Ukutantika Ukulongana Kwa Mulimo
Umulungu wa Kutampa April 10
Ulwimbo 49
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Langilileni ifyo mwingashalika Ulupungu lwa kwa Kalinda ulwa April 15 na Loleni! ya April-June ukubomfya imitubululo ili pe bula 8 nelyo imitubululo imbi iingabomba bwino ku mwenu. Mu cilangililo cimo, lekeni kasabankanya atambike ne citabo ca Baibolo Isambilisha ku mwine wa ng’anda uwalanga ukuti natemwa sana ubukombe bwa mu Baibolo.
15 min: “Ifyo Mwingatwalilila Ukuba Abapimpa.”a Landeni na pa fyebo fimbi ifyaba mu Ulupungu lwa kwa Kalinda ulwa June 15, 2002, ibula 14, paragrafu 13.
20 min: “Bushe Kuti Mwayalula Inshita Mubomba mwi Bala?”b Bomfyeni ifi fyebo ukulanda pa ficitika mu cifulo mubombela. Landeni pa kupekanya kwa cilonganino ukwa kushimikila inshita ya cungulo.
Ulwimbo 13 ne pepo lya kusondwelela.
Umulungu wa Kutampa April 17
Ulwimbo 104
10 min: Ukubilisha kwa pa mwenu. Landeni ifyo ukutantika kwa cilonganino kuli pa lyashi lya cintubwingi ilyaibela. Koselesheni bonse ukutwalilila ukulabomfya ibula lya kulekelesha ilya Ulupungu lwa kwa Kalinda ulwa April 1 ukwitilapo abantu ku Cibukisho, abasambi ba Baibolo, na bantu bambi abalesekelela. Landeni mu kwipifya ifyacitike mwi bala fibili nangu fitatu ilyo bamo balebomfya Ulupungu lwa kwa Kalinda ukwitilapo abantu ku lyashi lya cintubwingi ilyaibela.
20 min: “Ukwishiba Bwino Bwino Ifyo Abantu ba kwa Lesa Bamona Ukufyala Abana.”c (Amaparagrafu 1-10) Belengeni amaparagrafu yonse. Ukulandwa na munyina utungulula bwino aba mu ng’anda yakwe kabili uwakwata “bana abasumina.” (Tito 1:6)
15 min: Umulimo Kristu Abomba mu Kuteyanya kwa kwa Lesa. Ilyashi ukufuma mu citabo ca Abaiteyanya Ukucita Ukufwaya kwa kwa Yehova, amabula 10-13.
Ulwimbo 162 ne pepo lya kusondwelela.
Umulungu wa Kutampa April 24
Ulwimbo 66
15 min: Ukubilisha kwa pa mwenu. Belengeni lipoti wa ndalama no kutasha ukufuma ku musambo pa bupe mwatumine. Mu May tukatwalilila ukulashalika Ulupungu lwa kwa Kalinda na Loleni! Langilileni ifya kushalika Ulupungu lwa kwa Kalinda ulwa May 1 na Loleni! ya April-June ukubomfya imitubululo ili pe bula 8 nelyo imitubululo imbi iingabomba bwino ku mwenu. Pa numa ya filangililo, landeni pa fipande fili muli aba bamagazini ifyo abantu bengatemwa ku mwenu.
30 min: “Ukwishiba Bwino Bwino Ifyo Abantu ba kwa Lesa Bamona Ukufyala Abana”d (Amaparagrafu 11-28) Belengeni amaparagrafu yonse. Ukulandwa na munyina utungulula bwino aba mu ng’anda yakwe. (1 Tim. 3:4; Tito 1:6)
Ulwimbo 191 ne pepo lya kusondwelela.
Umulungu wa Kutampa May 1
Ulwimbo 211
10 min: Ukubilisha kwa pa mwenu. Cinkuleniko bakasabankanya bonse ukusha lipoti wa mulimo wa mwi bala uwa April. Lanshanyeni umukululo uuletila: “Bushe Mulepushako Abantu Ukuti Bamwebeko na Bambi Abengatemwa Ukusambilila?”
15 min: “Langeni Ukuti Mulasakamana Abantu Bambi—Pa Kubalolesha pa Menso.” Sanshenimo ne cilangililo umuli kasabankanya uulelolesha umuntu pa menso mu cintubwingi, atendeka ilyashi, ashimika no bunte.
20 min: Ukukabila kwa pa mwenu.
Ulwimbo 82 ne pepo lya kusondwelela.
[Amafutunoti]
a Amashiwi ya ntendekelo muyalande mu nshita fye iinono, ifika kuli miniti umo, lyena mutendeke ukulanshanya kwa cipusho ne casuko.
b Amashiwi ya ntendekelo muyalande mu nshita fye iinono, ifika kuli miniti umo, lyena mutendeke ukulanshanya kwa cipusho ne casuko.
c Amashiwi ya ntendekelo muyalande mu nshita fye iinono, ifika kuli miniti umo, lyena mutendeke ukulanshanya kwa cipusho ne casuko.
d Amashiwi ya ntendekelo muyalande mu nshita fye iinono, ifika kuli miniti umo, lyena mutendeke ukulanshanya kwa cipusho ne casuko.