Ukutantika Ukulongana kwa Mulimo

ISHIBENI UKUTI: Ukulongana kwa Mulimo ukwa milungu yonse iya mu myeshi ye bungano kukabamo mu Ubutumikishi Bwesu Ubwa Bufumu. Ifilonganino kuti fyateulula ukutantika pantu fifwile ukusangwa kwi Bungano lya Citungu ilya “Bakacita wa Cebo ca kwa Lesa.” Mu Kulongana kwa Mulimo ukwa kupelako ilyo fye mushilaya kwi bungano, mukeshe ukupaatulako amaminiti 15 aya kupituluka mu fishinka fya kufunda ifya mu ca mu kati ica Ubutumikishi Bwesu Ubwa Bufumu ubwa July 2000, amabula 3 na 4. Koselesheni bonse ukulalolesha pali programu cila lucelo na pa nshita ya kutuusha iya kasuba ilyo amalyashi yashilatendeka pa kuti bamone ifyo baleenekela ukumfwa. Nga bacite co, cikabangukila ukupoosa amano ku malyashi no kulembako ifyebo fimo ifinono lelo ifilimo ifishinka. Pa numa ya milungu ibili ukufika ku milungu ine, cilya ibungano lyapita, kukaba ukupituluka mu fishinka fikalamba ifye bungano ukwa maminiti 30 ukukatantikwa mu Kulongana kwa Mulimo. Pali yo nshita bonse bakaipekanye ukulandapo fimo pa lwe bungano ilyo baipushiwa na bamunyina batatu balya abafikapo abakebwa ukulanda aya malyashi. Nalimo kuti balanda pa fyo bakabombela pa cishinka cimo ico basambilile kwi bungano mu mikalile yabo nelyo ifyo bakacibomfya mu butumikishi. Ica kukumanya cimo nelyo fibili ifipi, ifyasalilwa libela kuti fyashimikwa. Ukupooseshako amano pa kupekanya e kukalenga uku Kulongana kwa Mulimo ukuwame cibi no kulanda pa fyebo fya kufunda.

Umulungu wa Kutampa August 14

Ulwimbo 114

12 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa April uwa calo conse no wa cilonganino cenu. Kwashala fye imilungu ibili ukuti uno mweshi upwe, kanshi koselesheni bonse ukubombako mu butumikishi ilyo umweshi ushilapwa. Landeni na pa fyo ukutantika kwa kufumina mwi bala kukaba pa mpela ya mulungu.

15 min: ‘Pilikiteni Ukupilikita Kusuma Ukwa Citetekelo.’ Ukulandapo kwenu ukwa kwiswila kwicila pali miniti umo, kabili tendekeni ukulanshanya kwa fipusho ne fyasuko. Fumyeni ifyebo fimbi mu citabo ca Abateyanishiwa, pa mabula 44 na 45, ifilanda pa fyo bakatungulula ba Masambililo ya Citabo pa Cilonganino bapekanya ukukumana kwa kufumina mu mulimo wa mwi bala no kupoosa amano ku balekabila ukwafwa pa kushimikila no kuti baletuma lipoti lyonse.

18 min: Imilimo ya Mubomfi wa Fitabo. Kangalila wa mulimo alanshanya no mubomfi wa fitabo, balanshanya pa milimo ifwile ukubombwa no mubomfi wa fitabo. (Moneni akatabo ka Mubomfi wa Fitabo akatila: “Akatabo Kalondolola Ifya Kuorda Impapulo sha Watch Tower,” S(d)-15a, ifiputulwa 2.2; 4.1; 4.4 ne fiputulwa 10.1 ukufika ku 10.3) Kuti cawama nga mwalanda na pa kukabila kwa pa mwenu pa lwa kuwamyako imipeelele ya fitabo ilyo ukulongana kushilatendeka na lintu kwapwa. Nga kucili inshita, pitulukeni na mu fishinka fikalamba ifya mu cipande ca kuti “Beni Abashilimuka pa Kutambika Impapulo Shesu” ica mu Ubutumikishi Bwesu Ubwa Bufumu ubwa January 2000.

Ulwimbo 127 ne pepo lya kusondwelela.

