Afweni Bonse Ukwishiba Ukubelenga no Kulemba

Yesu apeele Abena Kristu bonse umulimo wa ‘kulenga aba nko shonse ukuba abasambi, ukubasambilisha ukubaka fyonse ifyo abebele.’ (Mat. 28:19, 20) Pa kuti tusambilishe bambi, tulekabila ukwishiba ukubelenga no kulemba. Bushe icilonganino cenu calikwata programu wa kwafwa abalefwaisha ukwishiba ukubelenga no kulemba?

Amasukulu ya shibukeni yaba mitantikile iisuma iyapangwa ne Nte sha kwa Yehova kuli abo ababa mu cilonganino abashaishiba ukubelenga. Bushe mwalileka ukusangwa kuli shibukeni? Apo ukubelenga no kulemba filafwaikwa sana mu cilonganino ca Bwina Kristu, tulemukoselesha ukutendeka ukusangwa na kabili kuli shibukeni no kushukila uyu programu uwabako pa Mayanda ya Bufumu ayengi.

Ifilonganino filesha ukupekanya shibukeni ukubomfya akatabo ka Sambilileni Ukubelenga no Kulemba. Uyu broshuwa e ko aba mu ndimi shakonkapo: iciNgeleshi, iciChewa, iciTonga, Icibemba, iciLozi, ne iciLubale. Mukwai afweni bonse ukwishiba ukubelenga no kulemba pa kuti bengabombako sana uyu mulimo wa nsansa uwa kusambilisha no kupanga abasambi.—Imil. 20:35; Ubutumikishi Bwesu Ubwa Bufumu ubwa August 2003, ibula 7.