Ukulongana kwa Mulimo Ukwa mu April
Umulungu wa Kutampa April 5
Ulwimbo 55
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pa cipande icileti “Bushe Kuti Twatambika Icitabo ca Creator?” Laalikeni bonse abalefwaya ukusambilila icine ukusangwa ku lyashi lyaibela pa April 18. Ilyashi lileti “Bucibusa bwa Cine na Lesa na Banensu.”
15 min: “Shimikileni Imbila Nsuma mu Kucincila.” Intendekelo ya ici cipande tailingile ukucila pali miniti umo, konkanyenipo ukulanshanya ifipusho ne fyasuko. Sondweleleni no kukoselesha ukubomfya Icitabo ca Kutungulula Isukulu, amabula 191-2, amaparagrafu 12-13.
20 min: “Ifyo Aba mu Lupwa Bekatana Pa Kuti Babombeshe mu Butumikishi.” Ulupwa lwalanshanya nge bumba. Landeni pa mulandu bonse mu lupwa balingile ukumona umulimo wa mwi bala ngo mulimo uo bonse balingile ukubombako cila mulungu. Landeni pa lwa kukoselesha kwali mu Ulupungu lwa kwa Kalinda ulwa September 1, 1993, amabula 17-19, amaparagrafu 9-12. Lekeni abafyashi mwi bumba bashimike ifyo babomba bwino mu kuteyanya imibombele ya lupwa iya mulimo wa mwi bala cila mulungu.
Ulwimbo 67 ne pepo lya kusondwelela.
Umulungu wa Kutampa April 12
Ulwimbo 112
10 min: Ukubilisha kwa pa mwenu. Lipoti wa ndalama.
15 min: Ukukabila kwa pa mwenu.
20 min: “Ukuluminisha Umulimo wa Kushimikila Ilyo impela Ilepalamina.” Ifipusho ne fyasuko. Ipusheni kasabankanya umo nelyo babili abashabalile abelenganya ukuti bakabombako umulimo wa kushimikila lelo abashimikila lyonse pa mulandu wa kuti balitesekesha ukuti ukusabankanya ubukombe bwa Bufumu mulimo we pamfya. Nga kucili inshita, sanshenimo ifya kukumanya ifipi ifyaba muli 1997 Yearbook, amabula 42-8, ukulangilila ifyo bakasabankanya baaluminisha umulimo wa kushimikila pa kuya ukusangwa abantu.
Ulwimbo 93 ne pepo lya kusondwelela.
Umulungu wa Kutampa April 19
Ulwimbo 79
5 min: Ukubilisha kwa pa mwenu.
10 min: “Bushe Mwalilembesha Magazini Wenu Uwa Kushalika?” Kuti cawamisha ili lyashi ukulandwa na eluda nelyo umubomfi utumikila uubombela kuli bamagazini. Lekeni icilonganino cishibe bamagazini cipokelela cila mweshi na avareji wa mpendwa ya bamagazini bashalikwa. Tatufwile ukulatamba fye aba bamagazini. Tubululeni ifyo mwingaananya bamagazini ba kale. Koselesheni bonse ukukonka iyi mitubululo pa bushiku bwa mwikalwe ubwa pa May 1.—Moneni Ubutumikishi Bwesu Ubwa Bufumu ubwa July 1993, ibula 1.
30 min: “Bupainiya E Kubomfya Bwino Inshita Yesu!” Ifipusho ne fyasuko. Pekanyeni bakasabankanya batatu ukushimika ifya kukumanya fili mu maparagrafu 5 ukufika ku 7. Pa kusondwelela ebeni bonse abengafwaya ukwipusha umulimo wa bupainiya bwa kwafwilisha no bwa nshita yonse ukucite fyo. Pokeni amaformu ya kulombelapo bupainiya ku uli onse uwaba muli Komiti wa Mulimo uwa Cilonganino. Bebeni ukuti inshita e ko icili iya kutuma formu wa kuti mukabombe nga painiya wa kwafwilisha mu May.
Ulwimbo 165 ne pepo lya kusondwelela.
Umulungu wa Kutampa April 26
Ulwimbo 70
10 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya April. Bilisheni amashina ya bakabomba bupainiya bwa kwafwilisha mu May kabili koselesheni bambi ukulembesha. Landeni pa mitubululo imo iya kwaafwa pa kutambika bamagazini ba nomba na pa fyo mwingaafwa umo ukulembesha.—Moneni Ubutumikishi Bwesu Ubwa Bufumu ubwa October 1996, ibula 8.
17 min“Cinshi Mfwile Ukucita?” Pa numa ya kupituluka panono muli ici cipande ne bumba lyonse, langilileni umupungwe alelanda ku mufyashi wakwe pa lwa mapange yakwe aya ku ntanshi ilyo akapwisha isukulu lya ku sekondari. Uyu mupungwe no mufyashi wakwe bapituluka mu Ubutumikishi Bwesu Ubwa Bufumu, ubwa February 1999 ibula 4. Umufyashi amupanda amano ukulingana no kukoselesha kwapayanishiwe mu Ulupungu lwa kwa Kalinda ulwa February 1, 1996, ibula 14, no lwa December 1, 1996, amabula 17-19. Apo nomba amaawala ya bapainiya ayafwaikwa nayacefiwako, uyu mupungwe atontonkanya pa lwa kubombako bupainiya ilyo akapwisha isukulu.
18 min: Lanshanyeni na Bapainiya wa Kwafwilisha. Kangalila wa mulimo alanshanya na bakasabankanya bamo abalebomba bupainiya uno mweshi e lyo na bambi ababombapo ku numa. Lekeni bashimike amapaalo yamo ayo baipakisha, ifyo bapwishishisha, no mulandu balefwaila ukubombako bupainiya bwa kwafwilisha na kabili nangu fye umuku umo nelyo ibili cila mwaka.
Ulwimbo 69 ne pepo lya kusondwelela.