Ukulongana kwa Mulimo Ukwa June
Umulungu wa Kutampa June 6
Ulwimbo 42
10 min: Ukubilisha kwa pa mwenu no Ukubilisha ukufuma mu Ubutumikishi Bwesu Ubwa Bufumu ukulebomba pa mwenu. Mu kwipifya langilileni fintu bamagazini bapya bengatambikwa ku ŋanda ne ŋanda ino mpela ya mulungu. Cinkuleniko ibumba ukushitako amakope ya citabo ca Ifipusho Abacaice Bepusha aya kubomfya mu mulimo ino mpela ya mulungu.
20 min: “Bushe Uletanda mu Kufusha?” Ifipusho ne fyasuko. Nge nshita yasuminisha, laalikeni ibumba ukushimika ifya kukumanya fya pa lwabo ukulangilila ifyo babikako kubombesha kwalundwako mu lubali lumo ulwa mulimo wabo na fintu bapaalwa pa lwa cene.
15 min: “Ukwafwilisha Imisepela Ukutamya Ukusonga Kwabipa.” Lanshanyeni ne bumba lyonse. Kwateni ifilangililo fibili ukulangilila fintu imipeelele itubulwilwe ingabomfiwa.
Ulwimbo 33 ne pepo lya kusondwelela.
Umulungu wa Kutampa June 13
10 min: Ukubilisha kwa pa mwenu. Belengeni lipoti wa ndalama no kutasha kwa Sosaite ukwa misangulo. Sanshenimo ukulandapo ukwipi ukulangilila fintu umo uwaba no mupashi wa bukapekape apaalwa.—Amapi. 11:24a.
15 min: “Icifulo ca Misepela Muli Sosaite wa Bwina Kristu.” Lanshanyeni ne bumba lyonse. Nge nshita yasuminisha, kwateni kasabankanya wakampuka ukulangilila cimo ica fipempu fya kubwelelamo fitubulwilwe.
20 min: “Isambililo lya Citabo pa Cilonganino Lilaafwilisha Imibombele ya Masomo.” Katungulula we sambililo lya citabo pa cilonganino alanshanya ne bumba lyonse. Komaileni pa fintu icipande cilekoselesha (1) ukusangwa kwi sambililo lya citabo ukwaingilishiwako, (2) ukulandapo kwafulilako mu kati ke sambililo, na (3) ukwafwilisha kwawaminako ukwa kukumana kwa mu mulimo.
Ulwimbo 36 ne pepo lya kusondwelela.
Umulungu wa Kutampa June 20
Ulwimbo 18
10 min: Ukubilisha kwa pa mwenu. Lanshanyeni umukululo “Ukucinkulako pa fya Kucita Amalipoti Yacelwa no Kucita Lipoti Inshita ya mu Butumikishi bwa mwi Bala mu Kulungika.”
10 min: Ukukabila kwa pa mwenu. Nelyo peeleni ilyashi pa cipande icileti “Mulimo Nshi Ningile Ukusupila?” ukufuma muli Awake! wa May 8, 1989, amabula 12-14.
10 min: “Ukukakatila ku Nshita sha Kulongana.” Ukulanshanya kwa cipusho ne casuko.
15 min: “Bushe Ulecita Ukufwaya kwa kwa Lesa?” Ilyashi kuli eluda ukushimpwa pa Ulupungu lwa kwa Kalinda, March 1, 1994, amabula 28-30.
Ulwimbo 81 ne pepo lya kusondwelela.
Umulungu wa Kutampa June 27
Ulwimbo 88
10 min: Ukubilisha kwa pa mwenu. Pitulukeni mu mitantikile ya mulimo wa mwi bala iya pa mpela ya mulungu wa holide ya ku calo.
15 min: “Ukukumana kwa Mulimo wa mwi Bala Ukwabamo Bupilibulo.” Ifipusho ne fyasuko kuli kangalila wa mulimo. Lintu mulelanshanya paragrafu 3, londololeni imipeelele imo nelyo ibili ukufuma mu citabo ca Ukupelulula iyo ingabomfiwa ino mpela ya mulungu. Mu paragrafu 5 lumbuleni impika iili yonse iikumine ku myendele mu mulimo wa mwi bala iyo yamonwa mu cifulo ca cikaya; peeleni imitubululo ya cikuuku ku kuwamyako.
20 min: Pitulukeni mu Cipeelwa ca mu July. Icipeelwa: amabroshuwa Bushe Lesa mu Cituntulu Alatusakamana? na Inte sha kwa Yehova mu Mwanda wa Myaka Walenga Amakumi Yabili. Ifilonganino ificili nafikwata ututabo twa mabula 32 filingile ukutambika utu mwi bala. Aya mabroshuwa yalabomba ku kutampa amasambililo ya Baibolo. Pitulukeni mu mbali sha kusekesha ne filangililo ifyo fingabomfiwa ku kutendeka ukulanshanya. Kwateni ifilangililo fibili ukulanga ifya kutampa ukulanshanya pa mutwe wa Baibolo. (Bomfyeni imitubululo mu citabo ca Ukupelulula pa “Inshita ya ku Ntanshi/Umutelelwe,” amabula 11-12 na “Ubufumu,” amabula 12-13.) Ifilangililo filingile ukusondwelela mu kuba ne mitantikile ya kutampa isambililo lya Baibolo.
Ulwimbo 99 ne pepo lya kusondwelela.