Ukutantika Ukulongana kwa Mulimo
Umulungu wa Kutampa November 13
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
13 min: Umukululo wa Fipusho. Ilyashi kuli eluda.
22 min: “Ukulundulula Ubuseko Bwabalamwinwe na Trakiti ya Imbila ya Bufumu Na. 36.” Ukulanshanya kwa fipusho ne fyasuko ukwa maparagrafu 1 ukufika ku 5. Londololeni imitantikile ya pa mwenu iya kubombela mu ncende ishilabombelwamo. Pitulukeni mu mitendekele ya mu maparagrafu 7 na 8 pa lwa fipempu fya kubwelelamo, kabili citeni ifilangililo ku kulangilila imo na imo. Komaileni pa fyo cacindama ukubwelela ukwali ubuseko konse, no kwesha ukutampa amasambililo ya Baibolo. Pa kusondwelela lanshanyeni paragrafu 9 na malembo yaloshiweko.
Ulwimbo 63 ne pepo lya kusondwelela.
Umulungu wa Kutampa November 20
Ulwimbo 111
10 min: Ukubilisha kwa pa mwenu. Lipoti wa ndalama.
15 min: Ifya Kukumanya pa kushalika Imbila ya Bufumu Na. 36. Landenipo ifyo mwakumanishe ukubombela mu icifulo cenu conse. Bushe pali abali bonse mu cilonganino abafumine mu mulimo pa muku wa kubalilapo? Shimikeni ifisuma ifyo abene mayanda balelandapo. Bushe kwali bakasabankanya abatampile amasambililo ya Baibolo? Nga ni fyo, lekeni balondolole nelyo ukucita icilangililo ca fyo cali ilyo batampile. Cinkuleniko bonse ukulundulula ubuseko basangile.
20 min: “Twalilileni Ukushimikila!” Ilyashi no kulanshanya kwa kwipusha. Bamo balibishanya no kuteyanya kwa kwa Yehova ukufuma fye ku bwaice kabili balikoselela mu mulimo wa kushimikila. Balisangamo ubuseko mu kucite fyo pantu baba ne mibele isuma ukulola ku mulimo. (Moneni icitabo ca Ukwishiba, ibula 179, paragrafu 20, na Ulupungu lwa kwa Kalinda ulwa May 1, 1992, amabula 21-2, amaparagrafu 14-15.) Ipusheni kasabankanya uwabomba uyu mulimo pa myaka iingi ashimike icalenga akoselela mu mulimo wa kushimikila.
Ulwimbo 141 ne pepo lya kusondwelela.
Umulungu wa Kutampa November 27
Ulwimbo 153
10 min: Ukubilisha kwa pa mwenu. Cinkuleniko bakasabankanya bonse ukutuma amalipoti ya mulimo wa mwi bala aya November. Icitabo twakulatambika mu December citabo ca Ukwishiba.
20 min: Bomfyeni Bwino Icitabo ca Ukupelulula. Ukulanshanya kwa cipusho ne casuko ukufuma pa mabula 7 ukufika ku 8. Landeni pa fyo ici citabo calembelwe ku kutwafwa ukupekanya pa kutila tulebomba bwino sana mu butumikishi. Londololeni ifyo ici citabo cingabomfiwa mu bunte bwa pali lamya. Langilileni ifya kusanga ifyebo fingaafwa ukwasuka icipusho. Cincisheni bonse ukubeleshanya ne ci citabo no kulaenda na co lyonse fye mu cola ca mu bunte no kulacibomfya lyonse.
15 min: Nani Alingile Ukuba Ica Kumwenako Cenu? Wishi aletungulula isambililo lya lupwa no mwana umupungwe umo nelyo babili. Nomba line alimona ukuti ilingi line balanshanya fye pa fya ku calo pa mulandu wa kukonkelela ifibusa. Balanshanya ifishinka fikalamba mu citabo ca Abacaice, icipandwa 9. Aba bapungwe bamona ukuti mwaba ububi mu kucindikisha abalumbuka mu calo kabili basuminisha ukutila ukulumbuka kwa ku calo tapali ifyo kwaba ku Bena Kristu. Balanshanya pa bunonshi bwaba mu kukonka ica kumwenako ca bafyashi, baeluda, na bambi aba mibele isuma mu cilonganino, kabili maka maka ica kumwenako ca kwa Yesu Kristu.
Ulwimbo 175 ne pepo lya kusondwelela.
Umulungu wa Kutampa December 4
Ulwimbo 189
5 min: Ukubilisha kwa pa mwenu.
20 min: “Ukutasha pa Mpapulo Shesu.” Ukulanshanya kwa cipusho ne casuko. Sanshenimo icilangililo ca kwa kasabankanya aleshalika bamagazini. Mwine ng’anda atemwa ifyo aumfwa ne filandile magazini, kabili atila ali no kubelenga. Kasabankanya lyene atila: “Ndemona muli no kumwenamo nga fintu na bambi bamwenamo. Aba bamagazini balasabankanishiwa mwi sonde lyonse, kabili Ulupungu lwa kwa Kalinda lwaba mu ndimi 137. Uyu mulimo wafwilishiwa ne misangulo ya kuitemenwa. Tulapokelela ubupe bwa balefwaya ukwafwilishako uyu mulimo.”
20 min: “Icebo Icasoswa Apayene.” Ukulanshanya ne bumba lyonse ne filangililo. Abengi ilyo baleesha ukutendeka ukulanshanya baimona kwati tabafikapo, batontonkanya mu kuluba abati bakabila ukulamuka kwaibela pa kuti abantu bakutike. Londololeni ifyo ifwe bonse, pamo na bakasabankanya bapya na banono, twingatendeka ukulanshanya ukupitila mu kubomba fye kwalinga. Pitulukeni mu mitendekele itubulwilwe, ukukomaila pa tuntu twayanguka, kabili kwateni bakasabankanya babili nelyo batatu balangilile. Losheni ku Ubutumikishi Bwesu Ubwa Bufumu ubwa March 1998, ibula 8, umwaba imitendekele na imbi iingabomfiwa. Cincisheni bonse ukuba abaicetekela pa kuti bengasanga ubuseko bwalundwako mu butumikishi bwabo.
Ulwimbo 218 ne pepo lya kusondwelela