Ukutantika Ukulongana kwa Mulimo

ISHIBENI UKUTI: Ukulongana kwa Mulimo ukwa milungu yonse iya mu myeshi ye bungano kukatantikwa mu Ubutumikishi Bwesu Ubwa Bufumu. Ifilonganino kuti fyayalula ukutantika pa kuti fikasangwe kwi Bungano lya Citungu ilya “Bakasambilisha wa Cebo ca kwa Lesa.” Mu Kulongana kwa Mulimo ukwa kulekeleshako ilyo fye mushilaya kwi bungano, mukapaatuleko amaminiti 15 aya kupituluka mu fishinka fili mu ca mu kati ica buno Ubutumikishi Bwesu Ubwa Bufumu ifingabomba sana pa mwenu. Mu mweshi wa October, Ukulongana kwa Mulimo kumo ukutuntulu kukatantikwa ukwa kupituluka mu fishinka fikalamba ifye bungano. Pa kupekanya ukulanshanya kwa pali uko kulongana, ifwe bonse kuti twalembako ifishinka fisuma ilyo tuli pe bungano, pamo fye ne fishinka tulefwaya ukubomfya mu mikalile yesu na mu mulimo wa kushimikila. Lyena kuti twaipekanya ukulondolola ifyo twabombela pali fyo fishinka ukutula apo twafumina kwi bungano. Tukakuulana ukumfwa ifyo twamwenenemo mu mafundisho yasuma ayo twaumfwile.

Umulungu wa Kutampa July 9

Ulwimbo 31

8 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.

17 min“Inshita ya Mabungano ya Kwanga!” Ilyashi ukulandwa na eluda. Londololeni ico abantu ba kwa Yehova abalembwa mu Baibolo balebunganina ne co ukubungana kwacindamina na lelo line. Ilyo twabungana kulaba ukubishanya kwa kukoseleshanya ne ca kulya ca ku mupashi icisuma. Komaileni pa bucindami bwa kuti umuntu onse akasangweko inshiku shonse shitatu ishe bungano lya citungu.

20 min: “Bushe Kuti Mwayabombela Ukuli Ukukabila?”a Landeniko na pa fya kukumanya fya kukoselesha ifya pa mwenu ifya bakasabankanya ababombeleko ku fifulo fya kutali nelyo ifishibombelwamo ilingi.—Moneni icitabo ca Abateyanishiwa, amabula 112 na 113.

Ulwimbo 42 ne pepo lya kusondwelela.

Umulungu wa Kutampa July 16

Ulwimbo 10

10 min: Ukubilisha kwa pa mwenu. Lipoti wa ndalama.

15 min: Mwe Bacaice—Ishibeni Ubusuma no Bubi Bwingaba mu Ncito Mulesala. Wishi no mwana wakwe umupungwe umwaume nangu umwanakashi baya kuli eluda uwabelesha ifya ncito sha ku calo. Pa numa ya kutontonkanya pa lyashi lyali mu Ukulongana kwa Mulimo imilungu ibili iyapita ilyalelanda pa kusala incito, umupungwe aletontonkanya sana pa kutendeka umulimo wa bupainiya lelo aletwishika nga kuti akumanisha ukuisakamana lwa ku mubili. Eluda akomaila pa kuba pa kati ilyo tulepingula ica kucita pali uyu mulandu. (Ulupungu lwa kwa Kalinda ulwa September 1, 1999, ibula 11, paragrafu 13) Ca mano ukusambilila incito imo pa kuti umuntu aleisakamana mu fya ku mubili. Abengi balabomba fye bwino nga basambilila ubutukushi bumo ubwayanguka ica kuti tabapoosapo indalama ishingi sana, ne nshita ya kusambilila na yo taikula sana. (Ulupungu lwa kwa Kalinda ulwa February 1, 1996 ibula 14; Ifipusho Abacaice Bepusha, ibula 178) Balanshanya ifyebo fya muli Loleni! wa March 8, 1996, amabula 9-11, no kulanda pali fimo fimo ifyo umuntu engacita pa kusanga incito nelyo ukutendeka fye ukuibombela umwine.

