Ukupitulukamo Kwe Sukulu Lya Butumikishi Ilya Bulesa

Ifipusho fyakonkapo fikapitulukwamo pa kanwa mwi Sukulu lya Butumikishi Ilya Bulesa mu mulungu wa kutampa uwa April 28, 2003. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa March 3 ukufika April 28, 2003. [Icishibisho: Apashili ica kuloshako, mufwile ukuisapikila pa kusanga ifyasuko.—Moneni icitabo ca Isukulu lya Butumikishi, amabu. 36-7.]

IMILANDILE

1. Finshi fingalenga ukukanalongoloka pa kulanda? [be ibu. 93]

2. Cine nelyo Bufi: Tatufwile kupemwina pantu kuti kwalenga abantu batampa ukutontonkanya pali fimbi no kubapeela ishuko lya kutucilima. Londololeni.

3. Bushe ukushimpa bwino amashiwi yapulilemo kwacindama shani kuli kalanda nelyo kabelenga wa pa cintubwingi? (Nehe. 8:8) [be ibu. 101]

4. Bushe kuti twacita shani pa kwishiba ukushimpa amashiwi bwino? [be amabu. 102-3]

5. Fishinka nshi ifikalamba ififwile ukukomailwapo ilyo tulebelenga mu kupongomoka mu lupapulo pe sambililo lya Baibolo nelyo pa kulongana kwa cilonganino? [be ibu. 105]

ILYASHI NA. 1

6. Cinshi abafyashi bengacita pa kukansha abana “ku kuleka bomfwe kabili ku kuleka basambilile” ku kulongana kwa Bwina Kristu? (Amala. 31:12) [be ibu. 16]

7. Bushe paradise wa ku mupashi cinshi? [w01 3/1 amabu. 8-10]

8. Amapinda 8:1-3 yalanga shani ukuti amano ya bulesa kuti yasangwa fye kuli bonse, kabili ukulingana na Abena Kolose 2:3, ni kwi yengasangwa? [w01 3/15 amabu. 25, 28]

9. Kuti twaishibisha shani ishina lya kwa Lesa? (Yoh. 17:6) [be amabu. 273-5]

10. Fyebo nshi ifyacindama abantu balekabila ukwishiba pa lwa “mbila nsuma ya bufumu”? (Mat. 24:14) [be amabu. 279-80]

UKUBELENGA BAIBOLO UKWA CILA MULUNGU

11. (a) Mu kutendeka kwa bukristu, “ica muselu” icalumbulwa pali Marko 13:14, cali ni cinshi? (b) Ni kuli cinshi ‘ukwiminina apo cishifwile ukwiminina’ kulosha?

12. Ni shani fintu Ilandwe lya kwa Luka lilangilila ukuti Yesu aali ni mpyani ya cifyalilwa ku cipuna ca bufumu bwa kwa Davidi? (Luka 3:23-38) [w92 10/1 ibu. 9 para. 3]

13. Cinshi Yesu alelandapo mu mashiwi yakwe ayalembwa pali Luka 12:2?

14. Mu cilangililo ca kwa Yesu ica ndalama yalubile, mulandu nshi ukwankulako kwa bamalaika kuli ukwaibela? (Luka 15:10) Bushe ica kumwenako cabo kuti catukuma shani?

15. Fipingo nshi fibili ifyalumbulwa pali Luka 22:29?