Ukulongana kwa Mulimo Ukwa January
Umulungu wa Kutampa January 6
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa September uwa calo no wa cilonganino cenu.
20 min: Inshita ya Kulemba Advance Medical Directive/Release Card Cipya Cipya. Eluda wafikapo alanda pa bucindami bwa kwisushisha kardi no kwenda na o inshita yonse. Uyu kardi alamulandilako nga ca kuti tamuli na maka ya kuilandila mu nshita ya bukangalume. (Linganyeniko Amapinda 22:3.) Kardi mupya alakabila ukwisushiwa cila mwaka ku kulangilila icishibisho ca ndakai pa lwa kukaana umulopa, apantu badokota bamo na bambi balitunga ukuti amapepala yakokola ukucila pa mwaka umo nakalimo tayengalangilila ukushininwa kwa muntu ukwa ndakai. Pa numa ya kulongana, bakasabankanya babatishiwa bonse bakapeelwa kardi wa Advance Medical Directive/Release, na abo ababa na bana banono abashabatishiwa bakapokelela Identity Card wa mwana umo umo. Londololeni ukuti aya makardi tayalingile ukwisushiwa pa numa fye ya kuno kulongana. Yalingile ukwisushiwa mu kusakamanishisha ku ŋanda lelo TE kusaina. Ukusaina, ukwikalila ubunte, no kulemba inshiku pa makardi yonse kukacitwa pa numa ye Sambililo lya Citabo pa Cilonganino ilikonkelepo, mu kwangalilwa na katungulula we sambililo lya citabo. Akabebeta ukumona ukuti bonse abapeelwa ukuya kwi bumba lyakwe balipokelele kardi no kwafwiwa umulekabilwa. Abo balesaina pamo nga inte balingile ukumona umwine wa kardi alesaina kardi mu cituntulu. Uuli onse uushilipo pali iyo nshita akafwiwa na bakatungulula/baeluda pa Ukulongana kwa Mulimo ukukonkelepo ukufikila bakasabankanya babatishiwa bonse baisusha bwino bwino amakardi yabo no kusaina. (Pitulukeni muli kalata wa November 16, 1992.) Bakasabankanya bashabatishiwa, nga ca kuti balefwaya, ukupitila mu kuteulula ululimi ukufuma pali uyu kardi ku kulinga imibele yabo no kushininwa, nakalimo kuti balemba directive wa pa lwabo uwa kubomfya abene na bana babo. Nga twaba abashilimuka mu kusakamana ifi fyebo fyakatama, kuti twawaminwa ubusuma ukufuma kuli Yehova.—Amapi. 16:20.
15 min: “Abateyanishiwa no Kupangashiwa ku Kusambilisha Bambi.” (Amaparagrafu 1-6) Landeni pa maparagrafu 1-2 mu kwipifya, ukukomaila pa kuti tulakabila ukucetekela ifyo, mu kuba no kwaafwa kwa kwa Yehova kuti twasambilisha bambi mu nshila yawamisha. Ipusheni abantu bane, bakasabankanya babili na bene mayanda babili, balangilile mu kulekanina inshila ya kulandilamo mu maparagrafu 3-6, mu kuba na bonse ukulangilila ifya kuya ku kutandala kwa kubalilapo na ku cipempu ca kubwelelamo.
Ulwimbo 14 ne pepo lya kusondwelela.
Umulungu wa Kutampa January 13
Ulwimbo 16
15 min: Ukubilisha kwa pa mwenu. Lipoti wa ndalama. Komaileni pa fishinka fya kulandapo fimo muli bamagazini ba ndakai. Tubululeni ifya kuilondolola lintu tuletununuka abantu pa kuti twingacitilo bunte mu lyashi fye. Ebeni ibumba ukushimika amashiwi ya kwiswila ayo babomfya lintu balelanda na bambi mu matuuka, mu musebo, mu parka, mu myendele ya cintubwingi, ne fifulo fimbi.
