Ukutantika kwa Kulongana kwa Mulimo
Umulungu wa Kutampa April 10
Ulwimbo 122
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Mwilaba ilyashi lyaibela ilikabako pa April 16, ilikwete umutwe wa kuti “Umulandu Abantunse Bakabila Icilubula.” Koselesheni bonse ukukonka ukubelenga Baibolo ukwa Cibukisho ukwatantikwa ukufuma pa April 14 ukufika ku 19, nga fintu kwaba mu Ukubebeta Amalembo Cila Bushiku—mu 2000. Pitulukeni mu “Ifya Kucinkulako pa lwa Cibukisho,” ifili pe bula 4 mu ca mu kati.
15 min: “Bushe Mulecitapo Cimo pa Kutemwa kwa kwa Kristu?” Imitendekele taifwile ukucila pali miniti umo, lyene konkanyenipo no kulanshanya kwa cipusho ne casuko. Sanshenimo ifishinka ukufuma mu Ulupungu lwa kwa Kalinda ulwa May 1, 1998, amabula 16-17, amaparagrafu 12-13. Koselesheni bonse ukubombesha na maka ku kulaalikako abantu ku Cibukisho.
20 min: “April—Inshita ya Kucincilile Milimo Isuma!” Ifipusho ne fyasuko. Ukulanshanya kwacincimuka pa lwa fyonse ifyo tulefwaya ukubomba mu April.
Ulwimbo 199 ne pepo lya kusondwelela.
Umulungu wa Kutampa April 17
Ulwimbo 25
13 min: Ukubilisha kwa pa mwenu. Lipoti wa ndalama. Kwashala fye impela sha mulungu shibili mu April, e co koselesheni bonse ukubombako mu butumikishi ilyo umweshi ushilapwa. Citeniko icilangililo icipi ica kushalika magazini ukubomfya abafuma nomba line. Mu cilangililo lekeni cumfwike ukuti impapulo tushiila fye abalefwaisha icine cine kabili abalefwaya ukushibelenga. Ilyo umuntu atila akabelenga ulupapulo nga mwamushiila, kuti mwatila: “Natwishiba muli no kumwenamo sana mu kubelenga ifi fyebo. Uno mulimo wafwilishiwa no bupe bwa kuitemenwa. Nga mulefwaya ukupeelako ubupe ubuli bonse ilelo ku kwafwilishako umulimo wesu, kuti twapokelela.” Ilyo mwine ng’anda asangwilako, kasabankanya alingile ukubika umusangulo muli enifulupu wa kubikamo. Iyo misangulo ilingile ukubikwa mu kabokoshi umo ifwile ukubikwa aka pa Ng’anda ya Bufumu aka mulimo wa Sosaite uwa mwi sonde lyonse. Apo tukafwaya ukwasuka abalefwaya ukuti tuciteko imyata ya pa Isita, kuti mwapituluka mu fyalondololwa mu citabo ca Ukupelulula, amabula 49-50.
16 min: “Bushe Mwalikwata Umutima wa Kuipeelesha?” Ifipusho ne fyasuko. Tukabila ukutantika bwino ifintu, ukutangishako ififwile ukutangilako. Cikabila ukuitendekelako no kuilama pa kukoselela mu kucita ifili no kulenga tumwenemo lwa ku mupashi. Londololeni ifyo twingasambililako ku fyo Yesu alecita.—Moneni Insight, Volyumu 2, ibula 68, amaparagrafu 3-5.
16 min: Ukukabila kwa pa mwenu.
Ulwimbo 71 ne pepo lya kusondwelela.
Umulungu wa Kutampa April 24
Ulwimbo 137
10 min: Ukubilisha kwa pa mwenu. Bilisheni impendwa ya basangilwe ku Cibukisho pa mwenu. Ipusheni ibumba ukushimika ifyalandile bamo abasangilwe ku Cibukisho umuku wa kubalilapo.
17 min: Afweni Abapya Ukulasangwa ku Kulongana. Ilyashi ukushimpwa pa citabo ca Ukwishiba, amabula 162-3, amaparagrafu 5-8. Pa numa ya kusambilila pa nshita, calikatama ukuti abapya batampe ukwisa ku kulongana. Calyafya sana pa kuti fye tubafwe ukutampa ukwisa. Cinshi mwingacita pa kubacincisha? Abaletungulula amasambililo balingile ukupoosako inshita ukupituluka na basambi babo muli ifi fyebo fya mu citabo ca Ukwishiba lyene ukupekanya amapekanyo yashintililwapo aya kubafwa ukwisailunda ku kupepa kwa cine.
18 min: “Bushe Ni Mwe Bakabila ba Bufumu aba Lyonse?” Ili lyashi lili no kulandwa na kalemba e lyo no kulanshanya ne bumba lyonse. Londololeni umulandu tucitila lipoti imibombele yesu iya mulimo wa mwi bala. (Moneni icitabo ca Abateyanishiwa, amabula 106-8.) Landeni pa mafya yamo ayabako nga ca kuti twafilwa ukutuma bwangu amalipoti. Ipusheni ibumba ukushimika ifyo bacita pa kuti bengatuma amalipoti yabo mu nshita. Londololeni ifyo bakatungulula ba Masambililo ya Citabo pa Cilonganino bengafwako. Kushele fye impela ya mulungu imo mu April, e co komaileni pa fyo cacindama ukuti bonse babombeko umulimo no kutuma amalipoti ya mulimo wabo pa mpela ya mweshi.
Ulwimbo 200 ne pepo lya kusondwelela.
Umulungu wa Kutampa May 1
Ulwimbo 213
10 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya April. Bakatungulula ba Masambililo ya Citabo pa Cilonganino balingile ukushininkisha ukuti bonse mwi bumba lyabo nabatuma amalipoti pa kuti yengakolonganikwa ilyo cilefika pa May 6.
20 min: “Bushe Mwalikatamika Impapulo Shesu?” Ilyashi lya kukoselesha. Sanshenimo paragrafu 7 uwa muli kalata wa Sosaite uwa pa October 1, 1999, uwa ku mabumba yonse aya baeluda. Sanshenimo no kuti umubomfi wa fitabo nelyo kampanya wa fitabo talingile ukuorda impapulo ukucisha mu cipimo ukufuma ku Sosaite. Ku ca kumwenako, icilonganino kuti pambi caorda ifitabo fya Abateyanishiwa ifingi ukucila impendwa ya bakasabankanya. Apo bakasabankanya balikwata kale ifi fitabo, bushe ifi fingi mwaorda nga fyaisa, bakafibomfya shani?
15 min: “Shininkisheni Ukuti Mwabwelelako!” Ukulanshanya ne bumba lyonse. Landeni pa milandu twingafililwa ukubwelelako. Londololeni umulandu ukulemba mu kulungika no kuitemenwa ukubwelelako fyabela ifyacindama. Tubululeni ukuti cilekabilwa ukulubulako inshita cila mulungu iya kuya ku fipempu fya kubwelelamo. Pitulukeni mu fyalandwa mu citabo ca Abateyanishiwa, amabula 88-9. Shimikeni ica kukumanya icaba muli 1995 Yearbook, ibula 45.—1 Kor. 3:6, 7.
Ulwimbo 68 ne pepo lya kusondwelela