Umulungu wa Kutampa August 21

Ulwimbo 143

12 min: Ukubilisha kwa pa mwenu. Lipoti wa ndalama. Pekanyeni no kupitulukamo bwino sana mu cilangililo cimo ica mu mulimo wa mwi bala pa fya kwasuka icipusho ca kuti: “Mulandu nshi Lesa wa kutemwa engasuminishisha ukucula ukutwalilila pa nshita yalepa ifi?” (Moneni icitabo ca Ukupelulula, pe bula 312.) Pa kusondwelela ukulanshanya, mwine ng’anda nga asumina ukupoka ulupapulo, kuti cawama ukusosa ifyapale fi: “Umulimo wesu ubombwa mwi sonde lyonse kabili wafwilishiwa no bupe bwa kuitemenwa. Nga kuti mwatemwa ukupeelako ubupe, kuti napokelela ubupe bwenu.” Koselesheni bonse ukubombako mu butumikishi pa mpela ya uno mulungu.

8 min: “Programu wa Bushiku bwa Kulongana Kwaibela Ukupya.” Ilyashi. Bilisheni ubushiku bwa kulongana kwaibela nga namubwishiba no kukoselesha bonse ukusangwa ku malyashi yonse. Koselesheni bakasabankanya ukulaalika abapya abalefwaya ukusambilila na basambi ba Baibolo.

25 min: “Bushe Muleinonsha mwe Bene?” Ifipusho ne fyasuko.

Ulwimbo 152 ne pepo lya kusondwelela.

Umulungu wa Kutampa August 28

Ulwimbo 165

10 min: Ukubilisha kwa pa mwenu. Cinkuleniko bonse ukuleta amalipoti ya mulimo wa mwi bala aya August. Bakatungulula ba Masambililo ya Citabo pa Cilonganino bafwile ukushininkisha ukutila bonse ababa mwi bumba lyabo nabaleta amalipoti pa kuti yasanshiwe pamo ilyo September 6 ishilafika.

15 min: Ukukabila kwa pa mwenu.

20 min: “Ukulongana Kulanonsha Abacaice.” Eluda atungulula ukulanshanya kwa fipusho ne fyasuko. Ilyo mulelanshanya paragrafu 8, landeniko pa fishinka fimo fimo ifibomba bwino pa kuti umuntu alekutikisha no kupooseshako amano ku filelandwa pa kulongana. (Moneni Loleni! uwa October 8, 1998, amabula 23 na24.) Koselesheni abafyashi ukuti balekosapo fye lyonse pa kuti abana babo balesangwa lyonse ku kulongana.—Moneni ica kukumanya mu Ulupungu lwa kwa Kalinda ulwa September 1, 1997, pe bula 25.

Ulwimbo 176 ne pepo lya kusondwelela.

Umulungu wa Kutampa September 4

Ulwimbo 196

15 min: Ukubilisha kwa pa mwenu. Ipusheni bakasabankanya bamo bashimike ifyo bakumenye ilyo baleshimikila mu lyashi mu nshita ye bungano lya citungu, na pa kuya nelyo pa kubwela kwi bungano.

10 min: Tuleikala mu Nshita Yaibela. Ilyashi lyalandwa na eluda, ukufuma mu Ulupungu lwa kwa Kalinda ulwa November 15, 1996, amabula 22 na 23.

20 min: “Bushe Muleshipikisha?” Ilyashi no kulanshanya ne bumba lyonse. Koselesheni bonse ukutontonkanya pa fyo balebomba pa lwabo pali uyu mulandu wa kushipikisha mu butumikishi bwa Bwina Kristu. Nga ca kuti kwaba ukunenuka, tufwile ukuikosha lwa ku mupashi. Landeni na pa fyebo fimo mu Ulupungu lwa kwa Kalinda ulwa October 1, 1999, amabula 20 na 21, amaparagrafu 17-21. Ipusheni bakasabankanya babili nelyo batatu abashipikisha mu busumino pa myaka iingi balande ico balecita pali ino nshita pa kutwalilila ukushipikisha.

Ulwimbo 206 ne pepo lya kusondwelela