IFIPANDE FYA KUSAMBILILAMO

Abantu ba kwa Yehova balaipakisha paradaise ya ku mupashi mu cilonganino ca kwa Lesa ica pe sonde. Bushe kuti twalanga shani ukuti tulatasha pali paradaise ya ku mupashi iyo Yehova atupeela, kabili finshi tulingile ukulacita pa kuti ilewaminako? Muli cino cipande twalayasuka ifi fipusho.

Cino cipande calalanda pali fimo ifikacitika ku ntanshi. Calalanda na pa co abantu ba kwa Lesa bakacetekela sana Yehova mu nshita ya bucushi bukalamba.

Muli cino calo icitekwa na Satana, abantu baaba aba cishinka ku fintu ifyalekanalekana. Lelo Abena Kristu bena balisalapo ukuba aba cishinka kuli Yehova. Cino cipande calalanda umulandu uo fwe Bena Kristu tushiitumpila mu fikansa fya mu calo, kabili calalanda na pa fyo twingaisambilisha pa kuti tutwalilile ukuba aba cishinka kuli Yehova.

Mu calo fye conse abantu ba kwa Yehova balalongana ku kupepa Lesa mu Mayanda ya Bufumu na mu fikuulwa fimbi. Muli cino cipande twalasambilila ifyo Baibolo yalanda pa fyo tufwile ukulamona no kulasunga Amayanda ya Bufumu ne fifulo fimbi ifyo tupepelapo. Kabili twalalanda na pa fyo tufwile ukulasangula indalama pa kuti Amayanda ya Bufumu na yambi yalekuulwa pa kuti tulelumbanya bwino Yehova.