Ukutantika Ukulongana kwa Mulimo

ICISHIBISHO: Ifilonganino tafifwile ukutelula Ukulongana kwa Mulimo ukwa mulungu wa April 21 no kukutantika mu mulungu ubangilileko. Ifilonganino fyonse filingile ukusambilila ica mu kati icilelanda pe bungano pa bushiku butantikwe. Kalata wa CO April 1, 2003, uwa kupeelelwapo imilimo ya pe bungano afwile ukubikwa pa cipampa ca fyebo pa mpela ya Kulongana kwa Mulimo.

Umulungu wa Kutampa April 14

Ulwimbo 20

15 min: Ukubilisha kwa pa mwenu. Ukubilisha Kwasoobolwamo ukufuma mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo pale pale pa fya kushalika Ulupungu lwa kwa Kalinda ulwa April 15 na Awake! wa April-June. Mu cilangililo cimo na cimo, bonse bamagazini babili bafwile ukutambikilwa pamo, nangu line umo ulelandwapo.

10 min: Umukululo wa Fipusho. Ilyashi ukulandwa na eluda.

20 min: “Mulebalika nge Fyengelo.”a Sondweleleni ne lyashi lya maminiti ya sano ukufuma mu Ulupungu lwa kwa Kalinda ulwa June 1, 1997, amabula 14-15, amaparagrafu 8-13. Komaileni pa mulandu tushilingile ukufishila ubukombe bwa Bufumu.

Ulwimbo 134 ne pepo lya kusondwelela.

Umulungu wa Kutampa April 21

Ulwimbo 25

10 min: Ukubilisha kwa pa mwenu. Lipoti wa ndalama.

15 min: “Ibungano lya Citungu Ilya Nte sha kwa Yehova Ilya mu 2003 Ilileti “Peeleni Lesa Ubukata.”b (Amaparagrafu 1-7) Ukulandwa na kalemba wa pa cilonganino, ukutontomesha pa maparagrafu 3-7. Ilyo mushilalanda pa ca mukati, belengeni kalata wa CO April 1, 2003 uwa kupeelelwapo imilimo pe bungano. Ilyo mulelanda pali paragrafu 7, komaileni pa mulimo wa kwa kalemba uwa kwampanya ibungano ku fikumine cilonganino. Mu kucincimuka tasheni bonse pa kupanga amateyanyo ye bungano mu kwangufyanya.

20 min: “Cipokeleleni.”c Ipusheniko umo nelyo babili balandeko pa fyo balebomfya bwino ubushimbe bwabo ku kutwala ifya Bufumu ku ntanshi. Bebeni balande pa fyabaafwa ukusekelela mu mulimo wabo.

Ulwimbo 35 ne pepo lya kusondwelela.

Umulungu wa Kutampa April 28

Ulwimbo 51

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya April. Ukubomfya imitubululo ili pe bula 8, citeniko ifilangililo fibili pa fya kushalika Ulupungu lwa kwa Kalinda ulwa May 1 na Awake! wa April-June.

15 min: “Ibungano lya Citungu Ilya Nte sha kwa Yehova Ilya mu 2003 Ilileti “Peeleni Lesa Ubukata.” Kangalila wa kutangilila nelyo eluda umbi uwafikapo alanshanya ne bumba lyonse amaparagrafu 8-12 mu ca mukati. Belengeni amalembo na maparagrafu yalelanda pa ficitika mu ncende yenu nga ca kuti inshita ilemusuminisha. Komaileni pa mukululo uli pe bula 3 ne cishibisho cili pe bula 5.

20 min: “Ifipempu fya Kubwelelamo Fitungulula ku Masambililo ya Baibolo.”d Ukulandwa na eluda, ukubomfya ifipusho fipekanishiwe. Ebeni ibumba lyonse balandeko panono pa fya kukumanya fya mwi bala ifiletungilila ifishinka filelandwapo. Pa kulanshanya paragrafu 5, citeniko icilangililo pa fyacitike mu ncende mushimikila apo ne sambililo lya Baibolo lyatendekwe.

Ulwimbo 89 ne pepo lya kusondwelela.

Umulungu wa Kutampa May 5

Ulwimbo 120

10 min: Ukubilisha kwa pa mwenu. Mu kwipifya pitulukeni mu mitubululo yali mu Ubutumikishi Bwesu Ubwa Bufumu ubwa April 2002, ibula 2, pa mutwe waleti “Ukupangila Libela” uwali mu Kutantika kwa Kulongana kwa Mulimo mu mulungu wa May 6.

20 min: Ipakisheni Ukubelenga 2003 Yearbook. Umulume no mukashi balelanshanya. Umulume alondolola ukuti Yearbook yatampile ukulembwa nge citabo mu 1927 kabili pa myaka ukucila 70, ilakwata na lipoti wa calo conse uwa Nte sha kwa Yehova. Bonse pamo balanshanya ifishinka fikalamba ifili muli lipoti. Bakoselesha indupwa ukubelenga icitabo conse panono panono umwaka onse. Kabili batubulula ne nshila icitabo cingabomfiwa ku kulanga abapya ku kuteyanya kwa kwa Yehova no kubakoselesha ukusangwa ku kulongana. (Teyanishisheni libela ukuti abanono bakashimike amalipoti ne fya kukumanya ifyo maka maka basangile ukuti filakoselesha no kukosha icitetekelo.) Nga ca kuti tapali Yearbook, bomfyeni aya maminiti 15 ku kukabila kwa pa mwenu.

15 min: Ica Kuumfwa Cisuma—Mulandu wa Kusaminwapo. (Amapi. 15:30) Ukulanshanya ne bumba lyonse ukulanga ifyo icilonganino capwishishishe pa mulandu wa kubombesha kwaliko mu myeshi ya March na April. Ebeni aba mu cilonganino bashimike ifya kukumanya fya kukoselesha ifyo bakumenye ilyo balecita ifi: (1) baleyafwa uwa kusekelela ukuti akasangwe ku Cibukisho, (2) ukubombako umulimo wa bupainiya bwa kwafwilisha, (3) ukukoselesha kasabankanya wanaka ukutendeka ukubombela pamo ne cilonganino, (4) ukwafwa umupya ukutendeka ukushimikila pa cintubwingi, no (5) kulundulula ukufwaisha kwa balya basangilwe ku Cibukisho. Ebeleni libela bamo bakeselandako pali ifi fimo. Tasheni, kabili koselesheni bonse ukutwalilila ukubomba ifi fine na ku ntanshi.

Ulwimbo 126 ne pepo lya kusondwelela.

[Amafutunoti]