Ukupitulukamo Kwa Kulemba Ukwe Sukulu Lya Butumikishi Bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya September 7 ukufika ku December 21, 1998. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo ukubomfya Cine nelyo Bufi:
1. Pali 2 Timote 1:6, “ica bupe” cilosha ku maka ya kulandila mu ndimi shalekanalekana ayapeelwe kuli Timote ukupitila mu mibombele ya mupashi wa mushilo uwa kwa Lesa. [Ukubelenga Baibolo ukwa cila mulungu; moneni w85-CW 5/1 ibu. 16 para. 15.]
2. Umwina Kristu wakosoka ‘akansho kulingulula kwakwe pa kweshaesha ukupaatululo busuma ukubulekanya no bubi’ ukupitila mu cibelesho ca kubomfya fyonse ifyo aishiba mu Cebo ca kwa Lesa. (Heb. 5:14) [Ukubelenga Baibolo ukwa cila mulungu; moneni w85-CW 6/15 ibu. 9 para. 7.]
3. Icishinka ca kuti Yehova “alenga akasuba kakwe ukutulila ababifi na basuma, no kuleke mfula ilokele abalungama na bashalungama” cilangilila ukuti mu mibombele yakwe yonse na bantunse, Yehova alitwalilila ukulangisha umulinganya. (Mat. 5:45) [w96-CW 11/15 ibu. 25 para. 7]
4. Yakobo kalemba wa Baibolo umo wine na Yakobo uwalandileko “abatumwa na bakalamba” ilyo balepingula umulandu wa fya kusembululwa. (Imil. 15:6, 13; Yako. 1:1) [si-CW ibu. 248 amapara. 2-3]
5. Nangu cingati 1 Petro 5:13 ilando kuti Petro ali mu Babele lintu alembele kalata wakwe uwa ntanshi, ubushininkisho bulangisho kuti Babele lishina lya manshoko ilipilibula Roma. [si-CW ibu. 252 para. 4]
6. Inumbwilo ya kuti “Mukanyakristu aleisa” iyaba pali 1 Yohane 2:18 ilosha ku muntu umo. [Ukubelenga Baibolo ukwa cila mulungu; moneni rs-CW ibu. 236 para. 4.]
7. Ikambisho pali 2 Yohane 10 ilya kukanapokelela abantu bamo mu ng’anda nelyo ukubaposha lilosha fye kuli bakatungilila ba fifundisho fya bufi. [Ukubelenga Baibolo ukwa cila mulungu; moneni w85-CW 7/15 ibu. 30 amapara. 1-3.]
8. Ibuuku lya Ukusokolola lyabikwa ku mpela ya Baibolo, pantu libuuku umutumwa Yohane alekelesheko ukulemba. [si-CW ibu. 263 para. 1]
9. Ukusokolola 13:11-15 mu kulungika kulangisha ifyo Ifyalo Fyakwatisha Amaka ifya Britain na Amerika fyaishileba katungilila mukalamba kabili kapeela wa bumi kuli League of Nations na kuli United Nations uwaishilepyana. [Ukubelenga Baibolo ukwa cila mulungu; moneni w88-CW 12/15 ibu. 19 para. 3.]
10. Apo Baibolo ilasuminisha ukunwo bwalwa, cili fye bwino ukunwa ubwalwa ukulingana ne myata ya cikaya ne fishilano. (Ilu. 104:15) [w96-CW 12/15 ibu. 27 para. 5]
Asukeni ifipusho fyakonkapo:
11. Cipilibula cinshi ukulanda ukuti kangalila tafwile ukuba ‘uupuma’? (Tito 1:7) [Ukubelenga Baibolo ukwa cila mulungu; moneni w90-CW 9/1 ibu. 27 para. 21.]
12. Lumbuleni imilandu ibili Yehova amwena ukuti ukupeela kwaba lubali lwa kupepa kwa cine. [w96-CW 11/1 ibu. 29 amapara. 3-6; ibu. 30 para. 3]
13. Cinshi Yesu apilibwile lintu atile, “Ilambo ne ca kuninika tamwafifwaile”? (Heb. 10:5) [Ukubelenga Baibolo ukwa cila mulungu; moneni w96-CW 7/1 ibu. 14 para. 3.]
14. Ni shani Abena Kristu ‘bengacimfya pano isonde’? (1 Yoh. 5:3, 4) [si-CW ibu. 258 para. 12]
15. Inumbwilo ya kwa Petro ‘ukufulukisho kwisa kwa Bushiku bwa kwa Lesa’ ipilibula cinshi? (2 Pet. 3:12) [Ukubelenga Baibolo ukwa cila mulungu; moneni w97-CW 9/1 ibu. 19 para. 2.]
16. Cinshi cabimbwamo mu busaka bwa ku mupashi, kabili ni shani ulupwa lwingacingililwa? (2 Kor. 7:1) [fy-CW ibu. 46 para. 14]
17. Ukulingana na Ukusokolola 1:7, abalashile Yesu bakamumona shani “aleisa na makumbi”? [Ukubelenga Baibolo ukwa cila mulungu; moneni w93-CW 5/1 ibu. 22 para. 7.]
