Ukubilisha

◼ Impapulo sha kutambika mu April na May: Tambikeni pale pale Ulupungu lwa kwa Kalinda na Loleni! Ilyo mulebwelela ku balefwaya ukusambilila, napamo abengaba ni balya basangwa ku Cibukisho nelyo ku kulongana kumbi lelo abashibishanya sana ne cilonganino, pooseni amano ku kushalika icitabo cipya ica Pepeni Lesa Wine Wine Eka. Ukubombesha kulekabilwa pa kutendeka isambililo lya Baibolo ilya pa ng’anda, maka maka nga ca kuti bamo balisambilila kale kale icitabo ca Ukwishiba na broshuwa wa Cintu Lesa Afwaya. June: Tambikeni icitabo ca Ukwishiba nelyo broshuwa wa Cintu Lesa Afwaya. Nga ca kuti abene mayanda nabakwata ishi mpapulo, bomfyeni broshuwa umbi uulingile uo ifilonganino fikwete. July na August: Broshuwa onse uwa mabula 32 pali uyu kuti abomfiwa: Bushe Ulingile Ukusumina Muli Bulesa Butatu?, Bushe Lesa mu Cituntulu Alatusakamana?, Cinshi Caba Imifwaile ya Bumi? Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Ipakishe Ubumi pe Sonde Kuli Pe na Pe!, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Kuti Mwaba Cibusa wa kwa Lesa!, na “Moneni! Ifintu Fyonse Nafilenge Fipya.”

◼ Ukutendeka mu April, amakardi ye bungano lya citungu aya 2003 yali no kutuminwa pamo ne mpapulo. Tamulekabila ukwipusha ukumutumina aya makardi. Ukulingana no bukulu bwa cila cilonganino, amakardi ya katumwa yakulaba 20 akapo kamo na kamo. Icilonganino nga cilekabila amakardi na yambi, kuti mwaipushisha pali Formu wa Kwipushishapo Impapulo uwa (S-14). Mufwile ukwipushisha bonse abalefwaya utumanikilo twa makardi mu cilonganino.

◼ Iofeshi lya musambo lilakabila ukukwata ifyebo fya nomba pa lwa keyala ne nambala ya telefoni ifya bakangalila ba kutangilila bonse na bakalemba. Nga kuliko ukwaluka pa nshita iili yonse, Komiti wa Mulimo uwa Cilonganino afwile ukwisushisha, ukusaina, no kutuma formu wa Ukwalula Akeyala ka kwa Kangalila wa Kutangilila na Kalemba (S-29) kwi ofeshi lya musambo mu kwangufyanya. Kabili uyu formu alingile ukutumwa nga ca kuti inambala ya telefoni muli iyo ncende yaalulwa.

◼ Kalemba wa pa cilonganino afwile ukumona ukuti amaformu ya Kwipushishapo Umulimo wa Bupainiya wa Nshita Yonse (S-205b) na ma formu ya Kwipushishapo Umulimo wa Bupainiya bwa Kwafwilisha (S-205b) e po yali. Aya maformu kuti yaordwa pali formu wa Kuordelapo Impapulo uwa (S-14). Kwateni amaformu yengapwisha umwaka. Pitulukeni mu maformu yonse aya kwipushishapo bupainiya bwa nshita yonse pa kushininkisha ukuti nayalembwapo fyonse. Nga ca kuti abaleipusha te kuti bebukishe ubushiku babatishiwe, kuti batunganya ubushiku no kusunga ubo bushiku.

◼ Lyonse ilyo mulepanga amateyanyo pa lwenu aya kuya ku kulongana kwa cilonganino, ukulongana kwa muputule, nelyo ibungano lya citungu mu calo cimbi, ukwipusha kwenu pa lwa nshiku, inshita, ne ncende kufwile ukutumwa kwi ofeshi linono ililolekesha pa mulimo muli ico calo. Akeyala ka maofeshi yanono kali pe bula lya kulekeleshako ilya Yearbook ya nomba.

◼ Kangalila wa kutangilila afwile ukwipusha kalemba pa lwa ifi fintu: Bushe kuli bakasabankanya abakukila ku cilonganino cimbi nomba line? Bushe ifyebo fyalitumwa kuli baeluda ba mu cilonganino cipya pa kuti aba bakasabankanya bengasengelwa no kwafwiwa na bamunyina baba kulya? Bushe kuli bakasabankanya abakukila mu cilonganino cenu nomba line? Bushe kalemba alilembeshenye na kalemba wa mu cilonganino cimbi uko bafuma? Bushe amakardi ya bukasabankanya yalitumwa?

◼ Ukutendeka na April 1, 2003, Ulupungu lwa kwa Kalinda lwakulabako mu filembo ifikalamba mu Cibemba.

◼ Ifisoselo: Kwi ofeshi lya musambo kuliko ifisoselo, kanshi ifilonganino fishakwata ifisoselo mu Mayanda yabo aya Bufumu kuti batulembela ukwipusha imitengo ne fibimbilwemo, tumeni amakalata yenu pali aka keyala: Watch Tower Society, Treasury Department, Box 33459, Lusaka 10101.

◼ Amakaseti yapya ayalipo:

Cindikeni Ubutungulushi bwa kwa Yehova (Icilangililo ca mu 2001; kaseti umo)—Icibemba