Icifulo ca Misepela Muli Sosaite wa Bwina Kristu

¹ Abantu abengi ilelo bakongamina ku kusuulako nelyo ukufumyako abacaice, ukulanguluka bene nga abashalinga ukusakamana nelyo ukwangwa. Icitabo ca Abacaice Bepusha cakwata ukulolesha kwashika pa fintu Kabumba wesu, Yehova Lesa, no Mwana wakwe, Yesu Kristu, bamona abacaice. Ni shani twingaafwa abantu bafumaluka abalanga ukuitemenwa ku kukutika? Ni pa kucita ifipempu fya kubwelelamo. Lintu twabwelelako, cilaba lyonse icisuma ukukwata icintu cimo icashininkishiwa mu muntontonkanya ica kusosa icingafwilisha abantu ukumona imimwene ya kwa Yehova ukukuma ku banono.

² Nga ca kuti umuntu alangishe ubuseko mu fishinka mwalanshenye na wene ukufuma mu citabo ca “Abacaice Bepusha,” iyi mipeelele kuti pambi yaba iya kufumamo cimo ku kutendeka ukulanshanya kwenu:

◼ “Akale, abantu abengi balealukila kuli Baibolo. Lelo tuleikala mu nshita lintu imibele ilealuka. Muyumfwa shani pa lwa cene? Bushe mwalisumino kuti Baibolo yalikwate fingi ifya kusosa ku bacaice? [Belenga Abena Efese 6:1-3 kabili suminisho kulandapo.] Kabili ilintu sosaite wa buntunse alyaluka apakalamba ukutula pa nshita shalumbulwa mu Baibolo, ukufwaisha kwa misepela takwayaluka sana. Baibolo kanshi yaba iya nomba line nga kale lyonse. [Belenga 2 Timote 3:16.] Ukupitila mu citabo ca Abacaice Bepusha, twalyesha, nangu ni fyo, ukupeela ukufunda kwa Baibolo mu musango wa kuti imisepela tabaleyumfwa nga abaleshimikilwa, lelo, ukucila, nga abaleebwa mu kubamo kupelulula.”

³ Kuti mwatendeka ukulanshanya kwenu mu nshila pamo nge yi:

◼ “Pa kutandala kwandi ukwafumako, icipusho calipushiwe ica kuti, Cinshi caba e nshita ya ku ntanshi iya muntu ne sonde? Moneni fintu icitabo namushilile casuka ico cipusho.” Kupukula pa cipandwa 38 ica citabo ca Abacaice Bepusha no kumukoselesha ukubelenga paragrafu 2 pe bula 307. Lyene, kuti pambi waipusho kuti: “Kwaluka nshi kukalamba, uko muletontonkanya, kukabako pe sonde?” Nga cingalinga, ici cishinka kuti calanshanishiwapo pali iyo ine nshita nelyo pa kutandala kobe ukukakonkapo pa kutwalilila mu maparagrafu yambi muli ici cipandwa cimo cine ica citabo ca Abacaice Bepusha.

⁴ Nga ca kuti mwine ŋanda amoneke mu nshila imo uwakongamina ku butotelo, kuti pambi waipusho kuti:

◼ “Bushe mwalimono kuti abantu abengi ilelo, te mulandu no butotelo babako, balisekelela mu fyo twingabomba mu kuwaminako ne mpika sha bumi bwa lupwa? Bonse tulesha ukucita icawamisha ukufika pantu twingapesha, lelo nga ca kuti kwalibako icintu cimo icingatwaafwa ukukwata ukutunguluka kwakulilako, tulaba abasekelela, bushe te ifyo?” Suminisho kulandapo. Lyene belenga Abena Kolose 3:12, 18-21. Pa numa ilembo lyabelengwa, mwine ŋanda kuti pambi ailumbulwila umwine. Kuti lyene waleto kusakamana ku cishinka ca kulungatika nelyo fibili ukufuma mu cipandwa 2 ica citabo ca Abacaice Bepusha.

⁵ Inshila imbi iyo wingatendekelamo icipempu ca kubwelelamo ni pa kusoso kuti:

◼ “Bushe mwalitala amutwishikapo ukuti, Bushe Lesa mu cituntulu alasakamana pa lwa lufyengo no kucula fintu abantunse bakumanya? [Suminisha ukulandapo.] Ku ca kusekesha, Baibolo ilanga ukuti iyi mibele ikesa ku mpela. [Kupukula pe bula 307, no kubelenga Ukusokolola 11:18.] Abo abaishiba wene nga Kalenga wabo kabili abacito kufwaya kwakwe kuti balolesha ku ntanshi ku mapaalo yawamisha.”

⁶ Bakasabankanya babelesha balisa mu kwishiba ukuti calicilapo kuwama ukutantika inshita shaimikwa ku fipempu fya kubwelelamo. Ukukwata imitantikile yashininkishiwa kuli uyu mulimo kukatwaafwa ukukonkelela ubuseko mu kwangufyanya. Pimununa inshita intu cingacilapo kuwama kuli iwe na ku bantu abekala mu cifulo. Pa kwakana kobe lyonse muli uyu mulimo, ukasanga ubuseko mu kufikilisha ukutumwa kwa ‘kupanga abasambi.’—Mat. 28:19, 20.