18. Nangu cingati Yesu Kristu ashimikile Abena Israele imyaka itatu na hafu, mulandu nshi icinabwingi cishasuminine ukuti ni Mesia? [w96-CW 11/15 ibu. 29 amapara. 1, 6; ibu. 30 para. 3]
19. Pa Ukusokolola 13:1, 2, mulandu nshi cabela icalinga ukulangisha ubuteko bwa calo nge “ciswango”? [Ukubelenga Baibolo ukwa cila mulungu; moneni w89-CW 4/1 ibu. 20 para. 17.]
20. ‘Abakalamba 24’ abalembwa pa Ukusokolola 4:4 ni bani, kabili “ifilongwe” fyabo ne “fipuna” fitwibukisha cinshi? [Ukubelenga Baibolo ukwa cila mulungu; moneni w95-CW 7/1 ibu. 13 para. 17.]
Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo:
21. Umulume no mukashi bafwile ․․․․․․․․ ku munankwe, ukwibukisho kuti ․․․․․․․․ e wacindama ukucil ․․․․․․․․ mimonekele ya ku nse. [fy-CW ibu. 26 umukululo wa kupitulukamo]
22. Pa kubutuko lubilo ulwabikilwa ifwe, tulekabila ukufuula icifinine conse no ․․․․․․․․ ulwalambatila, e kutila ․․․․․․․․. [Ukubelenga Baibolo ukwa cila mulungu; moneni w98-CW 1/1 ibu. 10 para. 15.]
23. Pali 2 Petro 1:5-8, umutumwa Petro akoselesha ․․․․․․․․ pa kulundulula imibele ya bukapepa iingatucingilila ku kuba ․․․․․․․․ nelyo ․․․․․․․․. [si-CW ibu. 255 para. 9]
24. Lintu abalume na bakashi balelanshanya, ․․․․․․․․ na ․․․․․․․․ fyalicindama nga nshi. [fy-CW ibu. 36 para. 21]
25. Cifwile cali ni mu ․․․․․․․․ ilyo Kristu ashilabako e lintu abaYuda batendeke ukupokelela icisambilisho ca kuti ․․․․․․․․ ukufuma ku baGriki. [w96-CW 8/1 ibu. 6 amapara. 2-3]
Saleni icasuko calungama mu bulondoloshi bwakonkapo:
26. Lintu Paulo akakilwe umuku wa kubalilapo mu Roma, (Onesifore; Onesimu; Onani), umusha uwabutwike uwa kwa (Filipi; Feste; Filemone), alikutikeko lintu Paulo aleshimikila. [si-CW ibu. 241 para. 2]
27. (Ukutemwa; Umucinshi; Icileela) cipilibula “ukulangulukilako bambi, ukubalanga umucinshi.” [fy-CW ibu. 30 para. 7]
28. Pali Luka 14:28, Yesu alelanda pa lwa (kupekanishisha libela; kukanaonaula indalama; kukanakongola). [fy-CW ibu. 40 para. 4]
29. “Bukateka” bwalumbulwa pali Yuda 8 bupilibula (cifulo ca kwa Yesu; bumulopwe bwa kwa Yehova; ubulashi bwapeelwa na Lesa mu cilonganino ca Bwina Kristu). [si-CW ibu. 263 para. 9]
30. Pa Ukusokolola 11:11, “inshiku shitatu na hafu,” lintu abashalapo basubwa bamoneke nge fitumbi mu menso ya balwani babo, shilosha ku (myaka itatu na hafu; nshita inono fye; myeshi itatu na hafu). [Ukubelenga Baibolo ukwa cila mulungu; moneni re-CW ibu. 167 para. 21.]
Linganyeni amalembo yakonkapo ku bulondoloshi buli pe samba:
1 Kor. 6:9-11; Heb. 2:1; Heb. 10:32; Yako. 4:15; 1 Pet. 3:4
31. Pa kulwisha ukusonga kwa kukubanya twasansalikwako muli lino isonde, tufwile “ukwangwako kucila” ku Cebo ca kwa Lesa ukupitila mu kusambilila kusuma no kubelenga Baibolo lyonse. [Ukubelenga Baibolo ukwa cila mulungu; moneni w98-CW 1/1 ibu. 7 para. 9.]
32. Lyonse ilyo tukwete amapange, mu kubamo ipepo tulingile ukumona nga yaleumfwana ne mifwaile ya kwa Lesa. [Ukubelenga Baibolo ukwa cila mulungu; moneni w97-CW 11/15 ibu. 21 amapara. 10-11.]
33. “Umutima uwafuuka kabili uwatalala” uwa mukashi na nyina wa Bwina Kristu tautemuna fye umulume lelo mu kucindamisha ulatemuna Lesa. [Ukubelenga Baibolo ukwa cila mulungu; moneni w89-CW 5/15 ibu. 18 para. 12.]
34. Mu kukonka ica kumwenako ca kwa Yehova, wishi musuma alingile ukutukuta mu kulundulula ukwampana kwa kutemwa no mwana wakwe ukutendeka ku bucece. [fy-CW ibu. 53 para. 7]
35. Apantu Yesu tacitile akapaatulula mu kupaala abana abanono, abana baume tabalingile ukumonwa nga bacindama ukucila abana banakashi. [fy-CW ibu. 52 para. 4]