Ukutantika Ukulongana kwa Mulimo

Umulungu wa Kutampa October 11

Ulwimbo 219

10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Koselesheni bonse ukubomfya amepusho yali pe bula 1 no kupituluka mu fyebo balembele ilyo balepekanishisha ilyashi lya kulanshanya ne bumba lyonse ilya mulungu ukonkelepo. Ili lyashi lya mu Kulongana kwa Mulimo likapituluka mu malyashi ya pa Kulongana kwa Citungu ukwa mutwe wa kuti “Endeni na Lesa.” Bomfyeni imitubululo ili pe bula 8 (nga nailinga ku ncende yenu) ku kulangilila ifya kushalika Ulupungu lwa kwa Kalinda ulwa October 15 na Loleni! wa October–December. Koselesheni bakasabankanya ukubelenga ilembo nangu limo pa kushalika magazini. Lelo kwena kuti mwabomfya imitubululo iyo mwe bene mulemona ukuti e ingabomba bwino.

15 min: Bekelweni mu Kwafwa Bambi. (Yoh. 4:34) Ukwipusha. Cilawama nga nshi ukumone fyo umuntu alefwaisha ukusambilila icine mu Cebo ca kwa Lesa. (w94 3/1 ibu. 29 amapara. 6-7) Ipusheni bakasabankanya nelyo bapainiya babili nangu batatu abafikapo ukubomfya Baibolo mu mulimo na mu kutampa amasambililo ya Baibolo. Balundulula shani ukufwaisha kwa bantu ukwa kusambilila? Ni nsansa nshi bakwata ilyo bacite fyo? Lekeni bacite icilangililo nangu bashimike ifyo bakumanya mu mulimo.

20 min: “Kampeni Waibela uwa Kwananya Broshuwa Mupya.”a Ukulandwa na kangalila wa mulimo. Citeni ifilangililo ukubomfya imitubululo ipeelwe. Cimo ica ifi filangilio, mwine ng’anda tapooseleko amano sana ku bukombe e co apeelwa fye trakiti ukucila ukumupeela broshuwa. Ifyebo fyalundwako ukulosha kuli kampeni waibela filesangwa muli kalata uwatumwa kuli baeluda ukufuma kwi ofesi lya musambo.

Ulwimbo 69 ne pepo lya kusondwelela.

Umulungu wa Kutampa October 18

Ulwimbo127

5 min: Ukubilisha kwa pa mwenu. Mu kwipifya lanshanyeni pa mapekanyo ya kampeni waibela uwa kwananya broshuwa mupya.

40 min: “Ibungano lya Citungu Lyatucincisha Ukwenda na Lesa.” Ukulandwa na eluda. Amashiwi ya kwiswila tayafwile ukucila pali miniti umo. Lanshanyeni ne bumba lyonse programu wa pa kulongana kwa citungu ukubomfya ifipusho fili mu cipande. Akanyeni nshita bwino pa kuti ifipusho fyonse fyasukwe bwino bwino, nalimo kuti mulesuminisha fye umuntu umo ukulanda pa fipusho fimo. Te malembo yonse ayashambwilwe ayengabelengwa mu nshita mupeelwe; lelo ya kumwafwa fye ukusanga ifyasuko. Ifyasuko filingile ukukomaila pa bunonshi bwa kubomfya ifyo twasambilile.

Ulwimbo 165 ne pepo lya kusondwelela.

Umulungu wa Kutampa October 25

Ulwimbo 56

10 min: Ukubilisha kwa pa mwenu. Lipoti wa ndalama. Citeni icilangililo pa fya kushalika broshuwa mupya ukubomfya imitubululo iilebomba bwino sana mu ncende yenu. Nge nshita yashalako, shimikeni ifya kukumanya musangile muli kampeni waibela.

15 min: Ukukabila kwa pa mwenu.

20 min: Peeleni Ubushininkisho bwa Kuti Baibolo Cebo ca kwa Lesa. Ukulanshanya ne bumba lyonse ukushimpwa pa citabo ca Nonkelenimo, amabula 256-7. Kuti twabomfya shani ifishinka fimbi ifishili fya mu Baibolo ku kwafwa bantu ukuumfwikisha ubusuma bwa Malembo? Ipusheni ibumba ifi fipusho: Filangililo nshi mwingabomfya ifya bubumbo bonse ubumoneka ku kushininkisho kuti Kabumba e ko aba? (rs amabu. 252-3) Kuti twabomfya shani ifyebo fyalanda bantu basoma sana na bacenjela pa kuti twafwe bambi ukushininkisha ukuti Baibolo Cebo ca kwa Lesa icine cine? (rs amabu. 66-8) Cilangililo nshi twingabomfya ku kwafwa bambi ukuumfwikisha umulandu Lesa asuminishisha ububifi? (rs ibu. 229) Fya kukumanya nshi nangu ifya kumwenako mwabomfya ku kwafwa bambi ukucindamika amano yaba mu kukonka ukufunda kwa Baibolo?

Ulwimbo 62 ne pepo lya kusondwelela.

Umulungu wa Kutampa November 1

Ulwimbo15

10 min: Ukubilisha kwa pa mwenu. Cinkuleniko bonse ukutuma lipoti wabo uwa mulimo wa mwi bala.

20 min: Ifya Kwafwa Abalanda Ululimi Lumbi. Ilyashi no kulanshanya ne bumba lyonse ukushimpwa pa mashiwi ya kutendekelako mu katabo ka Good News for People of All Nations (Imbila Nsuma ku ba Nko Shonse). Londololeni imbali ishili muli aka katabo. Landeni pa fya kucita fitatu pa kwafwa abalelanda ululimi lumbi ulo tushileumfwa. Sanshenimo ne fyali mu Ubutumikishi Bwesu Ubwa Bufumu ubwa July 2003, ibula 4. Londololeni no kuti formu wa Twapaapaata Fwayeni Uyu Muntu (S-43) ifwile ukwisushiwa nangu ca kutila umuntu alemoneka ukukanapoosako amano ku bukombe bwa Bufumu. Citeni ne cilangililo cimo pa fya kubomfya akatabo kapya.

15 min: Ifya kukumanya fya pa mwenu. Ebeni ibumba ukushimika ifya kukumanya basangile ukufika pali ino nshita muli kampeni waibela uwa kwananya broshuwa mupya. Pekanishisheni libela ukucita ifilangililo ifishimpilwe pa fya kukumanya fya mu butumikishi. Nga ca kutila amabroshuwa icilonganino cikwete nayacepa, bilisheni ukuti bakasabankanya abakwete amabroshuwa ayengi babwesheko yamo ku kaunta wa fitabo.

Ulwimbo 175 ne pepo lya kusondwelela.

[Futunoti]