Ukutantika Ukulongana kwa Mulimo

Umulungu wa Kutampa January 13

Ulwimbo 69

10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Ukubomfya imitubululo ya kubalilapo ibili pe bula 4, citeni ifilangililo fibili pa kulanga ifya kutambika Ulupungu lwa kwa Kalinda ulwa January 15 na Loleni! wa January–March. Mu cilangililo cimo na cimo pali ifi, bamagazini bonse babili balingile ukutambikwa, nangu line ni magazini fye umo mulelandapo.

15 min: Ukunashiwa Ukwabula Icebo. Ilyashi no kulanshanya ne bumba. Imyendele isuma iya Bwina Kristu yaba bunte bwa maka. Yalenga abantu bamo abo abena mwabo bashasumina ukutendeka ukupepa Yehova. (1 Pet. 3:1, 2) Shimikeni ifyacitika ifisangwa mu Ulupungu lwa kwa Kalinda ulwa January 1, 1999, ibula 4, Ulupungu lwa kwa Kalinda ulwa October 1, 1995, amabula 10-11; ne citabo ca 1995 Yearbook, ibula 46. Teyanishisheni libela ukuti babili nelyo batatu bakalande pa fisuma bamona ifyafuma mu kukonka ukufunda kwa Baibolo pali uyu mulandu.

20 min: “Ukwikala Umwabela Ukuipeela Kwesu.”a Pa numa ya kulanshanya paragrafu 3, ipusheni mu kwipifya uwacaice nelyo umupungwe uwabatishiwa. Mesho nshi na matunko apitamo ukutula apo abatishiwilwa? Cinshi camwafwile ukucimfya aya mafya? Anonkelamo shani mu kuipeela kuli Yehova?

Ulwimbo 22 ne pepo lya kusondwelela.

Umulungu wa Kutampa January 20

Ulwimbo 44

8 min: Ukubilisha kwa pa mwenu. Lipoti wa ndalama.

15 min: Bushe Mulebebeta Amalembo Cila Bushiku? Ilyashi no kulanshanya ne bumba. Koselesheni bonse ukubomfya ulupapulo lwa Ukubebeta Amalembo Cila Bushiku—2003. Lanshanyeni ifyebo fyaba pa mutwe uleti intendekelo, pa mabuula 3-4. Landeni imitubululo ya fyo indupwa shingalanshanya ilembo capamo. Ku kulanga ubusuma bwaba mu kubebeta ilembo cila bushiku, landeni ifya kumwenako fibili nelyo fitatu ifya malembo ne fyebo fikalandwapo mu mweshi ukonkelepo. Citeniko icilangililo icipi ica balume na bakashi balebebetela capamo ilembo lya bushiku bwa lelo ne fyebo filandilwepo.

22 min: “Sambilisheni Bambi Ululimi Lwine Lwine.”b Pa numa ya kulanshanya paragrafu 6, ebeni kasabankanya wafikapo acite icilangililo pa fya kutendeka isambililo lya Baibolo pa mwinshi ilyo abwelelako, ukubomfya inshila imo pa mitubululo yaba pa ca mu kati ca Ubutumikishi Bwesu Ubwa Bufumu ubwa January 2002, ibula 4. Landeniko na pali paragrafu imo muli broshuwa wa Cintu Lesa Afwaya. Lekeni kasabankanya asondwelele pa kwipusha icipusho cili mu paragrafu ikonkelepo no kulaya ukuti akesayasuka ici cipusho ilyo akabwelelako. Koselesheni bonse ukumona nga ca kuti pa bo balanshanya nabo pali abengatemwa ukusambilila Baibolo muli iyi nshila.

Ulwimbo 68 ne pepo lya kusondwelela.

Umulungu wa Kutampa January 27

Ulwimbo 92

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala. Ukubomfya imitubululo ili pe bula 4, citeni ifilangililo fibili pa fya kutambika Ulupungu lwa kwa Kalinda ulwa February 1 na Loleni! wa January–March. Mu cilangililo cimo na cimo, kasabankanya asondwelele pa kupeela trakiti wa Bushe Kuti Mwatemwa Ukwishibilapo na Fimbi Pali Baibolo? kuli mwine ng’anda—uwakaana ukupoka bamagazini no wasumina. Mu kwipifya londololeni ifyo twingabwelela ku bo twashiilile bamagazini pamo na trakiti.—Moneni Ubutumikishi bwa Bufumu ubwa November 2001, ibu. 4, para. 10.

15 min: Ukukabila kwa pa mwenu.

20 min: Afweni Bambi Ukupalama Kuli Yehova. Ilyashi no kulanshanya ne bumba. Tukalatambika icitabo cipya mu February. Lanshanyeni ifyebo fya kuli bakabelenga pe bula 3, kabili londololeni fimo ifyaba muli ici citabo. Iciputulwa cimo na cimo pa fiputulwa fine cilondolola imibele ikalamba iya kwa Yehova. Mu ciputulwa cimo na cimo mwaba icipandwa cilanda pa fyo Yesu alangile iyi mibele ne cilanda pa fyo na ifwe twingacite co. Mwaba ifikope 17 ifikumana ibula lyonse ifya malyashi ya mu Baibolo. Umukululo wa “Amepusho ya Kutontonkanyapo” utwafwa ukumona imbali shimbi ishacindama isha ilyo lyashi. Pitulukeni mu mukululo uleti “Imitubululo pa fya Kushalika Icitabo ca Palameni Kuli Yehova,” kabili lekeni kasabankanya wafikapo acite icilangililo ukubomfya inshila imo pali iyi mitubululo.

Ulwimbo 124 ne pepo lya kusondwelela.

Umulungu wa Kutampa February 3

Ulwimbo 9

15 min: Ukubilisha kwa pa mwenu. Landeni pa Umukululo wa Fipusho. Koselesheni bakasabankanya ukubomfya formu wa Natubalondole uwa (S-43) ilyo bakumanya abantu abalanda ululimi lwa ku calo cimbi, nga fintu calondolwelwe muli kalata watuminwe ku filonganino fyonse uwa March 20, 2000. Kwena, iyi formu ilingile ukubomfiwa kuli uyu mulimo nangu ca kuti uyo muntu tasekelele mu bukombe bwa Bufumu.

12 min: Pashanyeni Icitetekelo Cabo. Ipusheni eluda uwabombela Yehova mu kuicefya kabili mu busumino pa myaka iingi. (Heb. 13:7) Asambilile shani icine? Fipindami nshi acimfishe pa kuti apokelele icine? Fintu nshi ifya ku mupashi ifiteyanishiwa ifyamwafwa ukulunduluka nelyo kukoselesha nshi kwamwafwa? Cinshi acitile pa kuti atinamine bukangalila mu cilonganino? (1 Tim. 3:1) Cinshi camwafwa ukukanalemenena kumo mu kubomba imilimo ya cilonganino ne ncito ya ku mubili no kusakamana ulupwa? (1 Tim. 5:8) Omfwa shani pali ili shuko lya kwafwa bambi mu cilonganino?

18 min: “Umulimo Ukabila Ukuiceefya.”c Ilyo mulelanshanya paragrafu 3, ipusheni ibumba ukulanda imitubululo pa fya kucita lintu umuntu tulefwaya ukushimikila atupumya nelyo alanda bubi bubi, afwaya ukuti tukansane, nelyo abubuka mu bukali. Ilyo mulelanshanya paragrafu 4, landeni na pa fyebo fya muli Insight, Volyumu 1, ibula 1160, paragrafu 3.

Ulwimbo 133 ne pepo lya kusondwelela.

[Amafutunoti]