Ukubilisha

◼ Ulupapulo lwa kutambika mu March: Ukwishiba Uko Kutungulula ku Mweo wa Muyayaya. Tontomesheni pa kutendeka amasambililo ya Baibolo aya pa ng’anda. April na May: Kampeni wa kulembesha Ulupungu lwa kwa Kalinda. June: Icaba Inkaama ku Nsansa sha Lupwa.

◼ Bakasabankanya abalefwaya ukubombako bupainiya bwa kwafwilisha mu April na May bafwile ukutendeka ukupanga nomba no kupeela baeluda formu mu kubangilila. Ici cikaafwa baeluda ukupekanya ifya kubomba mwi bala no kukwata bamagazini balinga ne mpapulo shimbi. Amashina ya bonse abasuminishiwa ukubomba bupainiya bwa kwafwilisha yafwile ukubilishiwa ku cilonganino.

◼ Kangalila wa kutangilila nelyo uuli onse uusalilwe na wene afwile ukupenduluka mu maakaunti ya cilonganino pa March 1 nelyo mu kwangufyanya pa numa. Bilisheni ku cilonganino lintu ici cacitwa.

◼ Bonse ababishanya ne cilonganino bafwile ukutuma ukulembesha ukupya nelyo ukulembesha cipya cipya ukwa Ulupungu lwa kwa Kalinda na Loleni!, ukusanshako no kulembesha kwa pa lwabo, ukupitila mu cilonganino nelyo pa kulongana kukalamba nelyo pa mabungano. Lintu mulelembesha cipya cipya twapaapaata mulelemba ishina limo line lintu mwalembeshe umuku wa kubalilapo. Ku ca kumwenako: “Joseph Bwalya Chibesa” lifwile ukuba “Joseph Bwalya Chibesa” nga balembesha cipya cipya, mu cifulo ca kuba “Joseph Chibesa Bwalya.”

◼ Ibumba lya baeluda lifwile ukwibukila ukuti ukuteuluka kwakonkapo kulakabilwa ilyo icilonganino cilesangwa ku kulongana kukalamba ukwa mu cifulo cenu: Lintu programu wa bushiku bwa kulongana kwaibela atantikwa, icilonganino cifwile ukukwata ukulongana kwa lyonse mu mulungu, ukufumyako fye Ukulongana kwa pa Cintubwingi, ne Sambililo lya Ulupungu lwa kwa Kalinda. Nga ca kuti icilonganino cikasangwa ku kulongana kwa muputule, cikafumyapo ukulongana kwe Sukulu lya Butumikishi bwa Teokrasi no Kulongana kwa Mulimo; Lisambililo fye lya Citabo pa Cilonganino e likabako muli uyo mulungu ku cilonganino cenu.

◼ Farmu ya Sosaite iyaba ku Makeni ilekabila ababomfi bafulilako. Bapainiya ba nshita yonse abashimbe abalanda iciNgeleshi abalefwaya ukwisabomba ku farmu pa myeshi itatu bafwile ukulembela Sosaite nga balefwaya ifyebo ifyafulilako.

◼ Shi ishibeni ukuti natukwata icitabo ca Insansa—Ifya Kushisanga kabili icilonganino cifwile ukuorda ifya kubomfya pe Sambililo lya Citabo pa Cilonganino pali K400.00 kuli bakasabankanya na K300.00 kuli bapainiya.

◼ Impapulo Shilipo:

Comprehensive Concordance—IciNgeleshi

Inte sha kwa Yehova mu Kwikatana Shicito Kufwaya kwa kwa Lesa mu Kusalala kwa Calo—IciPortuguese

Ukwishiba Uko Kutungulula ku Mweo wa Muyayaya—IciNgeleshi, IciShona

Icitabo Candi ca Malyashi ya mu Baibolo—IciNgeleshi, IciPortuguese

Abateyanishiwa ku Kupwilikisha Ubutumikishi Bwesu—IciPortuguese

Ukupelulula Ukufuma Mu Malembo—Icibemba

Imbileni Yehova Amalumbo (icinono)—Icibemba, IciNgeleshi

Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?—IciChewa, Icibemba, IciNgeleshi, IciLozi

Cinshi Cintu Lesa Afwaya Kuli Ifwe?—IciFrench, IciShona

Ilyo Untu Watemwa Afwa—IciNgeleshi

Kaseti Umupya Uulipo:

Why Respect Theocratic Arrangements?—IciNgeleshi