, na mu minwe ya bonse abafwaya ukulofya umweo wabo,+ akabepaila ku lupanga. Takabomfwile ubulanda, takabalangulukileko kabili takabomfwile uluse.”’+

8 “Kabili webe aba bantu auti, ‘Yehova alanda ati: “Moneni ndebika pa ntanshi yenu inshila ya bumi ne nshila ya mfwa. 9 Abakashala muli uno musumba bakafwa ku lupanga, ku cipowe na ku cikuko. Lelo onse uukafumamo no kuyacimba ku bena Kaldi abalemushinga, akatwalilila ukuba no bumi* kabili akapokolola ubumi bwakwe.”’*+

10 “‘“Pantu nimfutatila uyu musumba pa kuti ndete ubucushi pali wena, te fisuma iyo,”+ e fyo Yehova alanda. “Nkaupeela mu minwe ya mfumu ya ku Babiloni,+ kabili nayo ikaoca.”+

11 “‘Mwe ba mu ng’anda ya mfumu ya mu Yuda: Umfweni ifyo Yehova alelanda. 12 Mwe ba mu ng’anda ya kwa Davidi, Yehova alanda ati:

‘Na imwe mwe balanda amuti: “Nani akesa mu kutulwisha?

Kabili nani akasansa icifulo cesu ico twikalamo?”

22 Yehova alanda ati: “Kabiye ku ng’anda ya mfumu* ya mu Yuda, uye yeba aya mashiwi. 2 Uye yeba auti, ‘Umfwa amashiwi ya kwa Yehova, we mfumu ya mu Yuda, we waikala pa cipuna ca bufumu ica kwa Davidi, iwe na babomfi bobe na bantu bobe, abengilila pali ishi impongolo. 3 Yehova alanda ati: “Muleba no mulinganya kabili mulecita ifyalungama. Mulepokololako uo baibila mu kuboko kwa ncenjeshi. Mwilacusha uwa ku calo cimbi, mwilacusha umwana uushakwata bawishi* na mukamfwilwa.+ Mwilasumya umulopa wa kaele muli ici cifulo.+ 4 “‘“Pantu nga mwakulakonka bwino bwino aya mashiwi, ninshi imfumu ishikala pa cipuna ca bufumu ica kwa Davidi+ shikengilila pali ishi impongolo isha ino ng’anda, ninshi nashinina mu maceleta na pali bakabalwe, shena na babomfi ba shiko na bantu ba shiko.”’+

5 “‘Lelo nga tamwakalekonka aya mashiwi, nailapa ne mwine nati, ‘iyi ng’anda ikonaulwa’+ e fyo Yehova alanda.

8 “‘Kabili abantu ba mu nko ishingi bakapita pali uyu musumba kabili bakalaipushanya abati: “Cinshi Yehova acitile ifi uyu umusumba uukalamba?”+ 9 Kabili bakala-asuka abati: “Ni co balitobele icipangano ico bapangane na Yehova Lesa wabo kabili balekontamina tulesa tumbi no kutubombela.”’+

11 “Pantu ifi e fyo Yehova alanda pali Shalumu*+ umwana wa kwa Yoshia, imfumu ya mu Yuda uuleteka mu cifulo ca kuti Yoshia wishi+ aleteka, kabili uwafuma muli cino cifulo alanda ati: ‘Takabwelele ku calo cakwe na kabili. 12 Pantu ku calo uko bamusenda ukuyaba nkole e ko akafwila, kabili takamone cino calo na kabili.’+

15 Bushe ukatwalilila fye ukuteka pa mulandu wa kuti wakuuliile isano lyobe ne mbao sha mikedari ishingi ukucila abantu bambi?

‘Bushe umu te mo ukunjishiba kwalola?’ e fyo Yehova alanda.

“Iye munyinane! Iye nkashi yandi!”

Tabakamulooshe abati:

“Iye mwe shikulu! Iye kanabesa!”

21 Nalilandile na iwe ilyo walemona ukuti naucingililwa.

Lelo walandile auti, ‘Nshamumfwile.’+

Lyena ukekatwa insoni kabili ukaseebana pa mulandu ne fyabipa ifikakucitikila.

24 “‘Na pali ne mwine,’ e fyo Yehova alanda, ‘nangu iwe Konia*+ umwana wa kwa Yehoyakimu,+ imfumu ya mu Yuda, wingaba inindaminwe ya kufwatikilako ku kuboko kwandi ukwa ku kulyo, kuti nakufuulako! 25 Nkakupeela mu minwe ya bafwaya ukulofya umweo obe, mu minwe ya bo utiina, mu minwe ya kwa Nebukadnesari* imfumu ya ku Babiloni na mu minwe ya bena Kaldi.+ 26 Kabili iwe na noko nkamupoosa ku calo cimbi uko mushafyalilwe, kabili kulya e ko mukafwila. 27 Kabili tabakatale ababwelela ku calo ico bafuluka.*+

29 “We calo, we calo, we calo, umfwa amashiwi ya kwa Yehova.

30 Yehova alanda ati:

23 “We bulanda kuli bakacema abaleonaula impaanga isho ncema kabili abaleshipasa!” e fyo Yehova alanda.+

2 E ico Yehova Lesa wa kwa Israele aeba abacema abantu bakwe ati: “Mwalipasa impaanga shandi; mwaleshipasa, kabili tamushisakamana.”+

“E ico ndemukanda pa fyabipa ifyo mucita,” e fyo Yehova alanda.

3 “Pa numa nkalonganika impaanga shandi ishashalapo mu fyalo fyonse umo nashipashiile,+ nkashibwesesha na mu mpanga ya shiko iya mulemfwe;+ kabili shikasanda no kufula.+ 4 Kabili nkabikako bakacema abakalashicema bwino sana.+ Tashakomfwe umwenso na kabili nelyo ukututuma, kabili tapakalube nangu imo,” e fyo Yehova alanda.

5 “Moneni! Inshiku shileisa,” e fyo Yehova alanda, “ilyo uukatuntuka*+ muli Davidi nkamubika pa cipuna ca bufumu. Kabili imfumu iikateka,+ ikalailuka nga nshi, ikaba no mulinganya kabili ikalacita ifyalungama mu calo.+ 6 Mu nshiku sha iko, Yuda akapusuka+ kabili Israele akekala umutende.+ Iyi imfumu bakalayita abati: Yehova E Bulungami Bwesu.”+

7 “Lelo nshiku shileisa,” e fyo Yehova alanda, “ilyo bashakalande abati, ‘Na pali Yehova uwafumishe abena Israele mu calo ca Egupti!’+ 8 Lelo bakalanda abati, ‘Na pali Yehova uwafumishe abatuntuka mu ng’anda ya kwa Israele mu calo ca ku kapinda ka ku kuso na mu fyalo fyonse ifyo abasalanganishishemo no kubabwesha,’ kabili bakekala mu calo cabo.”+

9 Ndelanda pali bakasesema nati:

Umutima wandi uli no bulanda nga nshi.

Amafupa yandi yonse yaletutuma.

Balacita ifyabipa kabili tababomfya bwino amaka yabo.

11 “Bakasesema bonse na bashimapepo balikowela.*+

Nangu fye ni mu ng’anda yandi ninsanga ifyabipa ifyo bacita,”+ e fyo Yehova alanda.

13 “Kabili muli bakasesema ba mu Samaria+ nimonamo ifya muselu.

14 Kabili muli bakasesema ba mu Yerusalemu nimonamo ifintu ifyabipa nga nshi.

15 E ico Yehova wa mabumba alanda pali bakasesema ati:

Pantu bakasesema ba mu Yerusalemu nabalenga ubusangu bwasalanganina mu calo conse.”

16 Yehova wa mabumba alanda ati:

“Mwilaumfwa ifilelanda bakasesema abalesesema kuli imwe.+

Balemulufya fye.*

Nani uwabika amano ku fyo alanda pa kuti afyumfwe?

Mu nshiku sha ku mpela mukeshiba bwino bwino umo ifi filolele.

21 Nshatumine bakasesema, lelo balibutwike.

Nshalandile nabo, lelo baliseseme.+

23 “Bushe mba fye Lesa nga ndi mupepi” e fyo Yehova alanda, “kabili bushe ndaleka ukuba Lesa nga ndi ukutali?”

24 “Bushe umuntu kuti afisama mu cifulo icafisama umo nshingamumona?”+ e fyo Yehova alanda.

“Bushe nshimona fyonse ifyaba mu myulu na pe sonde?”+ e fyo Yehova alanda.

25 “Ning’umfwa ifya bufi ifyo bakasesema basesemena mwi shina lyandi abati, ‘Nindoota iciloto! Nindoota iciloto!’+ 26 Ni lilali bakasesema bakaleka ukutontonkanya pa kusesema ifya bufi? Ni bakasesema abasesema ifya bufi ifya mu mitima yabo.+ 27 Bafwaya abantu bandi balaba ishina lyandi pa mulandu ne filoto ifyo baishimikila, nga filya fine bashibo balabile ishina lyandi pa mulandu wa kwa Baali.+ 28 Lekeni kasesema uli ne ciloto ashimike iciloto cakwe, lelo uuli na mashiwi yandi, nalande amashiwi yandi mu cishinka.”

“Bushe impimbili shalicindamapo ukucila ingano?” e fyo Yehova alanda.

29 “Bushe amashiwi yandi tayaba fye ngo mulilo?”+ e fyo Yehova alanda, “kabili bushe tayaba nga sando iyo babomfya pa kutobaula icilibwe?”+

30 E ico Yehova alanda ati: “Ndelwisha bakasesema abaleibilana amashiwi yandi.”+

31 Yehova alanda ati, “Moneni, ndelwisha bakasesema ababomfya indimi shabo pa kulanda abati, ‘Ifi e fyo alanda!’”+

32 “Moneni ndelwisha bakasesema abalanda ifiloto fya bufi,” e fyo Yehova alanda, “abashimika ifiloto fya bufi kabili abalufya abantu bandi pa mulandu wa bufi ubo balanda, na pa mulandu wa kuti balayumfwa.”+

“Lelo te ine nabatumine nelyo ukubeba ifya kulanda. E ico tabakalenge ifintu fikawamine abantu bandi nangu fye panono,”+ e fyo Yehova alanda.

33 “Kabili abantu nelyo kasesema nelyo shimapepo nga bakwipusha abati, ‘Bushe icipe icafina* ica kwa Yehova ni cinshi?’ ufwile ukubasuka auti, ‘“Imwe bene mwe bantu nimwe icipe icafina! Kabili nkamupoosa,”+ e fyo Yehova alanda.’ 34 Lelo kasesema nelyo shimapepo nangu abantu abakalanda abati, ‘Ici e cipe icafina* ica kwa Yehova!’ Nkakanda uyo muntu na ba mu ng’anda yakwe. 35 Ifi e fyo imwe bonse mweba umunenu na munyinenwe, ‘Bushe Yehova aswike shani? Kabili cinshi Yehova alandile?’ 36 Lelo tamufwile ukulanda na kabili pa cipe icafina* ica kwa Yehova, pantu icipe icafina* mashiwi ayo cila muntu alanda, kabili mwalyalula amashiwi ya kwa Lesa wa mweo, Yehova wa mabumba, Lesa wesu.

37 “Ukepushe kasesema auti, ‘Yehova akwaswike shani? Kabili cinshi ico Yehova alandile? 38 Kabili nga mwatwalilila ukulanda amuti “Icipe icafina* ica kwa Yehova,” Yehova alanda ati: “Pa mulandu wa kuti mulelanda amuti, ‘Aya mashiwi cipe icafina* ica kwa Yehova,’ pa numa namweba ukuti, ‘Tamufwile ukulanda amuti: “Icipe icafina* ica kwa Yehova!”’ 39 moneni! nkamwimya no kumupoosa ukutali sana ne cinso candi, imwe no musumba namupeele kabili uo napeele ifikolwe fyenu. 40 Kabili nkaleta pali imwe umusaalula wa muyayaya no museebanya wa muyayaya, kabili tamwakafilabe.”’”+

24 Lyena Yehova anangile imiseke ibili umwali amakunyu, ili pa ntanshi ye tempele lya kwa Yehova, kabili ninshi Nebukadnesari* imfumu ya ku Babiloni naisenda Yekonia*+ umwana wa kwa Yehoyakimu,+ imfumu ya mu Yuda, ne ntungulushi sha baYuda, na bacenjele mu fya kupangapanga na balefula ifyela.* Yabafumishe mu Yerusalemu, yabatwala ku Babiloni+ uko baileba bankole. 2 Mu museke umo mwali amakunyu ayasuma nga nshi nga makunyu ayabalilapo ukupya; e lyo mu museke umbi mwali amakunyu ayabi icine cine, ica kuti takuli umuntu nangu umo uwingayalya.

3 Lyena Yehova anjipwishe ati: “Finshi ulemona Yeremia?” Na ine namwaswike nati: “Ndemona amakunyu, amakunyu ayasuma, yasuma nga nshi, lelo amakunyu ayabi, yabi icine cine ica kuti takuli umuntu nangu umo uwingayalya.”+

4 E lyo Yehova anjebele ati: 5 “Yehova Lesa wa kwa Israele alanda ati, ‘Bankole abaYuda abo nafumya muli ici cifulo no kubatwala ku calo ca bena Kaldi, baba nga aya makunyu ayasuma, nakulabamona ukuti basuma. 6 Nshakafumye amenso yandi pali bena pa kuti ifintu fikabawamine, kabili nkalenga bakabwelele kuli cino calo.+ Nkabakuula kabili nshakababongolole; nkabalimba kabili nshakabanukule.+ 7 Nkabapeela umutima wa kunjishiba ukuti nine Yehova.+ Bakaba abantu bandi na ine nkaba Lesa wabo,+ pantu bakabwelela kuli ine no mutima wabo onse.+

8 “‘Lelo ifi e fyo Yehova alanda pa makunyu ayabi, ayabi icine cine ica kuti umuntu te kuti ayalye,+ alanda ati: “E fyo nkalamona Imfumu Sidekia+ iya mu Yuda, intungulushi shakwe, abashalapo mu Yerusalemu abali muli cino calo na baya mu kwikala ku calo ca Egupti.+ 9 Abantu ba mu mabufumu yonse bakalatiina nga bamona ubucushi nkabaletela.+ Abantu bakalabasaalula kabili bakalabalandapo nga balelanda pa bantu abacula, bakalabapumya kabili bakalabatiipa+ konse uko nkabasalanganishisha.+ 10 Kabili nkabatumina ulupanga,+ icipowe ne cikuko,*+ mpaka bakalobe mu calo ico nabapeele kabili ico napeele ifikolwe fyabo.”’”

25 Aya e mashiwi ayo Lesa aebele Yeremia pa bantu bonse abekala mu Yuda, mu mwaka walenga 4 ukutula apo Yehoyakimu+ umwana wa kwa Yoshia imfumu ya baYuda atendekeele ukuteka, e kutila mu mwaka wa kubalilapo uwa kuteka kwa kwa Nebukadnesari* imfumu ya Babiloni. 2 Kasesema Yeremia alandile pa bantu bonse abekala mu Yuda na bonse abekala mu Yerusalemu ati:

3 “Ukufuma mu mwaka walenga 13 ukutula apo Yoshia+ umwana wa kwa Amone, imfumu ya baYuda atendekeele ukuteka ukufika na lelo, muli iyi myaka 23, Yehova alelanda na ine kabili lyonse nalemweba ifyo alenjeba,* lelo tamwaleumfwa.+ 4 Kabili lyonse Yehova alemutumina* ababomfi bakwe bonse bakasesema, lelo tamwaleumfwa nelyo ukubikako amano.*+ 5 Balelanda abati, ‘Umuntu onse afume mu nshila yakwe iyabipa kabili aleke ukucita ifyabipa;+ nga mwacita ifi mukatwalilila ukwikala mu calo ico Yehova amupeele, kabili ico apeele ifikolwe fyenu ukufuma kale. 6 Mwilakonka tulesa tumbi, mwilatubombela kabili mwilatukontamina, pa kuti mwilankalifya ne milimo ya minwe yenu. Nga tamucitile ifi nkamuletela ubucushi.’

7 “‘Lelo tamwaumfwile ifyo nalemweba,’ e fyo Yehova alanda, ‘mwalinkalifye ne milimo ya minwe yenu kabili mwaileteele ubucushi.’+

8 “E ico Yehova wa mabumba alanda ati, ‘“Pa mulandu wa kuti tamwang’umfwilile, 9 ndeita indupwa shonse isha ku kapinda ka ku kuso,”+ e fyo Yehova alanda, “ndeita imfumu Nebukadnesari* iya ku Babiloni, umubomfi wandi,+ kabili nkalenga bakalwishe ici calo na bekalamo+ ne nko shonse isha bashinguluka.+ Nkonaula icalo na bantu, kabili nkalenga fikabe ica kutiinya, ica kulishisha umunsoli, kabili fikonaulwa umuyayaya. 10 Nkatalalika ishiwi lya kusekelela ne shiwi lya kusansamuka mu kati kabo,+ ishiwi lya kwa shibwinga ne shiwi lya kwa nabwinga,+ ne congo ce libwe lya kupelelako, kabili nkashimya ulubuuto lwa nyali. 11 Kabili ici calo conse bakaconaula, kabili cikaba ica kutiinya, ne shi inko shikabombela imfumu ya ku Babiloni pa myaka 70.”’+

12 “‘Lelo ilyo imyaka 70 ikapwa,+ nkalubulwisha* imfumu ya ku Babiloni na lulya uluko pa membu shabo,’+ e fyo Yehova alanda, ‘kabili nkalenga icalo ca bena Kaldi cikabe icibolya umuyayaya.+ 13 Nkaleta fyonse ifyo nalanda pali ici calo, fyonse ifyalembwa muli ili ibuuku lya kwa Yeremia ifyo asesemene inko shonse. 14 Pantu inko ishingi ne mfumu ishikalamba+ shikalenga bakabe abasha,+ kabili nkashikanda ukulingana ne fyo shicita e lyo ne milimo ya minwe ya shiko.’”+

15 Pantu Yehova Lesa wa kwa Israele anjebele ati: “Poka iyi kapu ya mwangashi iya bukali bwandi iili mu minwe yandi, kabili unweshe inko shonse isho ndekutumako. 16 Kabili bakanwa no kutalantanta, bakalacita nga bantu abapena pa mulandu wa lupanga ulo ndebatumina.”+

17 E ico nalipokele kapu ku minwe ya kwa Yehova kabili nalinweseshe inko shonse isho Yehova antumineko:+ 18 natampilepo ukunwesha Yerusalemu ne misumba ya mu Yuda,+ imfumu sha iko ne ntungulushi sha iko pa kuti nenge icalo na bantu fyonaulwe, fibe ica kupapa, ica kulishisha umunsoli kabili icitiipu,+ nge fi fine cili buno bushiku; 19 lyena Farao imfumu ya ku Egupti na babomfi bakwe ne ntungulushi shakwe na bantu bakwe bonse;+ 20 na bantu bonse abalekanalekana, imfumu shonse isha mu calo ca Usi, imfumu shonse isha mu calo baPelishiti,+ Ashkelone,+ Gasa, Ekrone na bashalapo mu Ashidode; 21 mu Edomu,+ mu Moabu+ e lyo na bena Amone;+ 22 imfumu shonse isha ku Turi, imfumu shonse isha ku Sidone+ ne mfumu sha pa cishi icaba pali bemba; 23 Dedani,+ Tema, Busi na bonse ababeya umushishi mu nsensematwi;+ 24 imfumu shonse isha bena Arabia+ ne mfumu shonse isha bantu abalekanalekana abekala mu matololo; 25 imfumu shonse isha ku Simri, imfumu shonse isha ku Elamu+ ne mfumu shonse isha bena Madai;+ 26 ne mfumu shonse isha ku kapinda ka ku kuso ishaba mupepi ne shaba ukutali, imo na imo, na mabufumu yambi yonse ayaba pe sonde; ne mfumu Sheshaki*+ e ikalekeleshako ukunwa.

