Filya Adamu na Efa Baumfwilile Satana—Finshi Fyafumamo?

Adamu na Efa balifwile pantu balikeene ukumfwila Lesa. Ukutendeka 3:6, 23

Efa aumfwilile insoka no kulyako icisabo. Pa numa, apeeleko Adamu, na o aliliile.

Ico bacitile tacaweme—balibembwike. Lesa alibatamfishemo mu Paradaise umo baleikala.

Batendeke ukucula pamo na bana babo. Basukile bakota no kufwa. Tabaile ku muulu; ilyo bafwile e yali impela yabo.

Abafwa tabakwata ubumi; baba fye ngo lukungu. Ukutendeka 3:19

Apo bonse twafuma kuli Adamu na Efa e co tufwila. Abafwa te kuti bamone nelyo ukumfwa nelyo ukucita icili conse.—Lukala Milandu 9:5, 10.

Yehova talefwaya ukuti abantu balefwa. Nomba line ali no kubuusha abafwa. Nga bakalamumfwila, bakekala umuyayaya.