Ukucila pa Kuba fye Inceshi sha Kucebusha

Abatandashi balacebushiwa ku nceshi muli Bemba wa Mediterranean pa Kaisarea, icabu ca pa kale pa lulamba lwa Israel. Herode Mukalamba akuulile ici cabu kabili ainike umusumba mu kucindika Kaisare Augusti.

Abashula ifya mu mushili balishula iciputulwa cikalamba ica musumba, ukusanshako ifikuulwa fya uko fikalamba ifya mangalo. Na kabili baliya pa nshi ya menshi ku kukwata ukushilimuka mu fintu icabu capikana cakuulilwe ukukonka ululamba lwa musensenga.

The New York Times (January 8, 1991) yacitile lipoti ukusanga kwa nceshi mu fitantala fye sano ifyo mu nshiku sha kale fyatanunukile muli bemba. Ifi fyaliba ifyaibela mu kuti ifilembo pali fyene filumbula mwi shina bakateka bamo aba Roma abo bashaishibikwe kale. “Kabaka wa babenye” uwa ngalaba na o wine alilumbulwa, icaba “e cilembo ca kubalilapo icabala acisangwa ico icikuma ku cabu.”

Abasambi ba Baibolo balishiba ukuti umutumwa Paulo aile no bwato muli ici cabu pa kusondwelela kwa nyendo shibili isha bumishonari. Pano aikele na Filipi kabila wa mbila nsuma, kabili ifyakukumanya fyakwe fifwile fyalikoseleshe abasambi apakalamba. (Imilimo 18:21, 22; 21:7, 8, 16) Kuti twabelenga ifingi ifya ifi ifyakukumanya mwi buku lya Baibolo ilya Imilimo ya Batumwa.

Kanshi ishi nceshi ukukonka ululamba tashaba fye ni babenye fya fye ifya lyashi lya kale. Fibukishako Abena Kristu bamunyinabo aba mu kubangilila, abo mu kucincila bayanenye imbila nsuma mu fyabu na ku nse “ukufika ku mpela ya pano nse.”—Imilimo 1:8.

[Abatusuminishe Ukubomfya Icikope pe bula 32]

Garo Nalbandian