Ukulongana kwa Mulimo Ukwa mu March

Umulungu wa Kutampa March 1

Ulwimbo 33

8 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Bilisheni ukutantika kwa mulimo wa mwi bala pa bushiku bwa mwikalwe ubwa March 12.

17 min“Ukwibukishe Mfwa ya kwa Kristu Ukwa mu Calo Conse.” Ifipusho ne fyasuko. Sanshenimo ukulandapo ukufuma mu Ulupungu lwa kwa Kalinda ulwa February 1, 1997, amabula 11-12, amaparagrafu 10-14. Komaileni pa fintu ukutemwa kwa kwa Yehova ukukalamba kwamulengele ukutupeela icilubula.

20 min: Imilandu Iilepinda Ukuti Tukabombeko Bupainiya bwa Kwafwilisha mu April na May. Ilyashi no kulanshanya ne bumba lyonse ukutungululwa na kangalila wa mulimo, ukucincisha bonse ukutontonkanyapo sana pa kubombako bupainiya bwa kwafwilisha. Pitulukeni mu kucefyako kwa maawala ya bapainiya ba nshita yonse na ba kwafwilisha, ukufuma mu Ubutumikishi Bwesu Ubwa Bufumu ubwa January 1999, ibula 2. Uku kucefyako kwa maawala kulingile ukulenga abengi ukuipakishako ishuko lya mulimo wa nshita yonse. Londololeni ifyo ukutasha pe lambo lya kwa Kristu kutulenga ukobelwa mu kupilikita ukushimikilako bambi. (2 Kor. 5:14, 15) Uno mwaka Icibukisho cikaba pa bushiku fye bwa kubalilapo ubwa mu April. Mwandi kucincimusha kusuma kuli bakabilisha ba Bufumu bonse ukuipeelesha mu mweshi onse ukulundululako umulimo wabo uwa mwi bala! Pitulukeni mu fishinka fikalamba fimo fimo mu fya mu kati ifya Ubutumikishi Bwesu Ubwa Bufumu ubwa February 1997 na March 1998 ifyalelanda pali bupainiya bwa kwafwilisha. Landeni pa nshila umo engateulwilamo ukutantika kwapeelwe. Pitulukeni mu kutantika kwa pa mwenu ukwa mulimo wa mwi bala, ukupeelako ishuko likalamba ilya kubombako na bambi mu butumikishi. Koselesheni bakasabankanya ukupokako amaformu ya kwipushishapo bupainiya bwa kwafwilisha pa numa ya kulongana.

Ulwimbo 44 ne pepo lya kusondwelela.

Umulungu wa Kutampa March 8

Ulwimbo 52

10 min: Ukubilisha kwa pa mwenu. Lipoti wa ndalama.

20 min: “Balaalikeni Ukusangwako.” Ifipusho ne fyasuko. Komaileni pa kuti lyonse tukabila ukutungulula abalefwayo kwishibe cine ku kulongana. Kwateni icilangililo ica kulanshanya no ulefwaya ukwishibe cine, ukubomfye fyebo mu citabo ca Ukwishiba ibula 159, paragrafu 20 na mabula 162-3, amaparagrafu 5-8. Koselesheni bonse ukubombesha ku kwaafwa abasambi ba Baibolo na bambi abalefwaya ukwishibe cine ukusangwa ku Cibukisho pa April 1.

15 min: “Ifyo Aba mu Lupwa Bekatana pa Kuti Baisanshemo mu Kulongana kwa Cilonganino.” Ulupwa lwalanshanya. Ilyo balelanda pa fishinka fikalamba mu cipande, balanda ifyo bengapekanishisha ukulongana pamo ngo lupwa. Balanshanya inshila bengaafwaninamo ukwasukapo ne fyo bengacita pa kuti ulupwa lwilacelwa mu kulongana.

Ulwimbo 62 ne pepo lya kusondwelela.

Umulungu wa Kutampa March 15

Ulwimbo 56

5 min: Ukubilisha kwa pa mwenu.

15 min: “Ababomfi Batumikila Babomba Umulimo Wacindama.” Ilyashi no mubomfi utumikila uwafikapo. Landeni pa fishinka fikalamba ifya mu citabo ca Abateyanishiwa, amabula 57-9. Londololeni ifyo ababomfi batumikila babomfiwa pa cilonganino pa mwenu mu kwafwilisha.

