Ukubilisha

◼ Impapulo sha kutambika mu February: Life—How Did It Get Here? By Evolution or by Creation?, Ukusokolola—Akalume ka Kuko Kakalamba Nakapalama!, nelyo icitabo conse ica mabula 192 ico icilonganino cikwete. March: Ukwishiba Uko Kutungulula ku Mweo wa Muyayaya. Kukaba ukubombesha kwaibela ku kutendeka amasambililo ya Baibolo aya pa ng’anda. April na May: Bamagazini ba Ulupungu lwa kwa Kalinda na Loleni! Nga ca kuti abo mwabwelelako balefwaya icine, tambikeni icitabo ca Ukwishiba nelyo broshuwa wa Cintu Lesa Afwaya, pa kuti mutendeke amasambililo ya Baibolo.

◼ Ilyashi lya cintubwingi ilyaibela ilya mu nshita ya Cibukisho mu 2001 likalandwa pa Mulungu, April 1. Likaba no mutwe wa kuti: “Ni Bani Bengapusuka?” Autulaini akatumwa. Ifilonganino ifikaba no mulungu waibela, ukulongana kwa muputule, nelyo ubushiku bwa kulongana kwaibela, bena bakalanda ilyashi umulungu wa April 9. Takuli icilonganino icilingile ukulanda ilyashi lyaibela ilyo April 1, 2001 ishilafika.

◼ Mukwai ishibeni ukuti Icibukisho ca mu 2002 cikaba pali Cine, March 28, cilya akasuba kawa, te pali Cisano, March 22, nga filya calangililwa ku mpela ya Kalenda wa mu 2001. Fino twamwishibisha kabela cilolele mu kuti bamunyina baba mu filonganino ifingi ifibomfya Ing’anda ya Bufumu imo batendeke ukupekanya nelyo ukwipushaipusha ku bakwata ifikuulwa ifyo bengasefeshamo Icibukisho. Baeluda bafwile ukusuminishanya na bene bacikuulwa pa kuti takuli icimfulumfulu ku mulandu na bantu abalecita ifintu fimbi mu cikuulwa, pa kuti bakasefye Icibukisho mu mutende kabili mu muyano. Apo icibukisho calicindama sana, pa kusala kalanda, ibumba lya baeluda lifwile ukusala eluda uwafikapo sana, te kulalekaanina fye nelyo ukupeela munyina umo wine cila mwaka, kano fye nga kwaliba eluda wafikapo uwasubwa, e ufwile ukulanda ilyashi.

◼ Kangalila wa kutangilila nelyo umbi uo akasonta afwile ukupenduluka mu maakaunti ya cilonganino pa March 1 nelyo mu kwangufyanya pa numa. Ilyo mwapwa ukupendulukamo, bilisheni ku cilonganino pa numa ya kubelenga lipoti wa ndalama uukonkelepo.

◼ Kalemba na kangalila wa mulimo balingile ukupituluka mu mibombele ya bapainiya wa nshita yonse bonse. Nga ca kuti pali bapainiya abali no bwafya bwa kukumanisha amaawala yafwaikwa, baeluda balingile ukutantika ifya kubafwilisha. Pitulukeni mu makalata ya Sosaite aya cila mwaka aya S-201 no kubulamo imitubululo. Moneni na maparagrafu 12-20 mu ca mu kati ca Ubutumikishi Bwesu Ubwa Bufumu ubwa October 1986.

◼ Kalemba afwile ukushininkisha ukuti ababa muli Komiti wa Makuule uwa mu Citungu na baba mu mabumba ya makuule baishiba imibele ya bakasabankanya babatishiwa abatuma amaformu ya Kingdom Hall Volunteer Worker Questionnaire (S-82). Lintu imibele ya uyo uwaitemenwa ukubomba umulimo yayaluka, pamo nga ukukuuka nelyo ukusontwa ukuba umubomfi utumikila nelyo eluda, amaformu yambi yafwile ukulembwa no kutumwa. Nga ca kuti uwaitemenwa ukubomba umulimo atendeka ukubomfya akeyala kambi nelyo inambala ya foni, nelyo pali nomba taba ne mibele isuma mu cilonganino, baeluda bafwile bwangu bwangu ukulembela Komiti wa Makuule uwa mu Citungu.

◼ Amafunde ya kabungwe ka National Registration Regulations yatila bonse abena Zambia abali ne myaka 16, nelyo ukucilapo balingile ukuya kwi ofeshi lya National Registration Office ilyabela mupepi na kuntu bekalila pa kuti bakopwe akakope (national registration card.) Nabalealula ishina na bo bene bafwile ukuya mu kukopwa. Bonse abalingile ukuyakopwa bafwile ukuya bwangu, kabili balingile ukumona ici nge cintu ico Abena Kristu bafwile ukucita kuli bakateka bacilamo. Baeluda na bafyashi bakafwaya ukwibukisha ici no kucinkulako bamunyina na bankashi bacaice abapalama ku mushinku wa myaka 16.

◼ Ilyo bakasabankanya balebombela ku fifulo fishibombelwamo ilingi, kuti bashalika icitabo ca Ukwishiba nelyo broshuwa wa Cintu Lesa Afwaya. Kuti batambika icitabo icili conse nga ca kuti mwine ng’anda alikwata ifi fibili twacilumbula. Bonse bafwile ukwenda na matrakiti yalekanalekana aya kushiila abashisangwa pa mayanda nelyo balya bakaana ukupoka ifitabo fyesu. Mufwile ukupoosa amano ku kubwelela ku balefwaya icine, na kucilisha nga ca kuti ababombela kuli co cifulo ni bapainiya baibela nelyo ico cifulo nga capalamana ne cilonganino eyefilya.

◼ Impapulo Ishilipo:

Baibolo—Luchazi, Lubale

Angweniko ku Kusesema kwa kwa Daniele!—Cibemba

Ifipusho Abacaice Bepusha—Ifyasuko Fibomba—Cibemba, iciNgeleshi

◼ Kaseti Mupya uwa mu Cilimba Uulipo:

Kingdom Melodies, Volume 9