27 “Kabili ufwile ukubeba auti, ‘Yehova wa mabumba, Lesa wa kwa Israele alanda ati: “Nweni mukolwe, muluke kabili muwe ica kuti mufilwe no kwima+ pa mulandu wa lupanga ulo ndemutumina.”’ 28 Kabili nga bakaana ukupoka kapu mu minwe yobe pa kuti banwe, ukabebe auti, ‘Yehova wa mabumba alanda ati: “Mufwile fye ukunwa. 29 Pantu moneni! Nga ca kuti ndebalilapo ukuleta ubucushi pa musumba uwainikwa ishina lyandi,+ bushe kuti nafilwa ukumukanda?”’+

“‘Nshakaleke fye ukwabula ukumukanda, pantu ndeita ulupanga ukuti lwise pali bonse abaikala pe sonde,’ e fyo Yehova wa mabumba alanda.

Akabulumina nga nshi icifulo cakwe ico ekalamo.

Akapingula abantu bonse.*+

Kabili akalenga abacita ifyabipa bakabepaye ku lupanga,’ e fyo Yehova alanda.

32 Yehova wa mabumba alanda ati:

33 Kabili muli bulya bushiku abo Yehova akepaya, bakaba fye konse pano isonde, ukufuma ku mpela imo iye sonde ukuyafika ku mpela imbi iye sonde. Tabakabalooshe, nelyo ukubalonganika nangu ukubashiika. Bakaba umufundo pa muulu wa mushili.”

34 “Loosheni mwe bakacema kabili pundeni!

26 Ilyo Yehoyakimu+ umwana wa kwa Yoshia, imfumu ya mu Yuda atendeke ukuteka, Yehova aebele Yeremia ati: 2 “Yehova alanda ati, ‘Keminine mu lubansa lwa ng’anda ya kwa Yehova, kabili webe abantu bonse aba mu misumba ya mu Yuda abaleisa mu kupepa* pa ng’anda ya kwa Yehova. Ubebe fyonse ifyo nalakweba; wishako nangu cimo. 3 Nalimo bakomfwa kabili cila muntu akaleka ukucita ifyabipa ifyo acita, kabili nshakabaletele ubucushi* ubo napangile ukubaletela pa mulandu wa fyabipa ifyo bacita.+ 4 Ubebe auti: “Yehova alanda ati, ‘Nga tamwakulakonka amafunde* yandi ayo namupeela pa kuti muleng’umfwila, 5 nga tamwakulaumfwila ababomfi bandi bakasesema, abo ntuma kuli imwe imiku ne miku,* abo mushumfwila,+ 6 lyena nkalenga ino ng’anda ikabe nga Shilo,+ kabili nkalenga inko shonse isha pe sonde shikalelumbula uno musumba pa kutipwila.’”’”+

7 Kabili bashimapepo, bakasesema na bantu bonse balyumfwile ilyo Yeremia alelanda aya mashiwi pa ng’anda ya kwa Yehova.+ 8 E ico ilyo Yeremia apwishishe ukweba abantu bonse fyonse ifyo Yehova amwebele, bashimapepo, bakasesema na bantu bonse balimwikete kabili bamwebele abati: “Nangu cibe shani twalakwipaya. 9 Cinshi wasesemena mwi shina lya kwa Yehova auti, ‘Ino ng’anda ikaba nga Shilo, na uno musumba bakaonaula kabili tamwakabe uukalaikalamo?” Kabili abantu bonse balilongene no kushinguluka Yeremia mu ng’anda ya kwa Yehova.

10 Ilyo intungulushi sha mu Yuda shaumfwile aya mashiwi, shafumine ku ng’anda ya mfumu* no kuya ku ng’anda ya kwa Yehova, kabili shaileikala pa mpongolo iipya iya kwa Yehova.+ 11 Lyena bashimapepo na bakasesema baebele intungulushi na bantu bonse abati: “Uyu muntu alingile ukumupingula ukuti afwe,+ pantu nasesema ukuti ifyabipa fikesa pali uyu musumba nge fyo muyumfwilile na matwi yenu.”+

12 Lyena Yeremia aebele intungulushi shonse na bantu bonse ati: “Ni Yehova e wantumine ukwisasesema aya mashiwi yonse ayo mwaumfwa+ pali iyi ng’anda na pali uyu musumba. 13 E ico nomba aluleni inshila shenu, kabili lekeni ukucita ifyabipa. Muleumfwa ifyo Yehova Lesa wenu akulamweba, kabili Yehova akabweshamo umutima,* takalete ubucushi ubo alandile ukuti akamuletela.+ 14 Lelo ine ndi mu minwe yenu. Nciteni ico mulemona ukuti cisuma no kuti nacilungama. 15 Nomba mwishibe ukuti nga mwanjipaya, nangu cibe shani umulandu wa kusumya umulopa wa kaele uleba pali imwe na pali uno musumba na pa bekalamo, pantu ukulanda fye icishinka Yehova e wantumine ukwisamweba aya mashiwi yonse mwaumfwa.”

16 Lyena intungulushi na bantu bonse baebele bashimapepo na bakasesema abati: “Uyu muntu talingile ukumupingula ukuti afwe, pantu ni mwi shina lya kwa Yehova Lesa wesu e mo atwebele aya mashiwi.”

17 Kabili abakalamba bamo aba mu calo balimine, batendeka ukweba abantu bonse abalongene abati: 18 “Mika+ uwa ku Moreshete alesesema mu nshiku imfumu Hisekia+ iya mu Yuda yaleteka kabili ale-eba abaYuda bonse ati, ‘Yehova wa mabumba alanda ati:

19 Bushe imfumu Hisekia iya mu Yuda na baYuda bonse balimwipeye? Bushe tatiinine Yehova no kupaapaata Yehova ukuti ababelele uluse,* ica kuti Yehova alibweseshemo umutima* kabili tabaletele ubucushi ubo alandile ukuti ali no kubaletela?+ E ico twalailetela ubucushi ubukalamba fwe bene.*

20 “Kabili kwali na umbi uwalesesemena mwi shina lya kwa Yehova, uyu ali ni Uriya umwana wa kwa Shemaya uwa ku Kiriati-yearimu.+ Alesesema ukuti ifyabipa fyali no kwisa pali uno musumba na pali cino calo, alelanda amashiwi nga ayo Yeremia alandile. 21 Imfumu Yehoyakimu+ na baume ba iko bonse aba maka ne ntungulushi shonse, balyumfwile ifyo Uriya alandile kabili imfumu yalefwaya ukumwipaya.+ Ilyo Uriya aumfwile ukuti balefwaya ukumwipaya, apo pene alyumfwile umwenso kabili abutukile ku Egupti. 22 Lyena imfumu Yehoyakimu yatumine Elnatani+ umwana wa kwa Akbore na baume bambi ku Egupti. 23 Bailesenda Uriya ku Egupti no kumutwala ku mfumu Yehoyakimu, na yo yalimwipeye ku lupanga+ no kupoosa icitumbi cakwe mu nshiishi ya bantu yaweyawe.”

24 Lelo Ahikamu+ umwana wa kwa Shafani+ alicingilile Yeremia pa kuti bemupeela mu minwe ya bantu ukuti bamwipaye.+

27 Ilyo Yehoyakimu umwana wa kwa Yoshia, imfumu ya mu Yuda atendeke ukuteka, Yehova alilandile na Yeremia: 2 “Lyena Yeremia alandile ati, ‘Yehova anjebele ukuti, ipangile intambo na makoli kabili ufibike pa mukoshi obe. 3 Lyena upeele inkombe ishishile ku Yerusalemu ku mfumu Sidekia iya baYuda pa kuti na sho shikatwale ku mfumu ya ku Edomu,+ ku mfumu ya ku Moabu,+ ku mfumu ya bena Amone,+ ku mfumu ya ku Turi,+ na ku mfumu ya ku Sidone.+ 4 Ushebe shiye-eba bashikulu ba shiko ashiti:

“‘“Yehova wa mabumba, Lesa wa kwa Israele alanda ati; ifi e fyo mwebe bashikulwinwe, 5 ‘Nine napangile isonde, abantu ne nama ishaba pe sonde ku maka yandi ayakalamba na ku kuboko kwandi ukwatambalikwa; kabili uo natemwa e o napeela isonde.*+ 6 Nomba nimpeela umubomfi wandi Nebukadnesari+ imfumu ya ku Babiloni ifi fyalo fyonse; nimupeela ne nama sha mu mpanga pa kuti shilemunakila. 7 Inko shonse shikamubombela kabili shikabombela no mwana wakwe no mwishikulu wakwe, mpaka inshita ya calo cakwe ikapwe+ ilyo inko ishingi ne mfumu ishikalamba shikalenga akabe umusha wa shiko.’+

8 “‘“‘Uluko nelyo ubufumu ubukakaana ukubombela imfumu Nebukadnesari iya ku Babiloni, kabili ubukakaana ukubika umukoshi wa buko mwi koli lya mfumu ya ku Babiloni, nkabukandila ku lupanga,+ ku cipowe na ku cikuko,* ‘mpaka nkabulofeshe ku kuboko kwakwe,’ e fyo Yehova alanda.

9 “‘“‘E ico mwilaumfwa kuli bakasesema benu, ku babuka, ku baloota ifiloto, ku bacita ifinjelengwe na ku ndoshi, abalanda abati: “Tamwakabombele imfumu ya ku Babiloni.” 10 Pantu ifyo bamusesemena fya bufi, pa kuti bamufumye mu calo cenu, bamutwale ku calo icaba ukutali nga nshi; kabili nkamusalanganya no kumulofya.

11 “‘“‘Lelo uluko ulukabika umukoshi wa luko mwi koli lya mfumu ya ku Babiloni no kulaibombela, nkalusuminisha ukwikala* mu calo ca luko. Lukalalimamo kabili e mo lukalaikala,’ e fyo Yehova alanda.’”’”

12 Ifi fine e fyo naebele ne mfumu Sidekia+ iya mu Yuda, nayebele nati: Bikeni imikoshi yenu mwi koli lya mfumu ya ku Babiloni no kulaibombela e lyo no kulabombela abantu ba iko, kabili mukatwalilila ukuba no mweo.+ 13 Bushe ulefwaya iwe na bantu bobe mukafwe ku lupanga,+ ku cipowe+ na ku cikuko+ nga fintu Yehova alandile pa luko ulushakabombele imfumu ya ku Babiloni? 14 Mwilaumfwa ifyo bakasesema balemweba abati, Tamwakabombele imfumu ya ku Babiloni,’+ pantu ifyo balemusesemena fya bufi.+

15 “‘Pantu te ine nabatumine,’ e fyo Yehova alanda, ‘lelo balesesemena ifya bufi mwi shina lyandi pa kuti imupase, kabili mukaloba, imwe na bakasesema abalemusesemena ifya bufi.’”+

16 Kabili naebele bashimapepo na bantu bonse nati: “Yehova alanda ati, ‘Mwiumfwa ifyo bakasesema balemweba abati: “Moneni! Nomba line+ ifipe fya mu ng’anda ya kwa Yehova bali no kufileta ukufuma ku Babiloni!” Pantu ifyo balemusesemena fya bufi.+ 17 Mwilaumfwa kuli bena. Bombeleni imfumu ya ku Babiloni kabili mukatwalilila ukuba aba mweo.+ Inga cinshi ico uno musumba wingonaikila? 18 Lelo nga ni bakasesema kabili balalanda amashiwi ya kwa Yehova, nabapaapaate Yehova wa mabumba ukuti ifipe ifyashalapo ifya mu ng’anda ya kwa Yehova, ifya mu ng’anda ya mfumu* ya mu Yuda ne fya mu Yerusalemu bekafitwala ku Babiloni.’

19 “Pantu ifi e fyo Yehova wa mabumba alanda pa nceshi,+ pa cishiba,*+ pa fya kusendelapo amenshi+ na pa fipe fimbi ifyashalapo ifyaba muli uno musumba, 20 ifyo Nebukadnesari imfumu ya ku Babiloni ashasendele ilyo asendele Yekonia umwana wa kwa Yehoyakimu, imfumu ya mu Yuda, ukumufumya mu Yerusalemu ukumutwala ku Babiloni uko aileba nkole pamo na bashimucindikwa bonse aba mu Yuda na ba mu Yerusalemu;+ 21 Yehova wa mabumba, Lesa wa kwa Israele, alanda pa fipe ifyashala mu ng’anda ya kwa Yehova na mu ng’anda ya mfumu* ya mu Yuda na mu Yerusalemu ati: 22 ‘“Bakafitwala+ ku Babiloni kabili fikatwalilila ukuba kulya mpaka ilyo nkafifwaya,” e fyo Yehova alanda. “Lyena nkafileta kuli cino cifulo.”’”+

28 Mu mwaka umo wine ilyo imfumu Sidekia+ iya mu Yuda yatendeke ukuteka, mu mwaka walenga 4, mu mweshi walenga 5, kasesema Hanania umwana wa kwa Asuri uwa ku Gibeone,+ anjebele mu ng’anda ya kwa Yehova ninshi bashimapepo na bantu bonse baleumfwako ati: 2 “Yehova wa mabumba, Lesa wa kwa Israele alanda ati, ‘Nkakontola ikoli lya mfumu ya ku Babiloni.+ 3 Ilyo imyaka* ibili ishilapwa, nkabwesesha kuli cino cifulo ifipe fyonse ifya mu ng’anda ya kwa Yehova ifyo imfumu Nebukadnesari iya ku Babiloni yafumishe muli cino cifulo no kufitwala ku Babiloni.’”+ 4 “‘Kabili nkabwesesha na Yekonia+ umwana wa kwa Yehoyakimu+ imfumu ya mu Yuda kuli cino cifulo, pamo na baYuda bonse abayaba bankole ku Babiloni,’+ e fyo Yehova alanda, ‘pantu nkakontola ikoli lya mfumu ya ku Babiloni.’”

5 Lyena kasesema Yeremia alandile na kasesema Hanania ninshi bashimapepo na bantu bonse abaiminine mu ng’anda ya kwa Yehova baleumfwako. 6 Kasesema Yeremia alandile ati: “Ameni!* Yehova nacite ifyo fine! Yehova nafikilishe ifyo wasesema ukuti ifipe fya mu ng’anda ya kwa Yehova bakafifumya ku Babiloni no kufileta kuli cino cifulo pamo na bantu bonse abayaba bankole ku Babiloni! 7 Lelo amatwi yobe na matwi ya bantu bonse, nayomfwe ifyo nalalanda. 8 Kale bakasesema abaliko ilyo iwe na ine tushilabako, balesesema abati, mu fyalo ifingi na mu mabufumu ayakalamba mukaba inkondo, ubucushi ne cikuko.* 9 Kasesema nga asesema ukuti kukaba umutende, kabili ifyo asesema fyacitika, ninshi cikeshibikwa ukuti cine cine uwamutumine ni Yehova.”

10 Lyena kasesema Hanania afumishe ikoli pa mukoshi wa kwa kasesema Yeremia no kulikontola.+ 11 Lyena Hanania alandile ninshi abantu bonse baleumfwako ati: “Yehova alanda ati, ‘Ifi fine e fyo nkacita ilyo imyaka ibili ishilapwa. Nkakontola ikoli lya mfumu Nebukadnesari iya ku Babiloni ilyo yabika pa mukoshi wa nko shonse.’”+ Kabili kasesema Yeremia alifuminepo aya.

12 Ilyo kasesema Hanania afumishe ikoli pa mukoshi wa kwa kasesema Yeremia no kulikontola, Yehova aebele Yeremia ati: 13 “Kabiye webe Hanania auti, ‘Yehova alanda ati: “Wakontola ikoli lya cimuti,+ nomba walapanga amakoli yambi aya cela.” 14 Pantu Yehova wa mabumba, Lesa wa kwa Israele alanda ati: “Nkabika ikoli lya cela pa mukoshi wa ishi inko shonse, pa kuti shikalebombela imfumu Nebukadnesari iya ku Babiloni; kabili shifwile fye ukulamubombela.+ Nkamupeela ne nama sha mu mpanga.”’”+

15 Lyena kasesema Yeremia aebele kasesema Hanania+ ati: “Umfwa iwe Hanania! Yehova te ukutumine, lelo naulenga aba bantu bacetekela ubufi.+ 16 E ico Yehova alanda ati, ‘Mona! Ndekufumya pano calo. Uno mwaka ulefwa, pantu naulenga abantu bapondokela Yehova.’”+

17 E ico kasesema Hanania alifwile muli ulya wine mwaka, mu mweshi walenga 7.

29 Aya e mashiwi yali muli kalata iyo kasesema Yeremia atumine ninshi ali mu Yerusalemu ku bakalamba abali pali bankole, kuli bashimapepo, kuli bakasesema na ku bantu bonse abo Nebukadnesari afumishe mu Yerusalemu no kubatwala ku Babiloni uko baileba bankole, 2 ilyo imfumu Yekonia,+ namfumu,+ ababomfi ba kwi sano, intungulushi sha mu Yuda na mu Yerusalemu, abaishibe ifya kupangapanga na balefula ifyela* bafumine mu Yerusalemu.+ 3 Atumine Elasa umwana wa kwa Shafani+ na Gemaria umwana wa kwa Hilkia ukuti batwale iyi kalata ku Babiloni. Aba e bo Sidekia imfumu+ ya mu Yuda atumine ku mfumu Nebukadnesari iya ku Babiloni. Aya e mashiwi yali muli kalata:

4 “Yehova wa mabumba, Lesa wa kwa Israele, aeba bankole bonse abo alengele bafuma mu Yerusalemu no kuya ku Babiloni uko baileba bankole ati, 5 ‘Kuuleni amayanda no kwikalamo, limeni amabala no kulya ifisabo fya yako. 6 Upeni no kufyala abana abaume na bana abanakashi; fwaileni abana benu abaume, abanakashi bakuupa kabili ufyeni abana benu abanakashi pa kuti nabo bakwate abana abaume na bana abanakashi. Fuleni uko kwine, mwikacepa iyo. 7 Kabili mulecita ifingalenga mu musumba umo mwayaba bankole mwaba umutende, kabili muleupepelako kuli Yehova, pantu nga mwaba umutende na imwe mukaba no mutende.+ 8 Pantu Yehova wa mabumba, Lesa wa kwa Israele alanda ati: “Mwileka bakasesema benu na babuka abo mwaba nabo bamubepe,+ kabili mwilakutika ku balelondolola ifiloto baloota. 9 Pantu ‘ifyo balesesemena mwi shina lyandi fya bufi. Te ine nabatumine,’+ e fyo Yehova alanda.”’”

10 “Pantu Yehova alanda ati, ‘Ilyo imyaka 70 ikakumana ninshi muli ku Babiloni, nkamubikako amano+ kabili nkafikilisha ifyo namulaile ukuti nkamubwesesha kuli cino cifulo.’+

11 “‘Pantu ninjishiba bwino ifyo ndetontonkanya ukumucitila,’ e fyo Yehova alanda, ‘ndetontonkanya ukumupeela umutende, te bucushi iyo,+ ukumupeela inshita ya ku ntanshi iisuma ne subilo.+ 12 Kabili mukalilila kuli ine, mukesa no kupepa kuli ine, na ine nkomfwa kuli imwe.’+

13 “‘Mukamfwaya kabili mukansanga,+ pantu mukamfwaya no mutima wenu onse.+ 14 Kabili nkaleka mukansange,’+ e fyo Yehova alanda. ‘Nkalonganika bankole benu bonse kabili nkamulonganika ukufuma mu nko shonse na mu fifulo fyonse umo namusalanganishishe,’+ e fyo Yehova alanda. ‘Kabili nkamubwesesha ku cifulo uko namufumishe ilyo nalengele mwayaba bankole ku calo cimbi.’+

15 Lelo mulandile amuti, ‘Yehova alitupeela bakasesema mu Babiloni.’

16 “Pantu Yehova aeba imfumu iyaikala pa cipuna ca bufumu ica kwa Davidi+ na bantu bonse abekala muli uno musumba, bamunyinenwe abashaile na imwe ku calo cimbi uko mwayaba bankole. Abeba ati, 17 ‘Yehova wa mabumba alanda ati: “Moneni, ndebatumina ulupanga, icipowe, ne cikuko,*+ kabili ndelenga babe nga makunyu ayabola* kabili ayabi ayo umuntu nangu umo ashingalya.”’+

18 “‘Nkabapepeka no lupanga,+ icipowe ne cikuko, kabili nkalenga bakabe ica kutiinya ku mabufumu yonse aya pano isonde,+ bakaba icitiipu ica kupapa kabili ica kulishisha umunsoli.+ Bakaseebana mu nko shonse isho nkabasalanganishishamo,+ 19 pa mulandu wa kuti tabaumfwilile amashiwi yandi ayo ababomfi bandi bakasesema babebele,’ e fyo Yehova alanda, ‘abo naletuma pa miku iingi’*+

“‘Lelo twamwang’umfwilile,’+ e fyo Yehova alanda.

