ULWA KUSAMBILILAMO

Cino cipande calalanda pali fimo ifyalenga ukuti abantu abengi bashininkishe ukuti Inte sha kwa Yehova balishiba icine. Na kabili calalanda pa fyalenga ukuti ba Nte abene bashininkishe ukuti ico baishiba e cine.

Icalenga ukuti tulecula, ni co twikala mu calo ca kwa Satana. Amesho yamo ayo Satana aleta yaba ya mukulungatika pa kuti yanashe icitetekelo cesu, lelo yambi te kuti tuyeluke bwangu. Cino cipande calatwafwa ifya kwishiba aya mesho ne fya kuipekanishisha ku kusansa kwa kwa Satana.

Abafyashi bafwile ukukusha abana babo “ukulingana no kusalapula kwa kwa Yehova no kukonkomesha kwakwe.” (Efes. 6:4) Cino cipande calalanda pa fintu fitatu ifingafwa abafyashi ukukusha bwino abana babo no kulacema ilyo balekula.

Cinshi abantu bafwila? Bushe ‘umulwani wa kulekelesha, imfwa, ikonaulwa shani’? (1 Kor. 15:26) Moneni ifyo ifyasuko filelanda sana pa mibele ya kwa Yehova pamo nga umulinganya, amano, e lyo no kutemwa.

Kwaliba ababomfi ba kwa Yehova aba cishinka abamubombela pa myaka iingi te mulandu na mafya ayaba muli cino calo. Finshi tulingile ukucita pa ‘kwibukisha umulimo babomba pa mulandu wa citetekelo cabo ne fyo babombesha pa mulandu wa kutemwa kwabo’?—1 Tes. 1:3.