Ukulongana kwa Mulimo Ukwa October
Umulungu wa Kutampa October 6
Ulwimbo 39
10 min: Ukubilisha kwa pa mwenu. Musoobolemo na mu Ubutumikishi Bwesu Ubwa Bufumu. Londololeni imitantikile ya kulembesha nga fintu calondolwelwe pe bula 3 ilya Ubutumikishi Bwesu Ubwa Bufumu ubwa February 1996.
15 min: “Bushe Abantu Bonse Bakatala Abatemwana?” Ifipusho ne fyasuko. Pitulukeni mu fishinka fikalamba ifya trakiti wa Imbila ya Bufumu Na. 35. Londololeni umulandu ababa mu cifulo cenu bakanonkelamo muli ifi fyebo. Komaileni pa kukabila kwa kupekanya nomba ukwananyako yene no kubombesha ukubwelelako ku balesekelela.
20 min: “Ananyeni Trakiti wa Imbila ya Bufumu Na. 35 Konse Konse.” Ilyashi lya kwiswila kuli kangalila wa mulimo. Lanshanyeni amaparagrafu 5-8 ukupitila mu fipusho ne fyasuko. Pitulukeni mu mitantikile ya pa mwenu iya mibombele yaingilishiwako. Lanshanyeni inshila sha kushininkishishamo ukuti icifulo conse cabombelwamo. Bakasabankanya kuti babomfya uyu trakiti ilyo baleshimikila ku bantu pa fitesheni, ku bashitisha utwa kushitishashitisha, umo bemika bamotoka, na mu ncende shimbi. Landeni pa mitubululo pa fya kwaafwa abapya abalefwaya ukutendeko kulashimikila. Sanshenimo ifyebo fya mu ca mu kati ca Ubutumikishi Bwesu Ubwa Bufumu ubwa April 1995, paragrafu 11. Mu fifulo fimo kuti caba bwino ukubomba mweka no kukanasenda icola ilyo muleananya trakiti wa Imbila ya Bufumu. Mu kwipifya langilileni inshila sha kulanshanishishamo shibili nelyo shitatu.
Ulwimbo 126 ne pepo lya kusondwelela.
Umulungu wa Kutampa October 13
Ulwimbo 41
15 min: Ukubilisha kwa pa mwenu. Lipoti wa ndalama. Londololeni imitantikile yaibela iya mulimo wa mwi bala pa holide pa October 24. Pitulukeni mu fishinka fya kulanshanyapo muli bamagazini abapya aba Ulupungu lwa kwa Kalinda na Loleni! Cinkuleniko bonse ukuti pa mpela sha mulungu, kukalabako ukutambika ukulembesha e lyo no kushalika trakiti wa Imbila ya Bufumu Na. 35. Tulingile ukubwelela ku balesekelela bonse. Cinkuleniko bamunyina ukusenda broshuwa wa A Book for All People umulungu uleisa.
15 min: Ukukabila kwa pa mwenu.
15 min: “Musango Nshi uwa Bantu Mufwile Ukuba?” Ifipusho ne fyasuko.
Ulwimbo 130 ne pepo lya kusondwelela.
Umulungu wa Kutampa October 20
Ulwimbo 42
15 min: Ukubilisha kwa pa mwenu. Pitulukeni mu fya kukumanya muli 1996 Yearbook, amabula 6-8, pa mutwe wa kuti “Global Distribution of Kingdom News.” (Ukwananya Trakiti wa Imbila ya Bufumu Mwi Sonde Lyonse). Komaileni pa fintu bakasabankanya babombeshe ku kwananya Imbila ya Bufumu umuku wafumako. Koselesheni bonse ukwananyako Imbila ya Bufumu Na. 35.
15 min: Ifishinka Fikalamba Muli Broshuwa Mupya, A Book for All People (Icitabo ca Bantu Bonse). Ukulanshanya ne bumba lyonse umulandu tufwile ukubebetela Baibolo. Uyu broshuwa alembelwe ku kwaafwa abantu abasoma lelo abashaishiba nangu cimo pa lwa Baibolo. Mu cifulo ca kwesha ukubashinina ukuti Baibolo yalipuutwamo na Lesa, broshuwa aleka ifishinka ifine ukuilandila. Tulingile ukuibelenga no kupeelako bambi, ukusanshako abo tusambilila na bo.
15 min: “Bushe Muli Nte pa Nshita Iili Yonse?” Ilyashi kuli eluda.
Ulwimbo 133 ne pepo lya kusondwelela.
Umulungu wa Kutampa October 27
Ulwimbo 43
12 min: Ukubilisha kwa pa mwenu. Pitulukeni mu fyo ukwananya trakiti wa Imbila ya Bufumu Na. 35 kuleenda. Ipusheni ibumba ukushimikako ifya kukumanya fya kukoselesha. Bilisheni icifulo icibombeelwe ukufika pali ino nshita ne cilekabilwa pa kupwisha icisheleko ilyo cilefika pa November 16. Ilyo twapwisha ukubomba mu cifulo conse, tukalatambika icitabo ca Ukwishiba ukufikila umweshi ukupwa. Komaileni pa buyo bwa kutampa amasambililo pa fipempu fya kubwelelamo uko bayankwileko bwino kuli trakiti.
15 min: Ifya Kusanga Isubilo Ilyo Kushilemoneka Ukuba Nangu Limo. Ilyashi kuli eluda ukushimpwa pa Ulupungu lwa kwa Kalinda ulwa May 15, 1997, amabula 22-5.
18 min: Lengeni Ulubuuto Lwenu Lubalike. Ilyashi no kulanshanya pa mabula 84-8 aya mu citabo ca Ubutumikishi Bwesu. Tantikileni libela ukuti bakasabankanya bakasuke mu kulungatika ifipusho fyakonkapo: (1) Mulandu nshi Inte sha kwa Yehova bashimikila ku ng’anda ne ng’anda? (2) Kufika ku cipimo nshi iyi nshila yabomfiwe mu mwanda wa myaka uwa kubalilapo? (3) Mulandu nshi kubeleleko ipamfya likalamba ukutwalilila ukushimikila ku ng’anda ne ng’anda ilelo? (4) Mibele nshi ingacilenga ukuba icakosa kuli ifwe ukubombako lyonse? (5) Ni shani fintu twingasanga ukwaafwa pa kuti twingatwalilila? (6) Mapaalo nshi yafuma mu kulenga ulubuuto lwesu ukumoneka? (7) Cinshi twingacita pa kuti tutunguluke nga nshi ukulanda na bantu? Langilileni ukupitila mu kweba bakasabankanya batatu nelyo bane ukushimika ifya kukumanya fya kukoselesha baipakishe ilyo balebomba umulimo wa ku matuuka nelyo uwa mu musebo.
Ulwimbo 136 ne pepo lya kusondwelela.