20 “E ico umfweni ifyo Yehova alanda imwe bankole bonse, mwebo afumishe mu Yerusalemu no kumutwala ku Babiloni. 21 Ifi e fyo Yehova wa mabumba, Lesa wa kwa Israele, alanda pali Ahabu umwana wa kwa Kolaya na pali Sidekia umwana wa kwa Maaseya, abalemusesemena ifya bufi mwi shina lyandi.+ ‘Moneni, ndebapeela mu minwe ya mfumu Nebukadnesari* iya ku Babiloni, kabili ikabepaya ninshi mulemonako. 22 Kabili ifikabacitikila, bankole bonse abaYuda mu Babiloni bakalafilandapo nga baletiipa, bakalalanda abati: “Yehova nalenge ube nga Sidekia na Ahabu, abo imfumu ya ku Babiloni yaocele!” 23 pantu nabaiseebanya mu Israele,+ balacita ubucende na bakashi ba banabo kabili balandila ifya bufi mwi shina lyandi, ifyo nshabebele.+

“‘“Nine naishiba kabili nine kambone,”+ e fyo Yehova alanda.’”

24 “Kabili webe Shemaya+ uwa ku Nehelamu auti, 25 ‘Yehova wa mabumba, Lesa wa kwa Israele alanda ati: “Pa mulandu wa kuti walitumiine amakalata mwi shina lyobe ku bantu bonse aba mu Yerusalemu, na kuli Sefania+ umwana wa kwa Maaseya shimapepo, na kuli bashimapepo bonse auti, 26 ‘Yehova nalenga waba shimapepo mu cifulo ca kwa Yehoyada shimapepo, pa kuti uleangalila ing’anda ya kwa Yehova, kabili ulemona umuntu onse uwapena uulecita nga kasesema, ukamubike mu makusu;*+ 27 nomba cinshi ico mushikalipilile Yeremia uwa ku Anatote+ uulecita nga kasesema pa ntanshi yenu?+ 28 Pantu alitutumiine na mashiwi mu Babiloni ati: “Pakapita inshita iitali! Kuuleni amayanda no kwikalamo, limeni amabala no kulya ifisabo fya yako,+—”’”’”

29 Ilyo Sefania+ shimapepo abelengele iyi kalata ninshi kasesema Yeremia aleumfwako, 30 Yehova aebele Yeremia ati: 31 “Tumina bankole bonse amashiwi ya kuti, ‘Yehova alanda pali Shemaya uwa ku Nehelamu ati: “Pa mulandu wa kuti Shemaya alimusesemene nangu ca kuti nshamutumine kabili alefwaya mucetekele ifya bufi,+ 32 Yehova alanda ati, ‘Moneni, ndi no kukanda Shemaya uwa ku Nehelamu na batuntuka muli ena. Pa bantu bakwe tapakapusuke nangu umo; kabili takamone ifisuma ifyo nkacitila abantu bandi,’ e fyo Yehova alanda, ‘pantu nalenga abantu bapondokela Yehova.’”’”

30 Yehova aebele Yeremia ati: 2 “Yehova Lesa wa kwa Israele alanda ati, ‘Lemba mwi buuku fyonse ifyo nalakweba. 3 Pantu “mona! inshiku shileisa,” e fyo Yehova alanda, “ilyo nkalonganika bankole ba bantu bandi, Israele na Yuda,”+ e fyo Yehova alanda, “kabili nkababwesesha ku calo ico napeele ifikolwe fyabo, cikaba calo cabo na kabili.”’”+

4 Ifi e fyo Yehova aebele Israele na Yuda.

 5 Yehova alanda ati:

 6 Ipusheni nga ca kuti umwaume kuti afyala umwana.

Cinshi ifinso fyabo fyonse fyalukiile?

 7 Iye! Ubushiku bulya bukabipa nga nshi.*+

Lelo akapusuka.”

8 “Kabili muli bulya bushiku,” e fyo Yehova wa mabumba alanda, “nkafumya ikoli pa mikoshi yenu no kulikontaula, nkaputaula ne ntambo, na bantu bambi bambi* tabakalenge akabe umusha* wabo na kabili. 9 Kabili bakabombela Yehova Lesa wabo na Davidi imfumu yabo uo nkabemisha.”+

11 “Pantu ndi na iwe,” e fyo Yehova alanda, “pa kuti nkupusushe.

12 Pantu Yehova alanda ati:

“Ifi wafunika tawakapole.+

Icilonda cobe te kuti cipole.

Takuli umuti wa kukundapilako.

14 Bonse abakutemwa sana nabakulabako.+

Tabalekufwaya.

15 Cinshi ulelilila pa mulandu wa kuti naufunika?

Ukukalipwa kobe takwakapwe!

Sione uo umuntu nangu umo ashifwaya.’”+

18 Yehova alanda ati:

19 Bakalaimba inyimbo sha kutootela kabili bakalasekelela.+

Nkakanda bonse abakalamucusha.+

Nkamusuminisha ukupalama, na o akapalama kuli ine.”

“Pantu nani uwingapalama kuli ine?”* e fyo Yehova alanda.

22 “Kabili mukaba abantu bandi,+ na ine nkaba Lesa wenu.”+

Mu nshiku sha ku mpela mukeshiba umo ifi filolele.+

31 “Pali ilya nshita,” e fyo Yehova alanda, “nkaba Lesa wa ndupwa shonse isha kwa Israele; nabo bakaba abantu bandi.”+

 2 Yehova alanda ati:

 3 Yehova amoneke kuli ine ilyo nali ukutali sana kabili anjebele ati:

“Ukutemwa nakutemwa kwa muyayaya.

E co nakupalamikila kuli ine ukubomfya ukutemwa ukushipwa.*+

 4 Nkakukuula cipya cipya, kabili ukaba uluko na kabili.+

 6 Pantu ubushiku bukesa ilyo bamalonda ba mu mpili sha mu Efraimu bakabilikisha abati:

‘Imeni, natuleya ku Sione kuli Yehova Lesa wesu.’”+

 7 Pantu Yehova alanda ati:

“Sanswileni Yakobo amashiwi ninshi mulesekelela.

Sansamukeni pantu namukwata amaka pa nko.+

 8 Nkababwesha ukufuma ku calo ca ku kapinda ka ku kuso.+

Kabili nkabalonganika ukufuma mu ncende ishaba ukutali pano isonde.+

Bakabwelela kuno ninshi bali ibumba ilikalamba.+

 9 Bakesa balelila,+

Nkabatungulula uku ninshi balempaapaata ukuti mbabelele uluse.

Pantu nine Wishi wa kwa Israele kabili Efraimu e beli lyandi.”+

“Uwasalangenye Israele, akamulonganika pamo.

Kabili akamusunga nga filya kacema asunga impaanga shakwe.+

Nkalenga bakaleke ukuloosha, lelo bakalesekelela.+

Nkabasansamusha kabili nkalenga bakalesekelela mu cifulo ca kuba no bulanda.+

15 “Yehova alanda ati:

‘Mu Rama+ muleumfwika ishiwi lya uleloosha no kulila nga nshi:

Rakele aleloosha abana bakwe abaume.*+

16 Yehova alanda ati:

‘Bakabwela ukufuma ku calo ca mulwani.’+

17 “‘Kabili ifintu fikakuwamina ku ntanshi,’+ e fyo Yehova alanda.

‘Abana bobe abaume bakabwelela ku calo cabo.’”+

20 “Bushe Efraimu te mwana wandi uo natemwa nga nshi?+

Nangu ca kuti ndamukalipila imiku iingi, nshimulabako.+

E co mufulukila,*

Kabili nangu cibe shani nkamumfwila uluse,” e fyo Yehova alanda.+

Bika amano ku musebo uukalamba uo ufwile ukupitamo.+

Bwela nacisungu Israele. Bwelela kuli iyi misumba yobe.

22 Ni lilali ukaleka ukupitana, we mwana mwanakashi uushaba ne cishinka?

Pantu Yehova napanga icintu icipya mwi sonde:

Umwanakashi akalafwaisha umwaume.”

23 Yehova wa mabumba, Lesa wa kwa Israele alanda ati: “Ilyo nkabwesha bankole babo bakalanda aya mashiwi na kabili mu Yuda na mu misumba ya iko, abati: ‘Yehova nakupaale we cifulo ca kwikalamo icalungama,+ we lupili lwa mushilo.’+ 24 Kabili mu Yuda e mo abekala mu misumba, abalimi na bacema ifitekwa bakekala.+ 25 Pantu nkakosha abanaka,* kabili abashikwete amaka*+ nkabapeela ifyo balekabila.”

26 E ico nalishibwike no kulolesha, kabili utulo twaliweme.

27 “Moneni! Inshiku shileisa,” e fyo Yehova alanda, “ilyo nkabyala mu ng’anda ya kwa Israele na mu ng’anda ya kwa Yuda ulubuto* lwa muntu no lubuto lwa fitekwa.”+

28 “Kabili nga filya fine nabikileko amano pa kubanukula, pa kubawisha, pa kubabongolola, pa kubonaula na pa kubacita ifyabipa,+ e fyo nkabikako amano pa kuti nkabakuule no kubalimba,”+ e fyo Yehova alanda. 29 “Muli shilya nshiku tabakalande na kabili abati, ‘Bashibo e baliile imyangashi iibishi, lelo ameno ya bana babo e yawililemo.’*+ 30 Lelo umuntu onse akafwila pa lubembu lwakwe. Onse uwalya imyangashi iibishi, e o ameno yakawa.”

31 “Moneni! Inshiku shileisa,” e fyo Yehova alanda, “ilyo nkapangana icipangano icipya+ na ba mu ng’anda ya kwa Israele na ba mu ng’anda ya kwa Yuda. 32 Tacakabe nge cipangano napangene na bashibo mu bushiku naikete ukuboko kwabo pa kuti mbatungulule ukufuma mu calo ca Egupti,+ ‘icipangano ico batobele,+ nangu ca kuti nine fye nali shikulu wabo,’* e fyo Yehova alanda.”

33 “Pantu ici e cipangano ico nkapangana na ba mu ng’anda ya kwa Israele pa numa ya nshiku shilya,” e fyo Yehova alanda. “Nkabika amafunde yandi mu filundwa fyabo ifya mu kati,+ kabili nkayalemba mu mitima yabo.+ Nkaba Lesa wabo, nabo bakaba abantu bandi.”+

34 “Kabili umuntu onse takasambilishe umunankwe nangu munyina ati: ‘Ishiba Yehova!’+ pantu bonse bakanjishiba, ukufuma ku munono ukufika ku mukalamba,”+ e fyo Yehova alanda. “Pantu nkeleela ifilubo fyabo, kabili nshakebukishe imembu shabo.”+

37 Yehova alanda ati: ‘Imyulu nga kuti baipima, no mufula we sonde nga kuti bawishiba ninshi na ine kuti nakaana abana ba kwa Israele bonse pa mulandu na fyonse ifyo bacita,’ e fyo Yehova alanda.”+

38 “Moneni! Inshiku shileisa,” e fyo Yehova alanda, “ilyo bakakuula+ umusumba wa kwa Yehova ukufuma ku Lupungu lwa kwa Hananele+ ukuyafika ku Mpongolo ya pa Koona.+ 39 Ne ntambo ya kupiminako+ bakaifungulula ikaya ku kapili ka Garebu, lyena ikaalukila ku Goa. 40 Kabili imipokapoka* yonse iya fitumbi ne ya mito,* na mabala yonse ukuyafika ku Mupokapoka wa Kidrone,+ e lyo no kuyafika pa koona ya Mpongolo ya Bakabalwe,+ ukulola ku kabanga, fikaba fya mushilo kuli Yehova.+ Umusumba tabakaunukule nelyo uku-ubongolola na kabili.

32 Yehova alandile na Yeremia mu mwaka walenga 10 ukutula apo Imfumu Sidekia iya mu Yuda yatendekeele ukuteka, e kutila mu mwaka walenga 18 ukutula apo Nebukadnesari*+ atendekeele ukuteka. 2 Pali ilya nshita ibumba lya bashilika ba mfumu ya ku Babiloni lyalishingile Yerusalemu, kabili kasesema Yeremia balimwisaliile mu Lubansa lwa Balelonda+ ulwaba mu ng’anda ya mfumu* ya mu Yuda. 3 Pantu Imfumu Sidekia iya mu Yuda yalimwisaliile,+ kabili yalemweba ati, “Cinshi ulesesemena ifi? Ulelanda auti, ‘Yehova alanda ati: “Ndepeela uno musumba mu minwe ya mfumu ya ku Babiloni, kabili ikaucimfya,+ 4 kabili Imfumu Sidekia iya mu Yuda tayakafulumuke abena Kaldi, pantu bakaipeela mu minwe ya mfumu ya ku Babiloni kabili ikalanda nayo icinso ne cinso.”’+ 5 ‘Ikatwala Sidekia ku Babiloni, kabili e ko akekala mpaka nkamubikeko amano,’ e fyo Yehova alanda. ‘Nangu mwatwalilila ukulwa na bena Kaldi tamwakabacimfye.’”+

6 Yeremia alandile ati: “Yehova nalanda na ine, anjebele ati, 7 ‘Mona, Hanamele umwana wa kwa Shalumu wiso* alaisakweba ati: “Shita impanga yandi mu Anatote,+ pantu niwe wakwata insambu sha kuishita.”’”+

8 Hanamele umwana wa batata alishile uko nali, nga filya fine Yehova alandile. Alishile mu Lubansa lwa Balelonda, kabili anjebele ati: “Shita impanga yandi mu Anatote, mu calo ca kwa Benjamini, pantu niwe ukwete insambu sha kuipyana no kuishita. Ishite pa kuti ibe impanga yobe.” Lyena nailwike ukuti e filya Yehova acinjeba.

9 E ico nalishitile impanga mu Anatote kuli Hanamele umwana wa batata. Kabili namupimiine indalama+ amashekele* 7 ne sha silfere 10. 10 Lyena nalilembele icipepala ca kuti ninshita impanga.+ Nalikambatikepo ica kukambatikilako, nalitile bakambone+ kabili nalipimine indalama pali sekelo. 11 Lyena ukulingana na mafunde ne fipope, nabuulile icipepala nashitiilepo impanga ico nakambatikepo ica kukambatikilako, nabuulile ne cipepala ico nashitiilepo impanga ico nshakambatikepo ica kukambatikilako. 12 Lyena napeele Baruki+ umwana wa kwa Neria,+ umwana wa kwa Maaseya icipepala nashitiilepo impanga ninshi Hanamele umwana wa batata, bakambone abalembele pali ici icipepala na baYuda bonse abaikele mu Lubansa lwa Balelonda+ balemonako.

13 Kabili naebele Baruki ninshi bonse baleumfwako nati: 14 “Yehova wa mabumba, Lesa wa kwa Israele alanda ati, ‘Buula ifi ifipepala nshitiilepo impanga, icipepala ico nkambatikepo ica kukambatikilako, e lyo ne co nshikambatikepo, ufibike mu cipe ce bumba pa kuti fikekale inshiku ishingi.’ 15 Pantu Yehova wa mabumba, Lesa wa kwa Israele alanda ati, ‘Amayanda, impanga na mabala ya myangashi bakafishita na kabili muli cino calo.’”+

16 Ilyo napeele Baruki umwana wa kwa Neria icipepala ca kushitilapo impanga, napepele kuli Yehova nati: 17 “Iye mwe Shikulu Mulopwe Yehova! Moneni! Nimwe mwapangile umuulu ne sonde ku maka yenu ayakalamba+ na ku kuboko kwenu ukwatambalikwa. Takuli nangu cimo icingamupesha amano, 18 mwe balanga abantu abengi nga nshi ukutemwa ukushipwa, lelo mwe bakanda abana pa filubo fya bashibo,+ mwe Lesa wa cine, umukulu, uwa maka, mwe bakwata ishina lya kuti Yehova wa mabumba. 19 Ukufwaya kwenu kusuma nga nshi, mulalanga ukuti muli ba maka mu fyo mucita,+ amenso yenu yalamona fyonse ifyo abantu bacita,+ mulalambula umuntu onse ukulingana ne mibele yakwe ne fyo acita.+ 20 Mwalicitile ifishibilo ne fipesha amano mu calo ca Egupti, ifyo abantu baishiba ukufika na lelo kabili ici calilenga mwaipangila ishina mu bena Israele na mu nko shimbi,+ nge fi fine caba na buno bushiku. 21 Kabili pa kufumya abantu benu abena Israele mu calo ca Egupti, mwabomfeshe ifishibilo, ifipesha amano, ukuboko ukwa maka, ukuboko ukwatambalikwa ne fya kutiinya.+

22 “Mu kupita kwa nshita mwabapeele cino calo ico mwalapile ukuti mukapeela ifikolwe fyabo,+ icalo umwaba umukaka no buci.+ 23 Kabili balishile no kutendeka ukwikala muli ici calo, lelo tabaleumfwa ifyo mwalebeba, kabili tabalekonka amafunde yenu. Fyonse ifyo mwabebele ukucita tabaficitile, ica kuti mwalengele ubucushi bonse ubu bwaisa pali bena.+ 24 Moneni! Abantu nabesa, nabatuulika iloba ukushinguluka umusumba+ pa kuti bausanse, kabili pa mulandu wa lupanga,+ icipowe ne cikuko,*+ abena Kaldi abalelwisha umusumba bakaucimfya; fyonse ifyo mwalandile fyalicitika nga fintu mulemona. 25 Lelo imwe mwe Shikulu Mulopwe Yehova munjebele amuti, ‘Shita impanga, wite na bakambone,’ nangu ca kuti abena Kaldi bali no kucimfya umusumba.”

26 Lyena Yehova aebele Yeremia ati: 27 “Nine Yehova, Lesa wa bantu bonse.* Bushe kwaliba icintu icingampesha amano? 28 E ico Yehova alanda ati, ‘Mona ndepeela abena Kaldi uno musumba kabili ndeupeela mu minwe ya Mfumu Nebukadnesari* iya ku Babiloni, kabili ikaucimfya.+ 29 Abena Kaldi abalelwisha uno musumba bakengila muli uno musumba no kusonteka umulilo.+ Bakaoca kabili bakoca na mayanda ayo pa mitenge ya yako abantu baletuulila Baali amalambo no kwitulwila imituulo ya mwangashi kuli balesa bambi, pa kuti bankalifye.’+

30 “‘Pantu abena Israele na baYuda balacita ifyabipa mu menso yandi, ukutula fye ilyo uluko lwatendeke;+ abena Israele balankalifya ku fyo bacita,’ e fyo Yehova alanda. 31 ‘Pantu ukutula fye ilyo uno musumba baukuulile ukufika na buno bushiku, ulenga fye naba no bukali kabili nakalipa nga nshi,+ pa kuti ngufumye pa cinso candi,+ 32 pa mulandu wa fyabipa fyonse ifyo abena Israele na baYuda bacita pa kuti bankalifye—bonse fye, imfumu shabo,+ intungulushi shabo,+ bashimapepo babo, bakasesema babo,+ abaYuda na bekala mu Yerusalemu. 33 Batwalilile fye ukumfutatila, tabalendolesha iyo;+ nangu ca kuti nalebasambilisha pa miku iingi,* takwali nangu umo uwaleumfwa pa kuti imusalapule.+ 34 Kabili babikile ifilubi fya bunani mu ng’anda iyainikwa ishina lyandi pa kuti baikoweshe.+ 35 Kabili bakuuliile ififulo fya kupepelapo Baali mu Mupokapoka wa Mwana wa kwa Hinomu,*+ pa kuti baleoca abana babo abaume na bana babo abanakashi mu mulilo pa kubatuula amalambo kuli Moleke,+ icintu ico nshabebele,+ kabili tacaishile na mu mutima wandi* ukucita ici ica bunani, pa kuti nenge Yuda abembuke.’

