Ukulongana Kwa Mulimo Ukwa May
Umulungu wa Kutampa May 3
8 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ilyashi lya Teokrasi.
17 min“Sambilisheni Bambi Ukumwenamo.” Imitendekele tailingile ukucila pali miniti umo, kabili tendekeni ukulanshanya kwa fipusho ne fyasuko. Ukubomfye cipandwa 13 mu citabo ca Ukwishiba, langilileni ifyo abantu bamwenamo nga nshi ukupitila mu kusambilila, ukumfwikisha, no kubomfya ifishinte fya mu Baibolo.
20 min: “Inshila sha Kulundulwilamo Ubutumikishi Bwenu.” Baeluda babili balanshanya ici cipande pa kwasuka ifipusho ifileipushiwa na bapusanapusana abali mwi bumba. Kasabankanya umupungwe, abaupana babili, na munyina uwapoka penshoni baipusha pa lwa nshila bengalundulwilamo ubutumikishi bwabo. Balanshanya imitubululo iibomba iili muli ici cipande na mu cipandwa 9 mu citabo ca Abateyanishiwa, batontomesha pa mutwe wa kuti “Mabuyo Nshi Yobe aya ku Mupashi aya Nshita ya ku Ntanshi?” pa mabula 116-18. Bakasabankanya batasha pa fyebo fya kwafwa ifipayanishiwa na Sosaite ifilangilila ifya kupekanishisha ukulundulula umulimo ku ntanshi.
Ulwimbo 11 ne pepo lya kusondwelela.
Umulungu wa Kutampa May 10
Ulwimbo 15
8 min: Ukubilisha kwa pa mwenu. Lipoti wa ndalama.
12 min: Cinshi Mulepanga Ukucita mu Lusuba? Ulupwa lwalanda pa mapekanyo ya kusangwako kwi bungano, ukubombako bupainiya bwa kwafwilisha, ukuya pa cuti, no kukokoloka. Lwalanshanya pa fyo lwingapekanishisha ukushimikila kwa mu lyashi, kabili lwalangilila fintu lwingatendeka ukulanshanya no muntu. Lwakomaila pa kutwalilila ne sambililo lya pa lwabo ne lya lupwa, ukulasangwa ku kulongana kwa cilonganino lintu lwatandalila icifulo cimbi, no kutuma amalipoti ya mulimo wa mwi bala ku cilonganino kuntu lwafuma. Ulupwa lwaibukisha ifisuma ifyalucitikile lintu lwatandalile ifilonganino fimbi na fintu lwasekelele. Lwabebeta inshila sha kulangilamo icileela ku beni abesa mu cilonganino.
25 min: “Ukumona Ukulunduluka kwa Mulimo we Pamfya uwa Kupanga Abasambi.” Ifipusho ne fyasuko. Belengeni amaparagrafu 5, 10, na 11. Landeni pa fyo umulimo wa kusambilisha Baibolo ulelunduluka pa mwenu. Koselesheni bonse abaletungulula amasambililo ukubelenga na kabili ica mu kati mu Ubutumikishi Bwesu Ubwa Bufumu ubwa June 1996 pa kuti bengawamyako imisambilishishe yabo. Bebeteni amaparagrafu 5 na 25 aya ca mu kati cilya.
Ulwimbo 19 ne pepo lya kusondwelela.
Umulungu wa Kutampa May 17
Ulwimbo 27
10 min: Ukubilisha kwa pa mwenu. Bilisheni imitantikile yaibela iya mulimo wa mwi bala pa May 25.
15 min: “Pekanishisheni Libela!” Ilyashi ililelanda pa milimo ya teokrasi iyatantikwa pa mwenu mu myeshi yafulilako iyakonkapo. Koselesheni bonse ukulemba inshiku pali bakalenda wabo no kukanasuminisha ifintu fimbi ukupumfyanya.
20 min: “Ifyo Twingawamyako Imimbile Yesu pa Kulongana.” Ifipusho ne fyasuko.
Ulwimbo 29 ne pepo lya kusondwelela.
Umulungu wa Kutampa May 24
Ulwimbo 41
15 min: Ukubilisha kwa pa mwenu. Bushe Mulabebeta Amalembo Cila Bushiku? Ilyashi no kulanshanya ne bumba. Cila mwaka Sosaite ilapayanya akatabo ka Ukubebeta Amalembo Cila Bushiku. Bushe pa lwenu nelyo pamo ngo lupwa mulabomfya bwino ulu lupapulo? Londololeni imilandu isuma tulingile ukubebetela ilembo lya bushiku no bushiku. Lanshanyeni amashiwi ya kubangilila mu katabo ka Ukubebeta Amalembo Cila Bushiku—1999, amabula 3-4. Laalikeni bakasabankanya bashimike ifyo bena ne ndupwa shabo mu busumino batukuta ukulabebeta amalembo cila bushiku no kulandapo.
12 min: Umukululo wa Fipusho. Ilyashi ukulandwa na eluda.
18 min: Bushe Tulabombako Umulimo wa Kupaatukanya? Ilyashi lya kukoselesha ukulandwa na kangalila wa mulimo, ukufuma mu Ulupungu lwa kwa Kalinda ulwa July 1, 1997, amabula 30-1.
Ulwimbo 32 ne pepo lya kusondwelela.
Umulungu wa Kutampa May 31
Ulwimbo 43
15 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya May. Landeni pa mpapulo sha kutambika mu June. Pa kutambika icitabo ca Ukwishiba, kuti mwasanshako kope wa citabo ca kale ica mabula 192 icatuulama mu cilonganino. Langisheni icilangililo.
15 min: Ukukabila kwa pa mwenu.
15 min: Bushe Imipepele Yandi Yalilubana? Ukulanshanya kwa babomfi batumikila babili. Tulakumanya abantu abengi abafwaya icine kabili abakumbwa Inte sha kwa Yehova. Nangu cibe fyo, tabaleka ukuya ku calici bapepako. Cilabafya ukusumino kuti ni fwe twaba ne mipepele fye iya cine no kuti imipepele yabo ya bufi. Ici e cilenga ukuti belalunduluka lwa ku mupashi. Bamunyina balanda pa fishinka 6 ifili pe bula 185 mu citabo ca Ukupelulula, ifilangilila bwino ukuti imipepele imbi taikonka Baibolo. Koselesheni ibumba ukubomfya ifi fishinka ku kwafwilisha mu mucenjelo abafumaluka ukulingulula ifisumino fyabo.
Ulwimbo 50 ne pepo lya kusondwelela