Ukutantika Ukulongana kwa Mulimo

Umulungu wa Kutampa October 8

Ulwimbo 109

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo fibili ifipi pa fya kushalika bamagazini, cimo pa fya kushalika Ulupungu lwa kwa Kalinda ulwa October 15, e lyo ica bubili pa fya kushalika Loleni! wa November 8.

35 min: “Bushe Mulecita Ifyo Mwasambilile kwi Bungano lya Citungu Ilya ‘Bakasambilisha wa Cebo ca kwa Lesa?’” Ukulanshanya ne bumba pa fyali kwi Bungano, ukutungululwa na katungulula we Sambililo lya Ulupungu lwa kwa Kalinda. Pa numa ya kulandapo amashiwi ya pa kutendeka muli miniti umo, peeleni amaminiti 10 ukufika kuli 12 ku kulanshanya ifyasambililwe ubushiku bumo bumo. Landeniko panono pa fishinka fikalamba ifili mu ka mutwe kamo kamo, lyena ebeni abali mwi bumba ukulanda (1) pa fyo baesha ukubomfya imitubululo, (2) pa fyo bamwenamo ilyo balecita ifyo, na (3) fimbi ifyo balemona ukuti balekabila ukucita. Ipusheni ifipusho fya kulenga abantu bakoseleshiwa ukucincimuka pa kulanshanya. Afweni bonse ukumfwikisha ubucindami bwa kubomfya ifyo basambilile.

Ulwimbo 151 ne pepo lya kusondwelela.

Umulungu wa Kutampa October 15

Ulwimbo 113

10 min: Ukubilisha kwa pa mwenu na Lipoti wa ndalama. E lyo landeniko na pali lipoti wa Mulimo uwa June: Uyu lipoti alelanga icipendo cipya ica bapainiya ba nshita yonse, ukufuma pa cipendo ca 9,489 mu April ukufika pali 9,700. Kabili tuli aba nsansa ukumweba icipendo cipya ica bakasabankanya bonse! Icipendo ca bakasabankanya bonse cili 121,903 ukufuma pali 121,601, e kutila bakasabankanya 302 e balundilweko ukutula mu April 2001.

15 min: Bushe Mwalikwata “Umutima wa Cumfwila”? (1 Isha. 3:9, NW) Ilyashi ukulandwa na eluda, ukufuma mu Ulupungu lwa kwa Kalinda ulwa July 15, 1998, amabula 29-31. Landeni inshila twingalangilamo icumfwila ilyo tulebomba ne cilonganino.

20 min: Bomfyeni Bwino Bamagazini Besu. Kangalila wa mulimo no mubomfi wa magazini balanshanya icilebasakamika pa lwa kushalika bamagazini mu ncende yabo. Balinganya impendwa ya bamagazini icilonganino cipokelela cila mweshi na bo cishalika. Bamagazini bamo nalimo batuulikwa fye nelyo ukupooswa. Bakasabankanya kuti babomfya shani bwino bamagazini besu? Bamunyinefwe balanshanya ifishinka 7 ifyali mu Kulongana kwa Mulimo ukwaleti “Mwilalabako Kuli Bamagazini!” mu mulungu wa October 4, 1999. Balanda pa ca kukumanya icali mu Ulupungu lwa kwa Kalinda ulwa February 15, 1998, pa mabula 28 na 29, kabili balandako ne nshila shimo isho bengabomfeshamo imitubululo mu ncende yabo. Bonse bakoseleshiwa ukwesha imitubululo iba mu Ubutumikishi Bwesu Ubwa Bufumu cila mweshi pa lwa kutambika bamagazini.

Ulwimbo 156 ne pepo lya kusondwelela.

Umulungu wa Kutampa October 22

Ulwimbo 120

10 min: Ukubilisha kwa pa mwenu. Ukubomfya imitubululo ili pe bula 8, citeniko ifilangililo fibili ifipi pa lwa kutambika bamagazini, ica kubalilapo bomfyeni Ulupungu lwa kwa Kalinda ulwa November 1 ne ca bubili bomfyeni Loleni! wa November 8.