36 “E ico Yehova Lesa wa kwa Israele alanda pali uno musumba uo imwe mulelanda ati bakaupeela mu minwe ya mfumu ya ku Babiloni, iikaucimfisha ku lupanga, ku cipowe na ku cikuko. Alanda ati, 37 ‘Moneni, nkabalonganika bonse ukufuma mu fyalo fyonse umo nabasalanganishishe pa mulandu wa kuti nalifulilwe kabili nalikalipe nga nshi,+ nkababwesesha kuli cino cifulo kabili nkaleka bakekale umutende.+ 38 Kabili bakaba abantu bandi, na ine nkaba Lesa wabo.+ 39 Kabili nkabapeela umutima umo,+ ne nshila imo pa kuti lyonse balentiina, kabili ifintu filebawamina, fikawamine na bakatuntuka muli bena.+ 40 Kabili nkapangana nabo icipangano ca muyayaya,+ ica kuti nshakaleke ukubacitila ifisuma;+ kabili nkalenga imitima yabo ikalentiina pa kuti bekafuma kuli ine.+ 41 Nkasekelela pa mulandu wabo kabili nkabacitila ifisuma,+ nkabalimba muli cino calo+ no mutima wandi onse no mweo* wandi onse.’”

42 “Pantu Yehova alanda ati, ‘Filya fine naleta ubu ubucushi bonse ubukalamba pali aba bantu, e fyo nkabaletela ne fisuma ifyo ndebalaya.+ 43 Abantu bakashita impanga na kabili muli ici calo, nangu ca kuti imwe mulelanda amuti: “Ici calo+ cibolya umushaba abantu ne nama, kabili balicipeela mu minwe ya bena Kaldi.”’

44 “‘Abantu bakashita impanga, bakalemba ifipepala fya kushitilapo impanga kabili bakafikambatika ne fya kukambatikilako, baketa na bakambone mu calo ca kwa Benjamini+ mu ncende shashinguluka Yerusalemu, mu misumba ya mu Yuda,+ mu misumba ya citungu ca mpili, mu misumba ya mu mpanga iyabatama+ na mu misumba ya ku kapinda ka ku kulyo, pantu nkabwesha bankole babo,’+ e fyo Yehova alanda.”

33 Yehova alilandile na Yeremia pa muku walenga bubili, ninshi bacili balimwisalila mu Lubansa lwa Balelonda,+ amwebele ati: 2 “Yehova uwabumbile isonde, Yehova uwalipangile no kulikosha; Yehova e shina lyakwe, alanda ati, 3 ‘Lilila kuli ine, na ine nalakwasuka kabili nalakweba ifintu ifikalamba ifyo ushingeluka kabili ifyo ushaishiba.’”+

4 “Pantu ifi e fyo Yehova Lesa wa kwa Israele alanda pa mayanda ya muli uno musumba na pa mayanda ya mfumu sha mu Yuda, ayo babongolola pa mulandu ne loba batuulika pa kuti basanse umusumba na pa mulandu wa lupanga,+ 5 na pa baleisa mu kulwa na bena Kaldi. Nkesusha muli fino fifulo ifitumbi fya bantu abo nkepaya ninshi ninkalipa nga nshi, abacita ifyabipa ifyalenga imfise uno musumba icinso candi, alanda ati, 6 ‘Moneni ndeundapa umusumba no ku-upeela ubumi ubusuma,+ kabili nkabondapa no kubapeela umutende uwingi ne cine.+ 7 Kabili nkabwesha bankole aba Yuda na bankole abena Israele,+ kabili nkabakuula nga filya nacitile pa kutendeka.+ 8 Nkabasangulula na ku membu shonse isho bamembukila,+ nkabelela ne membu shabo shonse ne filubo ifyo bancita.+ 9 Ishina lya musumba likalenga nkalesekelela, kabili umusumba ukalenga inko shonse isha pe sonde ishikomfwa pa fisuma ifyo nkacitila abantu bandi shikanumbanye no kuncindika.+ Kabili shikatiina no kututuma+ pa mulandu ne fisuma fyonse no mutende ifyo nkaleta pali uyu musumba.’”+

10 “Yehova alanda ati: ‘Muli cino cifulo ico mukalaita ati icibolya, umushaba umuntu nelyo icitekwa, mu misumba ya mu Yuda na mu misebo ya Yerusalemu ifyashala icibolya, umushaba umuntu nelyo uwikalamo nangu icitekwa, abantu bakomfwa na kabili 11 amashiwi ya bantu abalesekelela+ kabili abalesansamuka, ishiwi lya kwa shibwinga ne lya kwa nabwinga, amashiwi ya balelanda abati: “Lumbeni Yehova wa mabumba, pantu Yehova musuma;+ ukutemwa kwakwe ukushipwa kwa muyayaya!”’+

“‘Bakaleta imituulo ya kutootela mu ng’anda ya kwa Yehova,+ pantu nkabwesha bankole ba mu calo nga filya nacitile pa kutendeka,’ e fyo Yehova alanda.”

12 “Yehova wa mabumba alanda ati, ‘Muli cino calo icashala icibolya umushaba abantu ne fitekwa, kabili na mu misumba ya ciko yonse, mukaba na kabili impanga sha mulemfwe umo bakacema bakalatwala impaanga shabo.’+

13 “‘Mu misumba ya mu citungu ca mpili, mu misumba ya mu mpanga iyabatama, mu misumba ya ku kapinda ka ku kulyo, mu calo ca kwa Benjamini, mu ncende ishashinguluka Yerusalemu,+ na mu misumba ya mu Yuda,+ impaanga shikapita na kabili mwi samba lya maboko ya uleshipenda,’ e fyo Yehova alanda.”

14 “‘Moneni! Inshiku shileisa,’ e fyo Yehova alanda, ‘ilyo nkafikilisha ifisuma ifyo nalaile ukucitila aba mu ng’anda ya kwa Israele na ba mu ng’anda ya kwa Yuda.+ 15 Mu nshiku shilya na pa nshita ilya, nkalenga umusambo* ukapuukile Davidi,+ umusambo uwalungama, kabili akalenga mu calo mukabe umulinganya no bulungami.+ 16 Mu nshiku shilya Yuda bakamupususha+ kabili Yerusalemu akekala umutende.+ Kabili bakalamwita abati: Yehova E Bulungami Bwesu.’”+

17 “Pantu Yehova alanda ati: ‘Takwakabe inshita ilyo kushakabe uukatuntuka muli Davidi uwa kwikala pa cipuna ca bufumu ica ba mu ng’anda ya kwa Israele,+ 18 kabili takwakabe inshita ilyo pali bashimapepo abena Lebi tapakabe umuntu uwa kwiminina pa cinso candi pa kuti atuule imituulo ya koca, afutumune icushi ca mituulo ya ngano no kutuula amalambo.’”

19 Yehova alilandile na Yeremia na kabili, amwebele ati: 20 “Yehova alanda ati, ‘Nga ca kutila kuti mwatoba icipangano napangana na kasuba ne co napangana no bushiku, pa kuti akasuba no bushiku fiilabako pa nshita ya fiko,+ 21 ninshi icipangano napangana no mubomfi wandi Davidi kuti catobeka,+ ica kutila te kuti akwate umwana umwaume uwa kuteka pa cipuna cakwe ica bufumu,+ kabili ne cipangano napangana na bashimapepo abena Lebi, ababomfi bandi+ kuti catobeka. 22 Nga filya fine ifya mu muulu no mucanga wa mu lulamba lwa bemba bashingafipenda, e fyo nkafusha abana* ba kwa Davidi umubomfi wandi na bena Lebi abamombela.’”

23 Yehova alilandile na Yeremia na kabili, amwebele ati: 24 “Bushe taumfwile ifyo abantu balelanda abati, ‘Yehova akakaana indupwa shibili isho asalile’? Balesaalula abantu bandi, kabili balileka ukubamona ukuti luko.

25 “Yehova alanda ati, ‘Nga filya fine nabikako icipangano ca kasuba no bushiku,+ na mafunde* ayo umuulu ne sonde fikonka,+ 26 nshakakaane abana* ba kwa Yakobo na bana* ba kwa Davidi umubomfi wandi, pa kuti nkabuule pa bana bakwe abakalateka abakatuntuka* muli Abrahamu, muli Isaki na muli Yakobo. Pantu nkalonganika bankole babo+ no kubabwesha kabili nkababelela uluse.’”+

34 Yehova alilandile na Yeremia, ilyo Nebukadnesari* Imfumu ya ku Babiloni na bashilika bakwe bonse na ma bufumu yonse aya pe sonde ayo aleteka na bantu bonse balelwisha Yerusalemu ne misumba ya iko yonse,+ amwebele ati:

2 “Yehova Lesa wa kwa Israele alanda ati, ‘Kabiye, kebe Sidekia+ Imfumu ya mu Yuda auti: “Yehova alanda ati, ‘Mona, ndepeela uno musumba mu minwe ya mfumu ya ku Babiloni kabili ikaoca.+ 3 Tawakafyuke mu minwe ya iko, pantu bakakwikata no kukutwala kuli yena.+ Kabili mukaloleshanya nayo. Ikalanda na iwe icinso ne cinso, kabili ukaya ku Babiloni.’+ 4 Lelo umfwa ifyo Yehova alanda we mfumu Sidekia iya mu Yuda, ‘Yehova alanda pali iwe ati: “Tawakafwe ku lupanga. 5 Ukafwa fye umutende,+ kabili bakakocela ifyanunkila ifyo baocelele ifikolwe fyobe, imfumu ishaliko ilyo ushilabako, kabili bakakuloosha abati, ‘Cabipa mwe shikulu!’ pantu ‘ninanda ifikakucitikila,’ e fyo Yehova alanda.”’”’”

6 Lyena kasesema Yeremia aebele Imfumu Sidekia iya mu Yuda aya amashiwi yonse mu Yerusalemu, 7 ilyo abashilika ba mfumu ya ku Babiloni balelwisha Yerusalemu ne misumba yonse iya mu Yuda iyasheleko,+ e kutila Lakishi+ na Aseka;+ pantu e misumba ya malinga ayakosa iyashelepo fye pa misumba ya mu Yuda.

8 Yehova alandile na Yeremia ilyo Imfumu Sidekia yapangene icipangano na bantu bonse abali mu Yerusalemu, ica kubilisha ukuti baleke abasha baye.+ 9 Umuntu onse afwile ukuleka umusha wakwe umuHebere, umwaume no mwanakashi aye, pa kuti kwiba nangu umo uulekwata umusha umuYuda munankwe. 10 E ico intungulushi shonse na bantu bonse balyumfwilile. Balipangene icipangano ca kuti umuntu onse afwile ukuleka umusha wakwe umwaume no mwanakashi aya, kabili tabalingile ukubaleka batwalilila kuba abasha babo. Balyumfwilile kabili balibalekele baya. 11 Lelo pa numa balibweseshe abasha babo abaume na banakashi abo balekele baya, kabili balibapatikishe ukuba abasha na kabili. 12 E ico amashiwi ya kwa Yehova yaishile kuli Yeremia ukufuma kuli Yehova, yaleti:

13 “Yehova Lesa wa kwa Israele alanda ati, ‘Nalipangene icipangano ne fikolwe fyenu+ pa bushiku nabafumishe mu calo ca Egupti, mu ng’anda ya busha,+ napangene nabo ati: 14 “Imyaka 7 nga yapwa, bonse mufwile ukuleka munyinenwe umuHebere uo mwashitile kabili uwamubombela imyaka 6; mufwile ukumuleka aya.”+ Lelo ifikolwe fyenu tafyang’umfwilile kabili tafyabikileko amano. 15 Kabili papitile fye inshita iinono* mwalipilibwike kabili mwalicitile icalungama mu menso yandi ilyo mwalekele abantu banenu baya, kabili mwalipangene icipangano pa ntanshi yandi mu ng’anda iyainikwa ishina lyandi. 16 Lelo mwalyaluka kabili mwalisaalula ishina lyandi+ pantu mwalibwesha abasha benu abaume na banakashi abo mwalekele baye ukulingana ne fyo balefwaya,* kabili mwalibapatikishe ukuba abasha na kabili.’

17 “E ico Yehova alanda ati, ‘Tamwang’umfwila pantu tamwaleka munyinenwe no muntu munenu aya,+ e ico nkaleka mukaye,’ e fyo Yehova alanda, ‘ilyo ulupanga, icikuko* ne cipowe+ fikamwipaya, kabili nkalenga mukabe ica kutiinya ku mabufumu yonse aya pe sonde.+ 18 Kabili ifi e fikacitikila abatobele icipangano candi, abashakonkele amashiwi yali mu cipangano bapangene pa ntanshi yandi. Baputwile ing’ombe iyana pa kati no kupita pa kati ka fipimfya fibili,+ 19 e kutila intungulushi sha mu Yuda, intungulushi sha mu Yerusalemu, ababomfi ba kwi sano, bashimapepo na bantu bonse aba mu calo abapitile pa kati ka fipimfya fya ng’ombe iyana. 20 Nkalenga abalwani babo abafwaya imyeo yabo bakabacimfye, kabili ifitumbi fyabo fikaba ifya kulya fya fyuni fya mu lwelele ne fya nama sha pe sonde.+ 21 Kabili nkapeela Imfumu Sidekia iya mu Yuda ne ntungulushi sha iko mu minwe ya balwani babo abafwaya ukulofya imyeo yabo, na mu minwe ya bashilika ba mfumu ya ku Babiloni+ abalekele ukumulwisha.’+

22 “‘Moneni nkatuma amashiwi,’ e fyo Yehova alanda, ‘kabili nkababwesesha kuli uno musumba, nabo bakaulwisha no ku-ucimfya kabili bakaoca;+ nkalenga ne misumba ya mu Yuda ikabe icibolya, tamwakekale nangu umo.’”+

35 Yehova alilandile na Yeremia ilyo Yehoyakimu+ umwana wa kwa Yoshia, imfumu ya mu Yuda aleteka, amwebele ati: 2 “Kabiye ku ba mu ng’anda ya bena Rekabu,+ uye ulande nabo kabili ubalete mu ng’anda ya kwa Yehova, mu muputule umo uwa kuliilamo; lyena ubapeele umwangashi pa kuti banwe.”

3 E ico nasendele Yaasania umwana wa kwa Yeremia, umwana wa kwa Habasinia, bamunyina, abana bakwe bonse abaume na bonse aba mu ng’anda ya bena Rekabu. 4 Nabengishe mu ng’anda ya kwa Yehova. Mu muputule wa kuliilamo uwa bana ba kwa Hanani umwana wa kwa Igidalia, umuntu wa kwa Lesa wa cine, umuputule uwali mupepi no muputule wa kuliilamo intungulushi uwali pa muulu wa muputule wa kuliilamo uwa kwa Maaseya umwana wa kwa Shalumu, uwalelonda pa mwinshi. 5 Lyena naiswishe umwangashi mu makapu na mu fya kunwenamo fimbi, nauletele pa ntanshi ya baume ba mu ng’anda ya bena Rekabu, kabili nabebele nati: “Nweni umwangashi.”

6 Lelo balandile abati: “Tatwanwe umwangashi, pantu Yehonadabu*+ umwana wa kwa Rekabu, icikolwe cesu, atupeele ifunde lya kuti, ‘Imwe na bana benu tamufwile ukunwa umwangashi. 7 Kabili tamufwile ukukuula amayanda nelyo ukubyala imbuto, nangu ukulima amabala ya myangashi, nelyo ukukwata amabala ya myangashi. Lelo lyonse muleikala mu matenti, pa kuti mukekale inshiku ishingi mu calo umo muleikala pantu muli ba ku calo cimbi.’ 8 E ico tukonka ifunde Yehonadabu umwana wa kwa Rekabu icikolwe cesu atupeele, ilya kuti ifwe, abakashi besu, abana besu abaume na bana besu abanakashi, tatufwile ukunwa umwanganshi uli onse. 9 Kabili tatukuula amayanda aya kuti tuleikalamo. Tatwakwata amabala ya myangashi nelyo amabala ya fisabo fimbi ne mbuto. 10 Twikala mu matenti kabili tulakonka fyonse ifyo Yehonadabu* icikolwe cesu atwebele. 11 Lelo ilyo Imfumu Nebukadnesari* iya ku Babiloni yaishile ku kulwisha icalo,+ twalandile atuti, ‘Iseni, natuyeingila mu Yerusalemu pa kuti tufulumuke abashilika ba bena Kaldi na ba bena Siria, kabili nomba twikala mu Yerusalemu.’”

12 Kabili Yehova aebele Yeremia ati: 13 “Yehova wa mabumba, Lesa wa kwa Israele alanda ati, ‘Kabiye, kebe abaYuda na bekala mu Yerusalemu ati: “Bushe lyonse nshalemweba ukuti mulecita ifyo mweba?”+ e fyo Yehova alanda. 14 “Yehonadabu umwana wa kwa Rekabu aebele abatuntwike muli ena ukuti belanwa umwangashi, kabili balakonka ifyo abebele. Tabanwa umwangashi ukufika na buno bushiku, balakonka ifunde ilyo icikolwe cabo+ cabapeele. Nomba ine nalilanda na imwe pa miku iingi,* lelo tamung’ufwila.+ 15 Kabili pa miku iingi* nalemutumina+ ababomfi bandi bonse bakasesema, nabo balemweba ukuti, ‘Lekeni imisango yenu iyabipa,+ kabili mulecita ifisuma! Mwilapepa balesa bambi no kubabombela. Lyena mukekala mu calo ico namupeele pamo ne fikolwe fyenu.’+ Lelo tamwabikileko amano kabili tamwang’umfwilile. 16 Abatuntuka muli Yehonadabu umwana wa kwa Rekabu balakonka ifunde ilyo icikolwe cabo cabapeele,+ lelo aba bantu tabang’umfwila.”’”

17 “E ico Yehova, Lesa wa mabumba, Lesa wa kwa Israele alanda ati: ‘Moneni, ndeletela Yuda na bonse abekala mu Yerusalemu ubucushi bonse ubo nabasokelepo ukuti nkabaletela,+ pantu nalilandile nabo lelo tabaleumfwa, nalebeta lelo tabaleasuka.’”+

18 Kabili Yeremia aebele aba mu ng’anda ya bena Rekabu ati: “Yehova wa mabumba, Lesa wa kwa Israele alanda ati, ‘Pa mulandu wa kuti mulakonka ifunde ilyo Yehonadabu icikolwe cenu amupeele, kabili mwalitwalilila ukukonka amafunde yakwe yonse no kucita filya fine fye amwebele ukuti e fyo mulecita, 19 Yehova wa mabumba, Lesa wa kwa Israele alanda ati: “Lyonse mu batuntuka muli Yehonadabu* umwana wa kwa Rekabu mukalaba umuntu uukalabombela pa cinso candi.”’”

36 Nomba mu mwaka walenga 4 ukutula apo Yehoyakimu+ umwana wa kwa Yoshia, imfumu ya mu Yuda atendekeele ukuteka, Yehova aebele Yeremia aya amashiwi: 2 “Buula icimfungwa* no kulembamo amashiwi yonse aya bupingushi ayo nakwebele pali Israele na pali Yuda+ na pa nko shonse,+ ukutula pa bushiku bwa kubalilapo ilyo nalandile na iwe mu nshiku Yoshia aleteka, ukufika na buno bushiku.+ 3 Nalimo aba mu ng’anda ya kwa Yuda kuti baumfwa ubucushi bonse ubo ndepanga ukubaletela, ica kutila kuti baleka ukucita ifyabipa, na ine kuti nabeleela ifilubo fyabo ne membu shabo.”+

4 Lyena Yeremia aitile Baruki+ umwana wa kwa Neria, kabili Yeremia alyebele Baruki amashiwi yonse ayo Yehova amwebele, kabili Baruki aleyalemba mu cimfungwa.*+ 5 Lyena Yeremia aebele Baruki ati: “Ine balinkaanya ukwingila mu ng’anda ya kwa Yehova. 6 E ico niwe ufwile ukuyaingilamo no kubelenga mwi shiwi ilikalamba amashiwi ya kwa Yehova ayo nacikweba kabili ayo ulembele mu cimfungwa. Ukabelengele abantu pa ng’anda ya kwa Yehova pa bushiku bakalafunga; e ico ukabelengela abantu bonse aba mu Yuda, abakesa ukufuma mu misumba yabo. 7 Nalimo ifyo balelomba ukuti Yehova ababelele uluse fikafika kuli ena kabili umuntu umo na umo akaleka ukucita ifyabipa, pantu ubukali ubo Yehova akwatile aba bantu bukalamba.”