25 min: Ipekanyeni Ukusangwa kwi Bungano lya Citungu Ilya 1999. Ukutungululwa na kalemba. Ifipusho ne fyasuko ukufuma mu ca mu kati icilelanda pa fyebo fya pe bungano. Nga fintu cilandilwe mu cipande, komaileni pa fishinte fya mu Malembo ifilanda pa mulandu cawamina ukukonka ukutungulula kwa Sosaite mu fye bungano. Tasheni bamunyina pa kumfwila ifya kutungulula fya Sosaite.

Ulwimbo 68 ne pepo lya kusondwelela.

Umulungu wa Kutampa March 22

Ulwimbo 162

10 min: Ukubilisha kwa pa mwenu. Bilisheni amashina ya bakabombako bupainiya bwa kwafwilisha mu April. Londololeni ukuti inshita e ko icili, kuti mwalemba formu no kuleta. Bilisheni ukutantika konse ukwa mulimo ukwa mu April. Koselesheni bonse ukukonka ukubelenga kwa Baibolo ukwatantikilwa Icibukisho ukufuma pa March 27 ukufika ku April 1, ukusangwa mu Ukubebeta Amalembo Cila Bushiku na pali Kalenda wa 1999.

15 min: Pekanishisheni Icibukisho. Ilyashi. Bonse balingile ukuiteyanya ukwafwilisha abasambi ba Baibolo na bambi abalesekelela ukusangwa ku Cibukisho. Abapya abalesangwako napamo te kuti beshibe abalingile ukulyako ku fimpashanya nelyo ubucindami bwa iyi nshita. Pitulukeni mu fyalandwa mu Ulupungu lwa kwa Kalinda ulwa April 1, 1996, amabula 6-8, no kulangisha ifyo twingaafwa umupya ukumfwikisha ubupilibulo bwa uku kusefya ne mifwaile ya kuko. Mu kusondwelela, landeni pa mukululo uleti “Ifya Kucinkulako Ifya Cibukisho” no kubilisha amapekanyo ya pa mwenu aya Cibukisho.

20 min: Cinshi Cicitika Nga Twafwa? Eluda alanda pa bucindami bwa uyu broshuwa na bakasabankanya bafikapo babili nelyo batatu na fintu engabomba. Twalishiba bwino ifyaba muli uyu broshuwa pa numa ya kumusambilila pe Sambililo lya Citabo pa Cilonganino. Bushe tulemubomfya bwino mu mulimo wa mwi bala? Balanshanya pa fyakonkapo: Mulandu nshi abantu abengi bafwaisha ukulanda pa lwa cicitika nga twafwa? Lisubilo nshi broshuwa apeela, ukupusanako ne fisambilisho fya kupepa kwa bufi? Kuti twabomfya shani ifipusho fya ku nkupo ya ku numa ku kubalamuna ubuseko? Mashuko nshi twingakwata aya kutambika uyu broshuwa? Langilileni ukushalika ukubomfya ilembo mu paragrafu 14 pe bula 27. Koselesheni bonse ukusalapuka ukubomfya bwino uyu broshuwa.

Ulwimbo 92 ne pepo lya kusondwelela.

Umulungu wa Kutampa March 29

Ulwimbo 111

12 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya March. Tukalatambika ukulembesha Ulupungu lwa kwa Kalinda mu April. Langisheni bamagazini bapya, landenipo ifipande fimo ifingalangishiwa, no kulumbula ifishinka fingemyo buseko. Bonse bafwile ukusenda na broshuwa wa Cintu Lesa Afwaya no kumubomfya ku kutampa amasambililo ya Baibolo na balefwaya ukwishibe cine.

15 min: Ukukabila kwa pa mwenu.

18 min: Cinshi Tufwile Ukucita Nga Twafundwa? Ilyashi kuli eluda. Ifwe bonse kuti twafundwapo pa lwa mibele yesu, imyendele, ukubishanya, nelyo pa lwa kubombako ifya cilonganino. Inshita shimo tuuminina fye pa kukaana ukufunda nelyo ukukalipa. Ukuitemenwa ukupokelela ukufunda no kukubomfya kuti kwatwaafwa nga nshi lwa ku mupashi. Landeni pa fishinka fyakatama ifikomaila pa mulandu tufwile ukupokelela ukufunda no kukutasha.—Moneni Ulupungu lwa kwa Kalinda ulwa April 1, 1987, amabula 27-30.

Ulwimbo 118 ne pepo lya kusondwelela