Ukucinkulako pa fya Kucita Amalipoti Yacelwa no Kucita Lipoti Inshita ya mu Butumikishi bwa mwi Bala mu Kulungika

Mu ca mu kati ica Ubutumikishi Bwesu Ubwa Bufumu ubwa December 1993, lipoti yalangilile ukubwelela pa nshi ukwa maperesenti yabili muli bakasabankanya. Muli fyo tulecinkulako bakasabankanya bonse ukutwalilila ukubomfya amakambisho yapeelwe pe bula 4, paragrafu 5, ukukuma ku malipoti yacelwa.

Mu bwafumine Ubutumikishi Bwesu Ubwa Bufumu ubwa June 1988, ibula 5, ubutungulushi bwalipeelwe ukukuma ku kucita lipoti inshita yesu iya mu butumikishi bwa mwi bala mu kulungika. Pe bula 6, icishinka (h), calumbwilwe ukuti “nga ca kuti ukucila pa bantu babili bafumine mu mulimo wa mwi bala capamo, nelyo nga ca kuti ukucila pali babili baya capamo mu kutungulula isambililo lya Baibolo, lyene ni babili fye bengapenda inshita.” Iyi mitubululo iya kubomba babili babili ipeela bonse ishuko lya mu nshita ilya kwakanamo lyonse mu kulanshanya imbila nsuma na bantu mu cifulo ca kubombelamo. Muli iyi nshila abantu bafulilako kuti bafikwapo ukucila nga ca kuti bakasabankanya ukucila pali babili baya capamo. (Luka 10:1) Twalishiba, nangu cibe fyo, ukuti kuti kwabako imibele uko bakasabankanya batatu baya kwi sambililo lya Baibolo. Takwingabako kukaanya kwa kupenda inshita kuli bonse batatu. Cilingile ukusungwa mu muntontonkanya, nangu ni fyo, ukuti mu kutendekelako bantu fye babili bapenda inshita pe sambililo lya Baibolo, lelo umo fye apenda icipempu ca kubwelelamo ne sambililo lya Baibolo.

Nga fintu cilumbwilwe pa muulu, kuti kwabako imibele iyo ingasuminisha batatu ukuya kwi sambililo lya Baibolo. Ukufumishiwako kuti kwaba mu ncende umo caba ica busanso kuli kasabankanya ukubomba eka nelyo abapya babili abashingabomba mu cifulo ca kubombelamo pa lwabo beka kuti bashindikwa kuli kasabankanya wakosoka. Mu milandu imo, pa mulandu wa mibele ya cikaya, kuti pambi camoneka icishalinga kuli munyina ukubomba babili na nkashi uushingaba ni lupwa wa ku mubili uwapalamisha. Muli fyo, tatwaimikako ifunde lyakosa ilisose fyo nga ca kuti kuliko batatu pe sambililo uwalenga butatu te kuti apende nshita. Ubupingushi busuma bulingile ukubomfiwa.