Amashiwi ya Kutampilapo
Lesa aba kwati ni wishi uwatemwa abana. 1 Petro 5:6, 7
Lesa e watubumbile, kabili alitubikako amano. Umufyashi wa mano kabili uwatemwa abana alabafunda. E fyo na Lesa aba, alasambilisha abantu inshila isuma iya kwikalilamo.
Lesa alatusokolwela icine ca mu Baibolo icitulenga ukusekelela no kuba ne subilo.
Nga mulekutika kuli Lesa, akulamutungulula no kumucingilila kabili akulamwafwa na lintu mwakwata amafya.
Ne cacilapo—mukekala umuyayaya!