8 E ico Baruki umwana wa kwa Neria alicitile fyonse ifyo kasesema Yeremia amwebele; alibelengele amashiwi ya kwa Yehova mu cimfungwa* ninshi nasansula ishiwi mu ng’anda ya kwa Yehova.+

9 Nomba mu mwaka walenga 5 ukutula apo Yehoyakimu+ umwana wa kwa Yoshia, imfumu ya mu Yuda atendekeele ukuteka, mu mweshi walenga 9, abantu bonse mu Yerusalemu na bantu bonse abaishile mu Yerusalemu ukufuma mu misumba ya mu Yuda babilishe abati nakube ukufunga pa ntanshi ya kwa Yehova.+ 10 Lyena Baruki abelengele amashiwi ya kwa Yeremia mu cimfungwa* ninshi nasansula ishiwi mu ng’anda ya kwa Yehova, mu muputule* wa kwa Gemaria+ umwana wa kwa Shafani+ uwalekopolola amafunde,* mu lubansa ulwali pa muulu, pa mwinshi wa mpongolo iipya iya ng’anda ya kwa Yehova,+ ninshi abantu bonse baleumfwa.

11 Ilyo Mikaya umwana wa kwa Gemaria, umwana wa kwa Shafani aumfwile amashiwi yonse aya kwa Yehova ayali mu cimfungwa,* 12 aile ku ng’anda* ya mfumu, mu muputule wa kwa kalemba. Mulya e mo intungulushi* shonse shaikele, e kutila Elishama+ kalemba, Delaya umwana wa kwa Shemaya, Elnatani+ umwana wa kwa Akbore,+ Gemaria umwana wa kwa Shafani, Sidekia umwana wa kwa Hanania ne ntungulushi shimbi. 13 Mikaya alibebele amashiwi yonse ayo aumfwile ilyo Baruki alebelengela abantu ifyali mu cimfungwa.*

14 Lyena intungulushi shonse shatumine Yeudi umwana wa kwa Netania umwana wa kwa Shelemia umwana wa kwa Kushi kuli Baruki, ku kuyamweba ati : “Isa ne cimfungwa ico wacibelengela abantu.” E ico Baruki umwana wa kwa Neria alisendele icimfungwa mu minwe yakwe no kuya uko bali. 15 Bamwebele abati: “Ikalako, kabili tubelengele ifili mu cimfungwa.” E ico Baruki alibabelengeele.

16 Nomba ilyo fye baumfwile amashiwi yonse ayali mu cimfungwa, baliloleshenye ninshi nabomfwa umwenso, kabili baebele Baruki abati: “Tufwile ukweba imfumu aya mashiwi yonse.” 17 Kabili baipwishe Baruki abati: “Twebe ifyo walembele aya amashiwi yonse. Bushe ni Yeremia alelanda e lyo ulelemba?” 18 Baruki abaswike ati: “E wanjebele aya mashiwi yonse kabili nabomfeshe inki pa kuyalemba muli ici cimfungwa.”* 19 Intungulushi shaebele Baruki ashiti: “Kabiye, kafisame na Yeremia, kabili mwileka umuntu nangu umo eshibe uko mwalafisama.”+

20 Lyena baile mu lubansa umwali imfumu, kabili babikile icimfungwa mu muputule wa kwa Elishama kalemba, kabili balyebele imfumu fyonse ifyo baumfwile.

21 E ico imfumu yatumine Yeudi+ kuti aye asende icimfungwa, na o alile cisenda mu muputule wa kwa Elishama kalemba. Yeudi atendeke ukubelengela imfumu ne ntungulushi shonse ishaiminine mupepi nayo, ifyali mu cimfungwa. 22 Imfumu yaikele mu ng’anda yaleikalamo mu nshita ya mpepo, mu mweshi uwalenga 9,* ninshi imbabula apali umulilo ili pa ntanshi ya iko. 23 Yeudi nga abelenga fye imilongo ya mashiwi itatu nelyo 4, imfumu yaleputulako icimfungwa apaleba iyo imilongo ukubomfya umwele wa kwa kalemba, kabili yalecipoosa pa mulilo uwali pa mbabula, mpaka yaoca icimfungwa conse. 24 Kabili tabaumfwile umwenso; imfumu na babomfi ba iko bonse abaumfwile amashiwi yonse aya tabalepwile ne fya kufwala fyabo. 25 Nangu ca kuti Elnatani,+ Delaya+ na Gemaria+ balipaapeete imfumu ukuti ioca icimfungwa, tayabomfwilile. 26 Ne mfumu yaebele Yeraameele umwana wa mfumu, Seraya umwana wa kwa Asriele na Shelemia umwana wa kwa Abdeele ukuti bayeikata Baruki kalemba na kasesema Yeremia. Lelo Yehova alibafishile.+

27 Yehova alilandile na Yeremia na kabili ilyo imfumu yaocele icimfungwa umwali amashiwi ayo Yeremia aebele Baruki ukulemba,+ amwebele ati: 28 “Buula icimfungwa cimbi, ulembemo amashiwi yamo yene ayali mu cimfungwa ca kubalilapo, ico imfumu Yehoyakimu iya mu Yuda yaocele.+ 29 Kabili webe imfumu Yehoyakimu iya mu Yuda auti, ‘Yehova alanda ati: “Naoca icimfungwa, kabili ulandile auti, ‘Cinshi walembeele mu cimfungwa ati: “Nangu cibe shani imfumu ya ku Babiloni ikonaula cino calo kabili ikalofya abantu ne nama”?’+ 30 E ico Yehova alanda pa mfumu Yehoyakimu iya mu Yuda ati, ‘Pa bakatuntuka muli ena tapakabe nangu umo uukekala pa cipuna ca bufumu ica kwa Davidi,+ kabili tabakamushiike. Icitumbi cakwe cikalaba pa kasuba mu nshita ya kasuba na mu mpepo mu nshita ya bushiku.+ 31 Nkamukanda kumo na batuntuka muli ena* na babomfi bakwe pa filubo fyabo, kabili nkaleta pali bena na pa bekala mu Yerusalemu na pa bekala mu Yuda ubucushi bonse ubo nalandile ukuti nkabaletela,+ lelo tabaumfwile.’”’”+

32 Lyena Yeremia abuulile icimfungwa cimbi no kupeela Baruki umwana wa kwa Neria, kalemba,+ kabili Yeremia atendeke ukulanda amashiwi yonse ayali mu cimfungwa ico Yehoyakimu imfumu ya mu Yuda aocele;+ e lyo Baruki aleyalemba mu cimfungwa.* Alilembelemo amashiwi na yambi ayo Lesa alandile.

37 Imfumu Sidekia,+ umwana wa kwa Yoshia e wapyene Konia*+ umwana wa kwa Yehoyakimu, pantu e o Imfumu Nebukadnesari* iya ku Babiloni abikile pa bufumu mu Yuda.+ 2 Lelo ena na babomfi bakwe na bantu ba mu calo tabaumfwile amashiwi ya kwa Yehova ayo alandiile muli kasesema Yeremia.

3 Ne Mfumu Sidekia yatumine Yeukali+ umwana wa kwa Shelemia na Sefania+ umwana wa kwa Maaseya shimapepo kuli kasesema Yeremia, aiti: “Tupepeleko kuli Yehova Lesa wesu.” 4 Pali iyi nshita ninshi Yeremia tabalamubika mu cifungo,+ aleyendela fye mu bantu. 5 Nomba abashilika ba kwa Farao balimine ukufuma ku Egupti.+ Kabili ilyo abena Kaldi abaleshinga Yerusalemu baumfwile ukuti aba bashilika baleisa, balilekele ukulwisha Yerusalemu.+ 6 Lyena Yehova aebele kasesema Yeremia ati: 7 “Yehova Lesa wa kwa Israele alanda ati, ‘Imfumu ya mu Yuda iyamutumine ukuti mwise munjipushe, muye muyebe amuti: “Mona! Ibumba lya bashilika ba kwa Farao ilileisa mu kukwafwa likabwelelamo ku calo ca liko ku Egupti.+ 8 Kabili abena Kaldi bakabwela mu kulwisha uno musumba, bakaucimfya no kuoca.”+ 9 Yehova alanda ati, “Mwi-ibepa* amuti, ‘Abena Kaldi bakaleka ukutulwisha kabili bakaya,’ pantu tabakaye. 10 Nangu mwingacimfya abashilika abena Kaldi abalemulwisha bonse ica kuti pashala fye abaume abacenekwe, kuti baima mu matenti yabo no koca uno musumba.”’”+

11 Ilyo abashilika abena Kaldi balekele ukulwisha Yerusalemu pa mulandu wa bashilika ba kwa Farao,+ 12 Yeremia alifumine mu Yerusalemu, aile ku calo ca kwa Benjamini+ pa kuti bayemupeela impanga mu calo umo abantu bakwe baleikala. 13 Nomba ilyo afikile pa Mpongolo ya kwa Benjamini, Iria umukalamba wa balelonda, umwana wa kwa Shelemia, umwana wa kwa Hanania, alikete kasesema Yeremia, kabili amwebele ati: “Nauilunda ku bena Kaldi!” 14 Lelo Yeremia amwebele ati: “Bufi! Nshileilunda ku bena Kaldi.” Lelo taumfwile. E ico Iria aikete Yeremia no kumutwala ku ntungulushi. 15 Intungulushi shalifuliilwe Yeremia+ kabili shalimumine no kumupoosa mu cifungo*+ mu ng’anda ya kwa Yehonatani kalemba, iyo basangwile icifungo. 16 Yeremia balimubikile mu cifungo ca panshi,* mu muputule uo bacingilile sana, kabili aikele mulya inshiku ishingi.

17 Lyena Imfumu Sidekia yatumine abakuyamuleta, kabili imfumu yalimwipwishe ninshi ili umwafisama mu ng’anda ya iko.*+ Yamwipwishe aiti, “Bushe kuli ifyo Yehova alandile?” Yeremia ayaswike ati, “Ee e ko fili!” ayebele no kuti: “Bakakupeela mu minwe ya mfumu ya ku Babiloni!”+

18 Yeremia aebele Imfumu Sidekia na kabili ati: “Cilubo nshi nakucita kabili ico nacita na babomfi bobe na aba bantu pa kuti mumbike mu cifungo? 19 Nomba bali kwi bakasesema benu abamusesemene ati, ‘Imfumu ya ku Babiloni tayakese mu kumulwisha no kulwisha cino calo’?+ 20 Nomba umfwa, we shikulu imfumu. Umfwa ifyo ndekupaapaata ukuti ube ne cikuuku kuli ine, wimbwesesha mu ng’anda ya kwa Yehonatani+ kalemba, pantu kuti nafwila mulya mwine.”+ 21 E ico Imfumu Sidekia yaebele bamo ukuti bakakile Yeremia mu Lubansa lwa Balelonda,+ kabili balemupeela umukate cila bushiku uo balefumya mu musebo wa bapanga umukate,+ mpaka umukate onse wapwa mu musumba.+ Kabili Yeremia atwalilile ukwikala mu Lubansa lwa Balelonda.

38 Nomba Shefatia umwana wa kwa Matani, Gedalia umwana wa kwa Pashihuri, Yukali+ umwana wa kwa Shelemia na Pashihuri+ umwana wa kwa Malkiya, balyumfwile ifyo Yeremia ale-eba abantu bonse ati: 2 “Yehova alanda ati, ‘Onse uukatwalilila ukwikala muli uno musumba akafwa ku lupanga, ku cipowe na ku cikuko.*+ Lelo uukayacimba* ku bena Kaldi akatwalilila ukuba no mweo. Ubumi* bwakwe bukaba nge co bapokolola abo bacimfya* kabili takafwe.’+ 3 Yehova alanda ati, ‘Nangu cibe shani uno musumba bakaupeela mu minwe ya mfumu ya ku Babiloni kabili ikaucimfya.’”+

4 Intungulushi shaebele imfumu ashiti: “Ipayeni uyu muntu,+ pantu ale-eba abashilika abashalapo muli uno musumba na bantu bonse aya amashiwi pa kuti abafuupule.* Pantu uyu muntu tafwaya abantu baba no mutende, lelo afwaya ifyabipa fyabacitikila.” 5 Imfumu Sidekia yabebele aiti: “Moneni! Ali mu minwe yenu, pantu imfumu te kuti imuleshe ifyo mulefwaya ukucita.”

6 E ico balisendele Yeremia no kuyamwingisha mu cishima ca kwa Malkiya umwana wa mfumu, icali mu Lubansa lwa Balelonda.+ Babomfeshe intambo pa kwingisha Yeremia mu cishima. Nomba mu cishima tamwali amenshi, mwali fye amatipa. E ico Yeremia atendeke ukutika mu matipa.

7 Ebede-meleke+ mutungwi* umwina Etiopia, uwalebombela mu ng’anda ya mfumu,* alyumfwile ukuti nabengisha Yeremia mu cishima. Nomba imfumu yaikele mu Mpongolo ya kwa Benjamini.+ 8 E ico Ebede-meleke afumine mu ng’anda ya mfumu* no kuyaeba imfumu ati: 9 “Shikulu mwe mfumu, ifyo aba baume bacitile Yeremia tafiweme! Nabamupoosa mu cishima, kabili alafwila mulya mwine pa mulandu wa cipowe, pantu mu musumba tamuli umukate.”+

10 Lyena imfumu yaebele Ebede-meleke umwina Etiopia aiti: “Senda abaume 30, muyefumya Yeremia mu cishima ilyo ashilafwa.” 11 E ico Ebede-meleke alisendele abaume, baya mu ng’anda ya mfumu* mu muputule uwali panshi ya mo balesungila ifyuma,+ kabili babuulile insalu ishapwa ne nsamu, bafikaka ku ntambo e lyo bafingisha mu cishima umwali Yeremia. 12 Lyena Ebede-meleke umwina Etiopia aebele Yeremia ati: “Bika insamu ne nsalu mu mapa yobe apo intambo shalapita.” Ifi fine e fyo Yeremia acitile, 13 kabili batintiile Yeremia ku ntambo no kumufumya mu cishima. Kabili Yeremia aleikala mu Lubansa lwa Balelonda.+

14 Imfumu Sidekia yatumine aba kuyaeba kasesema Yeremia ati aye ukwali imfumu, ku mwinshi walenga butatu uwa ng’anda ya kwa Yehova, kabili imfumu yaebele Yeremia ati: “Kuli ifyo ndefwaya ukukwipusha. Wimfisa nangu cimo.” 15 Lyena Yeremia aebele Sidekia ati: “Nga nakweba, nangu cibe shani walanjipaya. Kabili nga nakupanda amano tawang’umfwile.” 16 E ico Imfumu Sidekia yalapile kuli Yeremia mu bumfisolo aiti: “Na pali Yehova uwatupeele ubumi,* nshakwipaye kabili nshakupeele mu minwe ya aba bantu abalefwaya ukukwipaya.”*

17 Lyena Yeremia aebele Sidekia ati: “Yehova Lesa wa mabumba, Lesa wa kwa Israele alanda ati, ‘Nga wacimba* kuli bacilolo ba mfumu ya ku Babiloni, tabakakwipaye,* kabili uno musumba tabakaoce, kabili iwe na ba mu ng’anda yobe tabakamwipaye.+ 18 Lelo nga tawakacimbe* kuli bacilolo ba mfumu ya ku Babiloni, uno musumba bakaupeela mu minwe ya bena Kaldi, kabili bakaoca,+ na iwe tawakapusuke mu minwe yabo.’”+

Nabalenga amakasa yenu yatika mu matipa.

Nomba nabamusha.’

23 Kabili abakashi bobe bonse na bana bobe abaume bakabatwala ku bena Kaldi, kabili tawakapusuke mu minwe yabo, lelo imfumu ya ku Babiloni ikakwikata,+ kabili uno musumba bakaoca pa mulandu obe.”+

24 Lyena Sidekia aebele Yeremia ati: “Wileka umuntu nangu umo eshibe ifi wanjeba pa kuti bekwipaya. 25 Kabili intungulushi nga shaumfwa ukuti nacilalanda na iwe, kabili shaisa kuli iwe no kukweba ati, ‘Twebe ifyo wacilaeba imfumu. Witufisa nangu cimo kabili tatwakwipaye.+ Finshi imfumu yacikweba?’ 26 ubasuke auti, ‘Nacilapaapaata imfumu ukuti imbwesesha ku ng’anda ya kwa Yehonatani pa kuti nikafwila kulya.’”+

27 Ilyo papitileko inshita, intungulushi shaile kuli Yeremia kabili shalimwipwishe. Na o alishebele fyonse ifyo imfumu yamwebele ukusheba. E ico shaikele fye tondolo, pantu pali shena tapali nangu umo uwaumfwileko ifyo Yeremia alelanshanya ne mfumu. 28 Yeremia atwalilile ukwikala mu Lubansa lwa Balelonda+ mpaka no bushiku Yerusalemu baicimfishe; e ko ali ilyo Yerusalemu baicimfishe.+

39 Mu mwaka walenga 9 ukutula apo Sidekia imfumu ya mu Yuda atendekeele ukuteka, mu mweshi walenga 10, Nebukadnesari* Imfumu ya ku Babiloni na bashilika bakwe bonse baishile ku musumba wa Yerusalemu, kabili baliushingile.+

2 Mu mwaka walenga 11 ukutula apo Sidekia atendekeele ukuteka, mu mweshi walenga 4, pa bushiku bwalenga 9 ubwa uyu mweshi, e po batulile ifibumba fya musumba.+ 3 Kabili intungulushi shonse isha mfumu ya ku Babiloni shalingiile mu musumba, shayaikala pa Mpongolo ya pa Kati,+ ishi intungulushi ni Neregali-sharesere uo baleita ukuti Samigari,* Nebo-Sarisekimu uo baleita ukuti Rabusarisi,* Neregali-sharesere uo baleita ukuti Rabumagi* e lyo ne ntungulushi shimbi ishashala isha mfumu ya ku Babiloni.

4 Ilyo Imfumu Sidekia iya mu Yuda na bashilika bonse babamwene, balifulumwike+ mu musumba ubushiku. Bapitile mu nshila ya kwi bala lya mfumu, bapita pa mpongolo iyaba pa fibumba fibili, kabili batwalilile ukuya mu nshila yalola ku Araba.+ 5 Lelo abashilika abena Kaldi balibapepeke, kabili basangile Sidekia mu ciswebebe ca mu Yeriko.+ Balimwikete no kumutwala ku Mfumu Nebukadnesari* iya ku Babiloni ku Ribla+ mu calo ca Hamati,+ uko yailemupingula. 6 Imfumu ya ku Babiloni yaebele abakwipaya abana abaume aba kwa Sidekia mu Ribla ninshi Sidekia alemonako, kabili imfumu ya ku Babiloni yaebele abakwipaya bashimucindikwa bonse aba mu Yuda.+ 7 Lyena yatonkwele Sidekia amenso, yamukaka na maceni ya mukuba pa kuti imutwale ku Babiloni.+

8 Lyena abena Kaldi baocele ing’anda ya mfumu* na mayanda yonse aya bantu,+ kabili babongolwele icibumba ca musumba wa Yerusalemu.+ 9 Nebusaradani+ umukalamba wa balelonda, asendele abantu bonse abashele mu musumba na bailundile kuli ena, e lyo na bantu bonse abashelepo, abatwele ku Babiloni uko baileba bankole.

10 Lelo Nebusaradani umukalamba wa balelonda, alishiile abapiina nga nshi bamo mu calo ca Yuda abashakwete nangu cimo. Pali bulya bushiku alibapeele na mabala ya myangashi e lyo na mabala ya kuti balebombamo.*+

11 Nomba ifi e fyo Imfumu Nebukadnesari* iya ku Babiloni yaebele Nebusaradani umukalamba wa balelonda, yamwebele pali Yeremia ati: 12 “Kamusende ulemusunga; taufwile ukumucita ifyabipa kabili ulemupeela conse ico akulomba.”+

13 E ico Nebusaradani umukalamba wa balelonda, Nebushashibani uo baleita ukuti Rabusarisi,* Neregali-saresere uo baleita ukuti Rabumagi* ne ntungulushi shimbi ishashala isha mfumu ya ku Babiloni shatumine abaume 14 abailefumya Yeremia mu Lubansa lwa Balelonda+ no kumutwala kuli Gedalia+ umwana wa kwa Ahikamu,+ umwana wa kwa Shafani,+ uwamutwele ku ng’anda yakwe. E ico Yeremia aikele na bantu.

