Ukulongana kwa Mulimo Ukwa May
Umulungu wa Kutampa May 6
Ulwimbo 153
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Pitulukeni mu cipande cileti “Ukulumbanya Yehova mu Kwankulana Kwaikatana!”
15 min: “Bombeni no Mutima Onse!” Ifipusho ne fyasuko. Inshita nga ilesuminisha, landeni pa cipande cileti “Ifishinka fya Kulanshanyapo Pamo ngo Lupwa,” mu Ulupungu lwa kwa Kalinda ulwa June 15, 1982, ibula 19.
20 min: “Lanshanyeni Icine na Banenu.” Ifipusho ne fyasuko. Pitulukeni mu mipeelele itubulwilwe. Koselesheni abapya ukwakana mu kwananya bamagazini, ukubomfya imipeelele iipi pa kutendeka. Kwateni ifilangililo fibili ifyo filesanshamo ukutambika ukulembesha Ulupungu lwa Kwa Kalinda. Twapaapaata moneni icipande icileti “Pekanishisha Imibombele ya Kulembesha Bamagazini mu April” mu Ubutumikishi Bwesu Ubwa Bufumu ubwa February.
Ulwimbo 148 ne pepo lya kusondwelela.
Umulungu wa Kutampa May 13
Ulwimbo 63
7 min: Ukubilisha kwa pa mwenu. Lipoti wa ndalama.
18 min: “Tatwabala Atuipakishapo Ifya ku Mupashi Ifyapaka Nge Fi!” Ifipusho ne fyasuko. Ebeni bakasabankanya babili nelyo batatu, ukusanshako no mupungwe, balumbule amapaalo yamo yantu bakwata. Sondweleleni pa kulanga fintu ukutesekesha kwaingilishiwako kutukunta ku mibombele yapimpa mu mulimo washila.
20 min: Citeni Fintu Capamo ngo Lupwa. Wishi alelanshanya no lupwa lwakwe mu mibele ishili lisambililo lya lupwa pa lwa kukabila kwa kwikatana, ukushimpwa pa Ulupungu lwa kwa Kalinda ulwa September 1, 1993, amabula 16-19. Komaileni pe sambililo lya lupwa no mulimo wa bukabila bwa mbila nsuma. Londololeni fintu indupwa sha lelo shilebongoloka pa mulandu wa kuti bapoosa inshita inono capamo kabili mupepi na lyonse tabakwata icili conse ico bacitila pamo. Ukusambilila Icebo ca kwa Lesa no kwakana mu butumikishi capamo kwaba lipaalo ku lupwa lwa Bwina Kristu. Komailenipo ukuti wishi alekabila ukuteyanya ifi fintu bwino kabili nyina ukubombela pamo nankwe. Abana balingile ukuba abasekelela mu mibombele ya ku mupashi, ukubombela pamo mu kupalamisha na bafyashi babo. Ulupwa lukekatana kabili lukakoshiwa mu kubomba no kutitikisha kuleingilishiwako ku fya pano isonde.
Ulwimbo 193 ne pepo lya kusondwelela.
Umulungu wa Kutampa May 20
Ulwimbo 126
10 min: Ukubilisha kwa pa mwenu. Koselesheni bonse ukwakana mu kwananya bamagazini.
15 min: “Twalilileni Ukulanda Icine.” Komaileni pa kukabila kwa fipempu fya kubwelelamo ukuli konse ukwashele bamagazini mu kati ka kampeni waibela, mu kuba no buyo bwa kutendeka amasambililo. Tambikeni ukulembesha kwa Ulupungu lwa kwa Kalinda. Kwateni ifilangililo fibili ifipi.
20 min: Kangalila wa kutangilila na eluda umbi balanshanya kalata wa Sosaite uwa S:CO February 1, 1996, pa kulunduluka kwacitwa mu kukoselesha abacaice ukuba bakasabankanya. Shimikeni ifya kukumanya ifili fyonse nga inshita ilesuminisha.
Ulwimbo 28 ne pepo lya kusondwelela.
Umulungu wa Kutampa May 27
Ulwimbo 121
5 min: Ukubilisha kwa pa mwenu.
15 min: Ukutambika icitabo ca Ukwishiba Uko Kutungulula ku Mweo wa Muyayaya mu June. Kangalila wa mulimo intanshi alanda pa mulandu icitabo ca Ukwishiba casabankanishiwilwe. Lyene apituluka mu fishinka fya ciko fimo ifikalamba na bakasabankanya babili nelyo batatu abafikapo. Icitabo cilasuka ifipusho pa lwa nshita yesu iya ku ntanshi, ukucula kwa bantu, Ubufumu bwa kwa Lesa, imyendele ya bukapepa, ubumi bwa lupwa, no bunonshi bwe pepo. Bakasabankanya babili muli ilyo ibumba balangilila inshila ingabomfiwa ku kutendeka isambililo napamo pa kutandala kwa kubalilapo nelyo pa cipempu ca kubwelelamo. Kangalila wa mulimo lyene alanda pa fishinka fikonkelepo. Kuliko ukukabila kwa kutungulula amasambililo ya kufumamo cimo ayafulilako mu ciputulwa ca nshita icipiko. E mulandu wine ici citabo capekanishiwilwe. Cilondolola icine mu nshila yashininkishiwa, kabili iya kulungatika. Ifipusho muli paragrafu umo umo, capamo ne fili pa mpela ya cipandwa icili conse, filetwaafwa ukutontomesha pa fishinka fikalamba. Icitabo cisanshamo ifyasuko ku fipusho fipushiwa uwaipeela umupya uulefwaya ukubatishiwa. Koselesheni bonse ukubomba no buyo bwa kutendeka amasambililo mu June.
10 min: Umukululo wa Fipusho. Belengeni no kulanshanya ne bumba lyonse.
15 min: “Bushe Muli Abapamfiwa Nga Nshi?” Ifipusho ne fyasuko. Nga inshita ilesuminisha, sanshenimo ukulandapo ukufuma muli Loleni! wa June 8, 1990, ibula 29-31. Ipusheni kasabankanya umo nelyo babili ukushimika mu kwipifya cintu bacita pa kuti batunguluke mu kubomba no kutantika kwapamfiwa ukwa teokrasi.
Ulwimbo 155 ne pepo lya kusondwelela.