Ukulongana kwa Mulimo Ukwa February
Umulungu wa Kutampa February 6
Ulwimbo 18
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Langilileni ifyo ifipande muli bamagazini ba nomba line fingalondololwa mu mulimo wa ku mwinshi no mwinshi.
17 min: “Ukushimikila—Ishuko Lyacindama.” Ifipusho ne fyasuko. Mu kulundapo landeni pa fyebo fishimpilwe pa Ulupungu lwa kwa Kalinda ulwa July 15, 1990, ibula 19, amaparagrafu 13-16.
18 min: “Ukulangisha Icitabo ca Ikala Kuli Pe na pe mu Kufumamo Cimo.” Pitulukeni mu fishinka fikalamba ne bumba lyonse, ukusanshako ukulandapo kusangwa mu Icitabo ca Kutungulula Isukulu, amabula 48-9, amaparagrafu 9-12. Lanshanyeni umusango wa mitendekele uwingaba uwa kufumamo cimo mu cifulo cenu ica kubombelamo. Lekeni imipeelele imo nelyo ibili ilangililwe.
Ulwimbo 63 ne pepo lya kusondwelela.
Umulungu wa Kutampa February 13
Ulwimbo 87
5 min: Ukubilisha kwa pa mwenu. Lipoti wa ndalama. Lumbuleni ukutasha pa misangulo ukufuma ku Sosaite uko pambi mwapokelela.
10 min: Ukukabila kwa pa mwenu. Nelyo ukulanshanya icipande “Abacaice ‘Abatetekela Yehova,’” mu Ulupungu lwa kwa Kalinda ulwa January 1, 1994, amabula 26-7. Lekeni abacaice ukufuma pa cisebele bashimike ifya kukumanya fili muli uyu magazini. (Kuti basanshamo ifya cikaya ifyapalako, nga ca kuti e ko fili.) Komaileni pa lubali lwakatama ulwa bafyashi mu kupanga abasambi bacaice abene bene.
15 min: “Ukwiluka Icebo ca Bufumu.” Ifipusho ne fyasuko. Lekeni bamunyina babili nelyo batatu balondolole ifyo batantika isambililo lya pa lwabo na lintu bakwata lyene nelyo inshita balanguluka ilembo lya bushiku.
15 min: “Langulukilako Bambi—Ulubali 2.” Ilyashi no kulanshanya ukubombwapo na eluda. Lumbuleni impika ishili shonse isho mukwete pa mwenu, kabili peeleni ukukonkomesha kwalinga.
Ulwimbo 93 ne pepo lya kusondwelela.
Umulungu wa Kutampa February 20
Ulwimbo 33
12 min: Ukubilisha kwa pa mwenu. Londololeni ifipande fya bamagazini ba nomba line ifyo fili ifyalinga ku cifulo ca kubombelamo ica cikaya. Langilileni ifya kutambika bene.
15 min: Ilyashi lya kukoselesha kuli kalemba ukushimpwa pa ca mu kati ica mu Ubutumikishi Bwesu Ubwa Bufumu ubwa December 1993, ibula 4. Kuti pambi mwalundako ifishinka ukufuma mu citabo ca Abaikatana mu Kupepa, amabula 91-2. Komaileni pa kukabila kwa kuti bonse bomfwikishe ifyo ukucita lipoti cishingamo ca kwa kasabankanya umo umo, na muli fyo takufwile ukubako ukukabila kwa kulolela ukucinkulako. Baeluda kuti bacita bwino ukukwata akabokoshi ka malipoti pa Ŋanda ya Bufumu. Pitulukeni muli Lipoti wa Mulimo uwa October kabili landenipo pa malipoti yashamoneke. Bomfyeni baminiti ba kulekeleshako basano ku kulanshanya na kangalila wa mulimo pali lipoti wa mulimo wa mwi bala uwa cilonganino uwa October. Tasheni bamunyina pa capwishishiwe. Komaileni apalekabila ukuwamya.
18 min: “Konkelela Ubuseko Wasangile.” Lanshanyeni ne bumba lyonse. Shimikeni ukulandapo kwa kutasha pa kupokelela icitabo ca Ikala Kuli Pe na pe. (Moneni Ulupungu lwa kwa Kalinda May 15, 1986, ibula 32, no Ulupungu lwa kwa Kalinda ulwa March 1, 1987, ibula 32.) Kwateni icilangililo cimo nelyo fibili ifipi ukulangisha fintu imipeelele itubulwilwe ingabomfiwa. Koselesheni bonse ukwesha ukutampa amasambililo na balesekelela.
Ulwimbo 44 ne pepo lya kusondwelela.
Umulungu wa Kutampa February 27
Ulwimbo 41
10 min: Ukubilisha kwa pa mwenu. Lanshanyeni icipande “Ukumwenamo mu Malyashi ya Cintubwingi Ayapitulukwamo.”
20 min: “Ubucemi Ubukuulilila.” Ilyashi kuli eluda ukushimpwa pa fyebo pe samba lya kamutwe kanono pa mabula 21-3 aya Ulupungu lwa kwa Kalinda ulwa September 15, 1993. Ebekesheni ukufunda kwa mu Malembo ukwingaafwa ifya kubomba ne mpika.
15 min: Ukutambika icitabo ca Ukusokolola mu March. Koselesheni bonse ukuba abacincimuka lintu baletambika cene. Pitulukeni mu milandu casabankanishiwilwa, nga fintu yalondololwa muli ci citabo pe bula 8. Shimikeniko ukulandapo kwa kutasha icitabo. (Moneni Ulupungu lwa kwa Kalinda ulwa March 15, 1989, ibula 32, no Ulupungu lwa kwa Kalinda ulwa April 15, 1989, ibula 32.) Pitulukeni mu mipeelele kabili mu kwipifya langilileni iyo iiletendeka ne cipusho ca kuti, “Bushe mwalitala amumfwapo aba pali bakabalwe bane aba mu Kufisulula?” (Moneni Ubutumikishi Bwesu Ubwa Bufumu ubwa March 1994, ibula 4.) Cinkuleniko bonse ukushitako ifitabo fya kubomfya mu mulimo ino mpela ya mulungu.
Ulwimbo 112 ne pepo lya kusondwelela.