10 min: Kuti Mwayasuka Shani? Landeniko panono pa mabula 186 ukufika ku 187 mu citabo ca Ukupelulula, apaba icasuko cine cine ku cipusho ca kuti, “Ni shani fintu Inte sha kwa Yehova bafika pa kulondolola kwabo kwa Baibolo?” Citeni icilangililo capekanishiwa bwino pa fya kwasuka ici cipusho ilyo mwacita icipempu ca kubwelelamo, lyena laalikeni mwine ng’anda ukusangwa ku kulongana kwa cilonganino.

25 min: “Isukulu lya Shibukeni ku Bantu ba kwa Lesa.” Ilyashi no kulanshanya ne bumba. Langeni ico ukwishiba ukulemba no kubelenga kutwafwila ukufishapo umulimo twapeelwa uwa kushimikila imbila nsuma no kulunduluka lwa ku mupashi. (Ulupungu lwa kwa Kalinda ulwa February 1, 1996, amabula 9-14) Landeni na pa fishinka 11 fili mu mukululo. Bilisheni inshita ne fifulo ukubela amakalasi ya shibukeni aya pa cilonganino cenu.

Ulwimbo 47 ne pepo lya kusondwelela.

Umulungu wa Kutampa October 29

Ulwimbo 164

12 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya October. Ulupapulo lwa kushalika mu November ni broshuwa wa Cintu Lesa Afwaya nelyo icitabo ca Ukwishiba. Citeniko ici cilangililo icipi: “Muli ino nshita indalama shafishe, abengi cilebakosela ukusanga umwakuliila. Bushe muletontonkanya amabuteko ya bantunse yakafumyapo ubu bwafya ukwabula akapaatulula? [Lekeni basuke] Nalimona ukuti ubu bulayo bwaba mu Baibolo bulakoselesha icine cine.” Belengeni Amalumbo 72:12-14. Lyena tambikeni broshuwa wa Cintu Lesa Afwaya nelyo icitabo ca Ukwishiba, landeniko na mashiwi yamo ayalingene ne co mulelandapo ukufuma mu lupapulo.

15 min: Ukukabila kwa pa mwenu.

18 min: “Bushe Mulalya Bwino lwa ku Mupashi?”a Ebeni ibumba ukulandapo na fimbi ifyali mu Ulupungu lwa kwa Kalinda ulwa April 15, 1997, amabula 28-31, ukulondolola umulandu tufwile ukubombesha pa kutwalilila ne miliile isuma iya ku mupashi na fintu twingacita ifyo.

Ulwimbo 181 ne pepo lya kusondwelela.

Umulungu wa Kutampa November 5

Ulwimbo 167

10 min: Ukubilisha kwa pa mwenu.

18 min: Ulupwa Lulepekanya Ukulongana. Wishi alanshanya no lupwa lwakwe pa fyo bonse bafwile ukupekanya pa kuti bengalayasukapo sana mu kulongana. Ukubomfya imitubululo yaba mu Ulupungu lwa kwa Kalinda ulwa July 1, 1999, amabula 19-20, paragrafu 9, bapekanya ifyasuko fya kuyalanda pe Sambililo lya uno mulungu ilya Ulupungu lwa kwa Kalinda. (1) Cila muntu mu lupwa asala icipusho cimo nelyo fibili ifya kuyalandapo. (2) Pa numa ya kupituluka mu maparagrafu basalile, bayasukila mu mashiwi yabo. (3) Basoobolamo amalembo yapeelwe ayaleumfwana sana ne cilelandwapo, kabili balanshanya ifyo ilembo limo limo lileumfwana no mutwe wa lyashi, kabili batontonkanya pa fyo bengalanda pa kuti bekatanye amalembo ku co balesambilila. Bonse balefwaisha ukwasukapo mu kulongana.

17 min: “Cinshi Tutungulwila Amasambililo ya Baibolo?”b Komaileni pa bucindami bwa kwafwa umusambi wa Baibolo ukumfwikisha ico cacindamina ukusangwa ku kulongana kwa cilonganino. Citeniko ne cilangililo capekanishiwa bwino pa fyo mwingacita ico, kabiyeni pa cipandwa 17, amaparagrafu 6-8, mu citabo ca Ukwishiba.

Ulwimbo 186 ne pepo lya kusondwelela.

[Amafutunoti]