Ifyo Mwingashalika Broshuwa Itila Bushe Lesa mu Cituntulu Alatusakamana?
Pa numa ya kulanda icabipa icicitike, limbi kuti mwatila:
“Bushe batini nga ca kutila Lesa alitusakamana cinshi alekela abantu ukulacula? [Lekeni basuke.] Aka katabo kalyasuka ici cipusho bwino bwino kabili kalanda ne co Lesa akacita nomba line. [Mulangeni ifikope fyaba pe bula 27, kabili belengeni ilembo lya Amalumbo 145:16 ilili mu paragrafu 22.] Bushe Lesa akacita shani pa kupwisha ukucula konse ukwa bantunse? Kuti natemwa ukwisalanshanya na imwe uyu mulandu ilyo nkabwela.” Mutambikeni broshuwa, kabili umfwaneni ukuti mukamonane na kabili.
Ilyo mwabwelelako, kuti mwatila:
“Ulya muku naishile, twabelengele ili lembo. [Belengeni Amalumbo 145:16 nelyo landeni fye amashiwi yabapo.] E lyo namwipwishe nati: Bushe Lesa akacita shani pa kupwisha ukucula konse ukwa bantunse?” Mwebeni abuule broshuwa wakwe. Lyena kupukuleni pa mabula 27 na 28, no kulanshanya amaparagrafu 23 ukufika ku 25. Mutambikeni isambililo lya Baibolo, nelyo mwebeni ukuti mukalanshanya amaparagrafu 26 na 27 ilyo mukabwela.
**********
Kasabankanya umwaice kuti atila:
“Abaice banandi balasakamikwa pa fyo ubwikalo bukaba nga papita imyaka 10 nelyo 15. Bushe imwe mumona kwati ubwikalo bukaba shani pa numa ya iyi myaka? [Lekeni basuke.] Amafya tulemona lelo cishibilo ca kuti tuleikala mu nshiku sha kulekelesha. [Belenga 2 Timote 3:1-3.] Aka katabo nakaasuka ifipusho ifi. [Belenga ifipusho fili pa nkupo, no kutambika broshuwa.] Ilyo nkabwela, nga mukakwata inshita, kuti natemwa ukulanshanya na imwe pa cintu cimo icikamukoselesha, ne ci, ni mpela ya kulwala no bukote.” Umfwaneni ukuti mukabwele.
Ilyo wabwelelako, kuti watila:
“Ilyo twalanshenye umuku wafumineko, natile nalefwaya ukwisamwebako pa kupwa kwa kulwala no bukote. Ifyo fyebo fyaba apa.” Bebe babule broshuwa yabo. Lyene lanshanyeni amaparagrafu 6 na 7 pe bula 23 na 24. Umfwaneni ukwisalanshanya amaparagrafu 8 na 9 ilyo ukabwelelako.
**********
Nga ca kutila umukalamba alebomba no mwaice, kuti atendeka ati:
“[Kantwa] alefwaya amubelengeleko ilembo. [umwaice abelenga Amalumbo 37:29 no kulandapo panono.] Aka katabo kalelanda pa fyo Lesa akafikilisha ico afwaya ukucitila abantu ne fyo afwaya isonde ukuba. [Balangeni ifikope fyaba pa mabula 24 ukufika ku 27.] Ilyo tukabwela, tukesamulanga ubulayo bwaba mu Baibolo ubwa kuti abafwa bakabuuka.” Tambikeni broshuwa, kabili umfwaneni ilyo mukabwela.
Ilyo mwabwelelako, umukalamba kuti atila:
“Ulya muku twaishile, twabelengele Amalumbo 37:29 kabili twatile tukabwela ku kwisamulanga ifyo Baibolo yalanda pa kubuuka kwa bafwa. Moneni ifilembelwe apa.” Bebeni babuule broshuwa yabo, kabili lanshanyeni amaparagrafu 12 ukufika ku 14 pa mabula 24 na 25. Batambikeni isambililo lya Baibolo, nelyo kuti mwaumfwana ukwisalanshanya nabo amaparagrafu 15 na 16 ilyo mukabwela.