Ukutantika Ukulongana kwa Mulimo

ICISHIBISHO: Ukulongana kwa Mulimo ukwa milungu yonse iya mu myeshi ya August na September kukatantikwa mu Ubutumikishi Bwesu Ubwa Bufumu. Ifilonganino kuti fyayalula ukutantika pa kuti fikasangwe kwi Bungano lya Citungu ilya “Bakabila ba Bufumu Abapimpa.” Mu Kulongana kwa Mulimo ukwa kulekeleshako ilyo fye mushilaya kwi bungano, nga calinga kuti mwapaatulako amaminiti 15 aya kupituluka mu kufunda kwacindama ukuli mu ca mu kati ica buno Ubutumikishi Bwesu Ubwa Bufumu ukwingabomba sana pa mwenu. Mu mweshi wa October, Ukulongana kwa Mulimo kumo ukutuntulu kukatantikwa ukwa kupituluka mu fishinka fikalamba ifye bungano. Pa kupekanya ukulanshanya kwa pali uko kulongana, ifwe bonse kuti twalembako ifishinka fisuma ilyo tuli pe bungano, pamo fye ne fishinka tulefwaya ukubomfya mu mikalile yesu na mu butumikishi bwa mwi bala. Lyena kuti twalondolola ifyo twabombela pali iyo mitubululo ukutula apo twafumina kwi bungano. Tukakuulana ukuumfwa ifyo twamwenenemo mu kufunda kusuma twaumfwile.

Umulungu wa Kutampa July 8

Ulwimbo 37

15 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo fibili pa fya kutambika Ulupungu lwa kwa Kalinda ulwa July 15 na Loleni! wa July-September. Mu cilangililo cimo na cimo, langeni inshila shapusana isha kwasukilamo umuntu uushilefwaya ukulanshanya ilyo atila “Pano tuli Bena Kristu Kale.”—Moneni icitabo ca Ukupelulula, ibula 19.

10 min: Umukululo wa Fipusho. Ilyashi ukulandwa na eluda, ukulanda pa fyebo fingabomba sana pa mwenu.

20 min: “Ukukoseleshanya Kwaibela.” Ilyashi. Cincisheni ukusangwa kwi bungano lya citungu no kutasha pali lyene. Konkomesheni bonse ukusangwa ku fiputulwa fyonse, ukufuma ulucelo pa bushiku bwa kubalilapo ukufika na ku cungulo, ubushiku bwa citatu.

Ulwimbo 115 ne pepo lya kusondwelela.

Umulungu wa Kutampa July 15

Ulwimbo 144

10 min: Ukubilisha kwa pa mwenu. Lipoti wa ndalama.

15 min: “Pe fye Mulecite Cisuma.”a Komaileni pa bucindami bwa kusambilisha abana ukucite cisuma. Komaileni pa fyo batucinkwileko mu paragrafu 4. Londololeni umulandu cacindamina bonse ukuba ne myendele isuma.

20 min: Imilandu Isuma iya Kubomfesha Baibolo mu Butumikishi Bwesu. Ilyashi no kulanshanya ne bumba lyonse. Yesu alishibe Amalembo kabili aleloshako libili libili lintu alesambilisha. (Luka 24:27, 44-47) Ifyo alesambilisha tafyali fyakwe. (Yoh. 7:16-18) Calicindama ukuti na ifwe tulebomfya Icebo ca kwa Lesa. Calikwata amaka ukucila ifili fyonse twingasosa. (Yoh. 12:49, 50; Heb. 4:12) Abafumaluka bacebushiwa ku cisansamushi ne subilo ifyaba mu Malembo. Imikeni ubuyo bwa kubelenga nangu ilembo limo ilyo mulelanshanya. Landeni ukuti amalembo nayasanshiwamo mu mitubululo ya fya kulanda pali bamagazini uno mweshi. Ebeni ibumba ukulandapo pa fyo babomfya Baibolo mu kulanshanya kwabo mu butumikishi ne fyo ici cabakuma ne fyo cakuma abo bashimikila.

Ulwimbo 215 ne pepo lya kusondwelela.

Umulungu wa Kutampa July 22

Ulwimbo 13

12 min: Ukubilisha kwa pa mwenu. Umufyashi no mwana abalebombela pamo mu mulimo balanga ifya kubomfya imitubululo ili pe bula 8 pa kutambika ba magazini ba August 1 na July-September. Umo kuti alangilila ifya kutambika Ulupungu lwa kwa Kalinda e lyo umbi kuti alangilila ifya kutambika Loleni! Koselesheni abafyashi ukukansha abana babo mu butumikishi pa kuti balelunduluka.

15 min: “Ikusheni Ukukabila Kwenu Ukwa ku Mupashi.” Ilyashi no kulanshanya ne bumba lyonse. Landeni pa milandu bonse balingile ukukutikisha kuli programu we bungano. Komaileni pa bucindami bwa kubomfya ifyo tusambilila ukucila fye ukuumfwa. Landeni pa cishibisho cili pa muulu pa lwa fitantikwe mu Kulongana kwa Mulimo ukwa mu October, lintu kukaba ukupituluka mu fishinka fikalamba ifye bungano lya cintungu. Koselesheni bonse ukulembako ifishinka. Ipusheniko abanono ukulandapo pa fyo banonkelemo muli programu wa uyu mwaka wapwile.

18 min: “Ukuba Abafuuke mu Mifwalile ne Misakwile.”b Ukulandwa na eluda, uukabelenga paragrafu umo na umo pa numa ya kulanshanyapo. Afweni bonse ukutesekesha umulandu cabela icacindama ukupoosako amano ku fyo tulemoneka ilyo tuli ku cintubwingi.

Ulwimbo 169 ne pepo lya kusondwelela.

Umulungu wa Kutampa July 29

Ulwimbo 54

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mu mulimo wa mwi bala aya July.

10 min: “Programu Mupya uwa Kulongana kwa Muputule.” Ilyashi. Bilisheni ubushiku bwa kulongana kwa muputule ukukakonkapo. Konkomesheni bonse ukusangwako no kukutikisha kuli programu. Koselesheni bakasabankanya bashabatishiwa ukutontonkanya pa lwa kufikapo ku kubatishiwa. Esheni na maka ukulaalika abasambi ba Baibolo.

25 min: “Beni Abaikatana.”c Ilyo mulelanshanya paragrafu 3, sanshenimo ifyebo fya muli Loleni! wa May 8, 2000, amabula 17-18. Mu paragrafu 4, sanshenimo ifyebo fya mu Ulupungu lwa kwa Kalinda ulwa April 1, 1995, amabula 16-17, amaparagrafu 4-6.

Ulwimbo 81 ne pepo lya kusondwelela.

Umulungu wa Kutampa August 5

Ulwimbo 38

10 min: Ukubilisha kwa pa mwenu.

20 min: “Ukulonganika Abantu ba mu Ndimi Shonse.”d Sanshenimo ifyebo fya mu Ulupungu lwa kwa Kalinda ulwa April 1, 2002, ibula 24. Nga filebomba pa mwenu, londololeni mu kwipifya pa filecitwa ku kwafwa abekala mu ncende mubombela abalanda indimi shimbi, kabili citeniko icilangililo mu paragrafu 4.

15 min: Ukukabila kwa pa mwenu.

Ulwimbo 184 ne pepo lya kusondwelela.

[Amafutunoti]