Ukusambililako ku Filubo fya Kale

AMAFUNDE ya kwa Kabumba wesu aya mibele isuma ya muyayaya kabili tayaluka. E calenga icishinte caba pali Galatia 6:7 ica kuti: “Ico umuntu abyala, e co akalobolola,” cilabomba ilelo. Ca cine umo kuti akaana ifyo takwete mulandu kuli Lesa, lelo ifunde lya bulesa talyaluka. Kwi pele pele, umuntunse onse fye alacula ku fifuma mu ncitilo shakwe.

Ni shani pa lwa muntu uwailekeleshe mu mikalile kabili lyene ayaluka, asanguko mubomfi wa kwa Lesa? Nalyo line amalibu ya kuilombela ayafuma mu myendele yakwe iya ku numa pambi te kuti yapwe. Nangu ni fyo, ici tacipilibulo kuti Lesa tamulekelela. Ubucende Imfumu Davidi yacitile na Bati-sheba bwaletele akalanda akakalamba mu bumi bwa iko. Tayaali na kusengauka kene. Lelo yaliyebelele, kabili Lesa aliilekelele.—2 Samwele 12:13-19; 13:1-31.

Bushe mwalibala amufuupulwapo ilyo mulepita mu kucula kufuma mu filubo mwacitile? Nga ca kuti ukulangulushiwa kwamwenwa mu nshila isuma, kuti kwalatucinkulako ‘ukucenjela pa kuti tatulealukila kuli buncitatubi.’ (Yobo 36:21) Ee, ukulangulushiwa kuti kwatwafwa ukukanabwekeshapo icilubo. Icacililepo kuwama ca kuti, ifyo Davidi asambilileko ku lubembu acitile afibomfeshe ku kuyafwa umwine na bambi. Atile: “E lyo nkasambilisha abapulumushi imibele yenu, na babembu bakabwelela kuli imwe.”—Ilumbo 51:13.

[Ifikope pe bula 7]

Davidi alisambilileko ku lubembu acitile na Bati-sheba