Ukulongana kwa Mulimo Ukwa March
Umulungu wa Kutampa March 3
Ulwimbo 53
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Londololeni imitantikile ya mulimo wa mwi bala iya holide wa pa March 12. Koselesheni bonse ukutendeka ukulaalika abalesekelela ukwisa ku Cibukisho pa March 23.
15 min: ‘Kuuleni Aba mu Ŋanda Yenu.’ Ifipusho ne fyasuko. Sanshenimo ifya kukumanya ukufuma muli 1995 Yearbook, ibula 228.
20 min: “Ukwaafwa Indupwa Ukusanga Inshita ya ku Ntanshi Iibelelela.” (Amaparagrafu 1-5) Landenipo mu kwipifya pali paragrafu 1, kabili lyene landeni pa fintu ubuseko bwingalundululwa mu citabo ca Insansa sha Lupwa pa kubomfya imitwe ya fipandwa, ifikope fyabalabata, ne mikululo ya kupitulukamo. Ipusheni bakasabankanya bafikapo ukulangilila inshila ya kulandilamo mu maparagrafu 2-5. Koselesheni bonse ukubombesha mu nshila yaibela ukushalika icitabo ku ndupwa ishasekelele ilyo baileko.
Ulwimbo 71 ne pepo lya kusondwelela.
Umulungu wa Kutampa March 10
Ulwimbo 56
10 min: Ukubilisha kwa pa mwenu. Lipoti wa ndalama. Cinkuleniko bonse ukukonka ukutantika kwa kubelenga Baibolo ukwa Cibukisho ukwa March 18-23, nga fintu kwatantikwa mu Ukubebeta Amalembo Cila Bushiku.
20 min: “Mube Abatootela.” Ifipusho ne fyasuko. Bonse balingile ukubombesha ukulaalika abasambi ba Baibolo, abalesekelela, balupwa bengasumina, na bamunyina na bankashi abali bonse abo ababishanya fye ne cilonganino mu nshita mu nshita, ukusangwa ku Cibukisho. Icilangililo icipi ica kwa kasabankanya alelaalika umuntu ulesekelela ukwisa ku Cibukisho. Landenipo ifyalundwapo mu Ulupungu lwa kwa Kalinda ulwa July 1, 1988, ibula 11, amaparagrafu 16-17. Koselesheni bonse abengabomba bupainiya ukubombako mu April na May.
15 min: “Ukwaafwa Indupwa Ukusanga Inshita ya ku Ntanshi Iibelelela.” (Amaparagrafu 6-8) Londololeni imitubululo imo iilelanga ifya kutambika icitabo ca Insansa sha Lupwa lintu mulebomba ubunte bwa mu lyashi pa ncito, pa sukulu, mu parka, nelyo pa citesheni ca mabasi, na lintu muletandalila balupwa. Ipusheni kasabankanya wafikapo ukulangilila inshila ya kulandilamo mu maparagrafu 6 na 7. Ukulanshanya pa cipempu ca kubwelelamo kulingile ukwaafwa umuntu ukutesekesha fintu ukusambilila Baibolo kwingakosha ifikakilo fya lupwa. Amasambililo yali no kutungululwa muli broshuwa wa Cinshi Cintu Lesa Afwaya Kuli Ifwe?, mu kuba no buyo bwa kuya mu citabo ca Ukwishiba, nelyo isambililo kuti nalimo lyatendekwa mu citabo cine ica Ukwishiba.
Ulwimbo 72 ne pepo lya kusondwelela.
Umulungu wa Kutampa March 17
Ulwimbo 63
15 min: Ukubilisha kwa pa mwenu. Pitulukeni mu “Ifya Kucinkulako pa lwa Cibukisho,” kabili londololeni imitantikile ya Cibukisho iya pa mwenu. Bonse balingile ukusondwelela mu kupekanishisha ukwaafwa abasambi ba Baibolo na balesekelela ukusangwako. Londololeni imitantikile ya mulimo wa mwi bala iya holide wa pa March 28.
15 min: Ukukabila kwa pa mwenu. Nelyo ilyashi kuli eluda pa cipande cileti “Bushe mu Cituntulu Mulakabila Ukulombo Kwelelwa?” ukufuma mu Ulupungu lwa kwa Kalinda ulwa September 15, 1996, amabula 22-4. Nga ca kuti icilonganino cenu cilepanga ukuyabombako mu cifulo caba ceka mu July na August, ino e nshita ingalinga ukupituluka muli kalata wa January 1, 1997, uulondolola imitantikile ilebombelwapo ukukuma kuli iyi mibombele.
