Ukubilisha

◼ Ulupapulo lwa kutambika mu December: Umuntu Wakulisha Uwabalile Abako Uwa Mweo. Nga tamukwete, kuti mwatambika Icaba Inkaama ku Nsansa sha Lupwa, Icitabo Candi ca Malyashi ya mu Baibolo, Baibolo—Cebo ca kwa Lesa Nelyo ca Muntu?, nelyo Kuti Waikala Kuli Pe na pe muli Paradise Pe Sonde. January: Icitabo icili conse icasabankanishiwe pa ntanshi ya 1988 ico icilonganino cikwete. Nga tamukwete ifili fyonse, mukwai fwailisheni mu filonganino fyaba mupepi nga nabakwata impapulo sha kale ishicilile pa sho bengakabila ukubomfya. Ifilonganino fishakwata ifitabo fya kale kuti fyashalika Ukusapika Lesa Ukwa Mutundu wa Muntu. February: Palameni Kuli Yehova. Nga tamukwete ci citabo kuti mwatambika Ukusokolola—Akalume ka Kuko Kakalamba Nakapalama. March: Ukwishiba Uko Kutungulula ku Mweo wa Muyayaya. Kukaba ukubombesha kwa kutampa amasambililo ya Baibolo. Nga ca kuti abantu balikwata kale ulu lupapulo, kuti mwashalika Angweniko ku Kusesema kwa kwa Daniele!

◼ Tulecinkulako bamunyina babombela ku ndalama sha cilonganino ukuti imisangulo ibikwa mu tubokoshi twa Mulimo wa mwi Sonde Lyonse no Musangulo wa Ng’anda ya Bufumu ilingile ukutumwa cila mweshi kabili tailingile ukubomfiwa ku kubwesha loni wa Ng’anda ya Bufumu nelyo ku fipooswa ifili fyonse fimbi ifya cilonganino.

◼ Mukwai ishibeni ukuti Icibukisho ca mu mwaka wa 2005 cikabako pali Cine, pa March 24, cilya akasuba kawa. Twamwishibisha bwangu pa kuti mucite amapekanyo yalekabilwa ukukuma ku kwashima ifikuulwa nga ca kuti kwaba ifilonganino ifingi ifibomfya Ing’anda ya Bufumu. Nga ni fyo, baeluda balingile ukulanshanya na bene ba cikuulwa ukushininkisha ukuti takwakabe ukupumfyanya muli co cikuulwa pa kuti ukusefya kwa Cibukisho kukacitwe mu mutende kabili mu muyano. Pa mulandu wa kucindama kwa iyi nshita, ibumba lya baeluda lilingile umo pali bakalanda bafikapo sana ukulanda ilyashi lya Cibukisho ukucila ukulalekanina fye nelyo ukubomfya munyina umo na umo cila mwaka. Nga kuli eluda wafikapo uwasubwa uwingalanda ilyashi, kuti mwamupeela.

◼ Ukufuma mu mulungu wa kutampa March 15, 2004, ukuyafika mu mulungu wa kutampa May 16, 2005, icitabo ca Palameni Kuli Yehova e co tukalasambilila pe Sambililo lya Citabo pa Cilonganino. Ifilonganino filekabila ici citabo mu filembo ifikulu balingile ukutuma amaorda yabo bwangu bwangu.

◼ Impapulo Shipya Ishilipo:

‘Moneni Icalo Cisuma’—mu Chichewa, mu Chitonga