20 min: ‘Umfweni no Kulundako Ukusambilila.’ Ilyashi no kulanshanya ne bumba lyonse. Londololeni ico twingalandila ukuti amafundisho tusambilila pe bungano lya citungu yaba ca kulya ca ku mupashi ico tukabila. Landeniko na pa bukulu bwa nshita ipooswapo no kubombesha kubako pa kupekanya programu wa musango yo. Ipusheniko na bali mwi bumba balandeko pa fyo umo umo engacita pa kuti amwenemo nga nshi muli programu na bambi na bo bacite cimo cine. Komaileni pa busuma bwingabako nga ca kutila bonse natwikala pa fipuna lyonse fye ilyo amalyashi yaletendeka.

Ulwimbo 52 ne pepo lya kusondwelela.

Umulungu wa Kutampa July 23

Ulwimbo 19

10 min: Ukubilisha kwa pa mwenu. Landeni pa Umukululo wa Fipusho.

15 min: “Citeni Icisuma E lyo Mukatashiwa!”b Londololeni icilenga abantu abengi ukututamba ilyo tulesangwa kwi bungano. Ukulandapo kusuma ukwa baletumona kuba bunte ku Bufumu, lelo ukulanda ifibi pali ifwe kuti kwalenga abantu batusuula. Lumbuleni ifintu fimo fimo ifyo tufwile ukucita pa kulanga ukuti twalikwata imibele ya Bwina Kristu ifili nga ukusakamana abantu banensu icine cine.

20 min: “Ipekanyeni Ukusambilila Ukusesema kwa kwa Esaya!”c Landeniko panono ifyo tukamwenamo mu kusambilila ibuuku lya kwa Esaya. (Moneni icipandwa 1, amaparagrafu 10-12, mu citabo ca Ukusesema kwa kwa Esaya 1.) Koselesheni bonse ukulasangwa lyonse kwi Sambililo lya Citabo Ilya pa Cilonganino.

Ulwimbo 53 ne pepo lya kusondwelela.

Umulungu wa Kutampa July 30

Ulwimbo 22

10 min: Ukubilisha kwa pa mwenu. Cinkuleniko bakasabankanya ukuleta amalipoti yabo aya mulimo wa mwi bala aya July.

20 min: Mwe Bacaice—Beni Abeluka pa Kusala Amasambililo Yenu. Eluda alanshanya na bafyashi bamo bamo na bana babo abapungwe pa masambililo yalundwako. Eluda atungulula ukulanshanya ifyebo mu Ulupungu lwa kwa Kalinda ulwa September 1, 1999, amabula 16-17, amaparagrafu 11-13, no kukomaila pa mulandu cingawamina ukuti umulimo wa nshita yonse waba e cacindama sana pa fyo bengatontonkanyapo. (Ulupungu lwa kwa Kalinda ulwa December 1, 1996, amabula 18 na 19, amaparagrafu 13-15) Lyene balanshanya ukufunda kwa muli Loleni! wa March 8, 1998, amabula 27 na 28, no kukomaila pa fyo ukwiluka kwingakabilwa pa kulingulula ubusuma no bubi bwa masambililo yalundwako ne fyo yengabomfiwa fye ku kusambilila incito ya kuti umuntu aleisungilamo ilyo ali uwapimpa mu mulimo wa kushimikila. Bonse basumina ukuti bakulatungululwa no kukonkomesha kwa kwa Yesu ukwa kufwaya Ubufumu intanshi.—Mat. 6:33.

15 min: Ukukabila kwa pa mwenu.

Ulwimbo 105 ne pepo lya kusondwelela.

Umulungu wa Kutampa August 6

Ulwimbo 25

15 min: Ukubilisha kwa pa mwenu. Ipusheni abali mwi bumba bashimike ificitika ilyo bamo baleshimikila ubunte bwa mu lyashi pa kuya kwi bungano, pa kuya ku kwangala, na lintu batandalila balupwa abashili Inte sha kwa Yehova.

10 min: “Programu Mupya Uwa Kulongana kwa Muputule.” Ilyashi. Bilisheni ubushiku bwa kulongana kwa muputule. Bonse bafwile ukupoosa amano ku kulaalika abasambi ba Baibolo ukuti bakasangweko. Koselesheni bakasabankanya abashabatishiwa ukutontonkanyapo sana pa kuipeela kuli Yehova ku kulongana kwa muputule ukukabako. Cincisheni bonse ukuti bakasangweko ulucelo ne cungulo inshiku shonse shibili.

20 min: “Mwilashimunuka!”d Nga mwakwata akashita, shimikeniko ne fya kukumanya fya mu Ulupungu lwa kwa Kalinda ulwa December 15, 1999, ibula 25.

Ulwimbo 63 ne pepo lya kusondwelela.

[Amafutunoti]