Bushe Ukalumbanya Yehova mu Nyimbo?
1 Ulupungu lwa kwa Kalinda ulwa May 1, 1994, amabula 8-13, lwatwaafwile ukumfwikisha fintu ukwimba kwalembwa mu Baibolo kwali ukwakatama. Lwalondolwele ifyo Mose na bena Israele bonse baimbile mu kucimfya pa kulubulwa ku fita fya kwa Farao pali Bemba Wakashika. Mu cine cine, ukwimba kwalikwete kabili kucili kwalikwata ulubali lwacindama ilyo tulepepa Yehova. Muli ifyo, tufwile ukumona ukwimba inyimbo sha Bufumu pa kubungana kwesu ngo kwakatama. Ifilonganino fyonse filekoseleshiwa ukukwata programu abelelela uwa kusambilila inyimbo.
2 Pa kutwaafwa ukuisanshamo mu kukumanina mu kwimba pe Bungano lya Citungu ilya “Bakalumbanya ba Buseko,” Sosaite naisala inyimbo shakonkapo ukuti shikabomfiwe: 13, 16, 18, 22, 29, 31, 44, 55, 57, 58, 59, 65, 67, 73, 82, 88, 108, 110.
3 Kuti twatemwa ukumukoselesha bonse pamo nga bantu umo umo kabili nge filonganino, ukutendeka ukubelesha ishi nyimbo ili line fye. Baeluda balingile ukushininkisha ukuti inyimbo shilepitulukwamo lyonse. Nga ca kuti mu kushika tuletesekesha ukuti Yehova natupayanishisha ibungano uno mwaka, lyene tukamwimbila amalumbo no mweo onse.