Ukutantika Ukulongana Kwa Mulimo

Umulungu wa Kutampa September 12

Ulwimbo 29

10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Konkeni ifili pe bula 8 (nga nafilinga mu cifulo mubombela) ku kulangilila ifya kutambika Ulupungu lwa kwa Kalinda ulwa September 15, na Loleni! wa July-September. Kuti mwabomfya icilangililo cimbi icingabomba bwino mu cifulo cenu. Lekeni eluda acite icilangililo cimo kabili umwaice na o acite cimbi ukubomfya ifi fyebo. Pa numa ya cilangililo cimo na cimo, landeni pa fisuma ifyaciba mu cilangililo.

20 min: Finshi Mupanga Ukucita Ifya ku Mupashi? Ilyashi no kulanshanya ne bumba ukufuma mu citabo ca Abaiteyanya Ukucita Ukufwaya kwa kwa Yehova icipandwa 10. Komaileni pa fyo amalembo yalanda ifilangilila ukuti tufwile ukutinamina imilimo yalundwako.

15 min: “Ukutungulula Amasambililo ya Baibolo Ayalunduluka.”a Ukulanshanya ne bumba ulubali 1 na 2 mu ca mu kati. Kabili moneni Ubutumikishi Bwesu Ubwa Bufumu ubwa August 2004, ibula 1. Mulandu nshi cacindamina ukupekanya bwino bwino lyonse ilyo muletungulula isambililo lya Baibolo? Kuti mwapekanya shani? Ebeni ibumba ukushimika ifyo baabomfya imitubululo yapeelwa mu Ubutumikishi Bwesu Ubwa Bufumu. Pa kusondwelela landeni pa mukululo uli pa mulu we bula lya kubalilapo ilya ca mu kati.

Ulwimbo 110 ne pepo lya kusondwelela.

Umulungu wa Kutampa September 19

Ulwimbo 168

10 min: Ukubilisha kwa pa mwenu.

20 min: Twabombele Shani Umwaka Wapwile? Kangalila wa mulimo apituluka mu fyacitilwe mu mwaka wa mulimo uwapwile, akomaila pa fisuma ifyabombelwe mu butumikishi. Tasheni bamunyinefwe umo bacitile bwino. Landeni pali cimo nelyo fibili ifilekabilwa ukubombelwapo mu mwaka uleisa. Landeni pa fyo bapainiya babomba, kabili batasheni pa milimo yabo iisuma. Shimikeni ifisuma ifyafumine mu kwafwa abanaka.

15 min: Mube Abatemwana Nga Nshi. Ilyashi ukufuma mu Ulupungu lwa kwa Kalinda ulwa October 1, 2004, amabula 14 ukufika ku 18, amapragrafu 1 ukufika ku 14.

Ulwimbo 199 ne pepo lya kusondwelela.

Umulungu wa Kutampa September 26

Ulwimbo 122

10 min: Ukubilisha kwa pa mwenu. Belengeni lipoti wa ndalama ne fyebo fya kutasha pa misangulo mwatumine ku musambo. Cinkuleniko bakasabankanya ukuleta amalipoti ya mulimo wa mwi bala aya mu September.

15 min: Ukukabila kwa pa mwenu.

20 min: Ukulenga Imbila Nsuma Ukwishibikwa Ukubomfya Bamagazini. Mu October, tukalatambika Ulupungu lwa kwa Kalinda na Loleni! Pa kutendeka kwe lyashi, lanshanyeni imitubululo ili mu Ubutumikishi Bwesu Ubwa Bufumu ubwa February 2005, pe buula 8, amaparagrafu 3-6: (1) Tambikeni bamagazini bonse babili. (2) Pekanyeni ubushiku bumo cila mulungu ubwa kushalikamo bamagazini. (3) Yimikileni impendwa ya bamagazini mwakulashalika cila mweshi. (4) Shalikeni magazini lyonse ilyo ishuko lyamoneka. (5) Shalikeni bamagazini ba kale. Bomfyeni iyi mitubululo ukulingana ne ncende umo mushimikila. Lyena ukubomfya imitubululo ili muli buno Ubutumikishi Bwesu Ubwa Bufumu pe bula 8, langilileni ifya kushalika Ulupungu lwa kwa Kalinda ulwa October 1 na Loleni! iya July-September ukubomfya ifyebo fili pe bula 8 (nga kuti yabomba mu cifulo mubombela). Imitubululo imbi iilingile kuti yabomfiwa. Na kabili, landeni pa fipande fimbi ifili muli bamagazini ifyo abantu bengatemwa mu cifulo mubombela, kabili citeni icilangililo pa fyo mwingabomfya ico cipande. Pa numa ya cilangililo landeni pa fisuma fyaciba mu cilangililo.

Ulwimbo 3 ne pepo lya kusondwelela.

Umulungu wa Kutampa October 3

Ulwimbo 54

5 min: Ukubilisha kwa pa mwenu.

20 min: “Afweni bambi Ukuba ‘Aba Cumfwila ku Mutima.’”b Nge nshita e ko icili, ebeni ibumba ukulanda pa malembo ayabikilwemo.

20 min: Ukulenga Umutima wa kwa Yehova Ukusekelela. (Amapi. 27:11) Ipusheni ababomfi ba kwa Yehova aba busumino babili nelyo batatu abamubombela pa myaka iingi. Ebeni cila muntu ukushimika cimo nelyo ifintu fibili ifyabafwa ukutwalilila aba cumfwila kuli Yehova. Pa fintu ifingalumbulwa kuti paba isambililo lyabo ilya Baibolo, ukusangwa mu kulongana lyonse, ukwampana ne fibusa na bantu aba cishinka, ukushimikila no mutima wabo onse, ipepo lya kufuma pa mutima, no kutaluka ukwangala kwabipa. Mesho nshi bapitilemo pa kuba aba cumfwila, kabili bacimfishe shani ayo mesho? Bushe bapaalwa shani pa mulandu wa kuba ne cumfwila?

Ulwimbo 170 ne pepo lya kusondwelela.

[Amafutunoti]