Ni shani fintu umulopa wingapususha ubumi bobe?

Ukupeela ukukushishamo kwa mulopa kwalitashiwa apakalamba nge nshila ishili ya busanso, iya kupususho bumi. Lelo Dr. Alan A. Waldman alondololo kuti: “Ukulingulula kwashikatala mu kwampanako ukwa kubulwo busanso kwa misango ya mulopa kwalyalwilwe apakalamba mu kuba no kusanga kwa AIDS yaampana no kukushishamo mulopa.”

Nalyo line AIDS taili e busanso bweka. “Ukulunduluka kumbi ukwingi kwalisangwilako ku kuyumfwa kwa kuti kwalibako amasanso yashaishibikwa kabili ayashingalamwa ku kubomfya kwa mulopa wasangulwa,” e fisosa Dr. Waldman. “Nomba, nangu fye milandu iyo pa nshita imo yalemonwa nge yapwishishiwa—ku ca kumwenako, ukufumamo cimo kwa kubebeta kwa bakwata akashishi ka bulwele aka hepatitis B—yalitwishikwa.”—Diagnostics & Clinical Testing, July 1989.

Mu cine cine, umulopa cintu ca busanso. Pa nshita imo ine, umulopa walikatama ku kupususha kwa bumi. Ni shani fintu umulopa wingapususho bumi bobe? Ukanonkelamo ukufuma mu kubebeta kwa ici cipusho muli broshuwa wa mabula 32 How Can Blood Save Your Life?

Nga ulefwaya ukupokelela kope, twapaapaata isusha no kutuma aka kapepala.

Kuti natemwa ukupokelela broshuwa wa mabula 32 How Can Blood Save Your Life? (Ku nse ya Zambia, lembela ku musambo wa cikaya uwa Watch Tower ku fyebo. Mona ibula 2.)