Icacitike ico Mulingile Ukwibukisha

CA KUCITIKA nshi ci cine? Ni mfwa ya mwaume uwafwile imyaka nalimo 2,000 iyapitapo. Uyo mwaume ali ni Yesu Kristu uwatile: “Ndetuula umweo wandi, pa kuti nkaupokelele kabili. Takuli uwaupoka kuli ine, lelo ndeutuula ne mwine.”—Yohane 10:17, 18.

Yesu aebele abakonshi bakwe ukulasefya Icibukisho ca mfwa yakwe iya bulilambo. Kulya kusefya kwitwa kabili ukuti “umulaalilo wa kwa Shikulu.” (1 Abena Korinti 11:20) Icibukisho ico Yesu atendeke ku kusefya imfwa yakwe cikacitwa ne Nte sha kwa Yehova ne fibusa fyabo pali Cine, pa March 24, 2005, cilya akasuba kawa.

Ilyashi ilyashimpwa pali Baibolo likalondolola ubupilibulo bwa mukate uushatutumuka no mwangashi uwakashika ifikabomfiwa pali uko kusefya. (Mateo 26:26-28) Ilyashi na kabili likasuka amepusho pamo nga ya: Miku iinga Abena Kristu bafwile ukusefya ici cibukisho? Ni bani abalinga ukulya ku fimpashanya fya mukate no mwangashi? Ni bani bamwenamo mu mfwa ya kwa Yesu? Uku kusefya kwacindama kukafwa bonse ukumfwikisha ubumi bwa kwa Yesu ne mfwa yakwe.

Mukwai bakamusengela bwino bwino kuli uku kusefya kwa Cibukisho ca mfwa ya kwa Yesu. Kuti mwaipusha Inte sha kwa Yehova ababa uko mwikalila pa cifulo ne nshita bakacitilapo Icibukisho.