ICIPUTULWA 6

Finshi Tusambililako ku Lyeshi Likalamba?

Lesa aonawile abalecita ifyabipa lelo apuswishe Noa no lupwa lwakwe. Ukutendeka 7:11, 12, 23

Icibwato cileelela, abantu abacita ifyabipa balenwena, e lyo bamalaika babipa basha imibili yabo iya buntu

Yalokele pa nshiku 40 akasuba no bushiku, kabili amenshi yakumene isonde lyonse. Bonse abalecita ifyabipa balifwile.

Bamalaika abapondweke bafuulile imibili yabo iya buntunse kabili basangwike ifibanda.

Noa, ulupwa lwakwe, e lyo ne nama bafuma mu cibwato kabili umukola mfula wamoneka mu muulu

Abali fye mu cibwato e bapuswike. Nangu ca kuti Noa no lupwa lwakwe mu kuya kwa nshita basukile bafwa, Lesa akababuusha kabili bakesaikala umuyayaya.

Lesa na kabili akonaula abacita ifyabipa no kupususha abacita ifisuma. Mateo 24:37-39

Satana ne fibanda fyakwe babomfya inshila shalekanalekana pa kulufya abantu

Satana ne fibanda balikonkanyapo ukulufya abantu.

Pali lelo, nga filya fine cali mu nshiku sha kwa Noa, abengi balakaana ubutungulushi busuma ubwa kwa Yehova. Nomba line Yehova ali no konaula bonse abacita ifyabipa.—2 Petro 2:5, 6.

Inte sha kwa Yehova balebomfya Baibolo pa kushimikila ku mwaume; umwaume alebelenga Baibolo

Abantu bamo baba kwati ni Noa. Balomfwila Lesa no kucita ifyo abeba; aba bantu ni Nte sha kwa Yehova.