15 Ilyo Yeremia bamwisalile mu Lubansa lwa Balelonda,+ Yehova amwebele ati: 16 “Kabiye kebe Ebede-meleke+ umwina Etiopia auti, ‘Yehova wa mabumba, Lesa wa kwa Israele alanda ati: “Mona, ndefikilisha ifyo nalandile pali uno musumba ukuti nkaleta ifyabipa pali wena, te fisuma iyo. Kabili muli bulya bushiku ukamonako ilyo ifi fikacitika.”’

17 “‘Lelo muli bulya bushiku nkakupususha,’ e fyo Yehova alanda, ‘kabili tawakapeelwe mu minwe ya bantu abo utiina.’

18 “‘Pantu nangu cibe shani nkalenga ukapusuke, kabili tabakakwipaye ku lupanga. Ubumi* bobe bukaba nge cipe ico bapokolola uo bacimfishe,*+ pantu walincetekela,’+ e fyo Yehova alanda.”

40 Yehova alandile na Yeremia pa numa Nebusaradani+ umukalamba wa balelonda amuleka ukuti aye ukufuma mu Rama.+ Amutwele mulya ninshi amaboko yakwe nabayakaka amaceni, kabili ali pa bantu abo bafumishe mu Yerusalemu na mu Yuda abo baletwala ku Babiloni ku kuyaba bankole. 2 Lyena umukalamba wa balelonda asendele Yeremia pa mbali e lyo amweba ati: “Yehova Lesa obe alisobele ukuti ifi ifyabipa fikesa pali ici cifulo, 3 Yehova nalenga ukuti ifi ficitike nga filya fine alandile. Pantu imwe mwe bantu mwalibembukile Yehova kabili tamwaumfwile ishiwi lyakwe. E mulandu wine ifi fyacitikila kuli imwe.+ 4 Nomba buno bushiku nalakukakula amaceni ayo bakukaka ku maboko yobe. Nga wamona ukuti cili fye bwino ukuya na ine ku Babiloni, natuleya, kabili nkalakusunga. Lelo nga taulefwaya ukuya na ine ku Babiloni, shala. Mona! Kuti waikala konse uko ulefwaya muli ici calo. Kabiye mu kwikala uko utemenwe we mwine.”+

5 Ilyo Yeremia ashilapilibuka, Nebusaradani amwebele ati: “Bwelela kuli Gedalia+ umwana wa kwa Ahikamu,+ umwana wa kwa Shafani,+ uo imfumu ya ku Babiloni isontele ukuteka imisumba ya mu Yuda, kabili uleikala nankwe pamo na bantu; nelyo kuti wayaikala konse uko ulefwaya.”

Lyena umukalamba wa balelonda amupeele ifya kulya no bupe, kabili amulekele aya. 6 E ico Yeremia aile kuli Gedalia umwana wa kwa Ahikamu ku Mispa+ no kutendeka ukwikala nankwe pamo na bantu abashele mu calo.

7 Mu kupita kwa nshita abakalamba ba bashilika bonse abali mu mpanga pamo na bashilika babo balyumfwile ukuti imfumu ya ku Babiloni yalisontele Gedalia umwana wa kwa Ahikamu ukuti aleteka icalo, kabili alimusontele ukuti aleteka abaume, abanakashi na bana abali pa bapiina ba mu calo abo bashasendele ku Babiloni mu kuyaba bankole.+ 8 E ico baishile kuli Gedalia ku Mispa.+ Abaishile bali ni Ishmaele+ umwana wa kwa Netania, Yohanani+ na Yonatani, abana ba kwa Karea, Seraya umwana wa kwa Tanhumete, abana ba kwa Efai umwina Netofa na Yesania+ umwana wa kwa Maakati. Baishile pamo na bashilika babo. 9 Gedalia umwana wa kwa Ahikamu, umwana wa kwa Shafani alapile umulapo kuli bena na ku bashilika babo, ati: “Mwitiina ukubombela abena Kaldi. Akwikaleni mu calo kabili mulebombela imfumu ya ku Babiloni, ne fintu fikalamwendela bwino.+ 10 Lelo ine nakulaikala mu Mispa pa kuti ndemwimininako* ku bena Kaldi abesa kuli ifwe. Nomba imwe mufwile ukulonganika imyangashi, ifisabo fya mu lusuba na mafuta no kufibika mu fipe fya kusungilamo ifintu kabili muleikala mu misumba iyo mwapoka.”+

11 Kabili abaYuda bonse abaleikala mu Moabu, mu Amone na mu Edomu, ukubikako fye na baleikala mu fyalo fimbi ifyashala, nabo balyumfwile ukuti imfumu ya ku Babiloni naileka abashelepo baleikala mu Yuda no kuti naisonta Gedalia umwana wa kwa Ahikamu, umwana wa kwa Shafani ukuti alebateka. 12 E ico abaYuda bonse batendeke ukubwela ukufuma ku fyalo fyonse uko basalanganine, babwelele ku calo ca Yuda, kuli Gedalia ku Mispa. Kabili balonganike imyangashi ne fisabo fya mu lusuba ifingi nga nshi.

13 Yohanani umwana wa kwa Karea na bakalamba bonse aba bashilika abali mu mpanga baishile kuli Gedalia ku Mispa. 14 Bamwebele abati: “Bushe nawishiba ukuti Baalisi imfumu ya bena Amone,+ natuma Ishmaele umwana wa kwa Netania ukwisa mu ku kwipaya?”*+ Lelo Gedalia umwana wa kwa Ahikamu tasumine ifyo bamwebele.

15 Lyena Yohanani umwana wa kwa Karea aebele Gedalia ku Mispa mu bumfisolo ati: “Ndefwaya ukuyaipaya Ishmaele umwana wa kwa Netania, kabili umuntu nangu umo taishibe. Inga cinshi alakwipaila,* kabili cinshi abaYuda bonse abalongene kuli iwe balasalanganina na bashalapo mu Yuda balalobela?” 16 Lelo Gedalia+ umwana wa kwa Ahikamu aebele Yohanani umwana wa kwa Karea ati: “Wimwipaya, pantu ulebepesha fye Ishmaele.”

41 Mu mweshi walenga 7, Ishmaele+ umwana wa kwa Netania umwana wa kwa Elishama uwali uwa ku bufumu* kabili uwakwete icifulo icikalamba nga nshi kwi sano, aishile na baume 10 kuli Gedalia umwana wa kwa Ahikamu ku Mispa.+ Ilyo baleliila pamo ifya kulya mu Mispa, 2 Ishmaele umwana wa kwa Netania na baume 10 abo ali nabo balimine, baipaya Gedalia umwana wa kwa Ahikamu, umwana kwa Shafani ku lupanga. E ico aipeye uo imfumu ya ku Babiloni yasontele ukuti aleteka mu calo. 3 Ishmaele aipeye na baYuda bonse abali na Gedalia ku Mispa, kumo na bashilika abena Kaldi abali kulya.

4 Pa bushiku bwalenga shibili ukutula apo baipaile Gedalia, ninshi umuntu nangu umo talaishiba ifyacitike, 5 kwaishile abaume 80 abafumine ku Shekemu,+ ku Shilo+ na ku Samaria.+ Balibeyele umwefu, bafwele ifya kufwala ifyalepauka, kabili bali-itetawile.+ Bali ne mituulo ya ngano no bubani bwabuuta+ ifyo baletwala ku ng’anda ya kwa Yehova. 6 E ico Ishmaele umwana wa kwa Netania afumine ku Mispa, aya mu kubakumanya, kabili aile alelila. Ilyo akumene nabo abebele ati: “Tuleyeni kuli Gedalia umwana wa kwa Ahikamu.” 7 Nomba ilyo baingile mu musumba, Ishmaele umwana wa kwa Netania na bashilika ali nabo baipeye balya bantu no kubapoosa mu cishima.

8 Lelo pali balya bantu, pali abaume 10 abaebele Ishmaele abati: “Witwipaya, pantu natukwata ingano, barle, amafuta no buci ifyo twafisa mwi bala.” E ico tabepaile pamo na bamunyinabo. 9 Nomba Ishmaele apoosele ifitumbi fyonse ifya bantu aipeye mu cishima icikalamba, ico Imfumu Asa yaimbile pa mulandu wa kwa Baasha imfumu ya mu Israele.+ Muli ici icishima e mo Ishmaele umwana wa kwa Netania aiswishe abantu abo baipeye.

10 Ishmaele asendele abantu bonse abashele mu Mispa+ pa kuti bayeba bankole. Asendele na bana abanakashi aba mfumu na bantu bonse abashele mu Mispa, abo Nebusaradani umukalamba wa balelonda aebele Gedalia+ umwana wa kwa Ahikamu ukuti alebateka. Ishmaele umwana wa kwa Netania alibasendele pa kuti bayeba bankole, kabili aile ku calo ca bena Amone.+

11 Ilyo Yohanani+ umwana wa kwa Karea na bakalamba ba bashilika bonse abo ali nabo baumfwile ifyabipa fyonse ifyo Ishmaele umwana wa kwa Netania acitile, 12 basendele abashilika bonse no kuyalwisha Ishmaele umwana wa kwa Netania, kabili bamusangile apali amenshi ayengi* mu Gibeone.

13 Abantu bonse abali na Ishmaele balisekelele ilyo bamwene Yohanani umwana wa kwa Karea na bakalamba bonse aba bashilika abo ali nabo. 14 Lyena abantu bonse abo Ishmaele afumishe mu Mispa+ pa kuti bayeba bankole, balipilibwike babwelelamo na Yohanani umwana wa kwa Karea. 15 Lelo Ishmaele umwana wa kwa Netania na baume 8 abo ali nabo balifulumwike Yohanani, kabili baile ku bena Amone.

16 Yohanani umwana wa kwa Karea na bakalamba bonse aba bashilika abo ali nabo, basendele abantu abashelepo abo bapokolwele kuli Ishmaele umwana wa kwa Netania uwabafumishe mu Mispa, pa numa ya kwipaya Gedalia+ umwana wa kwa Ahikamu. Basendele abaume, abashilika, abanakashi, abana na balebombela kwi sano, ukubafumya mu Gibeone. 17 E ico baile mu kwikala mu Kimhamu, icifulo ca kutushishamo icali mupepi na Betelehemu,+ pa kuti bakaye ku Egupti,+ 18 pa mulandu wa kuti baletiina abena Kaldi. Balebatiina pantu Ishmaele umwana wa kwa Netania alipeye Gedalia umwana wa kwa Ahikamu, uo imfumu ya ku Babiloni yasontele ukuti aleteka icalo.+

42 Lyena abakalamba bonse aba bashilika na Yohanani+ umwana wa kwa Karea, Yesania umwana wa kwa Hoshaya na bantu bonse, ukutendekela ku bantu yaweyawe ukufika kuli bashimucindikwa, balipaleme. 2 Kabili baebele kasesema Yeremia abati: “Umfwa ukupaapaata kwesu, kabili tupepeleko kuli Yehova Lesa obe. Upepeleko abashalapo bonse aba, pantu twali abengi nomba tushele fye abanono,+ nga fintu ulemona. 3 Yehova Lesa obe natwebe inshila iyo tufwile ukwendamo ne fyo tufwile ukucita.”

4 Kasesema Yeremia abebele ati: “Naumfwa ifyo mwalanda, kabili nalamupepelako kuli Yehova Lesa wenu nga fintu munjebele; kabili fyonse ifyo Yehova akalanda, nkamweba. Nshakamufise nangu cimo.”

5 Baebele Yeremia abati: “Yehova nabe kambone wa cine kabili uwa cishinka uwa kutushinina nga tatwakacite fyonse ifyo Yehova Lesa obe akakutuma ukwisatweba. 6 Nampo nga ifyo akatweba fisuma nelyo fibi, tukomfwila ishiwi lya kwa Yehova Lesa wesu uo tulekutumako, pa kuti ifintu fikatuwamine pantu tumfwila ishiwi lya kwa Yehova Lesa wesu.”

7 Nomba ilyo papitile inshiku 10, Yehova alilandile na Yeremia. 8 E ico aitile Yohanani umwana wa kwa Karea na bakalamba bonse aba bashilika abo ali nabo na bantu bonse, ukutendekela ku bantu yaweyawe ukufika kuli bashimucindikwa.+ 9 Abebele ati: “Yehova Lesa wa kwa Israele, uo mwantumineko ukuti imupaapaatileko alanda ati: 10 ‘Nga mukatwalilila ukwikala muli cino calo, lyena nkamukuula, nshakamubongolole, kabili nkamulimba, nshakamunukule, pantu nkamulangulukilako* pa bucushi ubo naleta pali imwe.+ 11 Mwiba no mwenso pa mulandu wa mfumu ya ku Babiloni iyo muletiina.’+

“‘Mwitiina pa mulandu wa iyi mfumu,’ e fyo Yehova alanda, ‘pantu ndi na imwe, pa kuti imupusushe no kumupokolola mu minwe ya iko. 12 Nkamubelela uluse,+ kabili imfumu ikamumfwila uluse no kumubwesesha ku calo cenu.

13 “‘Lelo nga mwalanda amuti, “Awe, tatwatwalilile ukwikala muli cino calo!” kabili mwakaana ukumfwila ishiwi lya kwa Yehova Lesa wenu 14 kabili mwalanda amuti, “Awe, tukaya ku calo ca Egupti,+ uko tushakamone inkondo nangu ukumfwa ukulila kwa ntandala nelyo ukubulisha ifya kulya; kulya kwine e ko tukekala,” 15 ninshi umfweni ifyo Yehova alanda, mwe baYuda abashalapo. Yehova wa mabumba, Lesa wa kwa Israele alanda ati: “Nga mulefwaisha ukuya ku Egupti kabili nga mwaya mu kwikala kulya,* 16 ninshi ulupanga ulo muletiina lukamusanga kulya kwine ku calo ca Egupti, ne cipowe ico muletiina cikamukonka ku Egupti, kabili kulya kwine e ko mukafwila.+ 17 Kabili abantu bonse abalefwaisha ukuya mu kwikala ku Egupti bakafwa ku lupanga, ku cipowe na ku cikuko.* Takuli nangu umo uukapusuka ubucushi ubo nkaleta pali bena.”’

18 “Pantu Yehova wa mabumba, Lesa wa kwa Israele alanda ati, ‘Filya fine ubukali bwandi bwaishile pa baleikala mu Yerusalemu,+ e fyo bukesa pali imwe nga mwaya ku Egupti. Kabili mukaba icitiipu, ica kutiinya, mukaseebana,+ kabili tamwakatale amumonapo cino cifulo na kabili.’

19 “Yehova namweba mwe baYuda abashalapo ukuti mwiya ku Egupti, kabili mwishibe ukuti ine nimusoka buno bushiku 20 ukuti icilubo mucitile cikalenga mukafwe.* Pantu mwantumine kuli Yehova Lesa wenu, mwanjebele amuti, ‘Tupepeleko kuli Yehova Lesa wesu, kabili utwebe fyonse ifyo Yehova Lesa wesu alalanda, kabili twakulafikonka.’+ 21 Kabili nimweba buno bushiku, lelo tamwakomfwile ishiwi lya kwa Yehova Lesa wenu kabili tamwakacite ifyo acintuma ukuti imwebe.+ 22 E ico ishibeni ukuti nangu cibe shani mukafwa ku lupanga, ku cipowe na ku cikuko mu calo umo mulefwaisha ukuyaikala.”+

43 Ilyo Yeremia apwishishe ukweba abantu bonse amashiwi yonse aya kwa Yehova Lesa wabo, amashiwi yonse ayo Yehova Lesa wabo amutumine ukuyabeba, 2 Asaria umwana wa kwa Hoshaya, Yohanani+ umwana wa kwa Karea na baume bonse abaituntumbile baebele Yeremia abati: “Ifyo ulelanda bufi! Yehova Lesa wesu takutumine ukwisatweba ati, ‘Mwiya mu kwikala ku Egupti.’ 3 Lelo Baruki+ umwana wa kwa Neria e ulekweba ukulanda aya mashiwi pa kuti tuwile mu minwe ya bena Kaldi, abakatwipaya nelyo abakatutwala ku Babiloni uko tukayaba bankole.”+

4 E ico Yohanani umwana wa kwa Karea, abakalamba bonse aba bashilika na bantu bonse tabakonkele ifyo Yehova abebele ukuti batwalilile ukwikala mu Yuda. 5 Lelo Yohanani umwana wa kwa Karea na bakalamba bonse aba bashilika basendele abaYuda bonse abashelepo ababwelele mu Yuda ukufuma mu nko shonse umo basalanganine.+ 6 Basendele abaume, abanakashi, abana, abana abanakashi aba mfumu na bonse* abo Nebusaradani+ umukalamba wa balelonda aebele Gedalia+ umwana wa kwa Ahikamu,+ umwana wa kwa Shafani+ ukuti alebateka. Basendele na kasesema Yeremia na Baruki umwana wa kwa Neria. 7 Kabili baile mu calo ca Egupti, pantu tabaumfwilile ishiwi lya kwa Yehova, bafikile na ku Tafne.+

8 Lyena Yehova alilandile na Yeremia mu Tafne, amwebele ati: 9 “Senda amabwe ayakalamba mu minwe yobe, kayafise mu ndaka mu lubansa ulo babikapo injelwa, ulwaba pa mwinshi wa ng’anda ya kwa Farao mu Tafne, ninshi abaume abaYuda balemonako. 10 Lyena ubebe auti, ‘Yehova wa mabumba, Lesa wa kwa Israele alanda ati: “Moneni, ndeita Nebukadnesari* imfumu ya ku Babiloni umubomfi wandi,+ kabili nkabika icipuna cakwe ica bufumu pa muulu wa aya mabwe ayo mfishile, kabili akatanikapo itenti lyakwe ilya bufumu.+ 11 Kabili akesasansa icalo ca Egupti.+ Onse uufwile ukufwa ku cikuko icipaya akafwa ku cikuko icipaya, onse uo bafwile ukusenda ku calo cimbi pa kuti akayeba nkole, bakamusenda ku calo cimbi uko akayaba nkole, na onse uufwile ukufwa ku lupanga akafwa ku lupanga.+ 12 Kabili nkasonteka amayanda* ya balesa ba mu Egupti,+ kabili akaboca no kubasenda pa kuti bakayeba bankole. Akaifimba icalo ca Egupti nga filya kacema aifimba ica kufwala cakwe, kabili akafumamo umutende.* 13 Kabili akatobaula inceshi sha mu Bete-shemeshe,* mu calo ca Egupti, kabili akoca mayanda* ya balesa ba mu Egupti.”’”

44 Yehova aebele Yeremia pa baYuda bonse abaikele mu calo ca Egupti,+ bonse abaikele mu Migidole,+ mu Tafne,+ mu Nofu*+ na mu calo ca Patrose,+ ati: 2 “Yehova wa mabumba, Lesa wa kwa Israele alanda ati, ‘Mwalimona ubucushi bonse ubo naletele pali Yerusalemu+ na pa misumba yonse iya mu Yuda, kabili pali ino nshita yashala ifibolya, tamwikala nangu umo.+ 3 Icalenga ifi ficitike ni co balecita ifyabipa pa kuti bankalifye. Baletuulila balesa bambi amalambo+ kabili balebabombela, balesa abo bashaishibe, abo mushaishiba kabili abo ne fikolwe fyenu fishaishibe.+ 4 Nalemutumina ababomfi bandi bonse bakasesema, nalebatuma pa miku iingi,* kabili balemweba abati: “Mwicita ici cintu ica bunani, icintu ico napata.”+ 5 Lelo tabaumfwile kabili tababikileko amano. Tabalekele ukucita ifyabipa, batwalilile fye ukutuulila balesa bambi amalambo.+ 6 E ico ubukali bwandi bwaishile pa misumba ya mu Yuda na mu misebo ya mu Yerusalemu, ninshi bulebilima ngo mulilo; kabili yasangwike ifibolya, nga fintu yaba na pali ino nshita.’+

7 “Nomba Yehova Lesa wa mabumba, Lesa wa kwa Israele alanda ati, ‘Cinshi muleiletela ubucushi ubukalamba,* ica kuti umwaume onse, umwanakashi onse, umwana onse na kanya konse, baloba mu Yuda, ica kuti pali imwe tapashele nangu umo? 8 Cinshi munkalifisha ku fyo iminwe yenu icita, iituulila balesa bambi amalambo mu Egupti umo mwaya mu kwikala? Mukaloba kabili inko shonse isha pe sonde shikalamulumbula pa kutiipwila kabili mukaseebana.+ 9 Bushe namulaba ifyabipa ifyo ifikolwe fyenu, imfumu sha mu Yuda+ na bakashi babo bacitile,+ e lyo ne fyabipa ifyo imwe na bakashi benu mwacitile,+ mu Yuda na mu misebo ya mu Yerusalemu? 10 Ukufika na buno bushiku tabaicefya,* tabalanga ukuti balantiina+ kabili tabakonka amafunde yandi ne fipope ifyo namupeela kabili ifyo napeele ne fikolwe fyenu.’+

11 “E ico Yehova wa mabumba, Lesa wa kwa Israele alanda ati, ‘Nangu cibe shani, ndemuletela ubucushi pa kuti ndofye abantu bonse aba mu Yuda. 12 Kabili nkekata abaYuda abashalapo abalefwaisha ukuya mu kwikala mu Egupti, kabili bonse bakalobela mu Egupti.+ Bakafwa ku lupanga kabili icipowe cikabalofya; ukutendekela ku muntu yaweyawe ukufika na kuli bashimucindikwa. Bakafwa ku lupanga na ku cipowe. Bakaba icitiipu, ica kutiinya kabili bakaseebana.+ 13 Nkakanda abekala mu Egupti nga filya nakandile abaleikala mu Yerusalemu, nkabakandila ku lupanga, ku cipowe, na ku cikuko.*+ 14 Na baYuda abashalapo abaya mu kwikala mu Egupti tabakafulumuke nelyo ukupusuka pa kuti bakabwelele ku Yuda. Bakalafwaisha* ukubwelelamo no kwikala kulya, lelo tabakabwelelemo, kano fye abanono abakafulumuka.’”