15 min: Bomfyeni Bwino 1997 Yearbook of Jehovah’s Witnesses. Wishi apituluka mu fishinka fikalamba ifyalondololwa pa mabula 3-9 no lupwa lwakwe. Alangilila umulandu tusekelela pa kumona ukulunduluka kwa teokrasi ukushinguluka isonde lyonse. Wishi alondolola fintu, mu mwaka uleisa, bengabomfyako amaminiti yanono cila bushiku pa nshita ya ca kulya ukubelenga muli Yearbook panono panono no kusambilila ilembo lya bushiku.
Ulwimbo 75 ne pepo lya kusondwelela.
Umulungu wa Kutampa March 24
Ulwimbo 67
9 min: Ukubilisha kwa pa mwenu. Londololeni ukuti inshita e ko icili kuti batuma formu wa kwipushishapo bupainiya bwa kwafwilisha mu April. Londololeni imitantikile yalundwako iilebombelwapo pa mwenu iya kukumana kwa mulimo mu mweshi. 24 min: “Bushe Tulingile Ukwangwako ku Busaka?” Ifipusho ne fyasuko. Sambilileni amaparagrafu 1-11, ukutungululwa na kalemba.
12 min: Ukwaafwa Kasabankanya Mupya Ukutendeka Ukushimikila. Pitulukeni mu paragrafu 19 iya ca mu kati ca Ubutumikishi Bwesu Ubwa Bufumu ubwa June 1996. Langilileni fintu kasabankanya wafikapo apekanya umusambi wa Baibolo uyo ibumba lya baeluda lisuminishe nomba line ukuba kasabankanya ushabatishiwa. Bapitulukila capamo mu citabo ca Ubutumikishi Bwesu, ibula 111, paragrafu 2. Kasabankanya wabelesha alondolwela umusambi ifyo akalalolenkana na fyo lintu alebomba mu bunte bwa ku ŋanda ne ŋanda no kuti takuliko ukukabila kwa kufuupulwa nga ca kuti abengi tabankwileko bwino. Kasabankanya ashimika ica kukumanya ca kukoselesha icilelanga ubuseko bubako lintu twasanga umuntu wafumaluka uwingakutika. Bapekanishisha capamo inshila iipi iya kushalikilamo bamagazini, iyayanguka kabili lyene bayesha ukumona ifyo ingabomba. Kasabankanya mupya atashiwa mu nshila ya kukoselesha kabili batantika bwino bwino ukubombako mu mulimo wa mwi bala capamo uno mulungu.
Ulwimbo 89 ne pepo lya kusondwelela.
Umulungu wa Kutampa March 31
Ulwimbo 70
15 min: Ukubilisha kwa pa mwenu. Laalikeni abalesekelela bonse ukusangwa ku lyashi lya pa cintubwingi ilyaibela pa April 6. Koselesheni bonse ukutuma amalipoti yabo aya mulimo wa mwi bala aya March. Bilisheni amashina ya bonse abalebomba bupainiya bwa kwafwilisha mu April. Pitulukeni mu Mukululo wa Fipusho.
20 min: Pekanyeni ukusangwa kwi Bungano lya Citungu Ilya 1997. Kalemba alanshanya ne bumba lyonse ifyebo fye bungano mu fipusho ne fyasuko mu ca mu kati. Nga fintu cilangililwe mu cipande, komaileni pa fishinte fya mu Malembo ifya kukonkela ubutungulushi bwa Sosaite. Tasheni bamunyina pa kubombela pamo ne mitantikile ya Sosaite.
10 min: Pitulukeni mu Lupapulo lwa Kutambika mu April. Tambikeni ukulembesha Ulupungu lwa kwa Kalinda. Shimikeni mu kwipifya imitubululo pa fya kupekanya inshila sha kushalikilamo bamagazini ishaba mu maparagrafu 3, 4, na 8 pe bula 8 ilya Ubutumikishi Bwesu Ubwa Bufumu Ubwa October 1996. Lekeni bakasabankanya babili balangilile inshila ya kulandilamo imo nelyo shibili. Bakasabankanya balingile ukusungilila icalembwa ca abo bapokelele bamagazini no kubasansha ku mutande wabo uwa bapokako bamagazini lyonse.
Ulwimbo 92 ne pepo lya kusondwelela.