Alikatamika Ulupungu lwa kwa Kalinda Icine Cine

Umwana we sukulu uwa mu gredi 6 ukufuma ku Toledo, Ohio, U.S.A., alembele ukuti, “Nangu ca kuti nine Roma Katolika, kuti natemwa ukulembesha magazini wenu uushaiwamina. Uwalengele ukuti ntemwe Ulupungu lwa kwa Kalinda ni Trevor. Ekala mupepi na ine mu kalasi. Nomba twapwisha mupepi no mwaka umo muli bucibusa bwesu, kabili alinsambilisha ifingi pa lwa kwa Yesu, Yehova, ne Nte sha kwa Yehova.

“Tulingene fye imyaka ne ciimo na Trevor, kabili aliipeelesha ku mipepele yakwe. Alilembesha Ulupungu lwa kwa Kalinda kabili alingashimeko imo iya ba magazini bakwe. Nalitemenwe ifipande fyabamo amano ifyo mulemba. Ndecetekela tamwakasakamikwe ukuti nshili Nte ya kwa Yehova no kuleka nkalembesheko magazini wenu.”

Abantu mu fyalo fyalekanalekana kabili aba mipepele yalekanalekana balaipakisha ukubelenga Ulupungu lwa kwa Kalinda na magazini unankwe, Loleni!, apapele calo. Mu mwaka wapwile fye weka ukucila pa mamilioni 900 aya aba bamagazini babili balipulintilwe mu ndimi ukucila pali 120!

Na imwe bene mukanonkelamo mu kubelenga Ulupungu lwa kwa Kalinda na Loleni! cila nshita. Nga mwingatemwa ukupokelela umo uwa aba ba magazini nelyo isambililo lya Baibolo ilya pa fye ilya mu ng’anda, mukwai lembeleni ku Watch Tower, Box 33459, Lusaka 10101, nelyo ku keyala kalinga ukufuma pe bula 5.