Icipande 1

Lesa Kuti Amwafwa Ukuipekanya Ilyo Ubushiku Bwakwe Ubukulu Tabulaisa

Kasesema wa kwa Lesa atile, “Nabupalamo bushiku bukulu bwa kwa Yehova.” (Sefania 1:14) Ubu bushiku bwile bulepalama nga nshi, e ico kanshi tulingile ukulabutontonkanyapo lyonse. Bushe mwalishiba ukuti amabuuku ya bakasesema ayepi ukutendekela pali Hosea ukushinta kuli Malaki yalilandapo fimo ifyacindama pali ubu bushiku ubukulu? Ifipandwa 1 ukushinta ku 3 muli cino citabo fyalamwafwa ukubeshiba bwino aba bakasesema 12 na malyashi ayakalamba ayo balandapo mu mabuuku yabo. E ico kanshi kuti mwanonkelamo mu fyo balembele, kabili kuti mwasambililako amasambililo ayakankaala ayengamwafwa mu bumi bwenu.