15 Abaume bonse abaishibe ukuti abakashi babo baletuulila balesa bambi amalambo, na bakashi bonse abaiminine mulya abali ibumba ilikalamba, na bantu bonse abaleikala mu Egupti,+ mu Patrose,+ ba-aswike Yeremia abati: 16 “Tatwaumfwe amashiwi ayo utwebeele mwi shina lya kwa Yehova. 17 Lelo twakulacita fyonse ifyo utunwa twesu tulandile. Twakulatuulila ‘Namfumu wa mu Muulu’* amalambo kabili twakulamwitulwila umutuulo wa mwangashi,+ nga filya fine ifwe, ifikolwe fyesu, imfumu shesu ne ntungulushi shesu twalecita mu misumba ya mu Yuda na mu misebo ya mu Yerusalemu ilyo twalekwata ifya kulya no kwikala bwino, kabili ilyo tushalemona ubucushi nangu bumo. 18 Ukufuma fye ilyo twalekele ukutuulila ‘Namfumu wa mu Muulu’* amalambo no kumwitulwila umutuulo wa mwangashi, tatwakwata nangu cimo, kabili ulupanga ne cipowe fyalitulofya.

19 Abanakashi balandile no kuti “Kabili ilyo twaletuulila ‘Namfumu wa mu Muulu’* amalambo no kumwitulwila imituulo ya mwangashi, bushe abalume besu tabaletusuminisha ukumupangila amakeke ya kumutuulila, ayalemoneka nga ena, no kumwitulwila imituulo ya mwangashi?”

20 Lyena Yeremia aebele abantu bonse, abaume na bakashi babo na bantu bonse abalelanda nankwe ati: 21 “Amalambo ayo imwe, ifikolwe fyenu, imfumu shenu, intungulushi shenu na bantu ba mu calo batuulile mu misumba ya mu Yuda na mu misebo ya mu Yerusalemu,+ Yehova aliyebukishe kabili aleyatontonkanyapo!* 22 Yehova asukile afilwa ukushipikisha ifyabipa ifyo mwalecita ne fya bunani ifyo mwacitile, kabili icalo cenu caishileba icibolya kabili ica kutiinya, kabili e co abantu balelandapo pa kutiipwila. Tamwaleikala umuntu nangu umo, nge fi fine caba na lelo.+ 23 Pa mulandu wa kuti mulatuula aya malambo kabili mwalibembukila Yehova pantu tamukonka ifyo Yehova alanda kabili tamukonka amafunde yakwe, ifipope fyakwe ne fyo atwibukishako, e calenga ubu ubucushi bwise pali imwe, nge fi fine cili na lelo.”+

24 Na kabili Yeremia aebele abantu bonse na banakashi bonse ati: “Umfweni amashiwi ya kwa Yehova, imwe bonse mwe baYuda abekala mu calo ca Egupti. 25 Yehova wa mabumba, Lesa wa kwa Israele alanda ati, ‘Ifyo imwe na bakashi benu mulandile namufifikilisha ku minwe yenu, pantu mwalandile amuti: “Nangu cibe shani tukafikilisha imilapo yesu iya kutuulila ‘Namfumu wa mu Muulu’* amalambo no kumwitulwila imituulo ya mwangashi.”+ Imwe mwe banakashi, nangu cibe shani mukafikilisha ifyo mwalapa kabili mukacita ukulingana ne fyo mwalapa.’

26 “E ico mwe baYuda bonse abekala mu calo ca mu Egupti, umfweni ifyo Yehova alanda ati: ‘“Moneni nindapila mwi shina lyandi ilikalamba,” e fyo Yehova alanda, “ukuti umuYuda onse+ uwikala mu calo ca Egupti takalumbule ishina lyandi na kabili pa kulapa umulapo ati, ‘Na pali Shikulu Mulopwe Yehova!’+ 27 Nomba ndepanga ukubaletela ubucushi te fintu ifisuma iyo;+ abaYuda bonse abekala mu calo ca Egupti bakafwa ku lupanga na ku cipowe mpaka bakalobe.+ 28 Banono fye abakapusuka ku lupanga kabili abakafuma mu Egupti no kubwelelamo ku Yuda.+ Lyena bonse abashalapo pa baYuda abaisa mu kwikala mu calo ca Egupti bakeshiba uwalelanda icine, nampo nga nine nangu ni bena.”’”

29 “‘Kabili ici e co mukeshibilako,’ e fyo Yehova alanda, ‘ukuti nkamukanda muli cino calo, pa kuti mukeshibe ukuti ifyo nalandile ukuti nkamuletela ubucushi nangu cibe shani fikacitika. 30 Yehova alanda ati: “Moneni, ndepeela Farao Hofra, imfumu ya mu Egupti, mu minwe ya balwani bakwe kabili abafwaya ukumwipaya,* nga filya fine napeele Imfumu Sidekia ya mu Yuda mu minwe ya Mfumu Nebukadnesari* imfumu iya ku Babiloni, iyali umulwani wa iko kabili iyalefwaya ukumwipaya.”’”*+

45 Aya e mashiwi ayo Yeremia kasesema aebele Baruki+ umwana wa kwa Neria. Baruki aleyalemba mwi buuku ilyo Yeremia alemweba,+ mu mwaka walenga 4 ukutula apo Yehoyakimu+ umwana wa kwa Yoshia, imfumu ya mu Yuda, atendekeele ukuteka, amwebele ati:

2 “Yehova Lesa wa kwa Israele alanda pali iwe Baruki ati, 3 ulandile auti: “We bulanda kuli ine, pantu ndeumfwa ubukali kabili Yehova na o nalenga ndeumfwa ubulanda! Ninaka pa mulandu wa kuteta, kabili nshisangile icifulo ca kutuushishapo.”’

4 “Umwebe auti, ‘Yehova alanda ati: “Mona! Ifyo nakuula ndefibongolola, kabili ifyo nalimba ndefinukula, nkacita ifi mu calo conse.+ 5 Lelo iwe ulefwaya* ukukwata ifintu ifikalamba. Leka ukufwaya ifyo fintu.”’

“‘Pantu ndeleta ubucushi pa bantu* bonse,’+ e fyo Yehova alanda, ‘kabili konse uko ukaya, nkalenga ubumi* bobe bukabe nge cintu ico bapokolola abo bacimfishe.’”*+

46 Aya e mashiwi ayo Yehova aebele kasesema Yeremia ayakumine inko, amwebele ati:+ 2 Aya e mashiwi pali Egupti,+ ayakumine abashilika ba kwa Farao Neko+ imfumu ya ku Egupti, uo bacimfishe mu mbali ya Mumana wa Yufrate ku Kakemishi, kuli Nebukadnesari* imfumu ya ku Babiloni mu mwaka walenga 4 ukutula apo Yehoyakimu+ umwana wa kwa Yoshia imfumu ya mu Yuda, atendekeele ukuteka:

 4 Pekanyeni bakabalwe, kabili mwe banina pali bakabalwe ninenipo.

Tantameni kabili fwaleni ifisote fya kucingilila umutwe.

Nooneni amafumo. Kabili fwaleni ifya kucingilila icifuba.

 5 “‘Cinshi babelele no mwenso?

Balebwelela ku numa, abashilika babo nababacimfya.

Nabafulumuka pa mulandu no mwenso. Abashilika babo tabaloleshe ku numa.

Abantu bonse bali no mwenso,’ e fyo Yehova alanda.

 6 ‘Ababutukisha te kuti babutuke, na bashilika te kuti bafulumuke.

Ndeyaonaula umusumba na baikalamo.’

 9 Mwe banina pali ba kabalwe kabiyeni ku nkondo!

Mwe bensha amaceleta, yensheni bushilu bushilu!

10 “Ubushiku bulya, bushiku bwa kwa Shikulu Mulopwe, Yehova wa mabumba, bushiku bwa kulandula abalwani bakwe. Ulupanga lukabalya mpaka lukekute umulopa wabo, pantu Shikulu Mulopwe, Yehova wa mabumba, aletuula* ilambo mu calo ca ku kapinda ka ku kuso mupepi no Mumana wa Yufrate.+

13 Aya e mashiwi Yehova aebele kasesema Yeremia pa fyo Imfumu Nebukadnesari* iya ku Babiloni yali no kwisacimfya icalo ca Egupti,+ amwebele ati:

14 “Bilisheni ifi mu Egupti, mubilishe na mu Migidole.+

Na mu Nofu* na mu Tafne.+

15 Cinshi abaume benu aba maka babapyangila?

16 Abengi baleipununa kabili balewa.

Cila muntu ale-eba umunankwe ati:

23 Bakatema umutengo wakwe,’ e fyo Yehova alanda, ‘nangu ca kuti walemoneka kwati abantu te kuti bapitemo.

Pantu balifula ukucila makanta, takuli uwingabapenda.

24 Umwana mwanakashi Egupti bakamuseebanya.

Bakamupeela ku bantu ba ku kapinda ka ku kuso.’+

25 “Yehova wa mabumba, Lesa wa kwa Israele alanda ati, ‘Nalakanda Amone+ uwa mu musumba wa No,*+ nalakanda na Farao na Egupti na balesa bakwe+ ne mfumu shakwe. Nalakanda Farao na bonse abamucetekela.’+

26 “‘Nkabapeela ku balefwaya ukubepaya,* ku Mfumu Nebukadnesari* iya ku Babiloni+ na ku babomfi ba iko. Nomba pa numa mu Egupti mukekala abantu nga fintu cali kale,’ e fyo Yehova alanda.+

28 E ico witiina we mubomfi wandi Yakobo,’ e fyo Yehova alanda, ‘pantu ndi na iwe.

47 Aya e mashiwi Yehova aebele kasesema Yeremia pa baPelishiti+ ilyo Farao ashilacimfya Gasa. 2 Yehova amwebele ati:

“Mona! Amenshi yalefuma ku kapinda ka ku kuso.

Yakaba ngo mumana uupoosele.

 5 Ipala* likesa mu Gasa.

Ashkelone nabamonaula.+

 6 “We lupanga lwa kwa Yehova!+

Ni lilali ukekala tondolo?

Bwelela umo wikala.

Tuushako kabili ikala tondolo.

48 Yehova wa mabumba, Lesa wa kwa Israele alanda pali Moabu+ ati:

“We bulanda kuli Nebo+ pantu nabamonaula!

Kiriataimu+ nabamuseebanya kabili nabamucimfya.

Icubo* nabaciseebanya kabili nabaconaula.+

 2 Balileka ukulumbanya Moabu.

Mu Heshebone+ e mo balepangana ukumuwisha, balelanda abati:

‘Iseni tumulofye pa kuti etwalilila ukuba uluko.’

 4 Moabu nabamonaula.

Abana bakwe abanono balelila.

 5 Ilyo bale-enda mu nshila iyaya pa muulu iya Luhiti, balelila.

Kabili ilyo baletentemuka ukufuma ku Horonaimu, baumfwa abantu balelila pa mulandu wa fyabipa ifibacitikiile.+

 6 “Fulumukeni pa kuti mupusushe imyeo yenu!

Mufwile ukuba nge cimuti ca mukupri mu matololo.

10 “Abe uwatiipwa uuba no mulekelesha pa kubomba umulimo wa kwa Yehova!

Abe uwatiipwa uushibomfya ulupanga lwakwe ku kusumya umulopa!

12 “E ico moneni! inshiku shileisa,’ e fyo Yehova alanda, ‘ilyo nkatuma abaume abakabetulula ngo mwangashi. Bakabetulula ngo mwangashi kabili baketulula fyonse ifyaba mu fipe fyabo, bakatobaula ne mitondo yabo iikalamba. 13 Kabili abena Moabu bakomfwa insoni pa mulandu na Kemoshe, nga filya aba mu ng’anda ya kwa Israele baumfwa insoni pa mulandu wa Betele iyo bacetekeele.+

14 Cinshi mulelandila amuti: “Tuli bashilika ba maka abaipekenye ukuya mu kulwa inkondo”?+

E fyo Imfumu yalanda, iyo ishina lya iko ni Yehova wa mabumba.+

Bakabeba abati: ‘Iye ifyo inkonto ya maka baikontaula, inkoto ya bukata!’

19 “Iminina mu mbali ya musebo no kumona ifyo abekala mu Aroere+ balecita.

Ipusha umwaume uulebutuka no mwanakashi ulefulumuka auti, ‘Cinshi cicitike?’

20 Moabu nabamuseebanya kabili ali no mwenso.

Lileni no kuloosha.

Bilisheni mu Arnone+ ukuti Moabu nabamonaula.

21 Lesa napingula icalo icabatama,*+ napingula Holone, Yahasi+ na Mefaati;+ 22 napingula Dibone,+ Nebo+ na Bete-diblataimu; 23 napingula Kiriataimu,+ Bete-gamuli na Bete-maone;+ 24 napingula Keriote+ na Bosera; napingula ne misumba yonse iya mu calo ca Moabu iyaba ukutali ne yaba mupepi.

26 ‘Lengeni akolwe,+ pantu alaitutumuna kuli Yehova.+

27 “‘Bushe tawaleseka Israele?+

Tabakacite nangu cimo.

Utumisambo tobe utwalelema natwabuka bemba.

Natufika kuli bemba, ku Yasere.

Ninenga umwangashi uleke ukukonkoloka ukufuma mu ca kukaminamo umwangashi.

Takwakabe nangu umo uukalanyantaula imyangashi ninshi alesekelela.

Takwakabe icongo ca kusekelela.’”+

34 “‘Amashiwi ya bantu abaleloosha yaleumfwika ukufuma ku Heshebone+ ukuyafika ku Eleale.+

Na menshi ya mu Nimrimu yakakama.+

Pantu ifyuma ifyo anonka fikapwa.

39 ‘Iye ifyo omfwile umwenso! Loosheni mwe bantu!

Iye ifyo Moabu afulumuka ninshi naseebana!

40 “Pantu Yehova alanda ati:

‘Pantu ndeleta pa bena Moabu umwaka wa kubakanda,’ e fyo Yehova alanda.

45 ‘Mu cinshingwa ca kwa Heshebone, e mo abafulumwike beminine ninshi tabakwete amaka.

46 ‘We bulanda kuli iwe Moabu!

Abantu ba kwa Kemoshe+ nabaloba.

47 Lelo mu nshiku sha ku mpela, nkalonganika bankole abena Moabu,’ e fyo Yehova alanda.

‘Pano e papwila amashiwi ya bupingushi pali Moabu.’”+

49 Yehova alanda pa bena Amone+ ati:

“Bushe Israele takwata abana abaume?

Bushe takwata impyani?

Cinshi Malkamu+ apokela Gadi?+

Kabili cinshi abantu bakwe bekalila mu misumba ya kwa Israele?”

‘Na Israele akapokolola imisumba iyo bamupokolwele,’+ e fyo Yehova alanda.

 3 ‘Loosha we Heshebone pantu Ai nabamonaula!

Lileni mwe misumba iinono iya kwa Raba.

Fwaleni insamu.

 6 “‘Lelo pa numa ya ifi, nkalonganika bankole abena Amone,’ e fyo Yehova alanda.”

7 Yehova wa mabumba alanda pali Edomu ati:

“Bushe amano nayapwa mu Temani?+

Bushe ukupanda amano kwa beluka nakupwa?

Bushe amano yabo nayabola?

 8 Fulumukeni, cimbeni!

Kabiyeni mu kwikala mu mikonko iyashika, mwe bekala mu Dedani!+

10 Lelo ine nkapokolola Esau fyonse.

12 Pantu Yehova alanda ati: “Moneni! Nga ca kuti abo bashapingula ukuti bafwile ukunwa muli kapu bafwile ukunwamo, bushe imwe bafwile ukumuleka fye ukwabula ukumukanda? Tabakamuleke fye ukwabula ukumukanda pantu mufwile ukunwamo.”+

13 “Pantu nailapa ne mwine,” e fyo Yehova alanda, “ukuti Bosera akaba ica kutiinya,+ akaseebana, bakamonaula kabili bakalamulandapo pa kutiipwila; ne misumba yakwe yonse ikaba ifibolya umuyayaya.”+

17 “Kabili Edomu akaba ica kutiinya.+ Onse uukalapita mupepi nankwe akalamutiina kabili akalalisha umunsoli pa mulandu ne fyabipa ifikamucitikila. 18 Nga filya fine cali ilyo baonawile Sodomu na Gomora ne misumba inono iyali mupepi,”+ e fyo Yehova alanda, “tamwakatale amwikala umuntu nangu umo.+

19 “Moneni! Nga filya inkalamo ifuma mu mpanga umwaba ifimuti ifyatitikana iyaba mu mbali ya Yordani, e fyo umuntu umo akesa mu kusansa impanga ya mulemfwe iyacingililwa,+ lelo mu nshita fye iinono nkalenga akafulumukemo. Kabili nkamusontela uwa kumutungulula uo nasala. Pantu nani uwaba nga ine kabili nani uwingalubulula na ine? Ni kacema nshi uwingeminina pa ntanshi yandi?+ 20 E ico umfweni mwe bantu, ifyo Yehova apingwile Edomu ne fyo apingwile abekala mu Temani:+

Nangu cibe shani impaanga ishana bakashikululula.

Akalenga icifulo bekalamo cikabe icibolya pa mulandu wabo.+

21 Isonde lyatenta pa mulandu ne congo ca kuwa kwabo.

Abantu balelila!

Imisowa yabo ilefika na kuli Bemba Wakashika.+

23 Amashiwi pali Damaseke:+

Nabasunguluka pa mulandu no mwenso.

Abantu na basakamikwa nga nshi, bali nga bemba iilulunkene iyo bashingatalalika.

24 Damaseke naleka ukuba uwashipa.

Nafulumuka, lelo nasakamikwa nga nshi.

28 Ifi e fyo Yehova alanda pali Kedari+ na pa mabufumu ya kwa Hasore, ayo Imfumu Nebukadnesari* iya ku Babiloni yaonawile, alanda ati:

30 “Fulumukeni, kabiyeni ukutali!

Kabiyeni mu kwikala mu mikonko iyashika mwe bekala mu Hasore,” e fyo Yehova alanda.

“Talwakwata ifiibi nelyo imipindo. Baikala fye beka.

34 Aya e mashiwi Yehova aebele kasesema Yeremia pali Elamu+ ilyo Imfumu Sidekia+ iya mu Yuda yatendeke ukuteka: 35 “Yehova wa mabumba alanda ati, ‘Moneni, ndekontola ubuta bwa kwa Elamu,+ intulo* ya maka yabo. 36 Nkaleta imyela 4 pali Elamu iyo nkafumya ku mpela 4 isha muulu, nkabasalanganishisha muli iyi imyela. Kabili takwakabe uluko uko abekala mu Elamu abo nkasalanganya bashakaye.’”

