Ukulongana kwa Mulimo Ukwa June
Umulungu wa Kutampa June 2
Ulwimbo 181
8 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa February uwa Zambia no wa cilonganino cenu.
15 min: “Cincileni.” Ifipusho ne fyasuko.—Moneni na kabili Ulupungu lwa kwa Kalinda ulwa April 15, 1993, amabula 28-30.
22 min: “Ukwishiba Ukufuma Kuli Lesa Kulaasuka Ifipusho Ifingi.” Kalanda alanshanya icipande na bakasabankanya babili nelyo batatu, ukusanshako no musepela. Landeni pali paragrafu 1, ukukomaila pa mulandu icitabo ca Ukwishiba cibombela bwino nga nshi mu kutwaafwa ukwasuka ifipusho. Langilileni iciputulwa ca kupitulukamo, kabili tubululeni umwa kuwamyako pa numa ya nshila imo imo iya kulandilamo.
Ulwimbo 200 ne pepo lya kusondwelela.
Umulungu wa Kutampa June 9
Ulwimbo 189
10 min: Ukubilisha kwa pa mwenu. Lipoti wa ndalama.
15 min: “Lumbanyeni Yehova.” Ilyashi no kulanshanya ne bumba lyonse.
20 min: Ukusambilisha Bambi—Kulekabilwa mu Kampampa. Ilyashi kuli eluda. Pitulukeni muli lipoti wa mulimo wa mwi sonde lyonse uwa 1996 pe bula 33 ilya 1997 Yearbook. Ukubombesha kwaluma ukwa kushimikila ku bantu ukuli konse uko bengasangwa kuletwala ifisabo. Ukukabila kwa mu kampampa nomba kwa kukonkelela uko twashalika ifitabo no kusambilisha abantu icine. Lintu twalanda na bo mu fifulo fya cintubwingi, mu kucenjela ipusheni ishina lyabo na kuntu bekala pa kuti mwingabwelelako. Tulekabila ukubombesha ukucila na pa kulimba fye ulubuto lwa Bufumu; tufwile na kabili ukulutapilila. (1 Kor. 3:6-8) Lintu lubuto lwabyalwa mu mushili usuma, ukusambilisha kusuma kuti kwayafwa umuntu ukwiluka lwene. (Mat. 13:23) Tufwile ukubombako umulimo wa kusambilisha no mutima onse ukufika apo twingapesha kabili mu kulamuka. (Heb. 5:12a) Sanshenimo ifishinka ukufuma mu ca mu kati ca mu Ubutumikishi Bwesu Ubwa Bufumu ubwa June 1996, amaparagrafu 25-6. Komaileni pa kutukusha ukutendeka amasambililo atemwa muli broshuwa wa Cintu Lesa Afwaya nelyo mu citabo ca Ukwishiba.
Ulwimbo 204 ne pepo lya kusondwelela.
Umulungu wa Kutampa June 16
Ulwimbo 192
10 min: Ukubilisha kwa pa mwenu. Tubululeni ifishinka fya kulandapo muli bamagazini ba ndakai.
15 min: Ukukabila kwa pa mwenu.
20 min: Ukwishiba Ukupepa Kwenu nga kwa Cine Nelyo kwa Bufi. Eluda atungulula ukulanshanya na bakasabankanya bafikapo babili nelyo batatu ukushimpwa pali Loleni! wa January 8, 1990, ibula 26. Mu kumonekesha abantu bafumaluka abengi baleshimikilwa libili libili. Nangu cibe fyo, tababala abasumina isambililo lya Baibolo. Lanshanyeni fintu ifishinka muli ici cipande ca muli Loleni! fingabomfiwa ku kubacinkulako ukuba abaibukila ukuti balekabila ukubomba mu kumfwana no kwishiba kwalungikwa. Losheni ku fishinka fyacindama ifya mu citabo ca Ukwishiba, icipandwa 5 icitila: “Kupepa kwa Bani Lesa Apokelela?” Belengeni paragrafu 20. Kuti mwabwelelako ku bantu ba musango yo ku kubakoselesha mu nshila ya cikuuku kabili iya kucenjela ukupokelela isambililo no kusangwa ku kulongana.
Ulwimbo 201 ne pepo lya kusondwelela.
Umulungu wa Kutampa June 23
Ulwimbo 193
10 min: Ukubilisha kwa pa mwenu. Londololeni imitantikile yaibela iya mulimo wa mwi bala iya July 7 na 8.
15 min: Cinshi Balelanda pa lwa Ifwe? Ilyashi ukushimpwa pa fyebo fisangwa muli bamagazini ba Ulupungu lwa kwa Kalinda aba June 1, 1988, amabula 6-7; January 15, 1994, amabula 5-6; February 15, 1994, amabula 5-7; December 15, 1995, amabula 28-29. Saleni “Ifyo Bambi Balandapo” ifyapulamo pa lwa Nte sha kwa Yehova—imyendele yesu no mulimo wesu. Langeni fintu bambi bacincimushiwa ku fintu bamona muli ifwe. Londololeni umulandu ici cilingile ukutukuntila lyonse ukuisunga bwino no kutwalilila umulimo wesu. Londololeni ifya kubomfya ifyebo fisuma ifya musango yo lintu tulelanda ku fibusa na bantu balesekelela abalefwaya ukwishibilapo ifingi pa lwa ifwe.
20 min: “Mwe Bafyashi—Kansheni Abana Benu Ukushimikila.” Ifipusho ne fyasuko. Sanshenimo ubutungulushi bwaba mu citabo ca Ubutumikishi Bwesu, amabula 99-100, pe samba lya kamutwe kanono akaleti “Ukwafwilisha Abacaice.”
Ulwimbo 211 ne pepo lya kusondwelela.
Umulungu wa Kutampa June 30
Ulwimbo 197
10 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya June.
20 min: “Mwe Misepela—Mabuyo Nshi Mwakwata aya ku Mupashi?” Bawishi babili balanshanya icipande capamo. Balanshanya ifya kwaafwa abana babo ukutesekesha umulandu cakatamina ukwimika amabuyo ya teokrasi, ayakaleta amapaalo ya ku mupashi, ukucila ukukonkelela amabuseko ya kutemwe fikwatwa.—Moneni na kabili icitabo ca Ubutumikishi Bwesu, amabula 116-18.
15 min: Ukupekanishisha Ulupapulo lwa Kutambika mu July. Saleni broshuwa umo nelyo babili abo abantu batemwisha mu cifulo cenu ica kubombelamo, kabili pitulukeni mu fishinka fyapulamo fimo pa lwa broshuwa umo umo. Tubululeni inshila muntu ifyo fishinka fingasanshiwilwa mu nshila ya kulandilamo. Cinkuleniko bonse ukusungilila icalembwa ca mpapulo shashalikwa no kubwelelako ku kulundulula ubuseko.
Ulwimbo 109 ne pepo lya kusondwelela.