Ukupitulukamo Kwe Sukulu Lya Butumikishi Ilya Bulesa
Amepusho yakonkapo yakapitulukwamo mwi Sukulu lya Butumikishi Ilya Bulesa mu mulungu wa kutampa uwa December 26, 2005. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa November 7 ukufika December 26, 2005. [Icishibisho: Apashili ica kuloshako, mufwile ukuisapikila pa kusanga amasuko.—Moneni icitabo ca Nonkelenimo, amabu. 36-7.]
UKUFUNDA PA MILANDILE
1. Kuti twacita shani pa kutila ukukonkomesha kwesu kupeelwe “pa mulandu wa kutemwa”? (File. 9) [be ibu. 266]
2. Ni mu nshila nshi ‘twingakonkomesesha mwi sambilisho ilituntulu’? (Tito 1:9) [be ibu. 267 amapara. 1-2]
3. Mulandu nshi cacindamina ukulanda amalyashi ya kukoselesha, kabili kuti twacita shani ifyo? [be ibu. 268 amapara. 1-3, umukululo]
4. Ukupashanya filya Mose acitile, bushe ukwafwa bambi ukulaibukisha ifyo Yehova acitila abantu bakwe kuti kwabakosha shani? (Amala. 3:28; 31:1-8) [be ibu. 268 para. 5–ibu. 269 para. 2]
5. Mulandu nshi ukulandila mu nshila ilanga ukutila tulabekelwa mu fyo Yehova acita nomba ne fyo akacita ku ntanshi kwingakoselesesha bakomfwa? [be amabu. 270-1]
ILYASHI NA. 1
6. Septuagint cinshi kabili mulandu nshi yacindamina ku Bena Kristu? [si ibu. 307 para. 12–ibu. 310 para. 14]
7. BaMasore bali ni bani, kabili mulimo nshi wacindama babombele uwayafwilishako ukupilibula kwa Baibolo? [si ibu. 310 para. 18; ibu. 311 amapara. 20-1]
8. Fyalembwa nshi ifyo babomfeshe pa kupilibula Amalembo ya ciHebere aya muli New World Translation mu ciNgeleshi, kabili mulandu nshi twingalandila ukutila ubu bupilibulo bwa Baibolo bwalishintililwapo kabili bwalicetekelwa? [si ibu. 312 amapara. 28, 30]
9. Bushe Abena Kristu ba kubalilapo balangishe shani ukuti balefwaisha ukusabankanya Icebo ca kwa Lesa? [si ibu. 315 amapara. 1-5]
10. Bushe ukupituluka muli bamanyuskripiti na mu Malembo ya Mushilo ayabako pali nomba kusokolola cinshi pali Baibolo? [si ibu. 320 para. 32]
UKUBELENGA BAIBOLO UKWA CILA MULUNGU
11. Bushe ifi Davidi bashamusuminishe ukukuula itempele kulangilila ukuti Yehova talesuminisha inkondo isho alelwa? (1 Imila. 22:6-10)
12. Ilyo Solomone alepepa pa ku kupawila itempele, alangilile shani ukutila Yehova alabika amano ku fikabila ababomfi bakwe bonse capamo e lyo na ku bantu umo umo abamutiina? (2 Imila. 6:29, 30)
13. Bushe “ifibanda fyapale mbushi” ifyalandwapo pali 2 Imilandu 11:15 (NW) finshi?
14. Apo Baasha atendeke ukuteka “mu mwaka walenga butatu uwa kwa Asa” kabili atekele fye imyaka 24, kuti twalinganya shani inshita Baasha aninine ku “kulwisha Yuda” mu “mwaka walenga amakumi yatatu na mutanda (36) uwa kuteka kwa kwa Asa”? (1 Isha. 15:33; 2 Imila. 16:1)
15. Ifikacitikila icalo ca kwa Satana fyalangililwa shani bwino bwino pe lembo lya 2 Imilandu 20:22, 23?