37 “Nkalenga abena Elamu bakatiine abalwani babo na bafwaya ukubepaya,* kabili nkaleta ubucushi pali bena, ubukali bwandi ububilima ngo mulilo,” e fyo Yehova alanda. “Kabili nkabatumina ulupanga mpaka nkabalofye.”

38 “Nkabika icipuna candi ica bufumu mu Elamu,+ kabili nkepaya imfumu ne ntungulushi sha muli ici cifulo,” e fyo Yehova alanda.

39 “Lelo mu nshiku sha ku mpela, nkalonganika bankole abena Elamu,” e fyo Yehova alanda.

50 Aya e mashiwi Yehova aebele kasesema Yeremia pali Babiloni,+ icalo ca bena Kaldi, amwebele ati:

 2 “Bilisheni ici ku nko.

Imyeni icishibilo kabili bilisheni.

Mwifisa nangu cimo.

Bilisheni amuti, ‘Babiloni nabaipoka.+

Bele nabamuseebanya.+

Merodaki ali no mwenso.

Ifimpashanya fyakwe nabafiseebanya.

Ifilubi fyakwe ifya bunani* fili no mwenso.’

 3 Pantu uluko ulufumine ku kapinda ka ku kuso nalwisa mu kumulwisha.+

4 “Muli shilya inshiku kabili pali ilya nshita,” e fyo Yehova alanda, “abena Israele na bekala mu Yuda,+ bakalongana pamo. Bakalaenda ninshi balelila+ kabili bonse bakafwaya Yehova Lesa wabo.+ 5 Bakepusha inshila yaya ku Sione, ninshi ifinso fyabo nafilosha ku Sione,+ bakalalanda abati, ‘Natuleya tuilunde kuli Yehova mu cipangano ca muyayaya icishakalabwe.’+ 6 Abantu bandi bali nge mpaanga ishaluba.+ Bakacema babo balibalufishe.+ Babatwele mu mpili umo bale-endauka ukufuma pa lupili ukuya pa kapili. Balilaba icifulo cabo ica kutuushishamo. 7 Bonse ababasanga balabepaya+ kabili abalwani babo balanda abati, ‘Tatwaba na mulandu pantu balibembukile Yehova, balibembukile icifulo umwaba ubulungami kabili isubilo lya fikolwe fyabo, Yehova.’”

10 Icalo ca bena Kaldi bakacipoka.+

Bonse abakasenda ifyabamo bakasenda ifintu ifingi ukulingana ne fyo balefwaya,”+ e fyo Yehova alanda.

12 Nyinenwe nabamuseebanya.+

Uwamufyele naumfwa insoni.

15 Mushingulukeni kabili muweleshe ukuwelesha kwa nkondo.

Babiloni nacimba.*

Mulanduleni.

Mumucite nge fyo acita.+

17 “Abena Israele bali nge mpaanga ishasalangana.+ Inkalamo shalibapasa.+ Imfumu ya ku Asiria e yabalilepo ukubalya;+ Lyena Imfumu Nebukadnesari* iya ku Babiloni e yakokwete amafupa yabo.+ 18 E ico Yehova wa mabumba, Lesa wa kwa Israele alanda ati: ‘Nkakanda imfumu ya ku Babiloni ne calo ca iko nga filya nakandile imfumu ya kwa Asiria.+ 19 Kabili nkabwesesha abena Israele ku calo cabo ica mulemfwe,+ bakalya umulemfwe mu Karmele na mu Bashani+ kabili bakekuta* mu calo ca mpili ica kwa Efraimu+ ne ca Gileadi.’”+

21 “Kalwisheni icalo ca Merataimu na bekala mu Pekode.+

Kabepayauleni bonse,” e fyo Yehova alanda.

“Mucite fyonse ifyo mwebele.

23 Iye, ifyo sando iitobaula inko shonse isha pano sonde baiputaula no kuyonaula!+

Iye, ifyo Babiloni aba ica kutiinya mu nko!+

26 Fumeni ku fifulo ifyaba ukutali, mwise mu mulwishe.+

Isuleni umo asungila ingano.+

Mutuulikeni nge miina ya ngano.

Monauleni onse.+

Mwishala nangu umo muli ena.

Mushingeni kabili mwileka nangu umo abutuke.

Mulanduleni ukulingana ne fyo acita.+

Muciteni ukulingana ne fyo alecita abantu bambi.+

33 Yehova wa mabumba alanda ati:

Tabafwaya ukubaleka baya.+

34 Lelo Kalubula wabo wa maka.+

Yehova wa mabumba e shina lyakwe.+

36 Kuli ulupanga ulwimiine abalanda ifya fye,* kabili bakalacita ifya buwelewele.

Kuli ulupanga ulwimiine abashilika bakwe, kabili bakomfwa umwenso.+

Kuli ulupanga ulwimiine ifyuma fyakwe, kabili bakafisenda.+

38 We bulanda ku menshi yakwe, yakakama.+

40 “Nga filya fine cali ilyo Lesa aonawile Sodomu na Gomora+ ne misumba iinono iyali mupepi,”+ e fyo Yehova alanda, “tamwakatale amwikala umuntu nangu umo.+

42 Balekata amata na mafumo.+

Bankalwe kabili tabakomfwile nangu umo uluse.+

Bali no mutima umo ilyo batantama ukuti balwe na iwe, we mwana mwanakashi Babiloni.+

44 “Moneni! Nga filya inkalamo ifuma mu mpanga umwaba ifimuti ifyatitikana iyaba mu mbali ya Yordani, e fyo umuntu umo akesa mu kusansa impanga ya mulemfwe iyacingililwa, lelo mu nshita fye iinono nkalenga akafulumukemo. Kabili nkamusontela uwa kumutungulula uo nasala.+ Pantu nani uwaba nga ine kabili nani uwingalubulula na ine? Ni kacema nshi uwingeminina pa ntanshi yandi?+ 45 E ico umfweni mwe bantu ifyo Yehova apingwile Babiloni+ ne fyo apingwile icalo ca bena Kaldi.

Nangu cibe shani impaanga ishana bakashikululula.

Akalenga icifulo bekalamo cikabe icibolya pa mulandu wabo.+

51 Yehova alanda ati:

 3 “Uwaishiba ukubomfya ubuta etiinta* ubuta bwakwe.

Kabili umuntu nangu umo eiminina ninshi nafwala ica kucinga icifuba.

“Mwiumfwila abalumendo bakwe uluse.+

Mwipaye abashilika bakwe bonse.

 5 “Pantu Yehova wa mabumba+ taasha Israele na Yuda, tababa nga bamukamfwilwa.

Lelo Uwa Mushilo uwa kwa Israele amona icalo cabo* ukuti ca mulandu.

Mwifwila pa membu shakwe.

Pantu ni nshita ya kuti Yehova alandule.

Alemukanda pa fyo acita.+

 8 Babiloni nawa mu kupumikisha kabili nabongoloka.+

Muloosheni!+

Mutwalileni balsamu ya kunashako ubukali bwakwe; nalimo kuti apola.”

 9 “Twalyeseshe ukundapa Babiloni, lelo tapolele.

Musheni, natuleya cila muntu ku calo cakwe.+

10 Yehova natucitila icalungama.+

Natuleya tuyeshimika mu Sione ifyo Yehova Lesa wesu acita.”+

11 “Nooneni imifwi;+ Buuleni inkwela.*

Pantu Yehova alelandula, alelandwilako itempele lyakwe.

12 Imisheni ifibumba fya Babiloni icishibilo.+

Fusheni aba kulonda, bikeniko bamalonda.

Pekanyeni aba kubelamina abantu.

17 Umuntu onse acita ifintu ukwabula ukutontonkanyapo kabili tamuba amano mu fyo acita.

18 Fyena tafyaba kantu,*+ mulimo wa kusekwa.

Ilyo ubushiku bwa kufikanda bukesa, fikaloba.

Yehova wa mabumba e shina lyakwe.”+

Kabili niwe nkonawilako amabufumu.

21 Niwe nkatobawilako kabalwe no uninapo.

Niwe nkatobawilako iceleta lya nkondo no uninamo.

22 Niwe nkatobawilako umwaume no mwanakashi.

Niwe nkatobawilako umukote no mwaice,

Niwe nkatobawilako umulumendo no mukashana.

23 Niwe nkatobawilako kacema ne mpaanga shakwe.

Niwe nkatobawilako umulimi ne nama shakwe isha kuliminako,

Niwe nkatobawilako intungulushi ne nkonkani sha shiko.

27 “Imyeni icishibilo mu calo.+

Lishisheni inko intandala.

Sonteni* inko isha kumulwisha.

Mwitileni amabufumu ya ku Ararati,+ ku Mini na ku Ashikenasi+ pa kuti yese yamulwishe.

Iteni umushilika pa kuti ese amulwishe.

Lekeni bakabalwe bese kuli ena nga makanta iyana.

30 “Abashilika abena Babiloni nabaleka ukulwa.

Bekele fye mu fifulo fyabo ifyacingililwa.

Amaka yabo nayapwa.+

Bali nga banakashi.+

Amayanda yakwe nabayoca.

Imipindo yakwe nabaikontaula.+

33 Pantu Yehova wa mabumba, Lesa wa kwa Israele alanda ati:

“Umwana mwanakashi Babiloni aba nga pa kupumina ingano.

Ni nshita ya kumunyantaula mpaka akosa.

Nomba line inshita ya kumusombola yalafika.”

Nainteka panshi nge cipe umushili ifintu.

Naimpoosa.

35 ‘Ulukaakala ulo bacitile kuli ine nalube pali Babiloni!’ e fyo uwikala mu Sione+ alanda.

‘Kabili umulopa wandi naube pa bekala mu Kaldi!’ E fyo Yerusalemu alanda.”

36 E ico Yehova alanda ati:

Nkakamya bemba yakwe ne fishima fyakwe.+

38 Bonse bakabuluma nge nkalamo ishana.*

Bakabuluma ngo twana twa nkalamo.”

Iye, ifyo Babiloni asanguka ica kutiinya mu nko!

42 Bemba naipita pali Babiloni.

Amabimbi ya pali bemba ayengi nayamufimba.

43 Imisumba yakwe naisanguka ica kutiinya, ili nge calo icauma kabili nge ciswebebe.

Ili nge calo umo umuntu nangu umo ashingekala kabili umo umuntu nangu umo ashingapita.+

45 “Fumeni muli ena, mwe bantu bandi!+

Pususheni imyeo yenu+ ku bukali bwa kwa Yehova ubulebilima ngo mulilo.+

46 Mwikomfwa umwenso kabili mwikafuupuka pa lyashi ilyo mukomfwa mu calo.

50 “Mwe bapusuka ku lupanga, twalilileni ukuya, mwi-iminina!+

51 “Natuseebana pantu natumfwa amashiwi ya kupumya.

Amashiwi yabo yakomfwika.

Nangu cibe shani akalandula.+

58 Yehova wa mabumba alanda ati:

59 Aya e mashiwi kasesema aebele Seraya umwana wa kwa Neria,+ umwana wa kwa Maaseya, ilyo aile ne Imfumu Sidekia iya ba Yuda ku Babiloni mu mwaka walenga 4 ukutula apo yatendekeele ukuteka; Seraya e walesunga ifintu fya mfumu. 60 Yeremia alembele mwi buuku limo ifyabipa fyonse ifyali no kucitikila Babiloni, amashiwi yonse aya ayo alembele pali Babiloni. 61 Yeremia aebele Seraya ati: “Nga wafika ku Babiloni no kumona uyu umusumba, ukabelenge aya amashiwi yonse ninshi nausansula ishiwi. 62 Lyena ukalande auti, ‘Mwe Yehova, mwalandile ukuti cino cifulo bakaconaula kabili takuli nangu umo uukalaikalamo, tamwakulaikala abantu nelyo inama, kabili cikaba icibolya umuyayaya.’+ 63 Kabili nga wapwisha ukubelenga ili buuku, ukakakileko ilibwe e lyo ukalipoose pa kati ka mumana wa Yufrate. 64 Lyena ukalande auti, ‘Ifi e fyo Babiloni akebila kabili takebuke na kabili,+ pa mulandu no bucushi ubo ndeleta pali ena; kabili abekala muli ena bakatompoka.’”

Pano e papelela amashiwi ya kwa Yeremia.+

52 Sidekia+ ali ne myaka 21 ilyo aishileba imfumu, kabili atekele imyaka 11 mu Yerusalemu. Nyina ali ni Hamutali+ umwana wa kwa Yeremia uwa ku Libna. 2 Sidekia alecita ifyabipa mu menso ya kwa Yehova, nga filya fine Yehoyakimu alecita.+ 3 Icalengele fyonse ifi ficitikile aba mu Yerusalemu na mu Yuda ni co Yehova alibafulilwe, mpaka abafumya pa cinso cakwe.+ Kabili Sidekia alipondokele imfumu ya ku Babiloni.+ 4 Mu mwaka walenga 9 ukutula apo Sidekia atendekeele ukuteka, mu mweshi walenga 10, pa bushiku bwalenga 10 ubwa uyu mweshi, Nebukadnesari* Imfumu ya ku Babiloni aishile pamo na bashilika bakwe bonse mu kulwisha umusumba wa Yerusalemu. Balipangile inkambi pa kuti balwishe uyu musumba kabili balikuulile ne cibumba ukushinguluka umusumba onse.+ 5 Kabili bashingile umusumba mpaka na mu mwaka walenga 11 ukutula apo Imfumu Sidekia yatendekeele ukuteka.

6 Mu mweshi walenga 4, pa bushiku bwalenga 9 muli uyu mweshi,+ icipowe calicililemo mu musumba, kabili abantu tabakwete ifya kulya.+ 7 Basukile batoba icibumba ca musumba, kabili abashilika bonse balifulumwike mu musumba ubushiku. Bapitile pa mpongolo iyali pa kati ka fibumba fibili mupepi ne bala lya mfumu, ninshi abena Kaldi nabashinguluka umusumba; kabili bapitile mu nshila yalola ku Araba.+ 8 Lelo abashilika abena Kaldi balikonkele imfumu, kabili basangile Sidekia+ mu ciswebebe ca mu Yeriko. Ilyo bamusangile abashilika bakwe bonse balibutwike. 9 Lyena abashilika abena Kaldi balikete imfumu, baitwala na ku mfumu ya Babiloni ku Ribla mu calo ca Hamati, kabili bali-ipingwile. 10 Kabili imfumu ya ku Babiloni yaipeye abana ba kwa Sidekia ninshi alemonako, yaipeye ne ntungulushi shonse isha mu Yuda mu Ribla. 11 Lyena imfumu ya ku Babiloni yatonkwele Sidekia amenso,+ yamukaka amaceni ya mukuba, e lyo yamusenda ku Babiloni. Kabili yamubikile mu cifungo mpaka no bushiku afwile.

12 Mu mweshi walenga 5, pa bushiku bwalenga 10 ubwa uyu mweshi, e kutila mu mwaka walenga 19 ukutula apo Nebukadnesari* imfumu ya Babiloni yatendekeele ukuteka, e mo Nebusaradani umukalamba wa balelonda, uwali umubomfi wa mfumu ya Babiloni, aishile ku Yerusalemu.+ 13 Aocele ing’anda ya kwa Yehova,+ ing’anda ya mfumu* na mayanda yonse mu Yerusalemu. Aocele na mayanda yonse ayakalamba. 14 Kabili abashilika bonse abena Kaldi abali no mukalamba wa balelonda babongolwele ilinga lya Yerusalemu lyonse.+

15 Nebusaradani umukalamba wa balelonda asendele abapiina bamo na bantu bonse abashele mu musumba pa kuti bayeba bankole. Asendele na bailundile ku mfumu ya Babiloni na baishibe sana ifya kupangapanga.+ 16 Lelo Nebusaradani umukalamba wa balelonda alishiileko bamo abali abapiina sana pa kuti balelima imyangashi kabili balebomba mu mabala.+

17 Kabili abena Kaldi baliputawile inceshi sha mukuba+ ishali ku ng’anda ya kwa Yehova, baliputawile ne fya kusendelapo amenshi+ ne Cishiba ca mukuba+ ifyali mu ng’anda ya kwa Yehova, kabili umukuba onse uwali ku fyo baputawile baliusendele ku Babiloni.+ 18 Basendele ne fya kukushilapo imito, amafosholo, utwa kushimishako inyali, imbale shafonka,+ amakapu+ ne fipe fyonse ifya mukuba ifyo balebomfya mwi tempele. 19 Umukalamba wa balelonda asendele ifya kubikamo amenshi,+ ififutumwino, imbale shafonka, ifya kukushilapo imito, apa kuteka inyali,+ amakapu ne mbale shafonka ifyo bapangiile na golde iisuma ne fyo bapangiile na silfere iisuma.+ 20 Umukuba uo Imfumu Solomone yapangiile inceshi shibili, Icishiba, ing’ombe 12 isha mukuba+ apaikele Icishiba, ne fya kusendelapo amenshi ifya pa ng’anda ya kwa Yehova, walifulile ica kuti balifililwe uku-upima.

21 Cila luceshi lwalepele imikono* 18, kabili intambo iyalepele imikono 12, e yalekumana ukushingulusha uluceshi lumo;+ lwatikeme iminwe* 4, kabili lwalikwete icipunda mu kati. 22 Pa muulu wa luceshi abikilepo icali ngo mutondo ico bapangiile no mukuba, kabili calepele imikono 5;+ kabili utwa kuyemfeshako ne fyali nge fisabo fya mapomegranate ifyashingulwike ici icali ngo mutondo, fyonse bafipangiile no mukuba; pa muulu wa luceshi ulwalenga bubili napo balibikilepo icali ngo mutondo, na co calikwete ifyali nge fisabo fya mapomegranate. 23 Ku cali ngo mutondo kwalemoneka ifya kuyemfeshako ifyali nge fisabo fya mapomegranate 96, lelo fyonse pamo ukushinguluka icali ngo mutondo ifya kuyemfeshako ifyali nge fisabo fya mapomegranate fyali 100.+

24 Umukalamba wa balelonda asendele na Seraya+ shimapepo mukalamba, Sefania+ uwali inkonkani ya kwa shimapepo mukalamba na balelonda pa mwinshi batatu.+ 25 Kabili mu musumba asendelemo intungulushi ya kwi sano imo iyaleangalila abashilika, abaume 7 abali ifibusa fya mfumu abo asangile mu musumba na kalemba wa mukalamba wa bashilika uwalelonganika abengaba abashilika mu calo. Asendele na baume 60 pa bantu yaweyawe abo asangile mu musumba. 26 Nebusaradani umukalamba wa balelonda alibasendele, abatwala na ku Ribla ukwali imfumu ya ku Babiloni. 27 Imfumu ya ku Babiloni yalibepeye mu Ribla,+ mu citungu ca Hamati. E fyo abaYuda babafumishe mu calo cabo, babasenda pa kuti bayeba bankole.+

28 Aba e bantu abo Nebukadnesari* asendele pa kuti bayeba bankole: mu mwaka walenga 7, asendele abaYuda 3,023.+

29 Mu mwaka walenga 18 ukutula apo Nebukadnesari*+ atendekeele ukuteka, abantu* 832 e bo basendele ukufuma mu Yerusalemu.

30 Mu mwaka walenga 23 ukutula apo Nebukadnesari* atendekeele ukuteka, Nebusaradani umukalamba wa balelonda alisendele abaYuda pa kuti bayeba bankole. Asendele abantu* 745.+

Abantu* bonse abo basendele pa kuti bayeba bankole bali 4,600.

31 Lyena mu mwaka walenga 37 ukutula apo basendeele Yehoyakini+ imfumu ya mu Yuda pa kuti ayeba nkole, mu mweshi walenga 12, pa bushiku bwalenga 25 ubwa uyu mweshi, mu mwaka Ebili-merodaki uwa ku Babiloni aishileba imfumu, e mo afumishe* Yehoyakini imfumu ya mu Yuda mu cifungo.+ 32 Ali ne cikuuku kuli ena kabili acindamike icipuna cakwe ica bufumu ukucila ifipuna fya bufumu ifya mfumu shimbi isho ali na sho mu Babiloni. 33 E ico Yehoyakini afuulile ifya kufwala fyakwe ifya mu cifungo, kabili lyonse alelya ne mfumu mpaka ilyo afwile. 34 Cila bushiku imfumu ya mu Babiloni yalemupeela ifya kulya ifyo alelya inshiku shonse isho ali no mweo, mpaka afwa.