ICIPUTULWA 1

Tukutika Shani Kuli Lesa?

Lesa alanda na ifwe ukupitila muli Baibolo. 2 Timote 3:16

Yehova aleeba abaume abalelemba Baibolo ifya kulemba

Lesa wa cine e waebele abantu ukulemba ifyebo fyakwe mu citabo cimo ica mushilo. Ico citabo ni Baibolo. Ifyebo fyabamo fyalicindama kabili Lesa afwaya ukuti mufishibe.

Lesa alishiba ifingatuwamina kabili e wingatupeela amano yene yene. Nga mulekutika kuli ena, mukakwata amano yene yene.—Amapinda 1:5.

Baibolo yaliba mu ndimi ishingi; umwaume alebelenga Baibolo mu lulimi lwakwe

Lesa afwaya abantu bonse ukulabelenga Baibolo. E ko yaba mu ndimi ishingi.

Nga mulefwaya ukulakutika kuli Lesa mufwile ukulabelenga Baibolo no kulaumfwa ifyo mulebelenga.

Abantu ba mu nko shonse balekutika kuli Lesa. Mateo 28:19

Inte ya kwa Yehova alebelengela umwaume Baibolo, lyena atendeka ukumusambilisha Baibolo

Inte sha kwa Yehova kuti shamwafwa ukwishiba ifyo mulebelenga muli Baibolo.

Basambilisha icine pali Lesa.

Inte sha kwa Yehova balelongana mu Ng’anda ya Bufumu

Tamufwile ukubalipila pa fyo balemwafwilisha ukusambilila Baibolo. Na kabili kuti mwasambilila na fimbi pali Lesa pa Ng’anda ya Bufumu iya Nte sha kwa Yehova iyaba mu ncende mwikala.