15 min: “Abateyanishiwa no Kupangashiwa ku Kusambilisha Bambi.” (Amaparagrafu 7-9) Shimikeni ica kukumanya icisangwa muli 1995 Yearbook, ibula 45, pa lwa kucita ifipempu fya kubwelelamo, ukukomaila pa bucindami bwa kukonkelela abantu abali bonse abalesekelela abo mwasanga. Ipusheni kasabankanya wabelesha ukulangilila inshila sha kulandilamo mu maparagrafu 7-8. Nangu cingati impapulo shimbi shilatambikwa mu kutendekelako, tulingile ukubombela maka maka pa kutungulula amasambililo mu kupelako mu citabo ca Ukwishiba. Koselesheni bonse ukutantika inshita mu mulungu uleisa iya kuya ku fipempu fya kubwelelamo.
15 min: Cinshi Cikabilwa pa Kutendeka Isambililo lya Baibolo? Eluda atungulula ukulanshanya na bakatungulula be Sambililo lya Citabo pa Cilonganino babili nelyo batatu, ukupituluka mu nshila sha kubelamo abatunguluka ukucilapo mu kutendeka amasambililo: (1) Pepeleni ukwaafwa kwa kwa Yehova. (2) Bombeniko lyonse mu mulimo wa ku ŋanda ne ŋanda ku kusanga abalesekelela. (3) Lembeni abantu bonse abalesekelela, kabili kabiyeni ku fipempu fya kubwelelamo mu kwangufyanya. (4) Lyonse tambikeni isambililo uko abantu balanga ubuseko. (Moneni akamutwe kanono akatila “Ukutendeka Amasambililo ya Baibolo,” pe bula 20 ilya Ulupungu lwa kwa Kalinda ulwa February 15, 1996.) (5) Lundululeni ukucetekela amaka yenu aya kusambilisha pa kubomfya imitubululo ine iyalondolwelwe pa mabula 21-25 aya Ulupungu lwa kwa Kalinda ulwa March 15, 1985.
Ulwimbo 15 ne pepo lya kusondwelela.
Umulungu wa Kutampa January 20
Ulwimbo 21
10 min: Ukubilisha kwa pa mwenu.
15 min: “Abantu ba Misango Yonse Bakapusuka.” Ifipusho ne fyasuko. Ebeni ibumba ukushimika ifya kukumanya fimo mu kwipifya ukulanga fintu abantu ba mikalile yapusanapusana balangishe ubuseko.
20 min: Ukucitilo Bunte ku Myendele Isuma. Eluda atungulula ukulanshanya ne misepela ibili nelyo itatu. Ukulanshanya kwashimpwa pa Ulupungu lwa kwa Kalinda ulwa August 15, 1987, amabula 10-20. Sanshenimo ifya kukumanya ifyasabankanishiwa capamo ne fili fyonse ifya mu cifulo cenu ifili fyonse ifyo filangilila fintu abamonako bacebushiwa bwino ku myendele yatambalala iya misepela ya Bwina Kristu.
Ulwimbo 23 ne pepo lya kusondwelela.
Umulungu wa Kutampa January 27
Ulwimbo 20
5 min: Ukubilisha kwa pa mwenu.
10 min: Pitulukeni mu Mukululo wa Fipusho na kalemba.
15 min:‘Tubilisha Icebo.’ Ifipusho ne fyasuko. Sanshenimo ifyebo fimo ifilelangilila umulandu tutesekesha mu kushika umutengo wa Cebo ca kwa Lesa.—Moneni Awake! wa March 22, 1984, amabula 9-11.
15 min: Pitulukeni mu Lupapulo lwa Kutambika mu February. Londololeni imbali sha buseko isha citabo, pamo nga: (1) Imitwe ya fipandwa iya kucebusha, (2) ifikope fyabalabata, (3) imikululo ya kwaafwo kusambilisha na macharti, na (4) ifipusho fyapulintwa ifya kubimbula. Mu kumfwana no lubali lwa pa kulongana ulwafumako, koselesheni ukubomfya ilembo lyasalwa bwino mu nshila ya kulandilamo. Teyanyeni ukulangilila inshila ya kulandilamo imo nelyo shibili. Cinkuleniko bonse ukusenda ifitabo fya kubomfya uno mulungu.
Ulwimbo 26 ne pepo lya kusondwelela.