Ukulongana kwa Mulimo Ukwa February
Umulungu wa Kutampa February 5
Ulwimbo 96
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ilyashi lya Teokrasi.
15 min: “Ukupashanya Yesu mu Kubilisha Icine Inshiku Shonse.” Ifipusho ne fyasuko. Mu kwipifya pitulukeni muli lipoti wa mulimo wa mwi bala uwa Zambia. Ipusheni ibumba ukulanda pali avareji wa maawala—Bushe yalelangilila ukuti tulebilisha icine inshiku shonse? Peeleni ukukoselesha kwalinga. Belengeni paragrafu 5.
20 min: “Ukusokolola—Amakii ku Nsansa sha Cine Cine.” Lanshanyeni imipeelele itubulwilwe, kabili kwateni icilangililo cimo nelyo fibili.
Ulwimbo 14 ne pepo lya kusondwelela.
Umulungu wa Kutampa February 12
Ulwimbo 191
10 min: Ukubilisha kwa pa mwenu. Lipoti wa ndalama. Bilisheni imitantikile ya mulimo wa mwi bala pa mpela ya mulungu.
13 min: “Pekanishisha Imibombele ya Kulembesha Bamagazini mu April.” Komaileni pa bucindami bwa Ulupungu lwa kwa Kalinda na Loleni! mu kushimikila imbila nsuma. Belengeni icipande ca maparagrafu yatatu, kabili londololeni fintu icilonganino cenu cikacita ku kulenga April ukuba umweshi waibela ku kwananya bamagazini no kupoka ukulembesha.
22 min: “Ni Shani Fintu Ningacebusha Bakomfwa?” Ifipusho ne fyasuko. Ebeni bakasabankanya babili ukulanshanya fintu bakesha ukuba abacikabilila lintu balelanda pa minshi, ukubomfya imitubululo imo iyapeelwa mu Icitabo ca Ukutungulula Isukulu, amabula 166-8, amaparagrafu 9-18.
Ulwimbo 133 ne pepo lya kusondwelela.
Umulungu wa Kutampa February 19
Ulwimbo 72
10 min: Ukubilisha kwa pa mwenu.
15 min: “Nonkelamo mu Isukulu lya Butumikishi bwa Teokrasi Ilya 1996—Ulubali 2.” Ilyashi kuli kangalila we sukulu. Ebekesha ukukabila kwa kubelenga Icebo ca kwa Lesa cila bushiku.
20 min: “Baafwe Ukwiluka.” Pitulukeni mu mipeelele itubulwilwe iya fipempu fya kubwelelamo. Eluda alanshanya na bakasabankanya babili nelyo batatu imbali sha citabo ca Akalume ka Ukusokolola na fintu ishi mbali shingakomailwapo. Langilileni imipeelele imo nelyo ibili. Peeleni imitubululo pa fya kulundulula ubuseko ukufika ku cipimo uko isambililo lya Baibolo lingatendekwa mu citabo Ukwishiba Uko Kutungulula ku Mweo wa Muyayaya.
Ulwimbo 53 ne pepo lya kusondwelela.
Umulungu wa Kutampa February 26
Ulwimbo 28
10 min: Ukubilisha kwa pa mwenu.
15 min: Ukupekanya Imipeelele ya Kucebusha. Kangalila wa mulimo nelyo eluda umbi alanshanya na bakasabankanya babili nelyo batatu ubunonshi bwa kukwata imipeelele ya ku mwinshi no mwinshi iyo ilelanda pa cintu cimo icilecebusha abantu mu cifulo ca cikaya. Ku ca kumwenako, ilyashi lya mu cifulo ca cikaya pa lwa kubombesha kwa ndakai ku kuwamyako imikalile; amafya ya mu cupo ayaleingilishiwako, abana baulungana, nelyo ukwafya ukusanga incito; nelyo amalyashi ayalelanga umulandu abantu balecililako ukutwishika inshila sha kupwishishamo amafya ishitubululwa kuli bapolitishani na bashimapepo. Lumbula amalyashi ya ndakai mu bwikashi bwenu, kabili londolola fintu yengabomfiwa ku kutendeka ukulanshanya.
20 min: Ukutambika icitabo ca Ukwishiba Uko Kutungulula ku Mweo wa Muyayaya mu March. Londolola imbali sha citabo shimo isha kulengo buseko isho shingabomfiwa mu kutendeka ukulanshanya. (1) Landa pa fikope fya kucebusha, pamo nga fimo ifilangililwa pa mabula 4-5, 86, 124-5, 188-9. (2) Langa fintu icipandwa cimo cimo cipwa no mutande wa fipusho fya kupitulukamo, kabili londolola fintu ifi fingabomfiwa nga apa kutendekela ukulanshanya. Mwine ŋanda kuti pambi aipushiwa nga kuti atemwa ukwishiba ifyasuko. Belengapo ifipusho fimo pali ifyo fyatantikwa pa mabula 11, 22, 61, 149. (3) Losha ku mukululo pe bula 102, kabili peela imitubululo ukulanga fintu “Imbali Shimo Isha Nshiku sha Kulekelesha” shingabomfiwa ku kucincimuna ubuseko. (4) Komaila pa fintu icitabo capekanishiwa ukucilisha ku kutungulula amasambililo ya Baibolo ayalunduluka. Ifipandwa fyaba ifipi, ifyebo fyalyanguka ukumfwa, amalembo ya kupuutamo yaliloshiwako, kabili ifipusho fya kufwailisha fitonta pa fishinka fikalamba. Cincisha bonse ukutambika icitabo mu kuba no buyo bwa kutendeka amasambililo.
Ulwimbo 151 ne pepo lya kusondwelela.