Ifyaba mu Cebo ca kwa Lesa

Muli Baibolo mwaliba ubukombe bwa kwa Lesa ubo afwaya ukuti tumfwe mu nshiku shesu. Ilatusambilisha ifya kwikala ne fya kucita pa kuti Lesa aletupaala. Ilasuka na mepusho yakonkapo:

1 Lesa Nani?
2 Kuti mwacita shani pa kuti musambilile pali Lesa?
3 Nani uwalembele Baibolo?
4 Bushe ifyo Baibolo yalanda pa fya sayansi, fya cine?
5 Bukombe nshi ubwaba mu Baibolo?
6 Finshi ifyo Baibolo yasobele pali Mesia?
7 Finshi ifyo Baibolo yalanda pa nshiku shesu?
8 Bushe Lesa e walenga ukuti abantu balecula?
9 Cinshi calenga ukuti abantu balecula?
10 Finshi ifyo Baibolo yalaya abantu?
11 Bushe ciba shani umuntu nga afwa?
12 Lisubilo nshi twingakwata pa bafwa?
13 Finshi ifyo Baibolo ilanda pa lwa kubomba?
14 Kuti mwacita shani pa kuti musunge bwino ifikwatwa fyenu?
15 Kuti mwacita shani pa kuti mube ne nsansa?
16 Kuti mwacita shani pa kuti muleke ukusakamikwa sana?
17 Bushe Baibolo kuti yayafwa shani ulupwa lwenu?
18 Kuti mwacita shani pa kuti mupalame kuli Lesa?
19 Finshi ifyaba mu mabuuku yalekanalekana aya mu Baibolo?
20 Kuti mwacita shani pa kuti mulenonkelamo sana mu kubelenga Baibolo?

IFYA KUSANGA IFIKOMO FYA MU BAIBOLO

Muli Baibolo mwaba amabuuku ayalekanalekana 66. Aya mabuuku yaba mu fipande fibili: icipande ca kubalilapo, Malembo ya ciHebere ne ciAramaic (“Icipangano ca Kale”), e lyo icipande ca bubili Malembo ya ciGriki (Icipangano Cipya”). Ibuuku limo na limo lyalyakanishiwa mu fipande ne fikomo. Amalembo nga nayalembwa, inambala ya kubalilapo imininako icipandwa, e lyo inambala nangu amanambala yakonkapo yemininako icikomo nelyo ifikomo. Katulangilile, Ukutendeka 1:1 calola mu kuti, Ukutendeka icipandwa 1, icikomo 1.