Ifya Kubilisha

◼ Ulupapulo lwa kutambika mu March: Tambikeni broshuwa wa Mulelola. Nga ca kuti abantu bali abayangwako nga nshi, kuti mwafumya icitabo ca Ukwishiba no kutendeka isambililo lya Baibolo. April na May: Ulupungu lwa kwa Kalinda na Loleni! Pa fipempu fya kubwelelamo, esheni sana ukutambika icitabo ca Pepeni Lesa. Ubuyo bwesu kutendeka amasambililo ya Baibolo, sana sana na bantu abasambilila kale icitabo ca Ukwishiba na broshuwa wa Cintu Lesa Afwaya. June: Sambilila Kuli Kasambilisha Mukalamba. Nga ca kuti abantu batila tabakwata abana, kuti mwabatambika icitabo ca Insansa sha Lupwa nelyo icitabo ca Ukwishiba. Mukwai ipamfyeni ukutendeka amasambililo ya Baibolo.

◼ Ifilonganino fifwile ukupeela bamagazini abapya aba Ulupungu lwa kwa Kalinda na Loleni! kuli bakasabankanya ilyo line fye bamagazini bafika. Ici cikalenga bakasabankanya ukwishiba ifili muli bamagazini ilyo bashilabashalika mu mulimo wa mwi bala. Ubutumikishi Bwesu Ubwa Bufumu na bo bufwile ukupeelwa kuli bakasabankanya ilyo line fye bwapokelelwa. Nalimo kuti bwapeelelwa mu Masambililo ya Fitabo aya pa Cilonganino.

◼ Ilyo muli pa bulendo kabili mulefwaya mukasangwe na ku kulongana kwa cilonganino, ukulongana kukalamba, nelyo ukwa citungu ku calo cimbi, nga mulefwaya ukwishiba ubushiku, inshita ne cifulo ca kulonganinapo, mufwile ukutumina iofesi lya Nte sha kwa Yehova ilyangalila umulimo muli ico calo. Amaadresi ya maofesi ya musambo yaba pe bula lya kulekeleshako ilya Yearbook wa nomba line.

◼ Bakalemba abasunga ifipepala fya Certificate of Registration nelyo Certificate of Exemption from Registration filya fine bapokele ku buteko bafwile ukutuma ifyo fipepala kwi ofesi lya musambo. Amakope yambi yakapangwa ayakasainwapo no kuumwapo inshimbi. Aya e yakatumwa ku filonganino ku kusungwa mu mafaelo.

◼ Bakalemba ba pa Cilonganino bafwile ukukwata amaformu ayengi aya Formu wa Kulembeseshapo Bupainiya bwa Nshita Yonse (S-205) na formu wa Ukulomba Bupainiya bwa Kwafwilisha (S-205b). Aya maformu kuti yaordwa pali formu wa Literature Request Form (S-14). Kwateni amaformu mwingabomfya umwaka onse.

◼ Icibukisho cikaba pali Cine pa March 24, 2005. Nga ca kutila mulalongana pali Cine, mufwile ukutwala uko kulongana pa bushiku bumbi nga cingacitika. Nga takuli ubushiku bumbi ubo mwingalonganapo kabili tutile mulongana Ukulongana kwa Mulimo, lyena amalyashi ya muli uyo mulungu ayakumine sana icilonganino cenu kuti yalandwapo pa Kulongana kwa Mulimo kumbi.

◼ Pali ino nshita Inte sha kwa Yehova bamo nabakwata amatepu ya nyimbo sha Bufumu ishaimbwa mu matyuni yalumbuka. Ukuteyanya kwesu te kwakopele isho nyimbo iyo. E ico mwilasalanganya ayo matepu atemwa ukufumya isho nyimbo pa Intaneti.