Ukutantika Ukulongana kwa Mulimo

Umulungu wa Kutampa October 9

Ulwimbo 11

8 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.

12 min: “Angweni ku Milimo ya Kusungusha Iya kwa Lesa.” Ukulandapo kwenu ukwa kwiswila kwicila pali miniti umo, kabili konkanyenipo ukulanshanya kwa fipusho ne fyasuko. Langisheni ifikope fimo fimo mu citabo cipya ifilelenga umuntu ukukatamika ukusesema kwa kwa Esaya.

25 min: “Bushe Iyi Myaka 1,000 Iipya, Finshi Imukwatile?” Ilyashi lyacincimuka ukulandwa na kangalila wa mulimo. Pa numa ya kubelenga ukubilisha kuli muli kalata wa Sosaite uwa pa July 3, 2000, uwatuminwe ku mabumba ya baeluda, peeleniko onse uusangilwe ku kulongana trakiti umo umo uwa Imbila ya Bufumu Na. 36. Lyena twalilileni ukulanshanya kwa fipusho ne fyasuko ukwa cipande. Londololeni ifyo mutantike pa mwenu pa kuti mukakumanishe ukubombela mu cifulo cenu conse. Tontonkanyeni pa fyo mwingaafwa abapya na bana ukufikapo ukuba bakasabankanya bashabatishiwa. Pekanyeniko icilangililo icipi. Komaileni pa kukabila kwa kuti bonse babombeko uyu kampeni.

Ulwimbo 53 ne pepo lya kusondwelela.

Umulungu wa Kutampa October 16

Ulwimbo 104

10 min: Ukubilisha kwa pa mwenu. Lipoti wa ndalama. Cinkuleniko bakasabankanya ukuti pa mpela ya milungu umulimo wa kushalika bamagazini ba Ulupungu lwa kwa Kalinda na Loleni! ukasanshamo no kushalika trakiti wa Imbila ya Bufumu Na. 36.

15 min: “Lekeni Imikalile Yesu Icindike Yehova—Ulubali 1.” Ilyashi ukulandwa na eluda. Landeni ukuti ifipande fimbi ifilelanda pa lyashi limo line fya kulabako mu Kulongana kwa Mulimo lyonse pa numa ya mweshi umo.

20 min: Bonse Kuti Twaba Nga Bapainiya. Katungulula we sambililo lya citabo na kaafwa wakwe balanshanya ifyebo fyaba mu Ulupungu lwa kwa Kalinda ulwa October 15, 1997, amabula 22-3. Landeni pa mulandu cingabela icisuma ukukwata bapainiya abengi mu cilonganino ne fyo bonse bengaibikilishako ukufika pali ubu buyo. Na kabili balanshanya pa nshila bengakoseleseshamo abalebomba bupainiya pali ino nshita ukutwalilila ne fyo bonse mu cilonganino bengalundako ukupimpila ubutumikishi.

Ulwimbo 131 ne pepo lya kusondwelela.

Umulungu wa Kutampa October 23

Ulwimbo 150

10 min: Ukubilisha kwa pa mwenu.

15 min: Ukukabila kwa pa mwenu.

20 min: Pekanishisheni Bwino Ukulongana. Ilyashi no kulanshanya ne bumba lyonse. Ifyo tumwenamo mu kulongana fyashintilila sana pa fyo tuibikilishako ukupekanishisha kwene. Lanshanyeni imitubululo ibomba iyaba mu Ulupungu lwa kwa Kalinda ulwa March 1, 1998, amabula 15-16, amaparagrafu 8-11.Ipusheni ibumba ukuti na lyo lilandeko pa fyo bacita no kusange nshita ya kupekanishishamo ukulongana bwino.

Ulwimbo 211 ne pepo lya kusondwelela.

Umulungu wa Kutampa October 30

Ulwimbo 167

10 min: Ukubilisha kwa pa mwenu. Cinkuleniko bakasabankanya ukutuma amalipoti ya mulimo wa mwi bala aya October.

17 min: Ifya Kukumanya pa lwa Kutambika Trakiti wa Imbila ya Bufumu Na. 36. Ipusheni bakasabankanya balekanalekana ukushimika ifya kukumanya fya kukoselesha pa fyo baipakishe ukufika pali ino nshita ukwananya trakiti wa Imbila ya Bufumu Na. 36. Ipusheni bapainiya ba nshita yonse na ba kwafwilisha ukulondolola ifyo bamwenenemo mu mibombele yaingilishiwako muli uyu kampeni na pe shuko bakwete ilya kubomba na bakasabankanya bapusanapusana abengi.

18 min: Ukuitasha Fwe Bene Nga Batumikishi ba kwa Lesa. Ababomfi batumikila babili balanshanya ukufunda kwa mu Malembo ukwalandilwepo mu Ulupungu lwa kwa Kalinda ulwa December 15, 1998, amabula 19-20. Balanda pa kukabila kwa kufika pa fifwaikwa kuli bene nga babomfi batumikila kabili bapituluka na mu fyo bengacita pa lwabo ku kulangilila ukuti balefikilisha imilimo yabo. Bamona ubucindami bwa kuba ifya kumwenako fisuma mu butumikishi bwa mwi bala kabili balanshanya ne nshila bengafwilamo baeluda ne fyo bengafwilishako bambi. Basuminishanya ukuti bafwile ukubombesha na maka yabo yonse ukwaafwa icilonganino ukutesekesha ipamfya lya nshita tuleikalamo no kubaafwa ukukula no kutunguluka lwa ku mupashi.

Ulwimbo 15 ne pepo lya kusondwelela.

Umulungu wa Kutampa November 6

Ulwimbo 198

15 min: Ukubilisha kwa pa mwenu. Landeni pa fyo umulimo wa kushalika trakiti wa Imbila ya Bufumu Na. 36 uleenda. Ebeni icilonganino apo cipeseshe ukubomba mu cifulo cenu ica kubombelamo ne cikakabilwa pa kuti mupwishishishe icifulo cenu ilyo cakulafika pa November 17.

20 min: Finshi Twasuminamo? Munyina abwelela ku muntu wamwipwishe ati, “Finshi Inte sha kwa Yehova basambilisha ifibalenga ukupusanako ne mipepele imbi?” Lanshanyeni ifishinka fisangwa mu mukululo pe bula 6 mu Ulupungu lwa kwa Kalinda ulwa October 1, 1998. Londololeni ifyo imipepele imbi isuulako nelyo ukukaana ifi fisambilisho fya kutendekelako ifya mu Baibolo pa kusalapo ukusambilisha ifisambilisho fya bantunse fye.

10 min: Ukwimba—Ulubali Lwacindama Ulwa Kupepa Kwesu. Katungulula we sambililo lya citabo alanshanya na bakasabankanya babili pa lwa mimbile yabo pa kulongana kwa cilonganino. Alimona ukuti imimbile yabo taiba iya mweo onse. Alanshanya na bo ifishinka fimo ukufuma mu Ulupungu lwa kwa Kalinda ulwa February 1, 1997, amabula 27-8. Bapituluka mu mashiwi ya lwimbo lumo ulukembwa pa kulongana kwe Sambililo lya Ulupungu lwa kwa Kalinda ulwa uno wine mulungu, ukulingana ne fyo catubululwa mu Ulupungu lwa kwa Kalinda ulwa July 1, 1999, ibula 20, paragrafu 12. Nga twapoosako amano ku kwimba, tulenga imitima yesu ukwanga ilyo tuletatakula Yehova no mutima wesu onse.

Ulwimbo 223 ne pepo lya kusondwelela.